Isaiah 66:5 - Ohiatonhseratokénti

⁵ Sewatahónsatat né raowénhna né Roiá꞉ner, í꞉se né ensewaiatíshonʼkwe né raoʼwénhnake: Né kwáh í꞉se tionkwetaʼshón꞉has iesáhswenhse tánon iesatewenhtétonne nakʼsénhna iorihonhníhon wá꞉ken, “Ahnion né Roiá꞉ner ronwahiatanerá꞉kwat, né káti nahónton aiawatkátho né satonhnhaʼrátshera”; ók kí ronónha né kwáh enhonwanatéhaʼte.

Isaiah 66:5 ပူးပေါင်းရင်းမြစ်များ

1 Kings 21:29

“Wasatʼthokéken tsi nióre ne Ahab tsi ehtàke wahathatónhni nakʼkénhton? Tsi éhtho kíʼ nahá꞉iere, iáh kíʼ thaʼhontátkhaʼwe ne kariwahekénsera ne rahonháke tsi nikaríwes enrónhnheke; kwáh kíʼ tsi nikaríhwes né roiénha enrónnheke tsi enthékhaʼwe ne kariwahetʼkénsera ne Ahab rahowatsiráke.”

2 Kings 22:10

Tánon eʼthó꞉ne waʼhénron, “Kénʼen í꞉khawe kaiatónhsera nètho Hilkiah tkakáwi.” Tánon iorakaʼréni tsi wahowenhnanóthase ne ronontí꞉io.

2 Chronicles 34:27

tánon sehsewatatréhwaʼte tánon ehtàke sesehwathatónhni natkénton, wesehwarahtiónko ne sehwatserón꞉nia tánon tesewaséntʼthos, né sehsewarihwáronhke tsi ní꞉ioht tsi tkherón꞉kwahkwe tsi nenhtréwaʼte ne Jerusalem tánon nahonkweʼtaʼshón꞉a. Onhkatʼthónhteʼne ne sewaterénhnaiet,

Ezra 9:4

Thóh kitskóthe wakekironhratʼtsens tsi nió꞉re iaʼkáhewe noʼkarasné꞉ha ahonterihwathentsáthonke ne karihwiiosehokénhas, tánon nonkweshón꞉as ó꞉nen tahontháhshawenh watsonhkatiáthaton—ratikwé꞉kon ne ronateronhienthén꞉ni tsi nahó꞉ten ne Sakoní꞉io Nisraerró꞉nonhke rá꞉wen tsi nokwáh ne kariwanerenháktseras tsi nihá꞉ti ne sót꞉ti ne ronahnakerá꞉kwenhne.

Psalms 119:120

Í꞉se saríhwa tsi wák꞉terons; tánon ne wakteronhkwénhnis ne sarihwenhthátshera.

Psalms 38:20

Tsi ní꞉ioht ne ioiánere tsi nahionkatiérase karihwahetkénsera tionkátsenhse; hionkát꞉konte tsioríhwa tsi kateniént꞉tha ne tkarihwaiéri tsi nakátiere.

Proverbs 13:13

Tókaʼ iáh thahshié꞉na ne kaʼnikonhrí꞉io, seriʼwanóntha kiʼ né꞉ʼe kaʼnikonhrharáhtshera; íhtshehr kaʼnikonhrí꞉io ne ensaʼniá꞉kenhte.

Song of Songs 1:6

Tó꞉sa teskatkáneren tsioríhwa tsi nikhón꞉tsi, tsioríhwa ne karákwah tsi niwakatenhararítkhon. Nakenisténha akonekenterahtiónhas ionkenakwáhsehne; thontaionkanóntonse tsi wahonkerihón꞉ten ne tsi kanenharaientʼthóseron, ók ne kwáh í꞉i wakenenharaientʼthóseron iáh thaʼtewaksnié꞉on!

Isaiah 26:11

Ó Saiá꞉ner, ne satsianàke iotharatáhton, ók iáh kí tehontksatos. Sheríhon nahontkátho tsi nisateriwaién꞉ni ne shonkwetaʼshónhas, tánon ronhtéhen. Serí꞉hon nótsire ne iesáskwenhs ne ahonátonhte.

