Isaiah 41:2 - Ohiatonhseratokénti

² Ónhka rokétskwen natesenhniénhtshera ne tsitʼkarakwínekens nokwáhti, iehonónhkon nahoterihwatsterístaʼse? Sesakoniakéntha niaʼkahontsakeró꞉nons ne rahonhàke, tánon ne tesakositakenhserákwah ne rontinontiʼióshons; tsi ní꞉ioht nokénra sakahónhnis né꞉ne raoʼsarekówa ráts꞉tha, kwáh tsi ní꞉ioht notsináhara ahiaʼkorehátie né꞉ne raoʼiénhkweri thóh nahioierenhátie.

Isaiah 41:2 ပူးပေါင်းရင်းမြစ်များ

Genesis 11:31

Ne Terah iahoiaʼténhawe ne roién꞉a Abram tánon ne roteré꞉ʼa Lot, né꞉ne Haran roʼién꞉a, ó꞉ni ne shakosáfha ne Sarai, ne ne roién꞉a Abram ró꞉ne, skátne tsi sahontenró꞉shen Ur nontahón꞉ne ne ne Chaldeansʼke tsi tiohóntsaien ne Canaan niahón꞉ne; ók shiahón꞉newe ne Haran, thóh nónwe ionsahontatíteron.

Genesis 17:1

Ne nó꞉nen ne Abram tióhton niwáhsen tánon tióh-ton shaʼtehaohseriiá꞉kon, ne Roiá꞉ner wahototáhshien ne Abram tánon wahawènhahse, “I꞉i ne Ní꞉io wakeʼshaststenhserowá꞉nen; takewèn꞉narahk tánon kwáh tóhsa ohthé꞉non iesarihwatshènriaʼs.

2 Samuel 22:43

Wakhewá꞉heke kwáh ne nokènra ne tsi ionwenhtsá꞉te, Waʼtekhenienstsiá꞉kon tánon waʼkheratatiéson kwáh tsi ní꞉iot onawásta ne tsi tekanatokenhá꞉ties.

2 Kings 13:7

Né Jehoahaz iáh kíʼ othènen tesahonkwetaʼiénthakwe ne ronterí꞉ioskwe nek khók ne wísk-niwásen niháti ne rotisátens ronterí꞉ios iateshonathaténhron, oiéri nikaserétakes otsónkwahs, tánon oiéri tewenhniawehetsherásen niháti ne také꞉sons nienhónhne tsi ní꞉ioht tsi ronhterí꞉ioskwe, tsoríhwa ne Syriaró꞉non ronontí꞉iokwe tsi ratikwékon sakotónhton ne ronátiakes, tánon tesakoskwáhseron tsi ní꞉ioht nokénhra.

2 Chronicles 36:23

“Kén nahó꞉ten ráton ne Cyrus, né꞉ne Rakóra ne Persia. Né Roiá꞉ner, né꞉ne Raní꞉io tsi karonhiáte, wahakónhnien nakatʼkóraste kwáh ohontsakwé꞉kon tánon thakáwi naʼkaterihwatsʼtérisʼte tsi akanonsonhníhake nononsatokentiʼkó꞉wa né rahónha raorihwá꞉ke né꞉ne Jerusalem né Judah nón꞉we. Ó꞉nen, né sewakwé꞉kon í꞉se ne Rawenni꞉io rahonkweʼtaʼshón꞉a, wáhs thóh iaháseʼwe, tánon aiáwens ne Roiá꞉ner Sewaní꞉io í꞉ken aisewakweʼkónhake.”

Ezra 1:2

“Né kí꞉ken ne Cyrus rahorihwisahá꞉tseras, Rakó꞉ra ne Persia. Ne Roiá꞉ner, Rawenni꞉io ne Karonhiá꞉ke, wahatʼkórasthe nohontsakwé꞉kon tánon thaká꞉wi nakaterihwatsté꞉risthe naʼkenonsónhni nononhsatokentihkó꞉wa ne rahorihwà꞉ke ne Jerusalem thóh nón꞉we ne Judah.

Isaiah 40:24

Kénk níkon tsi ratiʼiéntʼthos, kénk nikonhátie ne kánen tsi ronáties, iáh kwáh arèkok thehioteronhtáhon ne kontistawínahke ne tsi ionwenhtsáte konhnète, nó꞉nen ensakotonhniseraʼiénte, tánon onstaʼthen, tánon ne tsi tehioweratàse iakáhaʼwe tsi ní꞉ioht ne kaʼwá꞉he.

