Isaiah 4:4 - Ohiatonhseratokénti

⁴ ne nó꞉nen ne Roiá꞉ner sakoiatohétston tiókonte ne wískʼkháton iehónhnete nahoiatasetsherashónhas ne Zion tánon shonóhare ne ionekwenhsarónhnionkwe ne Jerusalem thóh kanenhríhen nahoshastsʼtenhserákon ne karihwenhtátshera tánon ne kashastsʼténhsera ne tsi iotétkha.

Isaiah 4:4 ပူးပေါင်းရင်းမြစ်များ

Psalms 51:2

Kwáh toʼkénʼen sastiató꞉hare tsi nòkwah nakerihwanerahákʼtshera, tánon kwáh sewaʼkatkwenienstónhat né꞉ne tó꞉sa ahonsakerihwáʼnerake.

Song of Songs 3:11

Iasewathénhti, O nakohiohokónhas ne Zion, Tanon ehtsisewáken ne Rononti꞉io Solomon, Ne rononwaʼró꞉ron tsi nikáien ne roʼnisténha ronwaʼnonhwaró꞉ron neh shiwenhniseráte shahoniáke, neh shiwenhniserátekwe tsi nihotsenhnónhnine ne raweriáne.

Isaiah 1:15

Nó꞉nen iathenshatsá꞉nate nasaterienhnáien, kwáh kí iáh takonhiatʼkátho; iáh othènnon takarihontáko tsi níkon ahsaterénhnaien, Kwáh kí iáh takatahónsathate; ne satsanáke titkanewenhsáhere.

Isaiah 1:25

Kwáh kíʼ tentkatiaʼnónhneke tsi konhiatʼkónten; Kwáh enskonhionhnakanónhni tsi ní꞉ioht ne karístatsi tsi áse tsakónhnis, tánon akwékon éʼren entʼkháwite ne karístatsis ne teiotsestáhon shonháke.

Isaiah 1:31

Tánon ne rahshátste rónkwe thóh nenhotiʼiátahwenh tsi ní꞉ioht ne ioientá꞉ten tsi niiostó꞉re ióteks, tánon ne rahohioténhsera tsi ne ní꞉ioht ne watʼtsirahtón꞉kwas; ronónha tánon ne raotiʼiothénseras skát꞉ne tsi enhontsatátʼtsa, tánon iáh ónhka tahiekwéni nahonsaionswáhthe.

Isaiah 27:9

Né꞉tho í꞉ken neh ne raonhí꞉tsera ne Jacob kwáh kíʼ éhren enkahawí꞉tonke, tánon né kí kí꞉ken né kwáh enkaná꞉nonhake tsi enkariwanirate tsi eren enskahawitonhke ne raorihwanerahát꞉tshera: né nó꞉nenh neh enrón꞉niate nó꞉nenhiaokons ne tsi wát꞉tsenharakwahs tsi ní꞉ioht ne ohsawé꞉ta oneniá꞉okon tekarí꞉ton kenknihwas, iah kaneka ne iotó꞉kenti kanawahatásonhas kes nahontsienkwahronhniate ne ietsienharaʼkwà꞉ke ne shé꞉kon akatá꞉ke.

Isaiah 28:6

tánon ne akakenʼenniónhon ne kaiá꞉neren tsi nikáien nónhka enhá꞉tsien naharihwenhtàke, ó꞉ni ahotiʼshatstenhseraʼién꞉take tsi niháti nahonsahónkʼthate nateriʼióshera ne tsi iothenhenrakáronte.

Isaiah 9:19

Ne ne raonhakwáhtshera ne Sakoiá꞉ner ne ronterí꞉ios ratiʼronhiakerónons nohón꞉tsa otonhontsákʼtsa, ne nohóntsa wahó꞉teke, tánon nonkweshónhas ne wahonwanatsatatʼtsahátaʼkwe notsiráke; iáh ónhka ne tahtesonaʼthateniakénton.

Isaiah 9:5

Asèken akwé꞉kon ne raonhatashón꞉áhs ne ronterathaientáʼnionre ne ronterí꞉ios tánon akwèkon ne ahtseronniátsheras kawenónhni onekwensá꞉ke kwáh kí enwatsahá꞉tonke tsi ní꞉ioht noièn꞉te thóh otsirá꞉ke.

