Jeremiah 1:17 - Ohiatonhseratokénti

¹⁷ Shaʼtahtewehiennénhtah, Jeremiah; wáhs tánon sehró꞉ri oriwahkwékon tsi nikonhríhonte ne ahsíhron. Tó꞉sa ó꞉nen shaʼsehtshaníhsek. Khés kwáh enkonhiónʼnien ne sénha enshaterónsehke nó꞉nen skátʼke ensehwésehke.

Jeremiah 1:17 ပူးပေါင်းရင်းမြစ်များ

1 Kings 18:46

Né rahoshaststénsera ne Roiá꞉ner wahó꞉rahne ne Elijah; né rahotserónhniat wahanírathe ne tsi wathakwahtásehthe ne rashionhón꞉take tánon ohénton niaháthake tsi rohonwísere ne Ahab kwáh tsi nióre ne Jezreel.

2 Kings 1:15

Né Roiá꞉ner rahoronhiakerónon wahawénhase ne Elijah, “Wáhs shá꞉sene, tánon tó꞉sa sateronhníhak.” Káti ne Elijah wahiateró꞉sen ne rasenhnowánen ronhnonhtí꞉ioke niaháne

2 Kings 4:29

Ne Elisha Gehazi iatotkáneren tánon wahénron, “Óksa! Iahá꞉saf nakathénhnits tánon wáhs. Tó꞉sa ónhka teshenónhweron ne tahitsáteraʼne, tánon tó꞉ka ónhka taiesanónhweron, tó꞉sa sathenhníswat ne taserihwaseráko. Kwáh iasatʼthakwahríhshiat ne tsitkanónhshothe tánon nakathénhnits é꞉neken ne tsi rahiatiónhni ne raksáha ístat.”

2 Kings 9:1

Ethòne ne rotó꞉kense Elisha iahó꞉nonke kentithoiónha rotó꞉kense tánon wahawénhase, “Sathateweienéntan tánon Ramoth Gilead nón꞉we niaháse. Iahá꞉saf kí꞉ken kát꞉tse ne iakeniewátha kénʼie í꞉kare,

Job Tánon ne Raoronhiakensera 38:3

Ó꞉nen kí téstann tsi ní꞉ioht ne rónkwe; enkonrihwanón꞉tonhse tánon ní꞉se tenskerihwaʼserá꞉kwahse!

Exodus 3:12

Ne Rawenni꞉io wahthaʼriwahseràko, “Í꞉i enthenikweʼkónhake, tánon nónenh tenhtesehiaʼtínekenʼwe nonhkweshón꞉ʼa ne Egypt nónhwe, kwáh kènʼen tsi ionónhte ensekʼsénhnaien. Né enkariwahnírahte tsi iekonhiaʼteniéthonʼne.”

Exodus 7:2

Kwʼah tsró꞉ri ne Aaron oriwahkwékon tsi nakonhrihónten, tánon kwáh enhoró꞉ri ne Ronhnonhtí꞉io nashaʼkorihon ne lsraeró꞉nons nahonnakeráhko ne raonahkerahʼserákon.

Jeremiah 1:18

Aseken satʼkato wakonhionhnien nonhwa wenniserate thóh nenh shiathohténhake tsi ní꞉ioht ne tekanahtáhnenh, oni karistatsis kanawahates, tanon notsinekwar asontashonhas ne ne ohontsakwekon aoriwáke, ne nonhne ne Rotinonhtiios ne Judah raotitriwake, oni ne aotiriwakens ne nikontiniios, oni ne raotiriwakens ne rotitsihenstatsis, oni ne raotiriwakes nonhkweshonhas tsi ionwentsaien.

Jeremiah 17:18

Tahséhʼhion ne atehénsehra tsi nikáien ne ionkeronhiakéntha, ók sastsiatáko ní꞉i Saiá꞉ner. Sehnánonks ne kateronkwáhtshera, ók tó꞉sa ní꞉ih tatʼterónkwen. Thaséhion ne karihwaʼiesáhtshera tánon tesehiathárit.

