Isaiah 7:1 - Ohiatonhseratokénti

¹ Ne sihothenhniseraʼténionskwe ne Ahaz né roʼníha ne ne Jotham né ne ieshoién꞉ha ne Uzziah, rahónha rononhtí꞉iokwe ne Judah, ne Rezin ne ne ronnontí꞉ioʼkwe ne Aram nón꞉we tánon ne Ronnontí꞉io Pekah ne roién꞉ha ne Remaliah ne ne Israerʼronónke iahá꞉re niahatsatónhti Jerusalem, ók iáh kí tehoteriwathentsiénhni niashakotsiatonhtion.

Isaiah 7:1 ပူးပေါင်းရင်းမြစ်များ

2 Kings 15:25

Saiáta ne rasenhnowánen ne Pekahiah rahotsiokwáhkon, né꞉ne Pekah né꞉ne ronikénhen ne Remaliah, wahatenikonrónhni skát꞉ke ne wísk-niwásen niháti né Gilead nithonénon, wahonwanonhwahrihákon ne Pekahiah skátne ne Argob ò꞉ni Arieh thóh kanontiʼiotserákon atenhénrakon ne Samaria nón꞉we, tánon rahónha thonsahonakthákwen tsi sahatenontí꞉ioste.

2 Kings 15:27

Né wísk-niwásen tèkeni siʼioserakehátie siʼhonontí꞉ioʼkwe ne Uzziah ne Judah nón꞉we, ne Pekah né꞉ne ronikénhen ne Remaliah rahónha sahonontí꞉ioʼne Nisraeʼró꞉nonke, tánon rahónha wahatkóraste ne Samaria né꞉ne tewásen niʼioseráke nikaríhweskwe.

2 Kings 15:37

Tsi kíʼ nikaríhweskwe Ronnontí꞉ioʼkwe ne Roiá꞉ner tonhtsérenhte iahoténiete ne Ronnontí꞉io Rezin ne Syrianʼhne tánon ne Ronnontiio Pekah Nisraeʼró꞉nonke iahatsatónhti ne Judah.

2 Kings 16:1

Né tsatákhaton siʼioserakéhaton siʼhonontí꞉ioʼkwe ne Pekah né꞉ne ronikénhen ne Remaliah tsi né ronnontí꞉ioʼkwe ne Israerʼró꞉nonke, ne Ahaz né꞉ne ronikénhen ne Jotham né ronnontí꞉ioʼkwe ne Judah nón꞉we

2 Kings 16:5

Ne Ronnontí꞉io Rezin ne Syriaró꞉non ó꞉ni ne Ronnontí꞉io Pekah Nisraeʼró꞉non iakonwatsatónhti ne Jerusalem tánon wahatiʼiéna, ók iáh kíʼ tehiotónhon nahonwasénhnion ne Ahaz. (

Isaiah 1:1

Tsi nihoterihothashiénhni ne Isaiah ne roién꞉ha ne Amoz, ne tsi wahatkátho tsi niʼtsioterihwatséren ne Judah tánon ne Jerusalem nón꞉we ne sihoʼnahtenhniseraténionsʼkwe ne Uzziah, Jotham, Ahaz tánon ne Hezekiah, né rotinontí꞉iosʼkwe ne Judah.

Isaiah 8:6

Tsioríhwa kí꞉ken onhkweʼshón꞉ʼa waʼhekénron nonekanos ne saktíken ne Shiloah Kahionhatátie, tánon sahotiwistanáwenhse rahohénton ne Rezin tánon ne Roiénha Remaliah;

Isaiah 9:11

Káti Né Roiá꞉ner washakoshatsʼténseron ne ronterí꞉io raotiʼtsiókwas ne Rezin ne ronwahtísons ne nashakotíson ne Rezin ne niahonwanatsatónhti, tánon wasakotsirónhnien ne tehontátswenhs,

Ezekiel 27:16

Nonhkweshón꞉ʼa ne Syria nónhwe wahatininónhnion ne saienthátsheras ó꞉ni wéso ne oiásons nihiothánions. Nóhonte nikanenhiótens, ariwahkonhnhéha niwahsohkótens oniatarahasónha, tewahserihiétharon, ne wahniatharí꞉ios, onekóra, tánon ne kwáh tetsiosohkwáhkaras nonekwéntara nikanenhiótens né wesatkarhiáten ne sawenhsónhas.

Hosea 1:1

Ne raowenhnaó꞉kons ne Roiá꞉ner tsi waohiató꞉renhne ne Hosea ne roʼní꞉ha né꞉ne Beeri, né꞉ne shionateniseraténionskwe ne Ronhtinontí꞉ioskwe Uzziah, Jotham, Ahaz, tánon ne Hezekiah ne Judah nón꞉we, tánon ne shiothenhniseraténionskwe ne Ronnontí꞉iokwe Jeroboam né꞉ne ronikénhen ne Joash ne Israerró꞉nonhke nón꞉we.

Micah 1:1

Ne raowén꞉na ne Roiá꞉ner wahoiató꞉renne ne Micah ne Moresheth nón꞉we nihaná꞉kere né꞉ne shionatenhniseraténionskwe ne Rontinontí꞉ioskwe Jotham, Ahaz, tánon ne Hezekiah, ne Judah nón꞉we nihatinákereʼkwe, ne tsi nahatkáto nahotirihwaʼshón꞉as ne Samaria tánon ne Jerusalem.