Lamentations 1:9

Kwák thiwéʼne nahiontkátho tsi niʼiáh tehiotkwé꞉niens, nók kwáh iáh othénen teiawenésthon nahonsterístake tsi niʼiothaterakwénni. Kwáh iotathiténrat tsi ní꞉ioht tsi thonwaiaténton; iáh tewathétseres nónkak akonwanikonranírate. Ne tehontátʼtsions ronatkwénion, tánon Roiá꞉ner iehonekénnis nataniténron.

Ezekiel 22:15

Kwáh tenkhehiaréniaʼte ne shonkwetaʼshón꞉ʼa ne tsi niaʼtekanahkerahsehrákes tánon nonhkweshón꞉ʼa kwáh enhathíhiake tsi niseweienhnáksenhs.

Ezekiel 36:25

Kwáh tenhkonhiatsʼtaróhkwahthe ne kanhekí꞉io tánon enskonhiató꞉hare tsi naʼtehiesahiatatsiónston ne sahiatonhnishónhas tánon ne oiásonhs naorihoténsonhs ne tehiesahiathatiónston.

Ezekiel 36:29

Kwáh enkonhiatanónhsthaʼte entkonhiatónhneke oriwahkwékonh nahó꞉ten ne teshahiatatsiónhstha. Kwáh enkénhane onátsia ne wéso ahontakáhawe, ne káti ne tó꞉sa shé꞉kon ahonsehsaiénthaʼke ne atonhkerhiákon.

Joel 3:21

Tánon kwáh kí Í꞉ih enshekheiatotarí꞉shi ne iakoní꞉kon ne raotinekwénhsa né꞉tho ne iáh teshekhenikonrénhse, asè꞉ken ne Roiá꞉ner Zion nón꞉we nihèn꞉teron.

Zephaniah 3:1

Ah, sateʼnikonraksáton, tánon senhtatsáton, iakothorahrákon kanatowanenhkó꞉wa.

Zechariah 13:1

“Nó꞉nenh né꞉tho kawistáhets enwáhwe,” rá꞉ton ne Roiá꞉ner Roshatstenhserowá꞉nen, “ne ionehkotehón꞉we kwáh enkanonhthónkwenhke nahonshahonthonnahkanón꞉ni tsi nithonatwatsirí꞉nonh ne Táwit ne nónhne sáhka Jerusalemró꞉nons tsi nokwáh ne rahotiriwahneraháktshera ó꞉ni tsi nokwáh ne rahothihiatonhnishón꞉ʼa

Zechariah 13:9

Tánon enhihiatheniénten ne ahsénhaton ne iatenhotáhtereh ó꞉ni kwáh enshekhehionhnahserón꞉ni tsi ní꞉ioht ne ó꞉tsire sahkaristahní꞉rahte ne karistará꞉ken. Kwáh enkhehiateniénten tsi ní꞉ioht tsi wahteniéntha ne ó꞉tsire ne owistahnó꞉ron. Ethò꞉ne hakónhake nón꞉we nenhonterén꞉naien, tánon tenkheriwahserá꞉kwahse. Entkhehró꞉ri tsi Í꞉i akonkweʼthashón꞉ʼa, ó꞉ni kwáh enhatiriwahní꞉rahte tsi Í꞉i raothiní꞉io.”

Malachi 4:1

Satkáhtho, nenhnísera tá꞉we, iotékha tsi ní꞉ioht ne iontenaʼtarontáhkhwa, nó꞉nen ratikwé꞉kon ne rontatkowanáhtha tánon ratikwé꞉kon ne karihwahétkenʼs rotiióʼtens kwáh kawá꞉ʼeh enhón꞉ton; nenhnísera ne én꞉wawe kwáh kiʼ eniakotiaʼtátsaʼahte, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs, ká꞉tiʼ kwáh iáh tshiaʼtaonsahonwanèn꞉rahse nohté꞉ra khehs nʼonhateshón꞉ʼa.

Matthew 23:37

Jerusalem, Jerusalem, ise ne Sherios ne Rotitokense nok ietsinenhioiaks ne tekheiatories! Toh niioriȣake ȣakatenienten aonsakheiataroroke ne Sheienhokonha tsiniiot ne kitkit kaneraontsokon iakoiatasetha nakoienhokonha, nok iah teseȣathontaton.