Isaiah 66:21 - Ohiatonhseratokénti

²¹ Tánon kwáh ó꞉ni toʼkára nihá꞉ti ienkheiaténhaʼwe nahontsihenstón꞉ni tánon tsi ní꞉ioht né Levites enkénhake, rá꞉ton né Roiá꞉ner.

Isaiah 66:21 ပူးပေါင်းရင်းမြစ်များ

Exodus 19:6

nonhkweshón꞉ʼa ronahteriwaʼthokénston akonhakeʼkhók nónhwe, tánon thóh ní꞉ioht ne enskwahiótense tsi ní꞉ioht ne roʼthikháres.”

Isaiah 61:6

ók ní꞉se né enietsinatónhkwahke í꞉se raoʼtsihénstatsis í꞉ken ne Roiá꞉ner, ní꞉se né enietsinatónhkwahke í꞉se ne raoʼnhatserashónhas í꞉ken nónhkwah Ní꞉io; ní꞉se kwáh né ensahtsienhnonhniátaʼkwe ne raoʼnatshokowáhtsheras ne ronhnonhontsakerónons, tánon thóh né raoʼtikwahsehtsherákon ní꞉se kwáh kí ensahiaʼtahnerahkwáhtonhke.

Jeremiah 33:22

Kwáh enkhetiokowáhnahthe tsi nienhatwahtsiríʼne ne akenhátshera Táwit ó꞉ni enkheʼtiokowahnáhten ne rothikháres ne rahotiʼtáhrahkon ne Levi, ne ne kwáh thóh nawenhtó꞉rehke nahonwahnháshete tsi ní꞉ioht ne tsi iotsistokwahrónnion ne tsi karonhiáte tó꞉ka ó꞉ni tsi níkonh kanesahronkwáhien natsatʼtóntie.”

Hebrews 7:12

Asèken nónen teiotʼthénion ne ratiʼtsihénstatsis, ónenk tsi tenwahtatháwike ne kaianerénshera.

1 Tiér 2:5

Kásewe tsi ní꞉ioht ne iónnhe onénias, tánon sewathóntat naʼietsiʼiastste tsi akanonsonníhake ne ionnheʼónwe ononsatokénti, thoʼnónwe nensahióten tsi ní꞉ioht ne rotokénti ratsihénstatsi nasétatʼtse kariwiʼiostóntsera tánon ne kaienawasétsera ó꞉ni naontatsenikonraiérite ne Rawenni꞉io rahonháke ne Ié꞉sos Kerístos.

1 Tiér 2:9

Nók í꞉se ne kentiókwa ne ietʼtsiʼiatarákwen, ne Ronontí꞉io rahotsihénstatsis, ne otiokwatokénti, ne kwáh Rawenni꞉io rahonkwetaʼsónha, kahiatarákwen nahontʼróri ne ionerakwathénion ne Rawenni꞉io rahoweiénnas, ietsisewennónkon tsi tetiókaraskwe tánon thonónwe nonsatsisewátʼkawe ne ioriwanerákwat raoskwatetʼtserákon.

Revelation 1:6

tánon shontionhnién꞉ni nahitionkwetaién꞉take, ratitsihéntatsis enhohiò꞉tenhse ne Raoní꞉io tánon ne Roʼní꞉ha, raonhà꞉ke ká꞉ien ne kaiatanerakwhtsera óni ne kashastenhsera tsi nénhwe tánon tsi nienhenwe enkeánhake. É꞉ʼtho naiá꞉wenhne.

Revelation 20:6

Iakotáskats tánon iotokénti tsi niiá꞉kon nenhiakoiatáheste nenhtewatsérente entiontón꞉nhete. Tsi nòkwah ne ronón꞉ha ne tekeníhaton kenhé꞉ion iáh othé꞉non teiosastenserá꞉ien, ók ronón꞉ha kíʼ ne Ní꞉io raotsihénstatsi enhón꞉ton ó꞉ni ne Kerístos, tánon kwáh enhontkóraste skátne ne raón꞉ha né꞉ne enskatewenhniawehetseráhsen nikarí꞉wes.

Revelation 5:10

í꞉se waseiónhnien né꞉ne ronhnonhontsakeró꞉nons ahón꞉ton tánon ratiʼtsihénstatsis tahonahonwahiò꞉tenhse nón꞉kwa Ní꞉io, tánon ronón꞉ha enthatiniarotároke ne tsi ionwenhtsá꞉te.”