Isaiah 7:2 - Ohiatonhseratokénti

² Nó꞉nen ne tsi rononshó꞉te ne Táwit wahatirihwáronhke nètho Aram tsi iathonhnitsokwátseste ne Ephraim, ne raweriá꞉ne ne Ahaz tánon ne ronhneriá꞉nes nonkweshónhas wathonhneriashísonʼkwe kwáh tsi ní꞉ioht ne kerítons ne karakonhkówa tehiotʼkarénhron tsi niháhote.

Isaiah 7:2 ပူးပေါင်းရင်းမြစ်များ

2 Samuel 7:16

Ne tsi waswatsiratátie ó꞉ni ne sanakerásera kwáh oriwí꞉io enhionhníhake ne ne tsi nènhwe nakʼkénton; sahén꞉ton ne sanontiʼiótsera kwáh enkáthake ne tsi nènhwe enkén꞉hake.

1 Kings 11:32

Né Solomon skentsiókwak khók enshakoteweiénton né rahorihónhniat nakenhátsera Táwit tánon né rahotirihwáke ne Jerusalem, né꞉ne kanatowanénhke né waʼkathaterakwénhni nahonkawenhkónhweʼke tsi nihiohón꞉tsa Nisraerʼró꞉nonhke.

1 Kings 12:16

Nó꞉nen nonhkweshón꞉as sahónt꞉thoke né ronhnontí꞉io tsi iáh seh thaʼsakotahónsathaʼte, wathotihénrethe, “Thorèsek ne Táwit ó꞉ni ne rahowátsire! Kát꞉ke onhtèken ne tkhènhne nahionhkhihiatséraʼse? Né tsiónhkwe Nisraerʼró꞉nonke, Áhnion tsi tewathénhti! Iawerohátien ne Rehoboam rahónha rathatsiatakéna!” Káti nonhkweshón꞉as Nisraerʼró꞉nonke tahotinákwen,

1 Kings 13:2

Tsi nahatísehre ne Roiá꞉ner rahorihwatátʼtsera, né rotó꞉kenhse wahariwásthen ne ietsienharákwah: “O ietsienharákwah, ietsienharákwah, kén nahó꞉ten ráton ne Roiá꞉ner: Raksá꞉a, né enhonwahiátʼtseke ne Josiah, thóh nónhwe nenhrenhnákeraʼte rahowatsirákon ne Táwit. Thóh shonháke ensakononhwariákon ne ratiʼtsihénstatsis tsi ronaterihwatsʼteríston ne iáh tehotirihwiʼióstons tsi ratitsienharákwahke né ieshateskonhthánis, tánon shonháke enhát꞉tsahaʼte nónhkwe akóstsiens.”

2 Chronicles 25:10

Sók kíʼ ne Amaziah sashakotékwahte ne sakoʼnhahón꞉hne ronterí꞉ios tánon washakoró꞉ri sonhténhti.

2 Chronicles 28:12

Kaiéri nihá꞉ti ne sakotihéntenhse ne Othorekésons kanontiʼiotsheráiens, né꞉ne Azariah né꞉ne ronikénʼen ne Jehohanan, Berechiah né꞉ne ronikénʼen ne Meshillemoth, Jehizkiah né꞉ne ronikénʼen ne Shallum, tánon ne Amasa né꞉ne ronikénʼen ne Hadlai ratirihwáiaks tsi nahóntsere ne ronhterí꞉ios.

Psalms 11:1

Rahonháke ne Roiá꞉ner nónhwe niwaʼkatekwáhsen; onhní꞉ioht tsi askwéni naskénhase, “Hionsahsatekwáhsen ne tsi tiononténion tsi ní꞉ioht notsiténha ká꞉tie!

Proverbs 28:1

Ne iáh tetionkweʼtaié꞉ri enhonté꞉ko nó꞉nen iáh ónhka tehonwatíhsere, nok ne tionkweʼtaié꞉ri tho nihotiʼnikonhrahtshá꞉ni tsi ní꞉ioht ne kèn꞉reʼks.

Isaiah 11:13

Né tsi nihiotekéf꞉fen ne Ephraim kwáh èhʼren enkahawítonke, tsi niwatenontsistahnírats ne Judah kwáh kí enkonwáiatʼse; ne Ephraim iáh kí tahionó꞉sha ne Judah, tánon ne Judah kwáh kí iáh tahioteniakáts꞉tatʼtshe ne Ephraim.

