Jeremiah 10:16 - Ohiatonhseratokénti

¹⁶ Ne Jacob Raoní꞉io kwáh iáh thènen thateskahieróntare; rahónha séh norihwaʼkwékon rohshahánion, tánon Israel washaʼkohiataráko ne kwáh rahónha rahonkwetaʼshón꞉a ahónton. Né ne Roiá꞉ner Roshastsʼtenserowánen ne raosénna.

Jeremiah 10:16 ပူးပေါင်းရင်းမြစ်များ

Psalms 119:57

Iateshiá꞉ti khók tekoniatonhontsóni, Ó Saiá꞉ner; wakaráhratsʼte tsi enkatewénhnarahkwe ne saianerénhseras.

Psalms 135:4

Asèken ne Roiá꞉ner Jacob rohtonkwetarákwen, ne Israerʼró꞉nons kwáh rahónha rahonkwetaʼshón꞉has í꞉ken.

Psalms 142:5

Í꞉seke iatkahsénhtho, Ó Saiá꞉ner; Wakíron, “Í꞉se ne tsi katashetákwah í꞉ken, ne nakáwenk ne tsi ionhontsáte ne iakónnhe.”

Psalms 33:6

Né Roiá꞉ner kwáh nek khók tsi taʼhatá꞉ti onhtónh꞉ni ne tsi karonhiáte, tánon nenhtiekhenékha karáhkwa, nasonthenʼné꞉kha karáhkwa, tánon ne tsi iotsistokwahrón꞉nion onhtónhi tsi nontahatónhrie ne tsi rasakáronte.

Psalms 73:26

Nakenikónra tánon natierón꞉ta nontsérek enhiotsihióhaʼne, ók Rawenni꞉io kíʼ nakeshaststénhsera í꞉ken nakwerhiá꞉ne, tánon tsi natahonʼkatonhontsóniʼke tsi nénhwe enkénhake.

Psalms 74:2

Sehiehiárak ne shonkwetaʼshón꞉ha, tsi nikáien ne satonkwetaʼráhkwen ne waʼhónhnise tkènhne, Né꞉ne kwáh í꞉se sehiataráhkwen ne shonkwetaʼshónha aʼhónton. Sasehiáran tsi iohnón꞉te ne Zion, tsi nón꞉we ieshiterónhtaʼkwe.

Exodus 19:5

Ónenh kíʼ, tó꞉ka enskewénhnarahʼkwe ó꞉ni enshaʼteweiénton nakateriwaseronhniáʼtshera, kwáh í꞉se nakonhkwéta enkénhake. Ohontsakwékon Í꞉i ahʼkáwenk, ók íse kíʼ nekwahiaʼtaráhkwen nonhkweshón꞉ʼa,

Exodus 34:9

Wahénron, “Saiá꞉ner, tó꞉ka kwáh tókenske serientí꞉ios nakonhàke, Konriwanonhtónhnis nahitewaʼteró꞉shen. Kíʼ onkweshón꞉a ne rotinonhtsistanírons, ók shaʼsanikónhren nonhkwariwahetkénsera tánon nonhkwahriwanerenháktshera, tánon takwahiéna tsi í꞉se shonkwéta akénhake.”

Proverbs 16:4

Akwé꞉kon ne Roiá꞉ner tsi nahò꞉ten róhson nieionateríhonte; tsi niahonenonhátie ne rotirihwaneraʼákskon enhatiiaʼtáhton.

Isaiah 19:25

tsi nikáien ne Sakoiá꞉ner ne ratiʼronhiakeró꞉nons sakohiatateríston, ratónhnions, “Rotihiatatérists ne Egyptró꞉nons nakonkwetaʼshón꞉has, tánon ne Assyriaró꞉nons ne tsi niwatsioténʼen ne katsanàkes, tánon ne Israel né nakawenhkón꞉we í꞉ken.”

Isaiah 45:7

I꞉i wákshon ne teioswát꞉te tánon wák꞉shon ne tetsiókaras, I꞉i kónhnis ne kaiataterítsheras ó꞉ni kónhnis nateraswaksénhtshera; I꞉i ne Watiá꞉ner thóh nitié꞉ra ki naorihoténsons.

Isaiah 47:4

Né sheʼshonkwahiatákwen—né꞉ne Sakoiá꞉ner ne ratiʼronhiaʼkeró꞉nons né ronwá꞉iast— Rahonhatsíwaʼkhok ne Roiatatokénti í꞉ken NʼIsraerʼronónke.

Isaiah 47:6

Kheʼnakwáhsene nakonkwetaʼshónhas, Waketʼkénte tsi kwatsiratátie; Hiaʼkehiátʼkaʼwe thóh satsanàke, iáh othènon tesehnatónhni ne kenténhron; né꞉ne thoʼthí꞉ions washeʼhiónhnien ne saʼtientaniák꞉ta kwáh í꞉ken tsi iókste.

Isaiah 51:15

Asèken Í꞉i ne Watiá꞉ner í꞉ken né sah Ní꞉io í꞉ken, rahʼonha tehanonwafʼfátha ne kaniatarakhekówaʼne ne ká꞉ti ne tsi ionontakwahrontónhtses tahiahónhare— né Sakoiá꞉ner ne ratiʼronhiakeró꞉nons né꞉ne raosénhna í꞉ken.