Jeremiah 23:28

Ne rotó꞉kenhse ne rohteʼtshénʼen aówenhk nahénron nék khók thíken naʼtetshénsehra, ók ne rotó꞉kenhse ne rotthontéhon naʼkateriwahnhotátshera ahówenhk ne kwáh ahontaʼhawehthakwénhaʼke tsi ahakró꞉ri nètho ateriwahnhotátshera. Nahó꞉ten kástha ne kawáhe taiéron ne onátsia íken?

Jeremiah 26:12

Ethóhʼne wakíron, “Ne Roiá꞉ner thaʼkateniéthon noriwahkwékon akatró꞉ri ne ne tsi nahóten waskwahthónteʼne tsi wahkíron tsi nòkwah kí꞉ken Ononhsatoʼkentikówa ó꞉ni ne tsi kanatowáhnen.

Jeremiah 26:2

ne Roiá꞉ner wahakénhaʼse, “ʼAtenhénrahkon ne Ononhsatokentiʼkówahʼne nónhwe naʼtéstann tánon satró꞉ri oriwahkwékon tsi nikonnháhon nasehró꞉ri nonhkweshón꞉a tsi nitsiéntha ne kanahthakérons ákta ne Judah ne ne thóh nónhwe nahionterénnaien. Kwáh tó꞉sa ne othènen ahonthashaʼthótʼthaʼkwe.

Jeremiah 36:8

Káti ne Baruch wahawenhnahnhóten ne Roiá꞉ner raowenhnahókonhs ne Ononhsatokentiʼkówahne kwáh tsi ní꞉ioht tsi rihró꞉ri tsi naháiehre.

Lamentations 3:57

Wateskeriwaserákwaʼse tánon wasekʼróri ne tóhsa ahketʼtiánihke.

Jonah 3:2

Wahén꞉ron, “Eʼtho nón꞉we niahá꞉se tsi tkanatowá꞉nen ne Nineveh, iaʼserí꞉waien ne aterihwahnotáhtshera ne kaiaʼtorehtáhtshera tkoniá꞉wi.”

Luke 12:35

Seȣatiatannhenhak, nok iotekhak ne seȣahaserenhaȣe.

Acts 20:20

Sewateriéntare tsi kwáh iáh thènen tethewakathotʼthákwen neh thènen ahisewaiénawaʼse tsi niwakateriwanóthe ó꞉ni kwaʼrihonniénni nonkwéne ó꞉ni ne tsi sewentheróntons.

Acts 20:27

Asèken iáh thènen theʼtewakathotʼtákwen tsi wakerihowanhá꞉thon noriwakwékon tsi nihotenikonrónni ne Rawenni꞉io.

1 Corinthians 9:16

Iáh tewahtianerenseráien ne takatatherénsaron tsoríwa tsi kateriwahnótʼtha ne kariwí꞉ios. Asèhken, hionkenáhon né nátiereh. Tánon tsi nikariwáksen nahkeriwáhke ne iáh tahkateriwahnóten ne kariwí꞉ios!

1 Thessalonians 2:2

Sewahteriéntare ónenk ionkihiatʼkontáʼon ó꞉ni ionkinikonratsáton ne Philippi nónwe nohénton niséke niaiákwe né꞉ne Thessalonica nónwe. Tánon kíʼ-ó꞉ni iawerohátsien tsi wéso totiriwahrékwen, nonkwaNí꞉io tashóntion ne kanikonranirátʼtshera naiakwatʼróri ne kariwí꞉ios tsi nitewétha ne rahonháke.

1 Tiér 1:13

Kwáh káti, ioianeréhak tsi sewanontonniónko tsi nensewátiere. Sewatateweiennentaónhak tánon ieiokontakwénhak thoʼnónwe nasewarárek neh kaiataterítsera tsi nentietsíʼion nónen ne Ié꞉sos Kerístos enʼonwéneste.