Isaiah 6:2 - Ohiatonhseratokénti

² Seraphs é꞉neken tsi renskwáhere thóh ratíties, né satiʼhiatátʼtshons iáʼiak natehatinerahontʼtshóntons: tèkeni ne raotinerahóntsas né iororótʼtons ne ratikonsáke, tánon nó꞉ia tekanerahontsákes ronhsí꞉takes né iororókston, tánon nóia tekanerahontsákes né꞉ne rónstha tsi tenhatíten.

Isaiah 6:2 ပူးပေါင်းရင်းမြစ်များ

Genesis 17:3

Eʼthó꞉ne né Abram wahatatiaʼtiè꞉nenhte kwáh tshiahakonhsó꞉taʼne nonwentsà꞉ke; tánon ne Rawenni꞉io wahawènhahse,

1 Kings 19:13

Nó꞉nen ne Elijah sahothónteʼne, rahotsáthawi wakóses wahatʼkonhsashé꞉thakwe tánon iahahiákenhne tánon thóh iathátaʼne tsi iehionhthawehiathákwah ne osónhwakon. Owénhna wahawénhase, “Elijah, onh niʼtsatiéra ne kénʼen?”

1 Kings 22:19

Né Micaiah iahathasónhteren: “Ónen kíʼ sathahónsatat tsi nahó꞉ten ráton ne Roiá꞉ner! Wahíken ne Roiá꞉ner rahonitskwáhraʼne ne karonhiáke thènskothe, ratikwékon ne rahoronhiakeró꞉nons rahiatákʼta rónhʼnethe.

1 Kings 6:24

Tetsáronh kwáh shaʼtetiótʼthes tánon kwáh saniʼierónhta íken. Sniʼhiatátʼtsons tekenísons teninerahóntʼtionhte, né sninerahontsátʼtions 7½ niwashí꞉takes nihiónhsons, káti tsi níhionhs ne tsi iehiótʼthes ne skanerahónhtsa tsi nióre nó꞉ia 15 iawénhre niwashí꞉take níhions.

1 Kings 6:27

Skát꞉ke í꞉nethe tsi ní꞉ioht tsi rotí꞉ien tsi nónhwe ne Kwáh Tiotó꞉kenti ít꞉ken, né káti ne tsi iehonaterahóntʼtsates iehiotiʼienakwákon nó꞉ia tsi káien ne kwáh satekanonhsí꞉hen nónhwe, tánon nó꞉ia ninerahontʼtsákes asonhtáke né iehiotiʼienakwáhkon.

1 Kings 8:7

Tsi naʼtehonatehonhnonhtsaʼkaráwen né wakaróhrokste noneró꞉kwa tánon ne kanawahá꞉tes ne ronátston tsi thóh thí꞉ha.

Nehemiah 9:6

“Shonwahaʼkhók, oh Saiá꞉ner, shonhní꞉son ne tsi karonhiá꞉tes, né꞉ne tsi karonhiá꞉tes ne tsi karonhiá꞉tes ne kontikwé꞉kon ratikwé꞉kon ne ratironhiakeró꞉nons; ne tsi ionhontsá꞉tes tánon tsi nahoʼténhsons né꞉tho í꞉wah; ne kaniatarakeʼkó꞉wa tánon tsi nahoʼténhshons neh thóh nón꞉we nikónhnes. Kontikwé꞉kon í꞉se teshehiá꞉wi natónhnhets tánon ne ratironhiakeró꞉nons ne karonhiá꞉ke ieshashén꞉naiens.

Job Tánon ne Raoronhiakensera 1:6

Nón꞉wa ne thóh wenhniserá꞉teʼkwe nó꞉nen ne ratironhiakeró꞉nons tahónhne nahonthaténeste raohénton ne Roiá꞉ner tánon ne Sakoriwaros tá꞉re nonhnè꞉e washakotsatárahse.

Job Tánon ne Raoronhiakensera 15:15

Ne Rawenni꞉io iáh thahóthen tethesakawetáhkwa ne raonhatsheraʼshón꞉as ne rotiiatatokentí꞉sons, iekaní꞉hare ne tsi karonhiá꞉te tsi iotinhitserá꞉ien ne raohénton;

Job Tánon ne Raoronhiakensera 4:18

Iekaní꞉hare ne raonhatsheraʼshón꞉as iáh ki tethesakawetáhkwa, tánon ne raoronhiaʼkerononhó꞉kons ne sakorihwatsiénhrase naterienʼtawerié꞉tshera;

Psalms 103:20

Tetsisewaʼnonweráton ne Roiá꞉ner, Ó í꞉se ne sewaʼronhiakeró꞉nons, í꞉se ne sewáʼsháststes ne sewaʼtewenhnarákwah tsi nihorihwaʼtáton, nisewaʼtahónsate tsi nahoténhsons ratónhnions.

