Isaiah 7:3 - Ohiatonhseratokénti

³ Ethó꞉ne ne Roiá꞉ner waʼhawénhase ne Isaiah, wáhs iatsaténhaf ne entsiénha Shear-jashub né꞉ne tahitsatátken Ahaz ne tsi ieióte tsi tehiahontsakonhátie ne éhʼneken tsi watnekaientáhkwa tsi wahohatá꞉tsie ne tsi iehatinoharestáhkwa ne raonatserónnia tkahén꞉taien.

Isaiah 7:3 ပူးပေါင်းရင်းမြစ်များ

2 Kings 16:1

Né tsatákhaton siʼioserakéhaton siʼhonontí꞉ioʼkwe ne Pekah né꞉ne ronikénhen ne Remaliah tsi né ronnontí꞉ioʼkwe ne Israerʼró꞉nonke, ne Ahaz né꞉ne ronikénhen ne Jotham né ronnontí꞉ioʼkwe ne Judah nón꞉we

2 Kings 18:17

Né Assyriaró꞉non rakó꞉ra ronatsiokowánen ronhterí꞉ios iashakoténiete Lachish nón꞉we nonhtahónne niahonwatsatónhni ne Hezekiah ne Jerusalem nón꞉we; né tahatiniarótarohke ne áhsen nihá꞉ti rahonkweʼtashón꞉as ratisenhnowánens. Nó꞉nen shahónhnewe ne Jerusalem, wahatihanóton tsi nón꞉we ne rahtiniatarónhni nihotiʼióte ne tsi teiahontsakonhátie tsi nitsiotnekínon ne tsitkanèko.

2 Kings 20:20

Orihwaʼkwé꞉kon tsi niʼhotieráʼnions ne Ronnontí꞉iokwe Hezekiah, tsi niotinikonraktsanítons, tánon tsi ní꞉oht tsi raʼónhni ne watʼnekaientákwah tánon tehaontiákons naʼontahanekén꞉haʼwe ne kanatowanénke, akwé꞉kon thó nón꞉we nikaiatón꞉nions Tsi Nihonwatikáratons ne Ronhtinontí꞉ios ne Judah Nónhwe.

Nehemiah 3:16

Ne Nehemiah né꞉ne roʼiénha ne Azbuk, rahónha ne rakó꞉raʼkwe ne asénhnon tsi niiokwénrahre ne Bethzur, rahónha sahakwahtáko nó꞉ia nashóntha kwáh tsi nió꞉re ne Táwit raotsatónhkwah ítken, tánon kwáh tsi niió꞉re ne ronhnónkwe rotíson ne watnekaientáhkwah tánon ne ronterí꞉ios tsi rotinónshote.

Exodus 7:15

Káti wáhs tánon tesawahtátʼken nonhronhkeʼné꞉ha nenhkaháʼwiʼke nó꞉nen kaniataʼráhke ne Nile nenhénren. Iahá꞉saf ne iontennhitsheroʼtákwa tsi niʼkáien ne óʼniaʼre iatehiotʼténion, tánon thóh kaniatarákʼtha tsiateráhrat.

Isaiah 10:21

Né iatehonathaténron kwáh tentʼtónhne, ne iatehonathaʼténron ne Jacob, rahonháke ne Roshatsʼtenhseroʼwánen Ní꞉io.

Isaiah 22:10

Ní꞉se waʼshaʼshete tsi níkon kanonshó꞉tons ne Jerusalem, tánon wahshenonsarishiónko ne nahónton né꞉ne ahonsahshaʼthonsonhtónhniaʼte.

Isaiah 22:11

Wasónhni ne watnekaráhkwa tsi natetsatahshontátere ne tewahsónhtake ne nahonèka nonawerakáion. Ók iáh tsetsiatkáthon tsi nikáien néh nihoiéren, khéhs natskweniénstonke tsi rahónha rontenikonrónhni ne waʼhónhnis tkènhne.

Isaiah 36:2

Né ronnontí꞉io ne Assyria iahoténiete ne Rabshakeh Lachish nón꞉we tahaténti tsi thénteron ne Ronnontí꞉io Hezekiah niahá꞉re né Jerusalem nón꞉we, ronatiokowánen ronhterí꞉ios ratiʼkwekonhátieʼne. Éh tontahátane ákta ne tsi kanatseratátie nonhotohárake ne tsi watʼnekaientákwah ne iohaʼhowanénhne tsi nieʼiawénon ne tsi iehatinoharestáhkwa ne raonatserónnia tkahén꞉taien.

Isaiah 55:7

Ánion ne ronhnonkwetaʼtsénhkwa rontiakwahríhsi tsi nihatiʼweienhnióten, tánon ne iáh teotirihwaʼkwaríhshion tsi nihonanonhtonhnthiontseró꞉tens; Sheʼríhon rahonháke ne Roiá꞉ner nieshón꞉ne, ne ká꞉ti nahónton ashaʼkóthenre, tánon rahonháke nón꞉kwah Ní꞉io꞉ne, asèken kwáh enkananónhake tsi ensheʼsakonikónhrenhse.

Isaiah 6:13

Iekaníhare ne shé꞉kon tionkwéta ne oiéri nihionkwétake thóh iatahonsahiakotaténhronhke ne tsi ionwenhtsá꞉te, kwáh kí shé꞉kon ensewát꞉tsa, kwáh tsi ní꞉ioht ne karíhton khéhs ne kwáh karontashastste nah otsináhara thóh kàniote nónenh iorieniénhen.” Naotsinaharákon ne ne iotokénti kànenh enkénhake.

Jeremiah 22:1

Ne Roiá꞉ner wahatró꞉ri iehke ne tsi thohnónsohte ne Rononhtí꞉io ne Judah nónhwe, ne ne tsi tahawatsiratátie ne Táwit. Tánon thóhʼnónhwe hiahtsióri ne rononhtí꞉io, ó꞉ni ne rahonkwetaʼshón꞉as, ó꞉ni nonhkweshón꞉a ne Jerusalem nahiontahonshá꞉tahte tsi nahó꞉ten ne Roiá꞉ner wahénron:

Romans 9:27

Tanon Isaiah wahanikonraiénthaʼte tsi nòkwa ne Israel, “Tòhka ó꞉ni thóh nahionthonkwetaʼkáteke neh Israel tsi níkon tekanesaronkhótharon neh ahtsakthóntie neh kaniatarakhekówa, nók khiʼkenk nenhatíhake enhathiniákenʼne;