Isaiah 4:5 - Ohiatonhseratokénti

⁵ Eʼthó꞉ne ne Roiá꞉ner kwáh enhatenatónhni ne tsi iokwénhraʼre ne tsi Ionónhte ne Zion tánon ne tsi nónhwe nihiontʼkenhnisaáhkwah nenhonterénhnaien tenhiotsátahienʼke ne tsi niwenhníseres tánon enhiotsiokwahronhníhake ó꞉ni tsi nateioswát꞉te notónkwah ne ótsire nokarasnéha. Kwáh kí akwékon ne kaiatanerakwáhtshera kwáh enwatoseróhronhke.

Isaiah 4:5 ပူးပေါင်းရင်းမြစ်များ

Nehemiah 9:12

Tánon ní꞉se wasehiasá꞉rihne ne washátste ne tsi nihiotsikeró꞉te ne tsi niwenhní꞉seres, tánon noʼkarasnéha ne tsi nihiotsiró꞉tons nó꞉tsires noʼkarasné꞉ha, tsi wateseswathéten tsi nihiohahó꞉ten ahonthahí꞉tha.

Psalms 105:39

Né Rawenni꞉io éhʼneken waʼhatʼtsátaien tsi rónhne né ahotiró꞉rohke, tánon ótsire né tahiakoswaʼthéten nokarasnéha.

Psalms 111:1

Tehonwanonwerá꞉ton ne Roiá꞉ner! Kwáh keriasakwékon tsi tenhinonhweráton ne Roiá꞉ner, raotiʼtiókwahkon ne tonhnonkwetaiéris, thóh tsi nón꞉we nihonatkenhníson.

Psalms 78:14

Rawenni꞉io otsáta raotihénton tahaténiete ne tsi niwenhníseres ne ká꞉ti nahonateriénhtarake kaʼnónhwe niaʼhonenonhátse. Tánon ne tsi niwasónhtes né꞉ne watsiakoswát꞉thete ne ótsire aioswatʼthetétsera.

Psalms 85:9

Oriwiʼiohónwe tsi rotateweienhnenhtáhon nasakonónsthaʼte tsi nihiákon ne ronhwakwenhnaráhkwa, kwáh enhataténesʼte nontionháke tánon enshonkwaiatanónsthaʼte Nisraeronónke nón꞉we.

Psalms 89:7

Né Rawenni꞉io ronwattsánis ne tsi ratiʼtsenhaienthákwa ne rotiʼiatatokentíshons, ratiʼkwékon rónhnete ne tsi niʼiesahiatanerakwáhtha.

Exodus 14:24

Kwáh onenhtó꞉wa sahiórenhne ne Roiá꞉ner tsi iotsiro꞉te ó꞉ni tsi iotsikero꞉te ehtàke wásakoken ne Egyptró꞉nons ronhterí꞉ios tánon watesakahonhʼnhaʼríkhon.

Exodus 24:16

Tsi natehioʼkaráiakt ne kaswatʼthétshera ne tsi thóh íres ne Roiá꞉ner tsi thontahanonʼtátsnenhte. Né lsraerʼró꞉nons ne kaswatʼthétshera kwáh thóh ní꞉ioht tsi shí꞉ken ne ótsire iotékkha onontakéniaʼte. Nʼotshàta ne iorókthon ne tsi ionontáhere ne iáiak niʼwenniseráke, tánon ne tsaʼtákʼhaton shiʼwenhniseraké꞉haton oʼtshá꞉takon ne Roiá꞉ner thahonáton ne Mahís.

Exodus 26:1

“Natohsehrákon ne iotosehratokénti, né ne watohsehróthe tsi nónhwe níkes, ne wathaʼharanihióntʼtha né tsiónhniat nʼoiéri nikaʼniatharáke né꞉ne kwáh waniatarí꞉ios tekaiestónhak nʼorónhia, ariwakonhnéha, tánon onekwénhtara ononhwéron. Né tesehwaserihʼiétaront ietsiʼhiátarahst ne tehaʼtinerahóntsionʼte tehnónhne.

Exodus 26:7

“Tsiónhni nahonteró꞉rokste natóhsehra né꞉ne énskaʼiawénhre nikaniataráhke né꞉ne kaiatákeras ononwéron ahionhniáton.

Isaiah 32:18

Nakonkwetaʼshón꞉has ne enhiakotsenawástonke ne skénnonk tsi aienákereke, né꞉ne kwáh ioriwí꞉io tsi aieterón꞉take, tánon tsi nón꞉we ne sák thí꞉ken iothorihsenhtákwah iokwénhrare í꞉ken.

Isaiah 33:20

Iasatkátho ne Zion, né꞉ne kanatowanénhke ne ionkwará꞉kwen nón꞉we nahitewaʼkhwaheráke! Né skaʼràke kwáh kí enwatkátho ne Jerusalem, né꞉ne sakʼthíken tsi ienákere, né꞉ne iáh tehiontohserotákwas, nahoʼwasʼtesónhas kwáh iáh nonwénhton tahiótsionke, tánon kwáh iáh nahoseriʼiesónhas thaʼtahontsáke.

Isaiah 37:35

Asèken kwáh kí éntkene kí꞉ken kanatowanénke nakenónsthate, asèken Í꞉ih akerihwá꞉ke tánon ne raorihwá꞉ke nakenhá꞉tshera Táwit.’”

Isaiah 46:13

Taká꞉we ákta wá꞉tsien nakatesenhniéntshera, iáh ahí꞉non nió꞉re téthewes, tánon naká꞉wenk kahiatakenátshera iáh thaʼionísko; Kwáh thóh éntsien ne kaiatakenátshera ne Zion nón꞉we, asèken ne Israel né naʼtsatanerakwáhtshera í꞉ken.

Isaiah 60:1

Téstann, tesaswát꞉tek; asèken né saswathetsheraʼónhwe, tánon ne raoʼiatanerakwáhtshera ne Roiá꞉ner thontʼkétsko shonháke.

Isaiah 60:2

Asèken ne tetsiókaras kwáh né thentʼkaróroksʼte ne tsi ionwenhtsáte, tánon kwáh entsakokarásthen nonkweʼshónhas; ók né Roiá꞉ner kwáh tenʼiaswát꞉theʼte ní꞉se, tánon ne raoʼiatanerakwáhtshera enwaténeste shonháke.

Matthew 18:20

Aseken tsinonȣe nihonatkonnison teniiase ok neʼsʼ nasen nihati, eh se kiatare.

Matthew 28:20

Ietsirihonnien naieriȣanoronkȣake, aionteȣeienton oni tsinikon Kȣarihonte, nok tiotkon enteȣakȣekonhatie tsiniiore ienȣatonȣentsiokton. Amen!