Isaiah 5:7 - Ohiatonhseratokénti

⁷ Asèken ne tsi ronenharaientʼthóhseron néh Sakoiá꞉ner ne ronterí꞉ios ratiʼronhiakerónons ne ne NʼIsraerʼronóns iakoton, tánon nonkweshónhas ne Judah né꞉ne rahonwesénhtsheras tsi nihoientʼthóseron; ne rorará꞉tiene ne kaiánerenh, ók ne wahatkato iakonekkwáhon; ne rorará꞉tiene ne karihwakwahriʼshióntsheras, ók nék khók wahothónhtene tehionséntʼthos!

Isaiah 5:7 ပူးပေါင်းရင်းမြစ်များ

Genesis 4:10

Tánon ne Roiá꞉ner wahén꞉ron, “Onhnaʼshatié꞉re? Sataʼhón꞉satat; ne tsatateʼkén꞉ʼa raonekwènhsa tewakenaʼtónnions ó꞉ni tetewahshénthohs nakonhá꞉ke ohwentsà꞉ke niteʼwéhtha!

2 Samuel 7:10

Tánon ní꞉i enkheiatenatará꞉kwahse nakonkwetashón꞉ʼahs Israerʼró꞉nons tánon thóh nón꞉we nenhkheteron, ne káti thóh nón꞉we nenhatiʼterónhtake kwáh ronónha enhonakwenhkhónweke, tánon iáh shé꞉kon thatahonsahonwatiʼnikonráren; tánon ne ronhnonkwetahétkens kwáh iáh shé꞉kon nonwénhton tahonsahonwatiʼroniákente; tsi nitsiotónhne ne tsiotserénhton,

Job Tánon ne Raoronhiakensera 34:28

káti ne wahatirihon꞉ni tsi nateionsénhthos ne iakó꞉ten niá꞉ien raonhà꞉ke, tánon waothón꞉teʼne tsi teionsénhthos ne iakoroniá꞉ken—

Psalms 147:11

ók kí ne Roiá꞉ner ne rawerientiʼióstha tsi niʼiákon ronwatsánis, rononháke tsi niháti thóh nón꞉we nihotiráhre ne iorihwató꞉ken raonoronhkwáhtshera.

Psalms 149:4

Asèken ne Roiá꞉ner ronwatsenhnonhniathénhnis ne rahonkwetaʼshón꞉has; shaʼkokweniénstha tsi niʼiákon ne éʼtake ionhtatónhnis ne teshakówis natesenhniétsera.

Psalms 80:15

né watenenharíhsehres né kwáh í꞉se sehseweienhteʼthákwen saiéntʼton.

Exodus 3:7

Ethòne ne Rawenni꞉io wahénron, “Wakatʼká꞉thon tsi nihonwanaʼteniaʼkatsʼténhni nakonhkweʼtaʼshónʼa tsi nihonwatiʼhierahse ne Egypt nónhwe; Wakaʼthontéhʼon tsi natehonahséntʼthòhʼon nahonsahonwatiʼniákenthe tsi nòkwah ne ronhwatironhiaʼkéntha. Kwáh oriwahkwékon wakateriéntare tsi nihotironhiáken,

Proverbs 21:13

Tókaʼ iáh thahsatahónhsatate ne rotí꞉ten tsi iesaʼnekèn꞉ni, nó꞉nen ní꞉se enhsheʼné꞉ken aiesaiaʼtakéhnha iáh ónhka taiakothón꞉teʼne.

Ecclesiastes 4:1

Ethòne shé꞉kon sakatkátho oriwahkwékon ne iáh tehioteriwakwaríshions tsi nihiawénsehrons ne kénʼen ionhwenhtsáte. Ne ronhwatironhiakéntha tehonséntʼthos, tánon iáh ónhka tahonwatihiathakéna. Iáh ónhka tahonwatinikonhrahiewénhtʼthoʼte, tsioríhwa ne ronwanathonnhotʼthakwénhnis ne kashastsʼténsera ronónha nokwáhti kaienthá꞉kwen.

Song of Songs 7:6

Tsi nisatʼkathotserí꞉io ó꞉ni tesenhrenhkánies, akenoronhkwáhtsera, akonkwetséntshera, sonha꞉ke nónhwe niwahkatsenhnónhni.

Isaiah 1:21

Tsi nahohiátahwen ne iorihwatokénhne Né kanatowanénhke tsiotahkwakareni iahónton! Ieioterátston ne nahón꞉ha kwáh kaiatananónhne ne kaiáneren, ne karihwakwariʼshióntshera ahonhàke nón꞉we nikénteron— ók ó꞉nen sakonashé꞉thas satíteron nahonháke!

Isaiah 1:6

Kwáh sasitókon tsi nió꞉re ne senonhtsíne, kwáh iáh okàneka tetsiothaténron ne iáh thahisatsiatakwaráshonke khéhs nahiotó꞉ke, ók shatsatakwarákʼshon tánon shatsiato tánon ionekwáhon tsi nisatkarehwátons; ók iáh tekanóhare, khés naieshakentórenke, iáh ó꞉ni teiesaienáron naionetskáon.

