Isaiah 66:2 - Ohiatonhseratokénti

² Oriwaʼkwékon kí ken katsaná꞉ke ioshaʼáhnion, tánon káti orihwaʼkwékon kí꞉kens Í꞉i akáwenk, rá꞉ton né Roiá꞉ner. Ók né kí kíken tsi nikáien né kwáh tenkhehiatʼkáneren, né nehthàke iakotatónhni tánon né teiakawerhiaʼsaríhon, ronón꞉ha rotiʼiatíshonʼkwe nakewenhnaʼókons.

Isaiah 66:2 ပူးပေါင်းရင်းမြစ်များ

1 Kings 21:29

“Wasatʼthokéken tsi nióre ne Ahab tsi ehtàke wahathatónhni nakʼkénhton? Tsi éhtho kíʼ nahá꞉iere, iáh kíʼ thaʼhontátkhaʼwe ne kariwahekénsera ne rahonháke tsi nikaríwes enrónhnheke; kwáh kíʼ tsi nikaríhwes né roiénha enrónnheke tsi enthékhaʼwe ne kariwahetʼkénsera ne Ahab rahowatsiráke.”

2 Kings 22:10

Tánon eʼthó꞉ne waʼhénron, “Kénʼen í꞉khawe kaiatónhsera nètho Hilkiah tkakáwi.” Tánon iorakaʼréni tsi wahowenhnanóthase ne ronontí꞉io.

2 Kings 22:11

Nó꞉nen ne ronontí꞉io sahotʼthónteʼne ne kaiatónhsera onʼtewenhnaʼnó꞉ten, waʼharatiónko ne raʼotsherón꞉niat tsi nontahanikónrenhne,

Ezra 10:3

Nón꞉wa ó꞉nenk tsi kwáh iorihwaní꞉ron tsi entsitewahrahrátsten Nonhkwáh Ní꞉io tsi entsithihiathekwáhthe kí꞉ken konhnónkwe ó꞉ni nakothihiohokón꞉as. Thóh nenhiakwáhiere tsi nahó꞉nenh ní꞉se tánon ne ronátiaʼkes ne rathirihwakweniénstha ne Rawenni꞉io rahorihwatákʼtseras tsi nenskwahtenikónhron. Ánion thoniiá꞉wen tsi niwá꞉ton ne Rawenni꞉io raoianerénhsera.

Ezra 9:4

Thóh kitskóthe wakekironhratʼtsens tsi nió꞉re iaʼkáhewe noʼkarasné꞉ha ahonterihwathentsáthonke ne karihwiiosehokénhas, tánon nonkweshón꞉as ó꞉nen tahontháhshawenh watsonhkatiáthaton—ratikwé꞉kon ne ronateronhienthén꞉ni tsi nahó꞉ten ne Sakoní꞉io Nisraerró꞉nonhke rá꞉wen tsi nokwáh ne kariwanerenháktseras tsi nihá꞉ti ne sót꞉ti ne ronahnakerá꞉kwenhne.

Psalms 119:120

Í꞉se saríhwa tsi wák꞉terons; tánon ne wakteronhkwénhnis ne sarihwenhthátshera.

Psalms 119:161

Ne sahkotihénhtenhse tahionkatsiatónhti né꞉ne kwáh iáh othénnen tetsiorihonhníhon, ók kí kerihwakweniénstha ne saianerénhsera.

Psalms 138:6

Asèken iawerohátien ne Roiá꞉ner tsi nió꞉re tsi éhʼneken thénteron, tesakoteriéntare kí ne iakothenténion; tánon ne iontatónhni iáh thahónton naiesathaséhten.

Psalms 34:18

Né Roiá꞉ner ratihiaták꞉ta í꞉res ne teʼhonerhiasaríhon, tánon sehsakonónstats ne tehiakonikonhrahríhon.

Psalms 51:17

Nakeriwiʼiosehokónhas né꞉ne í꞉ken né tsi tewakenikonhraríhon; ne tehioríhon ó꞉ni ne teiawerhiasaríhon, Ó Sewenní꞉io, iáh taskénron.

Psalms 51:19

Eʼthóhʼne né enserientiʼiósten ne tkarihwaiéri enkénhake ne kariwiʼiosehokónhas; né꞉ne wateskóntes tánon ne tsekontiʼiatakwékon wattsaháton; tánon eʼthóhʼne ó꞉nen tionhnónskwaron rátsinn enwateskóntake ne sáwenk ietienhsarákwahke.

Proverbs 28:14

Tiótkon tshewén꞉narakhwak ne Roiá꞉ner tánon enhsatonhnhá꞉rake. Tókaʼ seriahsahní꞉ron, wé꞉so kiʼ ensáhtonʼse.

Proverbs 29:23

Atatkwenienhstáhtshera entkáhawe ehtà꞉ke niensaiaʼténhawe, nok tókaʼ saniténhton, eniesakwénienhste.

Isaiah 40:26

Satarakétsko éhʼneken niaʼsatiérat tánon satkátho: Ónhka kí꞉ken rosahánion? Rahón꞉ha enthaʼiákenhwe notsistokwahsónhas tánon thensakohiatónhnion, ienshakonatónhnion ratiʼkwé꞉kon tsi niotisenhnoténshons; tsioríhwa tsi nateiotenonianíton roshatstenhserowánen í꞉ken, roshatstenhserowanenhkówa, iáh nénska tehiotón꞉on.

