Jeremiah 10:12 - Ohiatonhseratokénti

¹² Ne Roiá꞉ner tsi róhson tsi ionwenhtsiáte raoshastsʼténsera rótston; tsi rokwahtáhkwen ne tsi ionwenhtsiáte raonikonhrowaʼnhátshera rótston tánon ne ne raonikonhraienʼtátshera wahtewatirónten tsi karonhiáte.

Jeremiah 10:12 ပူးပေါင်းရင်းမြစ်များ

Genesis 1:1

Tsi tiotáhsawe Rawenni꞉io wahá꞉ronhionhni tánon waronhontionhni,

Genesis 2:5

iáh oʼthé꞉nen tekaiéntakwe ne kaienthóhtshera ne tsi ionhwentsá꞉te iáh ó꞉ni ne kanenhaʼshón꞉ʼa oʼthé꞉nen tetká꞉nios, asékenh ne Roiá꞉ner Rawenni꞉io ne tsi iáh á꞉reʼkhok tehokennoréhston, tánon iáh ónka tehaonkwé꞉taien ne tahonʼkenhrawénrie;

1 Chronicles 16:26

Asèken akwékon nonkweshón꞉has akoniʼiohokónhas kahiatonhnisónha í꞉ken, ók Roiá꞉ner, róhson ne tsi karonhiátes.

Job Tánon ne Raoronhiakensera 26:7

Raónha wathatirónhten nothorè꞉ke tsi nón꞉we ne iáh othé꞉non tekénhne, tánon thóh wahanihiónthen nohón꞉tsa tsi nón꞉we ne iáh othé꞉non tè꞉ken.

Job Tánon ne Raoronhiakensera 37:18

Askwé꞉ni ken ní꞉se, tsi ní꞉ioht ne raónha, tastakwárihte ne tsi karonhiá꞉te, thóh nahioní꞉ronhke tsi ní꞉ioht nonawástha nó꞉nen ionawasthanirà꞉hon?

Job Tánon ne Raoronhiakensera 9:8

ónhka iatehahiátit khók tehotakwahríhton ne tsi karonhiá꞉te tánon waharatatséshon ne tsi ionontakwahronhtón꞉nions ne kaniatarakeʼkowáhne;

Psalms 104:2

ne tesatʼwahwenhétʼthon ne kaswatʼthétsera tsi ní꞉ioht natʼtserónhnia akénhake. Waʼtestakwáhrihte ne tsi karonhiátes tsi ní꞉ioht natóhsehra,

Psalms 104:24

Ó Saiá꞉ner, tsi niʼiaweʼtowánen sahiothénhen! Satʼthokhaʼtsherákon nón꞉we nitsawénon tsi nahothénson akwékon shasahánionʼ ne tsi ionhontsáte titʼthatíhere né ronhnonnhénion sehiaʼtíson.

Psalms 119:90

Ne sarihwatokentítsera kwáh tenhkawisátsteke ratikwékon ne tahatiwahtsiraʼthátse; kwáh iohrihwaníronh tsi ní꞉ioht tsi shonhontsíshon.

Psalms 24:2

asèken kaniatarakhekówane nón꞉we nihahontiónhni, tánon rorihwaʼniráhton ne tsi kaniataré꞉nions.

Psalms 33:6

Né Roiá꞉ner kwáh nek khók tsi taʼhatá꞉ti onhtónh꞉ni ne tsi karonhiáte, tánon nenhtiekhenékha karáhkwa, nasonthenʼné꞉kha karáhkwa, tánon ne tsi iotsistokwahrón꞉nion onhtónhi tsi nontahatónhrie ne tsi rasakáronte.

Psalms 65:7

Í꞉se skénnonk thisehshónhnis tsi natekaweratáses ne kaniatarakekó꞉waʼne tsi niʼionontakwarontónties, tsi nihiakorítstare nonkweshón꞉ha.

Psalms 78:69

Thóh nón꞉we nahanonsónhni ne tiotenón꞉sate raononsatokénti, thóh nihioníron tsi ní꞉ioht ne tsi karonhiáte, tánon tsi ní꞉ioht ne tsi ionwenhtsáte, ne tsi nihokwahtákwen tsi nénhwe enkénhake.

