Isaiah 51:2 - Ohiatonhseratokénti

² Iatsiatʼkátho ne Abraham ianíha tánon ne Sarah tsi nikáien iesanakeráts꞉ton; asèken raonhatsíwa khók kènhne nó꞉nen shiaʼhináton, ók wahiʼhiathatériste tánon wahihiónhnien nahotsiokowá꞉na.

Isaiah 51:2 ပူးပေါင်းရင်းမြစ်များ

Genesis 22:17

kwáh kíʼ eniokwátstonke tsi enkoniaʼtaté꞉riste, tánon thóh niió꞉re tsi enkhetiohkó꞉wanahte tsi nienhsathwatsí꞉rine tsi ní꞉ioht tsi iotsistohkwahrónnion ne tsi karonhiá꞉te tánon tsi ní꞉ioht tsi tekatsiʼnehtarotáhrhonʼs noʼnehsarónhkwas naʼtsaʼktónties. Tánon tsi nienhsathwatsí꞉rine kwáh kíʼ enhsatiénawahste ne raotinataʼshón꞉ʼahs ne tehontátswenhs.

Genesis 24:1

Ó꞉nenhʼne ne Abraham sihokstén꞉ha, tánon ne Roiá꞉ner kwáh tshiehiorihwakwé꞉kon tsi roiaʼtateríhston nʼAbraham.

Genesis 24:35

Ne Roiá꞉ner kwáh tshieiorihwakwé꞉kon tsi roiaʼtateríston ne riioʼténhse tánon wahronkweʼtowáhnha. Teiotinaʼkarontón꞉ʼa tánon kaiaʼtákeras, tionhónskwaronʼs ronahskwawíhon, kahwistarà꞉kenʼs tánon ohwistanó꞉ronʼs, tánon ne rotiskenʼrakéhteʼs ó꞉ni tsonathonwí꞉senʼs ratihnhá꞉tsheraʼs, iotiniaʼkwáhere tánon ne tewahónhteʼs.

Isaiah 29:22

Ne káti wahón꞉ni rá꞉ton ne Roiá꞉ner, ónka shoiatákwen ne Abraham, tsi niʼiotiéren tsi ronónhshote ne Jacob: Iáh ónenh tetsió꞉wenk ne Jacob ahonsahatehénseʼke, iáh ónenh tetsiówenk ne rakonsàke tahonsahatskenenhnatónhten.

Isaiah 41:8

Ók ní꞉se, Israel, akenhá꞉tshera, Jacob, rahónha rihiatará꞉kwen, Abraham nón꞉we nitotʼwatsirínon, onhtiaʼténhro;

Isaiah 43:27

Né toʼnatierénhton sheʼsotʼthonkonkénʼen roʼtirihwaneraháts꞉kon, tánon ne ieʼsatewenhnakaratátis rotirihwáneren tsi nó꞉kwah ní꞉i.

Isaiah 48:1

Sewahthón꞉tek kí꞉ken, ne tsiónkwe NʼIsraerʼronónke, né ronwanatónkwen ne kasénhna Israel, tánon ne rahónha thóh nón꞉we nitawénon tsi nontakawatsiratátie ne Judah; rahónha rorihwaniráton raosénhnakon ne Roiá꞉ner, tánon iaohná꞉ton ne Sakowenní꞉io NʼIsraerʼronónke, ók iáh noriwí꞉io khés ne tkariwaiéri akénhake.

Isaiah 60:22

Né kwák kénk nenhatíhake né kenhtiókwah ienhónton, tánon né kénk nenhá꞉tike né enkanenhrasátsʼteke; Í꞉i ne Watiá꞉ner; thóh nenhkaháwiʼke kwáh kí enkerihwaié꞉rite iostó꞉re.

Isaiah 63:16

Asèken í꞉se né takwahiénha, iawerohátien né Abraham tsi iáh shonkwaientéri tánon nʼIsrael iáh teshonkwaʼrihwaniráti; í꞉se, Ó Saiá꞉ner, né takwahiénha; né tionkwahiatákwen né osthénha í꞉ken né shasénhna.

Ezekiel 33:24

“Rónhkwe iaiénha,” wahénron, “Nonhkweshón꞉ʼa ne ienahkeréhnion ne tsi ioriwenhtásehron kanatowáhnenhs né꞉ne Israel ahotonhwenhtsáke ionhtónhnions: ‘ne Abraham rahonhatsíwa khók kènhne, tánon ohontsakwékon rahónha thonwáhwi. Hionkwentiokowáhnenseh, káti nohóntsa í꞉i onhkwáhwenhk.’

Deuteronomy 1:10

Ne Roiá꞉ner sewaNí꞉io watsisehwenhtioʼkó꞉wanahte tsi ní꞉ioht ne tsi iotsistohkwarónhnions ne tsi karonhiá꞉te.

Deuteronomy 26:5

Ethò꞉ne, rahohénton ne Roiá꞉ner ensheshirón꞉nion kí꞉ken owenhnaʼsón꞉as: ‘Ne ratsotkénʼen ronatenháwiskwe Aramró꞉non, ne rahowá꞉tsire Egypt nieshakohiaʼténha thóh nón꞉we ieshatinákereʼkwe. Iáh teshonatioʼkowanénhne ne nón꞉we shahón꞉ne, ók sahonatiohkowá꞉nen tánon sahatishatstenhserowá꞉nah.

Joshua 24:3

Ethòne Abraham iahihiatenhawe, né꞉ne tsi sewasót꞉kenʼen, né tsi tsiohontsaien iseh nakaniatarati ne Euphrates tánon wahihentenhse watʼtronhontsihiake ne Canaan. Wé꞉so wahiwatsironhnien. Isaac wahihionkweton,