Isaiah 51:4 - Ohiatonhseratokénti

⁴ Takwahtahónsatat, akonkwetaʼshónha, tánon takwahtahónsatat, akitiókwa; asèken ne karihonhnienhnítshera kwáh akonháke entkaiákenhne, tánon nakerihwakwahrishióntshera né nakoswatʼthétshera í꞉ken nonkweshón꞉has.

Isaiah 51:4 ပူးပေါင်းရင်းမြစ်များ

Psalms 106:5

né nakatkátho ne raotiʼkwahsestsherákon ne seiatarákwen, tánon ahontiaténheste ne raonatʼtsenhnonhniatsherákons ne sehiatará꞉kwen ne nakatonnáren nonʼnhí꞉i tsi ne nihonatʼtsenhnónhni ne shonkwetaʼshón꞉has tánon ahontiatáheste ne raotinaieserákon ní꞉se shonkwetaʼshón꞉ha.

Psalms 147:20

Iáh thóh nió꞉re tsi thatehonterihwasónhtera ne tiʼononhontsátes; iáh teonateriéntare ne raoianerénhseras. Tehonwanonweráton ne Roiá꞉ner!

Psalms 33:12

Iakotáskats nonkweshón꞉ha rahónha ne Rawenni꞉io Raotiʼiá꞉ner í꞉ken, nonkweshón꞉has ne sakohiatará꞉kwen rahónha kíʼ rahonkwetashón꞉has ronatón꞉hon.

Psalms 50:7

“Sewaʼtahonsí꞉iost, Ó akonkwetashón꞉ha, tánon kwáh enkatáti, Ó Israel, kwáh enkonhiatanó꞉then. Í꞉i ne Ní꞉io í꞉ken, í꞉i ne Saní꞉io í꞉ken.

Psalms 78:1

Sewaʼtahonsí꞉iosts, Ó akonkwetaʼshón꞉has, naʼkerihonnienhnítseras; sewaʼtahónsatat nowenhnashón꞉has ne tsitsakáronhte entkaiákenhne.

Exodus 19:6

nonhkweshón꞉ʼa ronahteriwaʼthokénston akonhakeʼkhók nónhwe, tánon thóh ní꞉ioht ne enskwahiótense tsi ní꞉ioht ne roʼthikháres.”

Exodus 33:13

Ónen kíʼ tó꞉ka íse íken, takró꞉ri tsi nisanikonhró꞉ten, ne káti nahónton nakonhiótense tánon iakatasónhteren nahontakonhnikonhraié꞉rihte. Tánon káti ó꞉ni sehiárak íse sehiaʼtaraáhkwen kí꞉ken onhkweshón꞉ʼa níse shonkwéta akénhake.”

Proverbs 6:23

Tsi nahò꞉ten iesahró꞉ri ne shá꞉ka ne teiohahseráthe; ensaháharahte ensahró꞉ri tsi ní꞉ioht tsi tkariwaié꞉ri nahshónhnheke.

Isaiah 1:27

Né Zion né entsoʼniákente ne kaiáneren, tánon tsi nihiákon nahonháke enhtiontatréwate, tsi ne rotiióte ne tkariwaiéri.

Isaiah 2:3

Iakotsokowánenh éntsien tánon enhiaiéron, “Káts, áhnion thóh ietewanontáran tsi rotenontáhere ne Roiá꞉ner, ietewatáwehiat ne raononsatokentiʼkowáne ne raoní꞉io Jacob; ne nahónton nashonkwahrihónhnien tsi nihaweienótens tánon nahónton thóh nón꞉we nahitewaténhti tsi rohatátie.” Asèken Zion nón꞉we entkaiákenhne ne enkahénte ne karihonhnienhnítshera, tánon ne raowénhna ne Roiá꞉ner Jerusalem ne nón꞉we nénhtewe.

Isaiah 26:2

Sewaʼthenhenraʼnontonkwenhátons, né káti nahónton ne tionkwetaiéris ne ratíhawe tewetákwen ahónton iahontáwehiaʼte.

Isaiah 26:8

Ne tsi iohatátie ne sarihwenhtátsheras, Ó Saiá꞉ner, í꞉se kwahrá꞉re; ne shasénhna tánon thisatʼtsénhnate né natónnhets waskáneks.

Isaiah 33:22

Asèken né꞉ne Roiá꞉ner nonkwá꞉wenk rarihwéntʼtha í꞉ken, né꞉ne Roiá꞉ner nonkwahkóra í꞉ken, né꞉ne Roiá꞉ner nón꞉kwah nontí꞉io ní꞉ken; kwáh rahónha enshonkwahiatanónsthaʼte.