Isaiah 27:2

Né thóh enwenhniserateke: Né ioiá꞉nereh tsi iotenenhará꞉reh, neh teserí꞉wahkwat!

Isaiah 3:14

Ne Roiá꞉ner iahatáhweiaʼte nasakoriwenhtánion ne thohtí꞉ions tánon ne sakotihénthense rahonkweʼtashón꞉ʼahs: Kwáh í꞉se iesewasaháton ne tsi kanenharaientʼtóhseron; tsi nahoténsons ietsinenskwenháton ne iakothenténion sewanonskónsons ieskakérons.

Isaiah 3:15

Nahóten sewéntons tsi watsetsinenstsákon nakonkwetaʼshónhas, tsi wahetsikonsakénhrieh ne iakotenténion? Ráton ne Roiá꞉ner Sakoní꞉io ne ronterí꞉ios ratironhiaʼkeró꞉nons.

Isaiah 3:17

Ne Roiá꞉ner ne ensakononwatʼtáten nahiotinonkwíserenhne kwáh onahónstha enkónton ne kontinontsínes ne Zion akohioʼokónhas, tanon ne Roiá꞉ner kwáh kokʼnón꞉we thenrónhni ne tsi iotiríhwaien.

Isaiah 30:12

Né ká꞉ti aoriwa rá꞉ton ne Roiatatokentiʼónwe Israerʼronónke: Né aoríhwa ne tsi wesakenráhten kí꞉ken owénna, tánon thóh nón꞉we nontasétakwe né꞉ne kaniakatsʼténhsera tánon ne kanikonhráton, tánon ne sehniahésen;

Isaiah 46:12

Takatahónsatat, Í꞉se ne sehwerhiasaníron, í꞉se nahí꞉non ít꞉ken nahonsehsewathaʼtewenhní꞉ione:

Isaiah 5:2

Tsi ní꞉ioht ne tahathontáiake tánon waʼhanenhiaróhroʼke né waʼhaiéntʼtho né kwáh tekaiestáshion watenenharíseres; kwáh satekahetíhen ne watenenharíseres nón꞉we nahanikatóten, waʼhanatʼthaserónhnien tsi nón꞉we naháien ne tewahiaríhtha; rohrahrá꞉kwe ne kanenharí꞉io ahonenharaiéntaʼne, ók ne takáhawe ne karahkónha onénhare.

Isaiah 59:13

tsehionkwahtaʼtewenhniʼiostonháties, tánon tsi tewatonhníha ne Roiá꞉ner, tánon hionkwatsʼwaténion ne tó꞉sa atsitewá꞉sehre nónhkwah Ní꞉io, né ionkwahthaʼrákwen ne karonhiakénhsera tánon nahiaʼkinenraká꞉ri, né iatiónnhets nonówens owenhnaʼókons tánon tsi nihionkwahthaʼrákwen tsi nitewé꞉tha nonkweʼriá꞉ne.

Isaiah 59:14

Né kaiáneren onàken skahawíton, tánon né karihwakwahrishióntshera ahí꞉non nió꞉re ít꞉kaʼte; asèken norihwí꞉io íken thóh tsioshiʼtsiásks tsi iontkenhnisahá꞉tha nón꞉kwe, tánon né tkarihwaiéri iáh takakwéni niahontáweiaʼte.

Isaiah 59:4

Iáh ónhka kaianerenhseráke tseiéntha niaʼtahiorihó꞉taʼke, iáh ónhka kaianerenhseráke tienénhtha nahontakarihwaiérihke; né ratiʼniahésen ne iáh othènon tahonwatiʼnitséron, ronhnowenhtánions, né ronatienawáston ne iotakónta tánon né iehontiʼhéntʼthos ne karihwaneraháktshera.

Isaiah 62:5

Asèken kwáh tsi ní꞉ioht ne kentiʼthohiónha rónkwe wahatateniát꞉then ne kén nitsohiónha iónkwe, né kí nón꞉neʼe ó꞉ni ne iesanonsonhniénhnis wesewaniáke, tánon tsi ní꞉ioht né roniákon rotonnáhere ahonhàke ne rotiʼniá꞉kon, káti né Rawenni꞉io enhiaʼtonhnahéraʼse nonníse.

Jeremiah 12:10

Rohnatiokowáhnenh ne thihotiʼnakerasehrátes ratikóras rothiriwénhkton ne wakenenharahientʼthóhseron; rohtirathatiéson natkénthake; ne wakonhontsihione kahentakekóhwa wahonnónhniaʼte.

Jeremiah 24:2

Ne tiotsierénton áthereh né ne kwáh wahí꞉ios ne wisonkówahs wahʼhihtárion, ne ne tiothihénton iohiaríhon; nó꞉ia áhthereh ne ne wahʼhihtárion ne wahʼhiáksens, sóhtsi wahhiáksen nahiónhiake,

Jeremiah 50:46

Thenhiahontsíshonkwe tsi nihiorahkaréhni nónenh ne Babylon enhkahiatiénenhne, tánon tsi nahtewahséntʼthos tsi naʼtehionikonhrhiákon kwáh ohontsakwékon enhiakotʼthóntehne.”