Psalms 104:4

Né tsi iahó꞉te né iesarihwaʼkareniénhni, tánon tsi tekenthonkwaríkʼkons ó꞉ni tsi tewahninekarawáhnions nene sahnhatseraókons.

Psalms 18:10

Tánon né waʼhosáhten ne rahshástste raronhiakeró꞉non; thóh ráhtie tsi iówerahreh.

Psalms 89:7

Né Rawenni꞉io ronwattsánis ne tsi ratiʼtsenhaienthákwa ne rotiʼiatatokentíshons, ratiʼkwékon rónhnete ne tsi niʼiesahiatanerakwáhtha.

Exodus 25:20

Ne tenineráhontʼtsionhte kárhios tehiatatkonhsakánerahke tsi iatehiohiaiákhon natenonhtékta, tánon tsi tehoʼnathehonnonkʼtsakaráhwenh ne akarorókthe.

Exodus 3:6

Í꞉i Naʼkení꞉io ne sesotʼthonkonhkénʼen, né꞉ne Rahotiní꞉io ne Abraham, lsacc, ó꞉ni ne Jacob.” Káti ne Mahís wahatʼkonhsàh꞉sehʼte, tsioríwa tsi wahaʼtsàhniʼke nahó꞉ken ne Rawenni꞉io.

Exodus 37:9

Né tininerahóntʼtshonhte tehnhónhnes tehiaʼtatkánere ne iatehiohiaiákʼthon natenonhtékʼtha, tánon né tsi tehonatehonnonhtsakwahráwen né iororóks꞉ton natenonhtékʼtha.

Isaiah 6:6

Ethó꞉ne saiáta ne seraphs thontaháthen tsi nón꞉we níkes, ioskwenhthataríhen ráhawe né꞉ne ietsienharákwahke nontaháhawe ne wáratsʼte tèkeni ne teietsirorahrakstha.

Ezekiel 1:11

Ne rathikonhshá꞉kes, ne rahothinerahóntʼtias, ne shatihiatátʼtions ne ronhnonhnhéʼnion tekenitehatinerahontʼtióntons, ne skátʼtions iekaniháras ne ó꞉ia tanerahóntʼtionte, ók nó꞉ia tekanerahontʼtsákes ne꞉ne karohrókstha ne ratihiatákes.

Ezekiel 1:24

Honkatʼthónteʼne tsi rahthítie tsi nihioráhkareh ne rahothinerahóntʼtsas; kwáh thóh ní꞉ioht tsi nikawáhtsas ne kaniatarahkhekówa, tes kaierónhtareh tsi nihiotʼtsaróh꞉kwenh ne kanenhrowáhnenh ronterí꞉ios, teskaierónhtareh ne Roshaststenserowáhnenh Rawenni꞉io raowénna. Nónenh enhóntkaʼwe tsi rahthíties, tenshontenerahontsiásehte,

Ezekiel 1:4

Wakatarahkétsko tánon wahkatʼkátho thontahiowerahtaseʼhátse othoréke nonhtahiawenonhátse. Tewahnhinekarahwáhnions tsi nónhwe ne kowáhnen iotʼtshátare, tánon teioswátʼthe nakʼthóntse, tánon kwáh énskak tsi ní꞉ioht tsi tsothónkote, tánon ne kwáh sahtekenthonkwíʼen thóh ní꞉ioht tsi ní꞉ioht ne teiostarátʼthe otsínekwar karístatsi.

Ezekiel 1:6

ók kíʼ ne shaʼthihiatátʼtions kaiéri nihatikónhsonhte tánon kaiéri naʼtehatinerahontʼtsiónton.

Ezekiel 1:9

Tekanerahontʼtsákes ne shathihiatátʼtions ne ronhnonhnhénion tehiotʼtakwahríthon ne káti ne ronhnonhnhénions nahónton tahathithokerónhtate, tsi iehonahtenerahontʼsaténion tehiotiʼienahwahkhónnions. Nónenh enhontorhiáneron, skentiókwahtʼkhók tsi enhontorhiáneron akwékon iáh thaʼtahontkarahténi ne rathihiathakésons.

Ezekiel 10:16

Nónenh ne niʼnikonhrare iotokentis nonen enhiatorhiáneronh, nokakwéntas skátke tsi tewatkaraténi. Tánon nónenh tenhontenerahhontsakwáhrihsi ne tahathíten, nokakwénhta shé꞉konh kíʼ tsi skátʼne tsi nienhónʼne.

