Isaiah 4:3 - Ohiatonhseratokénti

³ Nónka akénhake iaʼtheniakotátere ne Zion nón꞉we tánon thóh enieterónhtake Jerusalem kwáh kí ne enhiakotenatónhkwen iakoiatatokénti í꞉ken, ne nonhkwetaʼkwékon né꞉ne iontatʼtsénare naiakónnheke ne Jerusalem nónhwe,

Isaiah 4:3 ပူးပေါင်းရင်းမြစ်များ

Psalms 69:28

Sehrón꞉ko ne tsi ratisénhnare ne ionnhéhonwe kahiatónhsera; tó꞉sa skát꞉ne ratisénhnarat ne thonnonhkwetaiéris.

Psalms 87:6

Né Roiá꞉ner rahiátons, tsi nisahkosénhnara nonkweʼshón꞉ha, “Kwáh satihiatátʼtions thóh né nón꞉we nihonanahkeráton.” Selah

Isaiah 1:27

Né Zion né entsoʼniákente ne kaiáneren, tánon tsi nihiákon nahonháke enhtiontatréwate, tsi ne rotiióte ne tkariwaiéri.

Isaiah 28:5

Ne thóh entewenhniseráte ne Sakoiá꞉ner ne ronterí꞉ios ratiʼronhiakeró꞉nons kwáh ne enkénhake ne kahkakwenhtónhni ne ne kaiatanerakwáhtshera, tánon né꞉ne atenonwaranákta ne ioràse, ne raotirihwàke ne iaʼteonataténron rahonkwetaʼshónha;

Isaiah 35:8

Né iahohowánenn thóh nón꞉we nenhioháteke, tánon né enkonwanatónhkwahke Iohahatokénti; ne iáh tehiakokʼkwéniens kwáh iáh thóh nón꞉we tahionʼthahíta, ók né kí ne Rawenni꞉io rahonkwetaʼshónhas khók raotirihwàke; iáh ónhka ne tehiontstikáfʼfas, iáh shé꞉kon ne tsakotónhnokte, kwáh ahiakohiatátonhte.

Isaiah 46:3

Takatahónsatat, Ó tsi niʼtisewatwatsiríhnon ne Jacob, ratiʼkwékon ne iaʼteonataténron nonkweshónhas ne Israerʼronónke, I꞉i konhiatíson né꞉ne kwáh sontasatón꞉ni, takonhiaténhawe ne tsi watewiraráhkwah nón꞉we;

Isaiah 52:1

Í꞉i tie, I꞉i tie, né í꞉sast ne shashatsʼténsera, Ó Zion! Né saʼtserónhniat ne kwáh sakweʼní꞉ios, Ó Jerusalem, ne ionatatokénti í꞉ken; né iáh tehonwatiwarakwétaron tánon ne iáh teonatʼkwéniens iáh shé꞉kon tahonsaʼiesataweiáten.

Isaiah 6:13

Iekaníhare ne shé꞉kon tionkwéta ne oiéri nihionkwétake thóh iatahonsahiakotaténhronhke ne tsi ionwenhtsá꞉te, kwáh kí shé꞉kon ensewát꞉tsa, kwáh tsi ní꞉ioht ne karíhton khéhs ne kwáh karontashastste nah otsináhara thóh kàniote nónenh iorieniénhen.” Naotsinaharákon ne ne iotokénti kànenh enkénhake.

Isaiah 60:21

Né shonkwetaʼshónhas kwáh kí enotiʼiánereʼke; kwáh enhontiénawasʼte nonhóntsa né tsi nénhwe enkénhake. Ronónha né tehiorenhá꞉ron í꞉ken ne watsiénthon, né naoʼhioténhsera ne katshanáke, né kí nahón꞉ton ahiontiaʼtanerákwahte.

Isaiah 62:12

Kwáh né enhonwatiʼnatón꞉kwahke, “Ronhnonkwetaʼtokénti, Né꞉ne seshakohiatákwen ne Roiá꞉ner”; tánon ní꞉se né entiesahiákʼtieke, “Kahiatisá꞉kon, né Kanatowanénhke iáh Tekonwatewenhtéton.”