Isaiah 41:20

né nahónton akwé꞉kon ahiontkátho tánon aiakoteriéntaraʼne, akwé꞉kon taieiató꞉rete tánon aiakonikonraiéntane, né꞉ne raohtsá꞉na ne Roiá꞉ner kí꞉ken thóh niʼioié꞉ren, né꞉ne rahonhatsíwa khók Roiatatokénti ne Israerʼronónke rohsahánion.

Isaiah 57:15

Asèken né aoríhwa rá꞉ton ne éhʼneken tánon né kwáh tótʼte tsi rahónha thóh nón꞉we nihénteron tsi nón꞉we ne tsi nénhwe í꞉ken, né raosénhna né꞉ne Iotokénti: Thóh nón꞉we nikíteron ne kwáh éhʼneken ít꞉ken tánon iotenathatokénti, tánon kí ó꞉ni tsi nihiá꞉kon ne teiakaweriaʼsaríhon tánon tiakonikonrénhen, né náse ahonsónhton nakonikónhra ne tiaʼkonikonrénhen, tánon á꞉se ahonsónhton nakawariáʼne ne teiakaweriaʼsaríhon.

Isaiah 61:1

Ne Raoshatsʼténhsera ne Roiá꞉ner Rawenni꞉io onhtiaʼtórenhne, tsioríhwa ne Roiá꞉ner tsi ratiaʼtarákwen; thaʼkateniéton nahontátʼkhawe ne karihwí꞉ios rononhá꞉ke ne ronwatiʼwí꞉shaton, nahonshakhétienhte ne teiakawerhiaʼsaríhon, naʼkerihowanátenh natatewenhniʼiósera rononhá꞉ke ne ratinhó꞉tons, tánon nahonsahonwahtiʼnhotónhko ne ratiʼnhó꞉tons;

Isaiah 66:5

Sewatahónsatat né raowénhna né Roiá꞉ner, í꞉se né ensewaiatíshonʼkwe né raoʼwénhnake: Né kwáh í꞉se tionkwetaʼshón꞉has iesáhswenhse tánon iesatewenhtétonne nakʼsénhna iorihonhníhon wá꞉ken, “Ahnion né Roiá꞉ner ronwahiatanerá꞉kwat, né káti nahónton aiawatkátho né satonhnhaʼrátshera”; ók kí ronónha né kwáh enhonwanatéhaʼte.

Hosea 11:10

Kwáh Roiá꞉ner enhonwáhsere, raónha ratonhrá꞉iens kwáh né꞉ne kénreks; né nó꞉nen enhatonhráien, ne sakoioʼokón꞉as kwáh enhotiiatisónkwahne tsi iaʼtewatséntos nentónhne.

Micah 6:8

Eʼtsisewahró꞉ri, O tiónkwe, tsi nahó꞉ten ne ioiá꞉nere í꞉ken. Tánon tsi thóh kiniiot ne Roiá꞉ner tsi sewarihwanonhtón꞉nis: Ne sewahiò꞉ten ne tkarihwaié꞉ri, tánon ne iorihwató꞉ken kanoronhkwáhtshera, tánon tsi tesewatekhá꞉hakwe sewanitentón꞉hak rahonhà꞉ke ne Ní꞉io.

Habakkuk 3:16

Wakaʼthón꞉te akwé꞉kon kí꞉ken, tánon onhtsiatí꞉shonkwe; tsi nió꞉re tsi wáterons waʼtewakenawirohó꞉khon. Tánon tahkwaʼáshon onkatiénhase ne tiéronhke, tánon waʼtiatishónkwa tsi nón꞉we niʼttákwe. Kwáh kíʼ skén꞉nonk thenkénhake tsi nenhkateráhrate ne iaʼkáhewe nó꞉nen ne Rawenni꞉io ensakorewaʼte tsi niháti ne tionkhiiatsatónhtses.

Matthew 12:6

Aeseȣaterientarake tsi ȣakȣarori, tsi senha raiatanoron nonȣentsiake nonȣa ihres tsiniiot nʼOnonsa-tokenti.

Acts 7:50

Iáh ken í꞉i oriwakwékon tewakʼsahánion?’

Acts 9:6

“Téstann tánon kanáthakon niaháse, thohʼnónwe enʼtiesaróri onhnénshieʼre.”

Philippians 2:12

Tekanórons tewathoronsónhas, tiotkonhónwe takwawennarákwakwe sesʼnónen skátne ítewes. Nonkʼkinónwa onensewakaténtion, ónen kisènha teiohthonwentióhon naisewatewénnarakwe. Katerontserákon tsi ní꞉ioht tsi sewahióten tánon aisewahiathisónkwaʼke tsi aisewátʼthoke tsi nikéntons nahonsaieniákenʼne.

Colossians 1:17

Kerístos ó꞉nenk sirónnhe nohénton sontakontáhsawen noriwahkwé꞉kons, tánon tsi tehionkwateriwasóntere ne raónha kwáh orihwakwé꞉kon tkaié꞉ri tsi ní꞉ioh tánions.