Ezekiel 10:21

Ne shathihiatátʼtsions kaieríson nihatikonhsónhton, kaiéri natehathinerahóntsionte, tánon tsi ní꞉ioht ne ónhkwe akotshánas hióronh ne ratinerahontionkónhsons.

Daniel 7:10

Ó꞉ni kwáh í꞉ken tsi ioʼtónhkwes iotsirakétote tsi eʼtho nón꞉we nontá꞉we. Kwáh tóka niaʼtewenʼniáwe ehtsheráhsen niionkwè꞉take tehonwarihwahsnié꞉se, tánon meriien niionkwè꞉take raohén꞉ton rónnete. Né teieiaʼtorehtáhkwa tahontáhsawen wahatitsénhaien, tánon waʼthatikhási ne kahiatónhsera.

Daniel 9:21

Tsi nikarí꞉wes wakaterénnaien, ne Kabriér, tsi niká꞉ien rí꞉ken ne tiotierénhton tewakatetshén꞉en, tontahatá꞉senhte tsi nón꞉we níkeskwe. Eʼtho shikahá꞉wi tsi nihotirenhaʼón꞉ne ne oʼkarahsnéha katshé꞉nen enkonwatsiaʼtátshaʼahte.

Zechariah 3:4

Ne raronhiakeró꞉nonh wahsakawénhase ne raonhatsherahó꞉kons ne karonhià꞉ke, “Ahé꞉ren sehwahá꞉wit ne tehiokweniáhtion kí꞉ken rónkwe rhotieronniáhton.” Ethò꞉ne wahawénhase ne Joshua, “héren wahkhá꞉withe ne sharihwaneraháktshera tánon akweniáhse tentʼkónhion nahonshasháste.”

Luke 1:10

Nok nonkȣeokon astste ens neneh nakannhohati iakoterennaien nonen ionkaheȣe tsini iontienkȣaronniatha.

Hebrews 1:7

Nók tsi nòkwah ne ratironhiakerónons Rawenni꞉io wahénron, “Rawenni꞉io shakowehronniénʼnis ne raoronhiakerónnons, tánon ne raonhatsheraókons iotónkote nohtsí꞉re.”

Revelation 14:6

Eʼthò꞉ne ó꞉ia wahí꞉ken raronhiakeró꞉non rátie shatekaronhí꞉ien, ne rahá꞉we ne tsi nén꞉we kariwí꞉io ne nahonwatiró꞉ri tsi nihiá꞉kon ne iakónnhe ne tsi ionhontsá꞉te—kwáh tsi niateienekwenhsá꞉ke ó꞉ni ne kentióhkwas ó꞉ni nakoronkhátsera ó꞉ni nonkwehó꞉kon.

Revelation 4:8

Tánon kíʼ kaié꞉ri nihá꞉ti ronón꞉nhe, ne sathiiatatʼtions iáh-iak natehatinerahontióntons, kwáh okaróskonk thí꞉ken kwáh teonakwataséhton tánon ne rathinerahontsó꞉kons. Nenhtsekè꞉nes tánon nasonténhne kwáh iáh thatehatí꞉tas tsi teothiriwákwen, “Roiatatokénhti, roiatatokénhti, roiatatokénhti, ne Roiá꞉ner Ní꞉io ne Roshatatenserowá꞉nen, raónha ne tkénhne tánon nón꞉wa tánon tsi nénhtewe.”

Revelation 7:11

Tánon ratikwé꞉kon ne ratironhiakeró꞉nons ronhné꞉te teonakwataséhton tsi wanitskwahratseró꞉te tánon teowanakwataséhton ne rotikstenhokón꞉as tánon ne kaié꞉ri háti ronhnonhénion kahtsé꞉nens, tánon wahatiiatsénenhne tsahatikonsó꞉tane ohén꞉ton tsi wanitswaratseró꞉te tánon wahonwashén꞉naien Ní꞉io,

Revelation 8:13

Ethó꞉ne wakʼkatʼkathónhnionwe, tánon wahiwenhnáronhke á꞉kweks rawenhnó꞉te tsi nihawénhna tsi nihá꞉tse ne satekaronhí꞉ien, “Rotitenhtasere, rotitenhtásere, rotitenhtásere ne ratinakeréhnion tsi ionwenhtsá꞉te, tsi nontewenhnó꞉ten nó꞉ia iehonrawátsta né꞉tho áhsen nihá꞉ti ratironhiakeró꞉nons ó꞉nenh thó꞉wa ahatihón꞉rawate!”