Isaiah 40:9 - Ohiatonhseratokénti

⁹ Iasenontáraʼn ne tiotenón꞉thate, Ó Zion, sathontéhon ne karihwí꞉ios; né satewenhnakétskwat ne kashatsténhsera, Ó Jerusalem, sathontéhon ne kariwí꞉ios, serihówanat, tó꞉sa sateronhníhak; seró꞉ri ne tsi kanatowánens ne Judah, “Ne sahʼNí꞉io tsi tá꞉re!”

Isaiah 40:9 ပူးပေါင်းရင်းမြစ်များ

2 Chronicles 13:4

Né ronhterí꞉ios tsi ionhniáhere ne tsi kanakeraseráien ne Ephraim nón꞉we nathontérahne. Ronnontí꞉io Abijah iáh hanontárahne tsi tionónte ne Zemaraim tánon iahonón꞉ke ne Jeroboam ó꞉ni nʼIsraerʼró꞉nons: “Takwahtahónsatat!” wahénron.

Isaiah 1:1

Tsi nihoterihothashiénhni ne Isaiah ne roién꞉ha ne Amoz, ne tsi wahatkátho tsi niʼtsioterihwatséren ne Judah tánon ne Jerusalem nón꞉we ne sihoʼnahtenhniseraténionsʼkwe ne Uzziah, Jotham, Ahaz tánon ne Hezekiah, né rotinontí꞉iosʼkwe ne Judah.

Isaiah 12:2

Oriwiʼiohónwe ne Ní꞉io tsi né natsatakeʼnátsera í꞉ken; kwáh kí enhini tánon iáh kí tahónteronhne, asèken ne Roiá꞉ner rahónha rakeshatstenhseráwis ó꞉ni ne nakerénhna; rahónha ne rotónhon natsatakeʼnátsera.

Isaiah 25:9

Kwáh enwahʼtsá꞉tonke ne thóh entewennhniseráte, tiaʼtkátho, né kí꞉ken nónkwah Ní꞉io í꞉ken; asèken raón꞉ha ne tsi tewarhárekwe; ne káti ne raón꞉ha ahón꞉ton ashonkwanónsthaʼte. Né kí꞉ken ne Roiá꞉ner rahónha tsi tewarhárekwe; Ánion kíʼ tewatsenhnónhni tánon tewatonhnáren thóh raoʼiatakenahtsherákon.

Isaiah 35:2

kwáh í꞉ken tsi enkatsitsónten, tánon né enwatonnáren natʼtsenhnonhniátshera tánon tenhkaríhwaʼkwe. Né naoiatanerakwáhtshera ne Lebanon kwáh entʼkonhwénhnon, né nahonatkweʼnienstátshera ne Carmel tánon ne Sharon. Kwáh né entsiatʼkátho ne raoʼiatanerakwáhtshera ne Roiá꞉ner, né nah ne rahotʼkwenienstátshera nonkwahʼNí꞉io.

Isaiah 41:27

Né tewakatierénhton wakatró꞉ri ahonhàke ne Zion, né nahontiénawaste tánon tekheiáwi ne Jerusalem ne kariowanáton ne karihwí꞉ios.

Isaiah 44:26

ónhka rahrihwanírats ne raoʼtiwenhnaókons ne raonhá꞉tsheras, tánon rarihwaiérits tsi niehatiʼríhwakens ne ronwarihwakareniénhnis; ónhka sakaʼwénhnis tsi nó꞉kwah ne Jerusalem, “Kwáh kí enienákereke,” tánon tsi nòkwah ne tsi kanatowánens ne Judah, “Kwáh kí enskanatonhníhake, tánon thóh thentekétsko tsi káien ne raonatʼkaronhniátsheras”;

Isaiah 51:12

Í꞉i, Í꞉i ne konhnikonranírats; nontiéren ká꞉ti tsi asetʼtshaníseke nonkweshónhas ronónha ónenk tsi ronhniheiónhsere, né nonkweshón꞉has ne ronatashokwénhnis tsi ní꞉ioht nóhonte?

Isaiah 51:7

Takwahtahónsatat, tsi nítsion ne sewateriéntare ne karihwakwarihshíonhtsheras; í꞉se ne tsiónkwe né sewáhawe nakerihonhnienʼnítsheras ne seweʼriá꞉nes; tó꞉sa ietsitshániset nonkweʼshónhas tsi nisakotiʼkenhrenhserón꞉nis nakorénshons, tánon tó꞉sa tasewanikónren nó꞉nenh enietsikenrenhserónhni ní꞉se.

Isaiah 52:6

Né ká꞉ti aoríhwa nakonkwetaʼshón꞉has enhiontʼsenhnaientéraʼne; né ká꞉ti aoríhwa né thóh tewenhniserón꞉te kwáh enhonateriéntaraʼne tsi I꞉i ne wakatatíhon; kénʼen í꞉kes.

Isaiah 58:4

Satʼkátho, nék khók aoríhwa senhtontiétha né꞉ne taserihwakénha tánon nasaterí꞉io tánon né ashekónretʼte ne katsikwahekʼkénsera. Né thóh ní꞉ioht tsi ahiʼsenhtón꞉tieʼte nón꞉wa wenhniseráte kwáh iáh thaʼkakwéni ne iaʼtasewenhnaníharaʼne ne éhʼneken.