Psalms 93:1

Né Roiá꞉ner rahónha seh ne ronhnontí꞉io í꞉ken, ne rotʼtseronhniáton ne kanonhtiʼiótshera aotserónhniat; ne Roiá꞉ner rotʼtserónhni, ne rotiatanát꞉ton ne kashaststénhsera. Iorihwaʼníronh tsi nisakwahthákwenh ne tsi ionhontsáte; kwáh kíʼ iáh nonwénhton tahó꞉then takakwéni nahioriáneron;

Proverbs 3:19

Raottokháhtshera ne Roiá꞉ner wahronhwentsísa; né tsi nihoʼnikonhrowá꞉nen waható꞉kenhsteʼ tsi karonhiatátie.

Proverbs 30:4

Ónhka kenh ó꞉nen akwé꞉kon tiakorihwahsaʼáhton ne karonhiaʼkéhkha kaweientehtáhtshera? Ó꞉nen kenh ónhka iehsnonsà꞉ke ionhtsaʼnénhawe ne ówera? Tókaʼ ó꞉ni oniaʼtaraʼá꞉ke ohné꞉ka ahsweʼnón꞉ni? Tókaʼ ó꞉ni ahskwatá꞉ko tsi kaieronnítston tsi ionhwentsá꞉te? Ónhka ká꞉ti, tókaʼ saterién꞉tare? Ónhka ká꞉ti shakotiienʼokón꞉ʼa?

Isaiah 37:16

“Ó Saiá꞉ner ne ratiʼronhiakeró꞉nons, Sení꞉io NʼIsraerʼró꞉nons, thóh rentskwáhere éhʼneken tsi niteron ne niʼnikonhrare iotokentis, í꞉se ne Ní꞉io í꞉ken, ieteshiáʼtiʼkhok, akwékon ne tsi kanakeraserakérons ne tsi ionwenhtsáte; í꞉se shá꞉son ne tsi karonhiáte ó꞉ni tsi ionwenhtsáte.

Isaiah 40:22

Kwáh séh rahónha ne thóh rénskote ne tsi tehiotwenón꞉ni ne tsi ionwenhtsàte, tánon né thóh ienákere ne teshontiérens ne tsistáraʼre; rahónha ne tehatakwahríhtha ne tsi karonhiáte tsi ní꞉ioht ne ioharénhton, tánon tehatakwahríhtha tsi ní꞉ioht natóhsehra ne thóh ahieterónhtake;

Isaiah 42:5

Asèken rá꞉ton ne Rawenni꞉io, né Roiá꞉ner, tsi rahónha róshon ne tsi karonhiáte tánon waʼthatirónhten, rahónha teotakwahríton ne tsi ionwenhtsáte tánon tsi nahó꞉ten ne nón꞉we nitkáhas, rahónha shaʼkotonrietserá꞉wi nonkweshón꞉has ne tsi ionwenhtsáte ó꞉ni nonikónra tsi nihiákon né thóh nón꞉we naʼtehiontekhaʼhákwah:

Isaiah 44:24

Ká꞉ti rá꞉ton ne Roiá꞉ner, né shiaʼhiatákwen, ónhka iesaiatón꞉ni ne tsi watewiʼraráhkwah: I꞉i ne Watiá꞉ner, wakʼsahánion norihwakwékons, iatetiá꞉ti khók tsi tewakʼtakwahríhton ne tsi karonhiátes, iatetiá꞉ti khók tsi wakonhontsaʼkwénhtaron;

Isaiah 45:12

I꞉i wakonhontsíshon, tánon kehiatíson nonkweʼshónhas thóh khéteron; né꞉ne katsanákes tehiotakwahríhton ne tsi karonhiátes, tánon I꞉i kheriwáwi ratikwé꞉kon ne ratironhiakeró꞉nons.

Isaiah 45:18

Asèken ne aoríhwa rá꞉ton ne Roiá꞉ner, tsi rahónha ró꞉son ne tsi karonhiá꞉tes (rahónha ne Ní꞉io í꞉ken!) rahónha raieronhtón꞉ni ne tsi ionwenhtsáte tánon rahónhni (rorihwanirá꞉ton; iáh né teosahá꞉ton ne tsikʼtsaiawénhon, né rahonhniá꞉ton naienákereke!): I꞉i ne Watiá꞉ner, tánon iáh ónhka nakó꞉ren né꞉ne akénhake.

