Isaiah 48:2 - Ohiatonhseratokénti

² Asèken né rontatenatón꞉kwah tsi niʼiosenhnó꞉ten ne ionatatokénti, tánon ne ronwaniahésen ne sakoʼNí꞉io NʼIsraerʼronónke; né Sakoiá꞉ner ne ratiʼronhiakeró꞉nons né꞉ne raosénhna í꞉ken.

Isaiah 48:2 ပူးပေါင်းရင်းမြစ်များ

Nehemiah 11:1

Tánon ne sakotihenténhse nonkwehó꞉kons thóh ratinákere Jerusalem; tánon ne ronátiaʼkes nonkwehó꞉kons washakotiiatarakwenhá꞉ton tionkwè꞉ta ne oié꞉ri nihiá꞉kon entesakotiiaténhawe ne thóh ahieterónhtake Jerusalem, né꞉ne kanatowanénhke ne iotokénhti, ók ne tióhton nihá꞉ti ne iatoʼnathaténhre thóh ne enhatiʼterónhtake nó꞉ia kanatahién꞉tons.

Nehemiah 11:18

Ratikwé꞉kon ne Levites thóh ratinákerehkwe ne ionatatokenhtí꞉ke né꞉ne tékeni tewenhniáwe tánon shaʼté꞉kon niwáhsen kaié꞉ri nihá꞉tikwe.

Psalms 48:1

Rahiatanoronkówa ná꞉ha ne Roiá꞉ner tánon tehiotonhontsóhon ne aʼiawetowanénke tsi ni꞉ioht tsi tahonwaʼnonweráton thóh raonátakon nonkwaNí꞉io. Né raonontatokentíke,

Psalms 87:3

Satahónsatat, í꞉se ne raonatowaʼnénhke ne Rawenni꞉io, Ne Rawenni꞉io ioiáneres tsi nahoténhsons ratón꞉nions ne sarihwáʼke Jerusalem. Selah

Isaiah 10:20

Né èhʼtho entewenhniseráteʼke ne iatehonathaténhron Nisraeʼró꞉nonke tánon ne shotiniakénhen ne tsi ronón꞉shote ne Jacob kwáh iáh thóh tsiaʼhontsatarákaren raonháke tsi nikáien ne shakohién꞉ton, ók kwáh thóh ienhontsatarákaren raonháke ne Roiá꞉ner, ne ne Saiá꞉ta ne Roiatatokénti í꞉ken NʼIsraerʼronónke, ne noriwiʼiohónwe í꞉ken.

Isaiah 47:4

Né sheʼshonkwahiatákwen—né꞉ne Sakoiá꞉ner ne ratiʼronhiaʼkeró꞉nons né ronwá꞉iast— Rahonhatsíwaʼkhok ne Roiatatokénti í꞉ken NʼIsraerʼronónke.

Isaiah 51:13

Tsiaʼtanikonrénhen ne Roiá꞉ner, né iahiaʼtíshon, rahón꞉ha tehotíronhte né tsi karonhiátes tánon thononhkónhni ne tsi iohontsáte. Iesakontákwen sáterons ne tsi niwenhníseres tsioríhwa tsi nihotenakwahwenhráti ne sakowisátha, né rahónha thóh iatehotsátʼton karonhiakentserákon. Ók kaníwes ne raonhakwáhtshera ne sakowisátha?

Isaiah 51:15

Asèken Í꞉i ne Watiá꞉ner í꞉ken né sah Ní꞉io í꞉ken, rahʼonha tehanonwafʼfátha ne kaniatarakhekówaʼne ne ká꞉ti ne tsi ionontakwahrontónhtses tahiahónhare— né Sakoiá꞉ner ne ratiʼronhiakeró꞉nons né꞉ne raosénhna í꞉ken.

Isaiah 52:1

Í꞉i tie, I꞉i tie, né í꞉sast ne shashatsʼténsera, Ó Zion! Né saʼtserónhniat ne kwáh sakweʼní꞉ios, Ó Jerusalem, ne ionatatokénti í꞉ken; né iáh tehonwatiwarakwétaron tánon ne iáh teonatʼkwéniens iáh shé꞉kon tahonsaʼiesataweiáten.

Jeremiah 10:16

Ne Jacob Raoní꞉io kwáh iáh thènen thateskahieróntare; rahónha séh norihwaʼkwékon rohshahánion, tánon Israel washaʼkohiataráko ne kwáh rahónha rahonkwetaʼshón꞉a ahónton. Né ne Roiá꞉ner Roshastsʼtenserowánen ne raosénna.