Isaiah 61:1

Ne Raoshatsʼténhsera ne Roiá꞉ner Rawenni꞉io onhtiaʼtórenhne, tsioríhwa ne Roiá꞉ner tsi ratiaʼtarákwen; thaʼkateniéton nahontátʼkhawe ne karihwí꞉ios rononhá꞉ke ne ronwatiʼwí꞉shaton, nahonshakhétienhte ne teiakawerhiaʼsaríhon, naʼkerihowanátenh natatewenhniʼiósera rononhá꞉ke ne ratinhó꞉tons, tánon nahonsahonwahtiʼnhotónhko ne ratiʼnhó꞉tons;

Jeremiah 22:20

Tiónkwe ne Jerusalem, wáhs Lebanon niaʼhásehwe tánon tesehwahénret, wáhs tsi tiohontsáien ne Bashan niahásehwe tánon tesehwaséntho; tsi tiononhtáhere ne Moab nónhwe thonthasehwahénret, tioríhwah ne thisehwatenróhʼhonʼne tsi ronwahtisénnion.

Jeremiah 29:11

Asèken oriwiʼiohónwe wahkateriénthaʼre tsi nikwahriwahsehronniénni norihwahsónhas, rá꞉ton ne Roiá꞉ner, ne noriwasónhas nahisehwahianerásten tánon iáh ne tèh ken ne kakaronniátshera, ne nahontakwáion tsi niaʼhawenonhátse ne ne kahrahrhátshera.

Nahum 1:15

Satkátho! Thóh tsi ionnontáhronhnions ne ne ratsitákes tsi niká꞉ien ne raónha thá꞉has ne karí꞉wiios, raónha ratró꞉ris ne skén꞉nen í꞉ken! Sateʼnikonhró꞉ri tsi nisakhwáhere, O Judah, iatesót꞉ten tsi nisararátston, asè꞉ken iáh shé꞉kon ne kwáh rotiriwanéren nahonsaiesanénhrenhte; ne ronónha kwáh ne í꞉ken tsi ronwatiiátʼse.

Luke 24:47

Nok raonha raosennakon aionteriȣanoton aiakohnikonkararen, nok tsi entsiakoterakeȣase ne kariȣaneren akaonȣentsiakȣekon nonkȣe, kentho Jerusalem ienȣatasaȣen.

Acts 2:14

Ehʼthóhʼne ne Tiér wahtáthaʼne skátʼke ne énskat-iawénre ratikwekónʼne tánon tahakwísron tsi wasakotháraʼse nonkwesónha: “Sewaʼsitaerónons tánon ó꞉ni tsi nítsion neh Jerusalem nónwe nisewanákere, takwatahónsatat tánon takwaríhon nakwaróri tsi nahóten kí꞉ken kéntons.

Acts 4:13

Ne ronaterihónthon ne Ratitsiénhaiens wahotineráko tsi nihotinikonrhatʼtshá꞉ni ne Tiér tánon ne Sán tsi nahotitókense kwáh thinonkwé꞉a iáh tehonatʼthiaʼtonseraweiénston. Ónenʼki wahonateriéntaraʼne tsi Ié꞉sos ratikwekonhátieskwe.

Acts 4:29

Tánon nónwa, Saiáner, satahónsatat tsi nahonráhrasthe, tánon takwaríhon, I꞉i ne sonkwetaʼsónhas, nahiakwatʼróri ne sateriwahʼnothátsera ne kwáh aionkwanikonrahníronke.

Romans 10:18

Nók keriwanóntons; thòkensʼke kén iáh tehonarónken nateriwanhothátsera? Oriwí꞉io kíʼ náha tsi ronharónken—asèken tsi niwáthon nhoriwatokénti: “Kwáh ohontsiakwékon hiatathiwenʼnaniháraʼne; ne rahothiwénna iakanihárho ne tsi iotonhóntsiotʼte.”

Ephesians 6:19

Tánon ó꞉ni takwaterenʼnaiénhas nón ní꞉i, neh Rawenni꞉io nahontahákon nateriwanothátsera nónen enkatáti, nehne ahónton nahonkenikonratʼtianíthon nónen enkatáti tánon nakotáshion ne kariwí꞉ios ne iáh tehiakoteriéntare.

1 Timothy 3:16

Iáh ónhka taiekwéni nahiontonníhen tsi nikowáhnen kariwahséhton nonkwariwiʼiosthóntsera: Tsi wahathotáshi ónhkwe íken, kwáh tkariwahiéri tsi ronwenéston rahonháke ne Ní꞉io, tánon ronwáhken ne ratironhiakerónons. Ronwahteriwahnóthe tsi nòkwa ne kentiókwas, kwáh ohontsiakwékon thonwetákwen, tánon karonhiáke niesonwahiaténha.

1 Tiér 3:14

Nók kíʼ tóhkaʼ neh satkenrenseronniátha tsi neh sahióte ne ioiánere, thóh nisatáskat! Tóhsa ónhka setianísek, tánon tóhsaʼ tesatatenikonráren.

Judges 9:7

Nó꞉nen ne Jotham saharihwáronhke kí꞉ken, thóh niaháre tsi tsonónhte ne Gerizim tánon hiatohénrethe tsi thónʼnes, “Thakwahtahónhsatat, í꞉se ne tiónkwe ne Shechem nónhwe, tánon ne Rawenni꞉io nonhtsé꞉renk entsisewathahónsathaʼte!