Isaiah 5:19

Ónka iónton, “Anion ne Ní꞉io tehosterí꞉hen, ánion tehákats ne raohioténhsera né nahónton ahitewatkáto; Ánion ne rotenikonhrónhni ne Rotokénti Saiá꞉tat Israerʼronónke iostóre tahosteríhen nakánahne, ne nahónton ahionkwahteriéntaraʼne!”

Isaiah 60:15

Ethohʼsàne tsi iesatewenhtéton tánon iesahthakwaswénhon, né꞉ne iáh ónhka thóh tehiontohétsthaʼkwe, kwáh kí Í꞉i enkonhiatanerá꞉kwahte né꞉ne tsi nénhwe enkénhake, atonnharátshera enkénhake né tsi wahenehkwensatátie.

Isaiah 65:13

Eʼtho káti ráton ne Roiá꞉ner Rawenni꞉io: Nakenhá꞉tsera ónenk tsi thenhaskáhon, ók ní꞉se kwáh kí ensatonhkáriaʼke; nakenhá꞉tsera ónenk tsi enhanekíra, ók ní꞉se kwáh kí ensaniatatʼthénhseke; nakenhá꞉tshera kwáh kí enhotonhnhárake, ók ní꞉se kwáh kí eniesatehaʼte;

Isaiah 66:2

Oriwaʼkwékon kí ken katsaná꞉ke ioshaʼáhnion, tánon káti orihwaʼkwékon kí꞉kens Í꞉i akáwenk, rá꞉ton né Roiá꞉ner. Ók né kí kíken tsi nikáien né kwáh tenkhehiatʼkáneren, né nehthàke iakotatónhni tánon né teiakawerhiaʼsaríhon, ronón꞉ha rotiʼiatíshonʼkwe nakewenhnaʼókons.

Jeremiah 36:16

Sahawenhnahnhotháko, wahthontatkahthó꞉sehron kwáh íken tsi rohtíterons tánon wahonwénhaʼse ne Baruch, “Ónenhk tsi enshaʼkwahró꞉ri ne ronnonhtí꞉io tsi nahó꞉ten wahonkwahtʼthónteʼne.”

Hosea 11:10

Kwáh Roiá꞉ner enhonwáhsere, raónha ratonhrá꞉iens kwáh né꞉ne kénreks; né nó꞉nen enhatonhráien, ne sakoioʼokón꞉as kwáh enhotiiatisónkwahne tsi iaʼtewatséntos nentónhne.

Matthew 10:22

Ii aksenna enhietsisȣate nonkȣeokon; neok tanon enhatsennonni ne iatenrokten.

Luke 13:17

Neok ne tontahatinekȣentarenne neronȣariȣaiakskȣe; nok nonkȣeokon tehiontenonȣeratonnionskȣe tsi iontkattos nioriȣanerakȣatenion tsini haierhakȣe.

John 16:2

Enhietsiiatekȣate tsi ronterennaientakȣa: ienkaeȣe oni nenhietsirio, ronhnere taiakȣariȣaierite tsi nonkati ne Niio.

John 9:34

Tontahonȣaȣennaȣeron ȣahonniron: kariȣaneraakserakon sennakeraton tanon ken ise enskȣarionnien, nok sahonȣaiatinekenȣe.

2 Thessalonians 1:12

Ne káti nahónton ne raosénna ne Sonkwahiáner Ié꞉sos sonháke nón nakaiatanerakwáton, tánon níse rahonháke, entioianénhawe ne raoténrat ne Sónkwah Ní꞉io ó꞉ni ne Roiá꞉ner Ié꞉sos Kerístos.

Titus 2:13

tsi nihionkwárahre nètho iawenniserahnerákwak ionkwarahratsʼténni, nónen ne rahohiatanerahkwátshera ne rosastenserowáhnen Ní꞉io ó꞉ni ne Sonkwaiatákwen Ié꞉sos Kerístos entathathénesthe.

Hebrews 9:28

Kwáh ne sahoríhwah Kerístos ó꞉ni rothatátkawen naharonhiáken nénska iakaiénthe ne iakotiokowáhnen akoriwaneraháktsera. Sékon tekeníhaton ienkaiénthe enshatotáshion, iáh tahastéristhe ne karihwáhneren, nók né nasakoniákenthe tsi nihiákon ne ronwáhrahre.

1 Sawátis 3:13

Tóhsa káti sewaneráko, tewatenroʼshónʼa, tóhkaʼ ne ronnonwentsiakerónons enietsísʼson.