Isaiah 48:13

Katshanáke iotskwáhere ne tsi ionwenhtsáte, tánon né kheweientethákwen watʼkatakwáhriʼte tsi karonhiátes; nó꞉nen shontakatáhti, óksak thóh nahá꞉wenhne.

Isaiah 49:8

Né aoríhwa rá꞉ton ne Roiá꞉ner: Nó꞉nen shesaianerásthen tekonrihwaserakwéni, né tewenhniseráteʼkwe ne kaiatakeʼnhá꞉tshera konsnié꞉non; koniatienawáhstonʼne tánon tkonhiawíhon tsi ní꞉ioht naʼterihwaseronhniátshera nonkweʼtakwékon akorihwáke, né naʼkarihwakwathákwenhke nonhóntsa, takaiakhónhionke ne iahontsaiesáhon tionhontsaʼshónhas;

Jeremiah 10:13

Nónen enhatewenhnátesʼte enwatnekahkarénisʼte ne tsi karonhiátes; tánon rónnis nahioháweiasʼte ne tsi iehiontonhontiotʼtaníhon Tánon rónnis ne tahonnihnekarahwáhnion nónen iokennóron tánon tahtheniétha nòwerah thóh nitewèhtha tsi nónhwe nihaientákwa.

Jeremiah 10:16

Ne Jacob Raoní꞉io kwáh iáh thènen thateskahieróntare; rahónha séh norihwaʼkwékon rohshahánion, tánon Israel washaʼkohiataráko ne kwáh rahónha rahonkwetaʼshón꞉a ahónton. Né ne Roiá꞉ner Roshastsʼtenserowánen ne raosénna.

Jeremiah 14:22

Kwáh iáh ne kahiatonnisónhas ne ónhkwe konhwatisénnaiens tahkonhthikwéni nahonthakonhténieʼthe nokennorésehra; ne iatekahiáti tsi iotsikerahrónnions iáh thakahkwéni naonhstharahténiaʼte. Isèhke nónhwe nihionkwáhien nonhkwahrahrátʼtshera, Ó Saiá꞉ner onhkwahNí꞉io, tioríwa tsi sonhatsíwak khók kí꞉ken eh nisheránions.

Jeremiah 27:5

“Né nakeshastsʼténsera ó꞉ni tsi nikeshástsʼte né wakátston tsi wahkonhontiónni, khehiatísons nonhkweshón꞉a, tánon konhtiʼkwékon ne katʼtshénens ne nonhwenhtsiáke nónhwe nikonhnónnhe; tánon kwáh tsík ónhka entekhéhion tsi nenhtkheráhko.

Jeremiah 32:17

“Sahnonhtí꞉io Saiá꞉ner, i꞉se shá꞉son ne tsi ionwenhtsiáte ó꞉ni ne tsi karonhiáte ne sátsthon tsi sashastsʼtenserowáhnen ó꞉ni sehsátsʼte; kwáh iáh thahóthen ne ahisentoráhkwen.

Zechariah 12:1

Ne kí꞉ken nateriwanhothá꞉tshera tsi nokwáh ne Israel Roiá꞉ner nón꞉we nitsawé꞉nonh, ne Roiá꞉ner raónha tehotakwahrí꞉ton ne tsi karonhiá꞉te, róshon nonhwénhtsa, tánon teshakó꞉wi natónhnhets nonhkweshón꞉ʼa. Rá꞉ton,

John 1:3

Oriȣakȣekon Raonha roson, iah othenon tekason nʼiah raonha tahoson.

Colossians 1:16

Asè꞉ken rahonhá꞉ke nón꞉we ne Rawenni꞉io orihwakwé꞉kon nihosahánion ne tsi karonhiá꞉te ó꞉ni nonwentsiá꞉ke, ne ióken tanon nahóten ne iáh teiókens, thóh í꞉kare ne kariwiiostóntsera ahosasténseras, Rotiʼianers, ratikorásons, tánon ne karíhtons. Rawenni꞉io kwáh orihwakwé꞉kon rahonhá꞉ke non rosahánion ne tsi karonhiá꞉te ó꞉ni ne tsi ionwentsiá꞉te tanon rahónha rahoriwà꞉ke.