Isaiah 7:4 - Ohiatonhseratokénti

⁴ Tánon tsró꞉ri, rathaʼtenhnikonhrá꞉ren, sakthiʼkénhak, tánon tóh꞉sa teshonnaríkʼkhon, ne ne akeniʼrihónhni kíʼken tekatsinaharáke ioienkwárote tsi ioʼtsinaharatéken-ne tsi nahotinakónhniaʼte ne Rezin tánon ne Syria, tánon ne raonekenteronhtsheraʼshónhas ne Remaliah.

Isaiah 7:4 ပူးပေါင်းရင်းမြစ်များ

2 Kings 15:27

Né wísk-niwásen tèkeni siʼioserakehátie siʼhonontí꞉ioʼkwe ne Uzziah ne Judah nón꞉we, ne Pekah né꞉ne ronikénhen ne Remaliah rahónha sahonontí꞉ioʼne Nisraeʼró꞉nonke, tánon rahónha wahatkóraste ne Samaria né꞉ne tewásen niʼioseráke nikaríhweskwe.

2 Chronicles 20:17

Iáh ní꞉se tatehiotonhontsóhon nahisewaterí꞉io kí꞉ken ateriʼiósera. Kwáh nek khók ne sewathatenakthaserónhnien thóh tesewátanh tánon sewateráh꞉rat; ensewakʼkátho ne Roiá꞉ner entetsítion naʼtesenhniétsera. Tiónhkwe ne Judah ó꞉ni ne Jerusalem, tó꞉sa nahisewarahiátakwe khés nahisewáteronhne. Wáhs iasewaterí꞉io, tánon ne Roiá꞉ner ensewakwekónhake!”

Isaiah 10:24

Èhʼthoh nón꞉we tsi niháton ne Sakoiá꞉ner ó꞉ni sá꞉ko Ní꞉io ne ronterí꞉io Ratironhiakeró꞉nons: nakonkwetashón꞉has, ne Zion nón꞉we nihatinákere, tó꞉sa ietsitʼtsániʼtset ne Assyriaró꞉nons né nó꞉nen enʼietshinonwenhseʼría꞉rio ne kánia énhonste tánon tahatíniakwe ne rahonaténhnits nahiakótkonhten ní꞉se tsi kíʼ ne nihotiʼiéren ne Egyptró꞉nons.

Isaiah 30:15

Asèken ne aoríhwa rá꞉wenh ne Roiá꞉ner Rawenni꞉io, né꞉ne Rahonhatsíwa Roiatatokénti í꞉ken Israerʼronónke: Tsi nathentése tánon satorísenh kwáh kí eniesahiatanónsthaʼte; sakʼthiʼkénhak tánon tasetakwénhak kwáh kí né sashatsténhsera enkénhake. Ók iáh tesatʼthontáton

Isaiah 30:7

Asèken ne Egypt aohienawaséhtshera iáh othènon tekarihwástha tánon ahóskonk thí꞉ken, ne káti waʼhónni né wakenátonkwe, “Rahab tsi rénskote sakʼthí꞉ken.”

Isaiah 35:4

Sheʼiénhas tsi nihá꞉ti ne kwáh ne titkáhere ne raonerhiá꞉ne ne katerón꞉tshera, “Sheʼshátstek, tó꞉sa saterónhsek! Kénhen í꞉res ne Saní꞉io. Entʼtháhawe ne karewatátshera, né꞉ne teiotenonianíton tsi nenskakarhiákon. Kwáh éntʼre nahonsahiaiatanóns꞉thaʼte.”

Isaiah 37:6

Né Isaiah wasakawénhase, “Tsi sewaró꞉ri ne tsi sewánhas, ‘Asèken rá꞉ton ne Roiá꞉ner: Tó꞉sa sewaterónhsek né akarihónhni tsi nikawenhó꞉tens ne wesewathón꞉tene, né nétho ne sakónhas ronnontí꞉io ne Assyria thahontiéron.

Isaiah 41:14

Tó꞉sa sáteronh, í꞉se notsinonwanhéta Jacob, í꞉se nontsinón꞉wa Israel! Kwáh kí enkonsniénon, rá꞉ton ne Roiá꞉ner; né shiaʼiatákwen né꞉ne Roiatatokénti khók í꞉ken ne Israerʼronónke.

Isaiah 7:1

Ne sihothenhniseraʼténionskwe ne Ahaz né roʼníha ne ne Jotham né ne ieshoién꞉ha ne Uzziah, rahónha rononhtí꞉iokwe ne Judah, ne Rezin ne ne ronnontí꞉ioʼkwe ne Aram nón꞉we tánon ne Ronnontí꞉io Pekah ne roién꞉ha ne Remaliah ne ne Israerʼronónke iahá꞉re niahatsatónhti Jerusalem, ók iáh kí tehoteriwathentsiénhni niashakotsiatonhtion.

