Isaiah 7:7 - Ohiatonhseratokénti

⁷ Né káti aoríhwa rá꞉ton ne Roiá꞉ner Ní꞉io: Iáh thaʼkátake, iáh èʼtho taiáwenhne.

Isaiah 7:7 ပူးပေါင်းရင်းမြစ်များ

Psalms 33:11

Ók tsi nihotenikonhrónhni ne Roiá꞉ner enkátake tsi nènhwe, í꞉si ó꞉ni nón꞉we, tsi nihanón꞉tonhnions ne rawerhiane tsi nénhwe enkenhake.

Psalms 76:10

Sewenní꞉io Nónkwe akonakwáhtshera nék khók nenhnéʼe karihonthákwas ne sénha taiesanonweráton, kwáh eniesahsénhnaien ne wenniseraráhkwen tsi nisakwáhere.

Proverbs 21:30

Nón꞉kwe nakottokháhtshera, tekaʼnikonhrathé꞉tha, tánon kakaʼenionhtsherí꞉io—iáh oʼthé꞉nen thaiesaiaʼtakéhnha tókaʼ ne Roiá꞉ner iáh tethiáhnhes.

Isaiah 28:18

Ne ateriwaseronʼniátshera ne shón꞉ni skát꞉ne ne kenhé꞉ion kwáh kíʼ tentkaríshionke, tánon tsi nisehwaterihwaʼserónhni skát꞉ne ne tsi tsioʼhontsáien ne kenhé꞉ion tsi kwáh iáh thakàtahke; nó꞉nenh ne teiotenonhiaʼníton karewathatsherowáhnen iatenhiót꞉kaʼwe ní꞉se kwáh kíʼ néʼe tensaiatoráhraʼke.

Isaiah 37:29

Né aoríhwa tsi niskeʼnákwahse tánon tsi nisatatkowanáhton ón꞉we ne tsi tekahontaká꞉ronhte, kwáh nakariotaróktsera enkonʼiarhiotároke ne sehnionsáke tánon nakáwenk wateristanonhtáhastha enkonristanón꞉ta ne tsitʼtsakáronhte; Kwáh enskonhiákthaʼte ne tsi iohatá꞉tie tsi nón꞉we nontá꞉se.

Isaiah 7:1

Ne sihothenhniseraʼténionskwe ne Ahaz né roʼníha ne ne Jotham né ne ieshoién꞉ha ne Uzziah, rahónha rononhtí꞉iokwe ne Judah, ne Rezin ne ne ronnontí꞉ioʼkwe ne Aram nón꞉we tánon ne Ronnontí꞉io Pekah ne roién꞉ha ne Remaliah ne ne Israerʼronónke iahá꞉re niahatsatónhti Jerusalem, ók iáh kí tehoteriwathentsiénhni niashakotsiatonhtion.

Isaiah 7:6

Ánion iétewe ietewatsatónh꞉ti ne Judah tánon tewáiaks ne Jerusalem tánon tewasénhni iatethewahiáti tánon kwáh ne tewanontiʼiotserónhni ne raonekenterónhtshera Tabeel né nón꞉we;

Isaiah 8:10

Sewatenikonrón꞉ni, ók kíʼtenkatástonhke; sewatáti tsi níkon tesewatonhontsóni, ók iáh kí othénen thahonterihwaténtis, asèken Ní꞉io iakwahkwékon.

Lamentations 3:37

Tsi nihononthonniontseróten ne Roiá꞉ner tiotkonʼónwe thóh nienʼiáwen:ne. Kwáh iáh ónkha thaiekwéni neh thènen nahiéʼiere tsít ne Roiá꞉ner éhʼtho nithonikonrhóten.

Daniel 4:35

Ne ronnonhwentsakehró꞉non kwáh iáh thé꞉nen karí꞉wa té꞉ken tsi tehshakoká꞉nere; ratironhiaʼkehró꞉non tánon ne ronnonhwentsaʼkehró꞉non kwáh ratikwé꞉kon raónha tehshakoniarotárhon. Iáh ónhka thaiekwé꞉ni ne tahonwátahste, tókaʼ ó꞉ni ahonwariʼwanóntonhse onhnihatiérha.