Isaiah 57:2 - Ohiatonhseratokénti

² tánon ienhontáweiaʼte tsi nón꞉we ne skénnonk thí꞉ken; né꞉ne tsi nihá꞉ti ne tkaʼrihwaiéri nón꞉we nihonakʼthahítake kwáh entonterakáren ne raoʼnanitskwáhraʼne.

Isaiah 57:2 ပူးပေါင်းရင်းမြစ်များ

Genesis 17:1

Ne nó꞉nen ne Abram tióhton niwáhsen tánon tióh-ton shaʼtehaohseriiá꞉kon, ne Roiá꞉ner wahototáhshien ne Abram tánon wahawènhahse, “I꞉i ne Ní꞉io wakeʼshaststenhserowá꞉nen; takewèn꞉narahk tánon kwáh tóhsa ohthé꞉non iesarihwatshènriaʼs.

2 Chronicles 16:14

tánon osténhrakon nón꞉we nahonwahiatháta né rahónha rostenhrakáronhte né Táwit raonáthakon nón꞉we. Kanonkwahtseranórons tánon ionhtatiatokásthas kénies wáhonste tsi wahonhiontasehrónhni nahonwahiatháta, tánon tehiotsienhanónhiani wahontékate tsi wahontʼtiónhnion tsi warénheie.

Job Tánon ne Raoronhiakensera 3:17

Thóh nón꞉we ne ronhnonkweʼtahétkens rontʼkáwas ne thé꞉nen tahatinikónhraren, tánon thóh nón꞉we ne tehiakowisenhé꞉hion iakahorihsénhtas.

Psalms 37:37

Tsi sehwaʼteniénhtents ne iáh tehoníkon, táon tsi sewaʼthenhnikonhráren ne tionkwetaʼiéri, ne ónkwe ne skénnonk thíʼken iakowahtsirahiénthas,

Ecclesiastes 12:7

Nonhkwahieronhtasónhas okènrah iensehwáton ne tsi ionhwenhtsáte, tánon nahonhnísehra ne tsi iakónhnhe kwáh nenhné꞉e Rawenní꞉ioke niénsehwe, tsi nikáien ne tesonhkwáhwi.

Isaiah 14:18

Ratiʼkwékon ne sakotinontí꞉ios ne iakahontsakeró꞉nons enhatiʼiatiónhnike thóh kaiatanerakwahtsherákon, satiʼhiatátʼtshons ne rahonatʼtsatonkwáhkon;

Isaiah 26:7

Tsi nihotihahóten ne tionkwetaiéri iotʼthahakwahríshion í꞉ken; Ó Saiá꞉neren, í꞉se stakwaríhshions tsi ronaháte ne tionkwetaiéris.

Jeremiah 6:16

Ne Roiá꞉ner washakawénhase ne rahonkwetaʼshón꞉a: “Tsi thetsiathahásehre iatesehwáhtanh tánon tesehwatʼkathónnionf. Sehwahrihwanónhton ne ohahakáhion tánon kanónhwe ne kwáh tsiohahí꞉io. Thóh nónhwe nashaténti, tánon skénnen tsi enshón꞉nheke.” Ok wahonhní꞉ron, “Iáh, kwáh iáh thahiakwatónhtate!”

Ezekiel 32:25

Elam kahiatiónhni skátke tsi niháti ne ronhwatinonhwahrhiakónhnion tsi waterí꞉io, tánon ne rahonatʼtsathónkwas ne ahonkwetashón꞉ʼa ronhterí꞉ios tekonhwahkwahtaséhton, kwáh ratikwékon iak tshehonwahtiʼwarahkwétaron, ratikwékon tsi waterí꞉io ronhwatinonhwahrhiakónhnion. Tsi ronhnónhnhekwe kateronhkwáhtshera tehonahrieniáton, ók kíʼ ónenh rohnienhéion tánon rohnahtehénʼen, rahthihiátare tsi nihothihiatawénhen tsi niháti ne ronhwathinonhwahrhiakónhnion tsi wahterí꞉io.

Daniel 12:13

“Tánonʼ ní꞉se, Daniel, sarihwatokénhak kwáh tsi niió꞉re ne tsi ieió꞉tokte. Eʼthó꞉ne enhsíheie, nok tentehsatkétsko ne ahsié꞉na ne satshennonniátshera ne tsi ieióto꞉kte.”

Matthew 25:21

Nok ne Roianer ȣahenron: ioianere tsi seȣeienniio; kenh sane niioriȣaha nok ki taseriȣaierite eso kati enkonrihonten: satonnharen raotonnharatserakon ne Saianer!

Luke 1:6

Nok rotiianerekȣe rahohenton ne Niio, oriȣakȣekon oni rotiriȣaieritonhatiene tsini ȣatenienten oni tsini kariȣataton ne Roianer raoriȣasonha, iah tehotinnhiseraien.

Luke 16:22

Khare onen ȣarenheie ne rotent, Ratironhiakeronon iahonȣaiatenhaȣe ranaskȣakon nʼAbraham; ȣarenheie oni nehne ne rokȣastsekoȣa nok ȣahonȣaiatata.

Luke 2:29

Onen nonȣa Seȣenniio! Skennen tenkiheie tsiniskerharaststenni.

Luke 7:50

Sekon sarenhase: neh tsi tisetakȣen neh ȣesaiatakennha; ȣas kati nok skennen tsi sasatenti.

2 Corinthians 5:1

Kí꞉ken tewaieròn꞉ke ne teskaierón꞉tare tsi ní꞉ioht ne waʼtohseró꞉ton tsi kén꞉ʼen tewanákere tsi ionhontsá꞉te. Nok kí꞉ken ne aʼtóhsera nó꞉nen enkarihwahtón꞉ton, ionkwaterién꞉tare ne Rawenni꞉io kwáh tsi tewaiáʼtátson ó꞉ia ensehshonkwanákton tsi nón꞉we ientsitiónhnheke. Tho iontientáhkhwa iáh tho tekanonhsò꞉tens tsi shí꞉ken ní꞉ioht ne ónhkak aiakononhsisonʼónhake, nok karonhià꞉ke nón꞉we tkakè꞉ron iáh nen né꞉ʼe nonwén꞉ton thiakarihwén꞉taʼne.

2 Corinthians 5:8

Teiotonhontsó꞉hon naionkwaʼnikonhrahnirónhake, aséʼken sénha ne tewarákwas ne taitewatekháhsi nonkwaierón꞉ta tánon Roiá꞉ner skátne iaonsetewenʼteróntake.

Philippians 1:23

Kwá íken tsi iohníron tsi enkathaterákwase. Tewakathonwentióni nakiheie tanon Kerístos iahiakinikwékhaʼne, Asèken iawehthatsiáni ne iohiánere.

Revelation 14:13

Tánon wakewenhná꞉ronhke thóh nontá꞉we karonhiá꞉ke watón꞉nions, “Shiá꞉ton kí꞉ken: Iakotáskats ne iakawenhé꞉ion ronón꞉ha kén꞉en ienwatáhsawen ronenhé꞉ion raonhà꞉ke ne Roiá꞉ner.” “Hen,” rá꞉ton ne Ronikonrí꞉ioston, “kwáh enhontoríhsen tsi nihonathatonhnakenà꞉on, Asè꞉ken tsi nihatiweienhó꞉ten enhotinonhtérane.”