Isaiah 41:25

Saiá꞉ta wahiʼiatorhiá꞉neron nothorèke nonkáhti, tánon kí wáh꞉rawe, kwáh tsinentʼkarakwínekenʼne ienhakenáton Kwáh kí tensakoskwahserón꞉kwahte ne ratikoráshons tsi ní꞉ioht nonawástha, tsi ní꞉ioht ne ratʼtsetónhni teonawatsʼthawénrie ne ionawastʼthakarí꞉io.

Isaiah 41:3

Sakósehre tánon sakotohetsténhnis kwáh skén꞉nonk thí꞉ken, kwáh seronhkenéhak tsi tseharátas ne tsi iohatáse.

Isaiah 42:6

í꞉i ne Watiá꞉ner í꞉ken, kariwaʼkwahrishiontserákon tsi iekonhnáton, Iekonhiaténha tsi wakonhiaʼtsána tánon wakoniatiénawasʼte; Shonhàke nón꞉we nenhkónhni naterihwasehronniátshera né nonkwetaʼkwékon akorihwàke, né꞉ne akoswaʼthétshera nonkweʼshónhas,

Isaiah 45:1

Né kí aoríhwa rá꞉ton ne Roiá꞉ner rahonhàke né roiatará꞉kwen né꞉ne Cyrus, tsi nikáien ne saweientetákwen riʼnentsawá꞉kon né nasakotsatakwení꞉ioste niaʼkahontsakeró꞉nons ne raohénton tánon naharíhsi ne rontiʼnontí꞉ios raonatiátawis wakóhses, né nahontenontonhkwehá꞉tons ne raohénton— tánon ne ioʼthenhenrenhtónhnions iáh thaʼhonsakanó꞉tonhke:

Isaiah 45:13

I꞉i riʼkétskwen ne Cyrus thóh karihwaʼkwahrishiontsherákon, tánon kwáh ne enkónhniate ne tsi rohatá꞉tie nahiotʼtahakwahríhshionʼke; rahónha enhakenatónhnien ne kanatowánens tánon ensakorihwakwahtákwaʼse nahonsahontaʼtewenhní꞉ioʼne nakonkwetaʼshónhas, iáh né nahotʼkárhiakse khés ne tahonwarihwaserasákwahse, rá꞉ton ne Sakoiá꞉ner ne ratironhiakeró꞉nons.

Isaiah 46:11

iehinatón꞉nions nètho akweksʼkówa, né꞉ne Cyrus, né tsitʼkarakwínekens nókwah nént꞉re, né nahinonkó꞉wa tkanakeraseráien né rónkwe riʼhiatarákwen nahasniénon. Tewakewenhniʼnekénʼen, tánon kwáh énkhewe né naiáwenhne; Wakatenikonrónhni, tánon kwáh kí thóh nénhtiere.

Isaiah 48:15

I꞉i, kwáh ó꞉ni I꞉i, wakatatíʼhon tánon iehináton, I꞉i thiʼhiathénha, tánon kwáh enhoianerásthen tsi nienhénre.

Lamentations 1:15

“Ne Roiá꞉ner wahostériste ne kwáh tásaste nakonkwéta raterí꞉ios; Ronterí꞉ios tasakothéniete nasakóthonte nakonkwetaʼsónhas nithotihiónsas. Wahtesakoskwáseron nakonkwetaʼsónhas tsi ní꞉ioht ne tsi tehionhiarithákwa noʼnénhare káhik.

Hebrews 7:1

Kí꞉ken Melchizedek raónha ne Ronontí꞉ioʼkwe ne Salem nónwe tánon raónha ne ratsihénstatsi tsi nòkwa ne Rawenni꞉io ne Kwáh É꞉neken Thótte. Né Abraham shatontahotentionhátie ne tsi wahterí꞉iokwe shakoshennionhátie ne kaiéri nihatinontiʼiotsheráke, Melchizedek iatoteráhte tánon wahohiatatériste,

Revelation 16:12

Ne iaiá꞉khaton raronhiakeró꞉non tahá꞉weron ne raó꞉tse thóh kaniatarakeʼkowá꞉nen Euphrates, tánon nahoné꞉ka ostéske ne nahón꞉ton nahiakohasehrónhnien ne rontinontí꞉ios tsi nenhtón꞉ne tsitʼkarahkwí꞉nekens.

Revelation 7:2

Wahí꞉ken ó꞉ia raronhiakeró꞉non thóh nontahawenonhátie tsiʼkarahkwí꞉nekens, ne rahá꞉we ne ratsikwentáhkwa ne ronhnheón꞉we Ní꞉io, tánon wahatewenhnhowá꞉nate tsi iasakoná꞉ton ne kaié꞉ri nihá꞉ti ratironhiakeró꞉nons né꞉ne ronónha thonwaná꞉wi ne kaʼshatsténhsera ne ahatikarónhni tsi ionwenhtsá꞉te o꞉ni ne kaniatarakeʼkowáhne,