Ezekiel 13:9

Ónenh kwáh thó꞉wah akwahréwahthe kíʼ sewahtó꞉kense í꞉se ne iáh tó꞉kenske tèken tsi sewahtashataráhnis tánon tsiónʼnis nahonthaharáhko ne iesehwahriwáhkens. Iáh éhtho tahisehwésheʼke nònhnen nakonkwetashón꞉ʼas enhontkenhnísa ne tahatihiató꞉rehte; ne sehwahsenhnasónhas iáh etʼthakárahke tsi rathisenhnarónhnions ne tsi rathináhkeres ne Israerʼró꞉nons; kwáh iáh nonhwénhton tsahonséhsewe ne tsi thitionhontsáien. Ethòne ensewahteriéntarahne tsi Í꞉i ne Wakenonhtí꞉io Watiá꞉ner.

Ezekiel 43:12

Né kí꞉ken nahohianerénsehra Nononhsatokentiʼkówa: akwékon ne atenáhtha ne tehiokwahthaséhton nonhotoharáhkes tsi kahiathateríston ó꞉ni iotokénti.”

Joel 3:17

Káti kwáh ní꞉se ensaterientá꞉rane tsi Í꞉ih, ne Watiá꞉ner Saní꞉io í꞉ken, thóh Zion nón꞉we nikená꞉kere, nakenontatokenhtí꞉ke. Tánon ne Jerusalem kwáh kí enhiotokenhtí꞉ke, tánon ne thihiakahontsá꞉te kwáh iáh nonhwén꞉ton thóh nón꞉we tahonsahontohestà꞉ke.

Obadiah 1:17

Ók tsi ionontáhere ne Zion ótiaʼkeʼs enhieʼniá꞉kenʼne, tánon kwáh enionatatokénhtiʼke. Tsi tahawatsiratátie ne Jacob tsi kwáh enhonawenkhón꞉weke nohóntsa.

Zechariah 14:2

Ne Roiá꞉ner akaonwenhtsiakwé꞉kon enteshakohiaʼténhawe nahonteriiosehrón꞉ni ne Jerusalem. Ne kanahtowá꞉nenh enkonwahsén꞉ni, ronwahthinonhskarhiáshion, tánon ne konhnón꞉kwe thitkonhwanahnonhthón꞉ni. Sahtekanenhrí꞉hen enhionhnahkerá꞉ko, ók ne ronáhtiaʼkes iáh ne tahonwahnatekwáhte tsi nahnatowá꞉nen.

Malachi 3:16

Eʼthó꞉ne ne ronwakweniénhstha ne Roiá꞉ner waʼthatihtharónnion. Ne Roiá꞉ner kwáh ákta tsi wahatenʼnikón꞉raren tánon wahatahónhsatate, tánon iaʼthahiatónhserahkwe ne iehsennarónnionʼs ne raohén꞉ton tsi niiá꞉kon ne ronwarihwakweniènhstha ne Roiá꞉ner tánon ronwahsennakará꞉tats.

Luke 10:20

Tosa ki sane neh aeseȣatonnharat tsi teietsiniarorarakon nonatkonson; neh tanon aeseȣatonnharaste tsi tiseȣasennare ne Karonhiake.

Acts 13:48

Nónen ne iáh tehatiʼsitaeʼró꞉nons sahonatʼthóntene kí꞉ken, wahontʼtsennónni ó꞉ni wathontenonweráton ne Roiá꞉ner rahowennahókons; tánon tsi nihiákon ne tionthatáwi ne ionnheʼónwe atónnnhes tahiakétakwe.

Romans 11:4

Onh ní꞉ioht tsi wathoriwaserákwaʼse neh Rawenni꞉io? “Tsiátak tewenʼniawehetʼtserásen niháti ronʼnónkwe kehiatsenawásthonʼne nehʼne iáh tekonwasénʼnaien neh iotokenthitserákʼsen Baal.”

Romans 11:5

Kwáh káti sékon neh sáka nónwa nikaháwis. Kénk niháti iateshonatháteron tsi nikáien ne Rawenni꞉io sakoiatarákwen ne rahoténrat iorihonníʼon.