Isaiah 42:21

Né Roiá꞉ner rawerienhtí꞉ios, asèken né aorihwàke ne raoʼrihwakwahrihshióntsheras, né nahakówanate ne raorihonhnienhnítsera tánon ne enrónhniaʼte nahiorihwanerakwáhtonke.

Isaiah 42:6

í꞉i ne Watiá꞉ner í꞉ken, kariwaʼkwahrishiontserákon tsi iekonhnáton, Iekonhiaténha tsi wakonhiaʼtsána tánon wakoniatiénawasʼte; Shonhàke nón꞉we nenhkónhni naterihwasehronniátshera né nonkwetaʼkwékon akorihwàke, né꞉ne akoswaʼthétshera nonkweʼshónhas,

Isaiah 49:6

rá꞉tons, “Shó꞉tsi iáh tehióst꞉te né nakarihóten ní꞉se akenhá꞉tsera ashá꞉ton né nahonshaʼsehkétsko ne raoʼtsiókwah ne Jacob tánon nahonshaʼsehkwahtákwahse ne iateonathaténhron ne Israerʼronónke; entkónhion ne kaswatʼthétshera rononháke ne ronhnonhontsakeró꞉nons, né naʼtienawaséhtshera ahónton iakanihaʼrá꞉ne ne tsi iehiotonhontiokʼtani:hon.”

Isaiah 55:3

Satahonsí꞉iost, tánon akonháke nontáse; satahón꞉satat, né ká꞉ti nahón꞉ton ashón꞉nheke. I꞉i kwáh ne enkonhiónhnien ne tsi nénhwe enkénhake naʼterihwaseronniátshera, naká꞉wenk iorihwató꞉ken, né noriwí꞉io kanoronkwáhtshera tsi nihiʼiararatsʼthénhni ne Táwit.

Isaiah 63:8

Asèken ráwen, “Oriwiʼiohónwe né kí꞉ken nakonkwetaʼshón꞉has í꞉ken, ratiksaʼokónha ronón꞉ha né iáh tahonnó꞉wenhte”; tánon né wahá꞉ton rahónha ensesakoskontáko

Micah 4:2

tánon kwáh iakotiohkowá꞉nen éntsien tánon enhiaié꞉ron: “Káts, ánion ietewanón꞉taran tsi thotenonhtáhere ne Roiá꞉ner, tsi thonónhtsote ne Raoní꞉io ne Jacob; ne kíʼ nahónton nashón꞉kwah rihónhnien tsi nihaweiennó꞉ten, né káti nahónton thóh nón꞉we naitewathénhti tsi rohathátse.” Asè꞉ken Zion nón꞉we nénhtewe ne raoianerénhseras, tánon Jerusalem nón꞉we ne Roiá꞉ner nihatá꞉tis.

Luke 2:32

Ne taiakosȣathetakȣe nonkȣeokon, nok Akonentonsera akenhake ne sentiokȣa Israerronon.

1 Corinthians 9:21

Kwáh ne sáka, nónen skátʼke ionkwahióthe ne iáh tehatiʼsitaeʼró꞉nons, thóh nikonnóten tsi ní꞉ioht ne iáh tehatiʼsitaeʼró꞉nons, nátsthe nokwáti ne Sitaeró꞉non raotiianerénsera, né nahónton nahontakhehiatatihéntho ne iáh tehatiʼsitaeʼró꞉nons. Iáh kíʼ né teʼkéntons ne iáh takatewenhnaráhkwahke ne Rawenni꞉io raoianerénsera, Kwáh seh Kerístos raoianerénsera wakʼkháwi.

Deuteronomy 18:18

Kwáh iekheiaʼteniéhtase ne rotokénse tsi ní꞉se ní꞉ioht ne kwáh ne sahatihiá꞉ta enkénhake; kwáh enhiró꞉ri tsi nahoʼténson enhenrón꞉nion, tánon kwáh orihwakwé꞉kon enshakohró꞉ri nonhkweshón꞉as tsi niwá꞉ken.

1 Tiér 2:9

Nók í꞉se ne kentiókwa ne ietʼtsiʼiatarákwen, ne Ronontí꞉io rahotsihénstatsis, ne otiokwatokénti, ne kwáh Rawenni꞉io rahonkwetaʼsónha, kahiatarákwen nahontʼróri ne ionerakwathénion ne Rawenni꞉io rahoweiénnas, ietsisewennónkon tsi tetiókaraskwe tánon thonónwe nonsatsisewátʼkawe ne ioriwanerákwat raoskwatetʼtserákon.