Isaiah 22:22

Thóh ènkren ranenhsáke nahonontónhkwah tsi ronón꞉shote ne Táwit; kwáh kí enhanotónhko, tánon iáh ónhka taiekwéni nahonsahienó꞉ton; rahónha kí ensanhó꞉ton, tánon iáh ónka tahonsaienhotónhko.

Isaiah 37:27

Tsi nikarí꞉wes né thóh ratinákere, teonatesatʼtsentseriákon, thoʼnanikonrénhen tánon teonanitonniénhni; thóh nahatiʼhiatóthenhne tsi ní꞉ioht ne kaientʼthó꞉tsheras ne kahentàke tánon nohontáses, kwáh tsi ní꞉ioht nóhonte iorát꞉ten ne kanonsakésons, onstátʼthen nohénton akonteiáron.

Isaiah 37:35

Asèken kwáh kí éntkene kí꞉ken kanatowanénke nakenónsthate, asèken Í꞉ih akerihwá꞉ke tánon ne raorihwá꞉ke nakenhá꞉tshera Táwit.’”

Isaiah 6:13

Iekaníhare ne shé꞉kon tionkwéta ne oiéri nihionkwétake thóh iatahonsahiakotaténhronhke ne tsi ionwenhtsá꞉te, kwáh kí shé꞉kon ensewát꞉tsa, kwáh tsi ní꞉ioht ne karíhton khéhs ne kwáh karontashastste nah otsináhara thóh kàniote nónenh iorieniénhen.” Naotsinaharákon ne ne iotokénti kànenh enkénhake.

Isaiah 7:13

Ethó꞉ne ne Isaíah wahénron: “Satahónshatat kí ó꞉nen, Ó tsi ronón꞉shote ne Táwit! Shóʼtsikén kén niʼiorihwáha ne thénhnen ní꞉se asateniénhten ne raotinikonriʼioserákon ne ronhnón꞉kwe, nètho ní꞉se kwáh sateniénhten ne raonikonriʼioserákon ne ná꞉ke Ní꞉io ó꞉ni?

Isaiah 7:17

Né Roiá꞉ner entʼthiahawítaʼse tánon ne shonkwetaʼshón꞉ʼahs ó꞉ni sheʼshotʼthonkonhkénʼen tsi rotinonshó꞉tons ne enwenhniserontákwen ne takanikonrá꞉ren ne ne iáh nonwénhton tehiakokʼkáton tsi ná꞉he ne Ephraim sakotsatonhtakwénhni ne Judah né enthohiaténhawe ne ronhnontí꞉io ne Assyria.”

Isaiah 7:5

Tsioríhwa ne Aram—skát꞉ne ne Ephraim tánon ne raonekenteronhtsherashónhas ne Remaliah—rontenikonrónhnis naiesakarónhni, ronhtónhnions,

Isaiah 8:12

“Tóh꞉sa ne senátont ioteriwashé꞉ton ratiʼkwékon kí onhkweshónhas ne ratinatónhkwah ioteriwashé꞉ton, tánon tó꞉sa ne saterónhkwen tsi nahóten katerónhkwah, tó꞉sa saterón꞉kwen.

Isaiah 9:9

tánon kwáh onhkwetakwékon tsi iakoteriéntarakwe— ne Ephraim tánon ne tsi ratinakeré꞉nion ne Samaria— ók kanahieserákon tánon tsi rontatónkwetowanátha wahonhníron:

Hosea 12:1

Ne Ephraim thóh enontsiatá꞉ren tsi teioweratá꞉se, tánon ne ratiweráhsera kontaseʼkó꞉wa ne tsitkarahkwí꞉nekens nentkawerénhawe; ne tehatinanetárions nonhó꞉wens tánon ne iaothé꞉nen kaianerénhsera tè꞉ken; wahontsanerenhserón꞉ni skátne ne Assyria, tánon ne kénʼie Egypt niahatíhawe.

Matthew 2:3

Herod ȣahoteronhienten tsi nahoten ȣahariȣaronke, nok kanatakȣekon ne Jelusalem taiontonnekhon.