Ezekiel 22:29

Ne rotikwáhtses ratinikonhráhtha ó꞉ni ratinénhskwas. Sakonahtiéskwahni ne iakóten sakothitesténhni ne thihiakahontsáte.

Hosea 10:1

Nisraeró꞉non kwáh í꞉ken tsi iokwáts tsi ní꞉ioht tsi watenenharí꞉sehres tsi niwé꞉so wahianihiontʼtha. Ne sénha wé꞉so enwahianihiónten sénha kí wé꞉so ensrónh꞉ni ne ietsenhará꞉kwa; ne raonakeráhsera tsi nenhioianerásthen, sénha kí wahaianeráste ne kanawahatashón꞉as ne tsi raterenhnaientáhkwa.

Micah 6:12

Ne raotikwahtsénions kwáh titkáhere ne iáh othé꞉nen teioianerés; ne skátne sewanakerénion rotinó꞉wenhs, ne nawenhná꞉sons ne kanikonrá꞉tha ne tsi ratisaká꞉rontes.

Micah 6:8

Eʼtsisewahró꞉ri, O tiónkwe, tsi nahó꞉ten ne ioiá꞉nere í꞉ken. Tánon tsi thóh kiniiot ne Roiá꞉ner tsi sewarihwanonhtón꞉nis: Ne sewahiò꞉ten ne tkarihwaié꞉ri, tánon ne iorihwató꞉ken kanoronhkwáhtshera, tánon tsi tesewatekhá꞉hakwe sewanitentón꞉hak rahonhà꞉ke ne Ní꞉io.

Habakkuk 1:3

Onhniiohtié꞉ren ní꞉se tsi ne takonhnién꞉nis nakatkátho ne kariwahétken í꞉ken tánon ne takatkáneren ne teionikónrahrak? Atkaronhniátshera tánon kaniakatsténhsera atkénton í꞉ken; aterihiósera tánon ateriotarokʼtshera otʼkétsko.

Zephaniah 3:17

Né Roiá꞉ner sah Ní꞉io sewanenrí꞉hen í꞉res; roshatstenhserowá꞉nen tánon énthion natesenhniétshera; kwáh shonhà꞉ke nón꞉we nenhatonhnáren, kwáh atsenhnonhniatsherá꞉kon tsi á꞉se enshiónhni ne raonoronhkwahtsherá꞉kon, tenhohénrehte tsi nihotsenhnón꞉ni ne shonhà꞉ke tsi natehorihwákwen,

Matthew 23:23

Seȣententasere ise ne Seȣaiatons oni Pharisian Akonȣara! Akȣa neneh ionerakȣat akȣekon oni niieseȣakariaks tsiniiore nʼohontesonha; nok isi ietsiseȣare nakȣa kontiriȣakȣeniios tsinonkȣati ne Kaianerenseratokenti: neh ȣahi tohiken, ateriȣakȣarisiontsera, atanitenron, Teȣetakon, neh kehiken teioionȣentsiohonne aeseȣaststeniaronke, tosa kineneh sane aeseȣariontion notiake.

Luke 18:7

Nok ne Niio, iah onteken tataontasakonnhe ne sakoiatarakȣen tiotkon onȣe iatehotihenretha raonhake, ethoneh ne sane roniskohe nahatreȣate ne rononha raotiriȣake.

John 15:2

Akȣekon rannhatiaks tsinikon ne iah teȣaianiiontha nakonhake, sakoratensta tsinikon ne ȣaianiiontta, naiaȣens kenha senha eso aonhianiionten.

Deuteronomy 15:9

Tó꞉sa sewateʼnikonráksat ne tsík nahoʼténhsons aieʼtsíni, né꞉ne ahisewateriwahkèn꞉serahkwe tsi ó꞉nen tó꞉wa iahonsakáhewe nóhsera nó꞉nen tsi nón꞉we nihiakotkaró꞉tons ne tenskanakónhke. Tó꞉sa sewatʼthontat ne niwanonhtonʼnionhtseráksen iahontáwehiaʼte ne sewanikonhrá꞉ke. Tó꞉ka ensaterihwaié꞉saʼte nasewístani, iaʼtenhonsèn꞉tho raonhà꞉ke ne Roiá꞉ner tsi nokwáh ní꞉se ók kwáh enshaʼnonhtà꞉nake.

Ne꞉ne Sák Rohiaton 5:4

Iáh teshekáriase tsi niháthi ne sahéthakons rothihióte. Satahónsatat tsi nihothiriwakatén꞉en! Tsi natehonsénthos tsi niháti ne rathirórhos né saienthótseras iakanihára꞉ne na Rawenni꞉io wahothónte꞉ne, ne Rosastenserowánen ne Roiá꞉ner.