Isaiah 8:9 - Ohiatonhseratokénti

⁹ Iatesewá꞉tsest, í꞉se ne tsonhontsakwékon, tánon kwáh teiasatʼtókwahte; Sewatahón꞉satat, í꞉se ahinónhson nió꞉re tisewanakeraseráiens: sewahshátstek, ók kwáh kíʼ enhietsisénhni; sewathateweienénhtan nahisewaterí꞉io ók kwáh kíʼ enietsisénhni!

Isaiah 8:9 ပူးပေါင်းရင်းမြစ်များ

1 Kings 20:11

Né Ronhnonhtí꞉io Ahab thonsaharihwaseráko, “Tsróri ne Ronhnonhtí꞉io Benhadad né kwáh sóhtar nahahiathó꞉then thóh né khók thonathaterénsaron né nó꞉nen rotkwénion naterihiósera, iáh nohénton.”

Proverbs 11:21

Saterièn꞉tarak ne iáh tetiakorihwaié꞉ri eniontré꞉wahte nok nónhka tiakorihwaié꞉ri enieʼniá꞉kenʼne naiontré꞉wahte.

Isaiah 28:13

Eʼtho kíʼnón꞉we ne raowénhna ne Roiá꞉ner ronón꞉hake wakarihwaién꞉taʼne, “Asè꞉ken kwáh nek kok ne rokskwentatonwéton, asè꞉ken tsi nihatónhnions iáh othénne tekariwástha, asè꞉ken nek kok tetashasfáfa tsi nihatónhnions;” né nahónton niahónhne, tánon onàken ensatisathá꞉ne, tánon nahotikaréwahte, tánon tahonwananikará꞉ren, tánon iahonwatiʼhiaténhawe.

Isaiah 37:36

Eʼthó꞉ne ne raoronhiakeró꞉non ne Roiá꞉ner iahahiakénʼne tánon washakowéntho énska tewenhniá꞉we shatèkonʼniwáhsen-wísk niwenhniaʼwehetsheráhsen ne tsi ronanátaien ne Assyriaró꞉nons; nó꞉nen sahiórenhne, kwáh ratikwé꞉kon ronenhé꞉ion tewenhehiontó꞉taron.

Isaiah 54:15

Tó꞉ka ónhkak aieritsthakétsko ne kanakwáhtshera, iáh akonháke tetsawénon; ónhka akénhake aieritsʼtakétsko naʼiesanákwahse enhatiʼiatiénenhne í꞉se enserihónhni.

Jeremiah 42:11

Sátʼkaf tsi ehtsehtʼtsánis ne ronnonhtí꞉io ne Babyloniaró꞉non. Í꞉i tenikwéhkon, tánon enskonniákenʼte tsi nòkwah ne raoshastsʼténsera.

Jeremiah 46:3

“Ne Egypt ratisenhnowáhnenhs wahthoʼthihénrehte, ‘Sehwahweienénhtan ne sehwatʼrohostáhkwah tánon iaʼsehwahténhti tsi tewahtherí꞉io niahásehwe!

Jeremiah 46:4

Ietsihiakweʼniáren ne sewatʼtsenenhókon kosáhtens tánon sewahshá꞉ten! Sewahnenhrahsehrónhni tánon sewahnonhwahró꞉rok ne iononhwahrotserahní꞉ron! Sehwahiothiʼhión꞉ion ne sewahiénkwiʼrehs! Sewatʼtserónhniat ne tehioniatátstha!’

Jeremiah 51:20

Ne Roiá꞉ner ráton, “Babylonia, i꞉se nahkenekonhrèstha, naʼkateriʼiostáhkwah tsi wahterí꞉io. Í꞉se wakonhiásʼthe ne thaʼkhenénhstsake nonhkweshón꞉a ó꞉ni ne tsi kanahkerahserahkéronhs,

Ezekiel 38:7

Tsró꞉ri rathateweienénhtan tánon ratikwékon ne rahonkwetashón꞉ʼas ronhterí꞉ios ronhthateweiennénhtan tsi nenhsakónahne

Ezekiel 38:8

Nónenh wéso ioseráhke enhiothohétsthon enhínhane ne iashakotiathónti ne kanakeráhsera tsi nónhwe nahtethonhwathihiaténha nonhkweshón꞉a skátke nakʼtésonh nónhwe tkanahkerahserahkéron tánon tsi ronhnonhnhekwe iáh tehotiteronhskwe nateriiosehra. Kwáh enhanenhrenhten ne tsi ionhnonhténion ne Israel, né꞉ne iahontsiaietsáhon ó꞉ni karíwes watewenhtethónʼne, ók thóh nónhwe ónenh nitsenáhkere nonhkweshón꞉ʼa tánon skénnenhk tí꞉ken.

Joshua 11:5

Ratikwé꞉kon kí꞉ken ronhtinonhtí꞉ios iathonnitioʼkwáieste tánon skátke tsi tahón꞉ne tánon wahonthatoserothón꞉nion ákta ne tsi kanawáhere ne Merom ne nahonterí꞉io NIsraerʼró꞉nons.