Isaiah 41:5 - Ohiatonhseratokénti

⁵ Né tsi kawenó꞉tons ionhontsaʼiéntons ionatkáton tánon kí waotí꞉teronhne, ne tsi iehiotonhontiotʼtaníhon watsahontsíshionkwe; ákta wakontkwiʼtánion tánon takónhne.

Isaiah 41:5 ပူးပေါင်းရင်းမြစ်များ

Psalms 67:7

Aiáwenhs ne Rawenni꞉io iahakóntakwe tsi ashonkwahiatatéristake; ánion nonkweshón꞉has kwáh tsitnonwéson ne tsi ionwenhtsáte tehonwarénhsaron.

Psalms 66:3

Tsisehwaʼró꞉ri ne Rawenni꞉io, “Tsi niioriwanerakwaténion tsi nihaié꞉ra! Né aoríhwa tsi nisashaststenserowánen ne iesáhshons waʼhontʼtókerihke ne sahénton.

Psalms 65:8

Ohontsakwékon í꞉iete tsi nihiakonikonríhnekenʼen ne iorihowánens tsi nihsahtieránion; í꞉se sónhnis tsi niwaʼterihwathéntses noronkenéha tánon nokarasnéha tenhiakohénrete natsenhnonniátshera.

Joshua 5:1

Ratikwé꞉kon ne Amorʼró꞉nons ronhtinonhtí꞉ios né꞉ne entiè꞉ne nokwáhti iotiéton ne Jordan ó꞉ni ratikwé꞉kon ne Cannanites ronhtinonhtí꞉ios ne aktónhtie ne Mediterranean Kaniatarakeʼkó꞉wa wahatiriwarónhke né꞉tho Roiá꞉ner tsi rostatʼtháton ne Jordan kaniataratátie tsi nió꞉re nonhkweshón꞉ʼas Nisraerʼró꞉nonke iathatihiá꞉iake. Wahonateronhiénten ó꞉ni wahonnikonhrókten né꞉ne Israerʼró꞉nons rahotiríhwa.

Joshua 2:10

Hionkwariwarón꞉ken tsi ní꞉ioht tsi roniatarásthaton ne kaniatarakeʼkowáhne ne Roiá꞉ner ne sewahénton ne shathontesewahténhti ne Egypt. Hionkwarihwarónhken ó꞉ni tsi ietsinonhwarià꞉kon ne Sihon tánon ne Og, ne teʼnihiáse Amorʼró꞉nons shakothinonhtí꞉iokwe ne nà꞉kon nòkwah ne Jordan.

Exodus 15:14

Nonhkweshón꞉ʼa wahaʼkokthónteʼne, tánon wahaʼkohiatíhsonhkwe tsi nahoʼnateronhiénthen; ne Philistines né tehothiwáhnen ne katerónhtshera.

Genesis 10:5

Japheth kíʼ nón꞉we nithonathwatsirí꞉non ne ne kawehnohkwaktóntie ionhwentsaké꞉ronʼs ratinakerénion nonkwehshón꞉ʼas. Ne raononwentsaké꞉shónʼs, ne rontá꞉tis tsi nihonronkhahttsheró꞉tenʼs, ne tsi ratiʼtaraién꞉tons, ne raotitióhkwakons.

Isaiah 41:1

Takwahtahónsatat kwáh sakʼthikénhak, Ó né tsi kawenó꞉tons ionhontsakérons; Ánion nonkweshónhas áse shonónhni ne raotisatsʼténhsera; ánion ákta nitón꞉ne, tánon rontáti; ánion skát꞉ne tsi ákta í꞉tewet ne karihwenhtátshera.

Isaiah 41:6

Skát꞉tsions tsi watʼkontatiénawaʼse, tekontatʼrohrhiá꞉nions, “Sewanikonranirónhak!”

Ezekiel 26:18

Nónhwa, ne shiʼwenhnisehráhtekwe sonhtakahiátenhne, Ne iawenhnótons tehiowénhtonskwe, Tánon nahonkwetashón꞉as thóh nahthonʼnhékon tsi nikariwaieshatserohwáhnen.”

Psalms 65:9

Sehnéstha tsi natesehriwásnie ne tsi iohontsáte tsi tesahteniétha nokenhnorésera, kwáh í꞉ken tsi iawetowánen tsi nishanerástha; tesehiatʼkawénhnis nonkweshónha nonátsa, asèken né꞉ne kwáh í꞉se thóh nisahkwahthákwen.