Jeremiah 21:2

“Asatthontátʼtsheke takwathátias rahonháke ne Roiá꞉ner, tsioríhwa ne rononhtí꞉io Nebuchadnezzar ne Babylonia tánon ne rahonkwetaʼshón꞉a ronterí꞉ios tsi tehotinahtanatʼthonhátse ne kanatowáhnen. Tó꞉ka nónhwa ne Roiá꞉ner ne enhohióten ne iorihwaneráhkwat nonhkwahriwáhke tánon enhahónnien ne Nebuchadnezzar nahonshaʼhakhéte.”

Jeremiah 44:26

Ók kíʼ nónhwa sehwahthaʼhónshaʼtat tsi niʼwahkeriwahniʼráhton ne Í꞉i, ne Watiá꞉ner, tsi niwákʼson thóh nahoshastsʼtenseráhkon naksénhnakon ne sehwahkwékon ne Israerʼró꞉nons ne Egypt nónhwe nisewahnáhkere: Iáh shé꞉kon nonhwénhton tahonsehséwatsʼte naksénnha ne thènen ahisewahriwahníratsʼte nahisehwénhron, ‘Wakeriwahníraʼte tsi nòkwah ne ronnhehónwe Ronnonhtí꞉io Roiá꞉ner!’

Daniel 9:24

“Tsá꞉ta niiorì꞉wake ne tsá꞉ta niwáhsen niiohserá꞉ke nikarí꞉wes ne Rawenni꞉io roteʼnienténhston ensehshakohnerénhsi ne sonkweʼtaʼshón꞉ʼa tánon ne sanatatokénhti tsi nihotirihwané꞉ren tánon tsi nihonnonkweʼtahétken. Enskaʼnikonrhén꞉en ne karihwané꞉ren tánon enskakwatákwen ne karihwakwarihshóntshera tsi nén꞉we, eʼtho naontá꞉we ne atetshénhsera tánon ne iekarí꞉waken né naiá꞉wenʼne, ó꞉ni ne ononhsatokenhtiʼkó꞉wa enskarihwatokénhston.

Micah 3:11

Ne rahonhnonkweʼtashón꞉as ne ratirihwénhtha oʼwísta ronhwatikárhiakse ne nahatinikónhrate, ne ratitsihénstatsis ratikaráiens tsi sakotirihonhnién꞉nis, ne rotitokénhse tsi nishakotirihothashién꞉nis oʼwísta rotí꞉rare nahontahonhwénhnon; nek kíʼ sá꞉ka raonhà꞉ke ne Roiá꞉ner iehatihiatarákare tánon rón꞉ton, “Orihwiiohón꞉we ne Roiá꞉ner tsi tewakwé꞉kon! Iáh othé꞉nen ne karihwahetkénhsera tahionkwárane.”

Matthew 27:53

Nok nonen sonsahatonnhete, tontaieiakenne tsi ieiatatakȣe, onatatokentike niiahonne eh saiontatkenseron.

Matthew 4:5

Ethone notkon onatatokentike niiahoiatenhaȣe, nok ononsatokenti kanonsakenhiate iahostskȣaren.

Romans 2:17

Onhníse ní꞉ioht? Sitaeró꞉non satatenathónkwa; kaianerénsera seniahésen tánon thetserénsarons ne Rawenni꞉io;

Revelation 11:2

ók tó꞉sa sateʼnién꞉ten naotenhenrá꞉kon nononsatokentikó꞉wa; thóh ne niiotónhak, asè꞉ken né꞉ne ronwaná꞉wi ne ronhnonhontsakeró꞉nons, tánon kwáh enhatirathatsésons nhonatatokénti né꞉ne kaié꞉ri niwáhsen tékeni niwenhnì꞉take nikarí꞉wes.

Revelation 21:2

Tánon waʼkatkáto ne onatatokénti, né꞉ne á꞉se Jerusalem, tahiosnentonhá꞉tie karonhiá꞉ke Niió꞉ne nontá꞉we, kaweienhnenhtá꞉on tsi ní꞉iot ne iehiá꞉tase iakoraséston tsi rotiniát꞉ke ne rónhkwe.

Revelation 22:19

Tó꞉ka ón꞉ka éhren enhiehá꞉wite nahowenhnahó꞉kons ne kahiatónhsera ne kén꞉en iekariwákens, Ní꞉io kwáh éhren ensakohawitháse tsi naiakoién꞉take ne tsi iorón꞉tote naʼtón꞉nhets ó꞉ni noná꞉tatokentike, ne tsi niwák꞉ró꞉ris ne kenʼen kahiá꞉tonhsera.

Judges 17:13

Ne Micah wahénron, “Ónenh kíʼ tsi Leviró꞉non nahahiathó꞉ten watʼtsihénsthaien, Wakateriénhtare ne Roiá꞉ner tsi kwáh orihwakwékon tsenhioiánerenhne nakerihwáke.”