Isaiah 54:5

Asèken ne Iaiatíson né꞉ne teseníteron í꞉ken, ne Sakoiá꞉ner ne ratiʼronhiakeró꞉nons né kí raoʼsénhna í꞉ken; Né꞉ne Roʼiatatokénti Énska í꞉ken NʼIsraerʼronónke né꞉ne shiaʼiatákwen, né Rawenni꞉io í꞉ken nonhontsaʼkwékon né ronhwanatónhkwah.

Jeremiah 10:12

Ne Roiá꞉ner tsi róhson tsi ionwenhtsiáte raoshastsʼténsera rótston; tsi rokwahtáhkwen ne tsi ionwenhtsiáte raonikonhrowaʼnhátshera rótston tánon ne ne raonikonhraienʼtátshera wahtewatirónten tsi karonhiáte.

Jeremiah 10:6

Saiá꞉ner, kwáh iáh ónhka ne ahonshaieshaiérenʼke; shaʼshastsʼtenserowánen, tánon tsennowánen ó꞉ni sehshástsʼte.

Jeremiah 31:35

Ne Roiá꞉ner tatkáwas ne karáhkwah tahkaswátʼtheʼte tsi niwenhnísehres, nasontʼthennéka karáhkwah tánon ne tsi iotsistokwahrónnions ne nènhne tahkeniswátʼtheʼte nasontʼthénne. Tehanonhwafʼfátha ne kaniatarahkheʼkówah tánon rónnis nahionronkhatónhake; ne raoʼsénna ne ne Roiá꞉ner Roshastsʼtenserowáhnen.

Jeremiah 32:18

Sehnésthon ne iorihwahthó꞉ken sahnoronkwáhtshera raoʼtihénton ne tewenhniawehetseráhsen nihionkwéhtahke, ók kíʼ ó꞉ni sehrewáhtha nonhkweshón꞉a né karihónnis ne raoʼthirihwahnerahákʼtshera ne ronwahtiʼienokónha. I꞉se ne teshaʼtenonhianíton ó꞉ni sashaststenseró꞉wahnenh Ní꞉io; i꞉se ne Saiá꞉ner Sashastsʼtenserowáhnenh.

Jeremiah 33:2

Ne Roiá꞉ner, tsi rahónʼa rahonhontsíshon, rahónʼa rahontsiasehrónni tánon wahakwahtháko tsi waháien, wahatʼthárahse. Ne rahónʼa raosénna ne ne Roiá꞉ner wahénron,

Jeremiah 46:18

Í꞉ih, ne Watiá꞉ner Keshastsʼtenseroʼwáhnen, Wakenonhtí꞉io. Í꞉i ne konnhehónwe Ní꞉io. Tsi ní꞉ioht ne tsi ionónhte Tabor tiehiononhtakéthoʼte ne tsi ionnonhthénions ó꞉ni ne tsi ionónhte ne Carmel éhnheken ionónhte ne kaniatarahkhekówa, káti ehniháshastsʼte ne ienhiatiatónti.

Jeremiah 50:34

Ók tsi nikáien ne enseshaʼkoniákenʼte tsi rashástsʼte—ne raosénhna ne꞉ne Roiá꞉ner Roshastsʼtenserowáhnenh. Rahonhatsíwah tenhathaʼtékwahse ne raoʼtiriwahsónha tánon entáhaʼwe ne skénnenh ne tsi ionhwenhtsáte, ók aterihothaʼrókʼtshera enkaiéntahne tsi nòkwah ne onhkweshón꞉a ne Babylonia nónhwe.”

Jeremiah 51:19

Ók ne Sakoní꞉io ne Israerʼró꞉nons iáh ne kahiatónhni tèken! Kwáh rahonhatsíwah norihwahkwékons rohshahánion tsi nihiothánions, ne rahonkwetaʼshón꞉a thóh ratiʼhiátareh, kwáh rahónʼa shakokweniénston. Né꞉ne Roiá꞉ner Roshastsʼtenseroʼwáhnen ne raoʼsénhna.

Lamentations 3:24

Thokʼkhók níkon wátsien ne:ne Roiá꞉ner, ne káti aoríhwa rahonháke non nikeniahésen.

Amos 4:13

Asè꞉ken sewtkáhtho, tsi niká꞉ien ne ráhsaʼahs ne tsi ionontahrónnions, rawerón꞉nis kí nénhné꞉e, shakorihotahshièn꞉nis nonkwehó꞉kons; tethaʼkahraráhstha nohrhonʼké꞉ne nikahá꞉wi, tánon é꞉neken nihatohétstha ne tsi ionhontsá꞉te— né꞉ne Roiá꞉ner, ne Rawenni꞉io rotokénhti í꞉ken, ne ne raosèn꞉na!

Zechariah 2:12

Shé꞉kon énska iensehwaterátsthe ne Judah kwáh kahtokénston rahonhatsí꞉wa ne Roiá꞉ner enhahiathakwénhioke thóh nón꞉we rahonwenhtsiatokenhtí꞉ke, tánon Jerusalem ne kanahtowá꞉nen ne tsiahonhà꞉a entahnatanorónhkwake.

Deuteronomy 32:9

ók ki ne Jacob tsi nitotwatsirí꞉non raónha nénhne wahathonkweʼtará꞉ko.