Isaiah 7:8

Asèken naʼonón꞉tsi ne Syria né꞉ne Damascus, tánon ne aʼonón꞉tsi ne Damascus né꞉ne Rezin. (Ohénton ne iáhʼiak nenhioserásenhke ne Ephraim kwáh thenhonwanattókwahte, iáh ónhkwe tahonsakénhake.)

Isaiah 7:9

Naʼonón꞉tsi ne Ephraim né꞉ne Samaria, tánon nohénton iehónhnete ne Samaria né꞉ne raonekenteronhtsherashónhas Remaliah. Tó꞉ka iáh tahisarihwaníronhke tsi niʼtisetákwen, kwáh kí iáh tástahke.

Isaiah 8:4

asèken nohénton ne raksá꞉ha ahoteriéntarahne nahénron “Rákeni” khés “Nisténha,” nahokwahséhtsheras ne Damascus tánon tsi nikanenskwenháton ne Samaria kwáh kí ienhá꞉hawe ne Assyria ronnontí꞉io.

Isaiah 8:6

Tsioríhwa kí꞉ken onhkweʼshón꞉ʼa waʼhekénron nonekanos ne saktíken ne Shiloah Kahionhatátie, tánon sahotiwistanáwenhse rahohénton ne Rezin tánon ne Roiénha Remaliah;

Lamentations 3:26

Ne káti iohiánere nonkwariwáke nahionkwanikonkátsteke—ne rahónha ahtsitewateráhrate nashonkwaniákente.

Amos 4:11

Tohkára nihá꞉ti waʼkheiáhtonʼte, tsi kíʼ ní꞉ioht ne Rawenni꞉io tsi shakohtón꞉ton ne Sodom tánon ne Gomorrah, tánon tho nihshiaʼtó꞉ten tsi ní꞉ioht ne iotientátshon iótshon ne tsi iotékha; shé꞉kon kíʼ iáh akonhá꞉ke thaʼtetisé꞉non, rá꞉ton ne Roiá꞉ner.

Habakkuk 2:3

Kahiatónhak, tiorì꞉wa tsi iáh aré꞉kho tsehióhe ne naiá꞉wenhne nahón꞉we norihwí꞉io; ók ne tsi nikawistáhets iostó꞉re tsi tá꞉we tsi nahorihothénsons ne konhnatónhnionhnis kwáh kíʼ thóh nenhá꞉wenhne. Ethó꞉sane kíʼ nahorihoʼthénsons ioiatakenhé꞉ion ne naiá꞉wenhne; ó꞉nenk tsi ensateráhrate, kwáh orihwiiohón꞉we tsi enwáh꞉we, kwáh iáh tahionísko.

Zechariah 3:2

Ne Roiá꞉ner rahoronhiakeró꞉nonh wahawénhase ne Sakoriwaros, “Aiá꞉wens ne Roiá꞉ner ahiaré꞉wahte ní꞉se, Seriwaros! Aiáwens ne Roiá꞉ner ne ranoronhkwa ne Jerusalem, ahiaré꞉wahte. Kí꞉ken rónkwe ne teskaieróntahre ne kánia tsiakahonthákwen notsírake.”

Matthew 10:28

Tosa seȣatsanisek tsinahoten aiorio noieronta, iah tanon taiorio natonnhests; neh tanon seȣatsanisek tsinahoten aiotirio natonnhests oni noieronta nok otsirake iaiotiiatonti.

Matthew 24:6

Enseȣariȣaronkanion iakoteriio, oni ionteriiosere, tosa tanon seȣateronhienten: Aseken iatekakonte neneh tsi eh nenhiaȣenne; iah ki tanon, areko oni neh teken ne tsi iotokte.

Deuteronomy 20:3

‘Tsónhkwe ne Israerʼró꞉nonhke, Sewatahonshá꞉tat! Ónhwa wenhniserá꞉te wesewaterihiósere. Tó꞉sa ietsiʼtshà꞉nik ne tesewatà꞉tsons tó꞉sa ó꞉ni sewaʼnikonhrók꞉ten tó꞉sa ó꞉ni sewateroniénthen.

1 Samuel 17:32

Ne Táwit wahawénhaʼse ne Saul, “Áhnion tó꞉sa ónhka nahionhnikonrókten ne rahón꞉ha aharihónhni; takerí꞉hon i꞉i thoiéke tánon naiatiaterí꞉io kí꞉ken Philistiaró꞉non.”