Ephesians 1:4

Séhkon ne kwáh ohénton ne sonthontonhontsiatásawen, knáha ne Rawenni꞉io shisonkwahiatarákwen ne rahónha rahonkwéta ahitewáthon thóh rahonháke ne Kerístos, neh꞉ne ahionkwahiatatokentíhake ó꞉ni kwáh iáh thènen tahionkwaníkon ne rahohénton. Ne iohrihonʼníʼon ne Rahononronkwátsera

Philippians 4:3

Tánon, neh kwá tehionkwariwaʼienawákon, kwá ne kénnis ne aietsiʼiénawhase. Nètho tionatʼthonwísens skátne ionkwahioténhen tánon ne Clement ó꞉ni neh ronatiakhésons ne wathonteriwaréniaʼte ne kariwí꞉ios. Thónon ónen nihathisénnare ne kahiatonserákon ne hionʼnehónwe.

Colossians 3:12

I꞉se ne Rawenni꞉io rahonkweʼtashón꞉a; wahʼhianó꞉ronkwe tánon waʼhiaiatará꞉ko ne rahonhatsí꞉wa rahonkwè꞉ta ahsáton. Kwáh káti, ó꞉nenk tsi ne ensewahiatóronke ne weriasí꞉io, ahontesewariwahié꞉rike, ataniténron, tóhsa sewahní꞉ronk, tánon sewahnikonkástet.

Hebrews 12:14

Shateniénten kwáh skén꞉nen akénhake kwáh tsík ónhka akénhake, tánon shatheʼniénten iotokéntik tsi ní꞉ioht tsi sónnhek, tsoríwah tsi iáh ónhka tahonwáhken ne Roiá꞉ner tóha iáh tóh tahiotónhake.

1 Tiér 2:9

Nók í꞉se ne kentiókwa ne ietʼtsiʼiatarákwen, ne Ronontí꞉io rahotsihénstatsis, ne otiokwatokénti, ne kwáh Rawenni꞉io rahonkwetaʼsónha, kahiatarákwen nahontʼróri ne ionerakwathénion ne Rawenni꞉io rahoweiénnas, ietsisewennónkon tsi tetiókaraskwe tánon thonónwe nonsatsisewátʼkawe ne ioriwanerákwat raoskwatetʼtserákon.

Revelation 13:8

tánon onkweʼtakwé꞉kon nonhontsake ienákere kwáh eniesénhnaien, onkweʼtakwé꞉kon tsi niiá꞉kon ne iáh teiesenhná꞉re nohén꞉ton sontónhni tsi ionwenhtsá꞉te thóh raoiatonhserá꞉kon ne iónhne ne teiotinaʼkarontónha owí꞉ra né꞉tho ronwanonwarià꞉kon ne tsi tsiotonhontsatáhsawe.

Revelation 17:8

Ne katsinoniowá꞉nen ne wátsken né꞉ne rónhnekwe, iáh kíʼ ó꞉nen tesrón꞉nhe, tánon ó꞉nen thó꞉wa ahontaharákten tsi nón꞉we ne iáh tetkanón꞉kware iosonwakáronhte tánon thóh nón꞉we nienhénre nahahiatá꞉ton. Ó꞉ni ne ratinákeres ne tsi ionwenhtsá꞉te, né꞉ne ronón꞉ha ne iáh tehatisénhnare ne kaiatonhserá꞉kon ne iónhne ne sonnitskwáren ne tsi ionwenhsá꞉te, kwáh enhotiriwanerá꞉ko nó꞉nen enhón꞉waken ne katsinoniowá꞉nen, tiorì꞉wa tsi nirónhnhekwe tánon iáh ó꞉nen tesrónnhe tánon kíʼ shé꞉kon ensewathó꞉tasi.

Revelation 20:15

tánon ón꞉ka nakoshén꞉na iáh tekaktsénhrion nakahiátonke ne kahiatonserá꞉kon ne iónhnhe thóh iahonwatiiatónhti tsi kanià꞉taro nótsire.

Revelation 21:27

Ók iáh thaʼhó꞉tens ne iáh teiót꞉kweniens kwáh iáh tsiá꞉hontaweiate, khehs nón꞉ka ne ne iakó꞉hiote nhó꞉nowen, ók nek khók tsi niiá꞉kon ne iesenná꞉re ne teiotinakaronhtón꞉ha raoiá꞉tonhserake ne ionnhe.

Revelation 3:5

Tó꞉ka enshateshén꞉ni, ní꞉se kwáh thóh ní꞉iot tsi ensatierónhnike tsi ní꞉iot ne ronónha né꞉ne wakó꞉ses í꞉ken, tánon ní꞉i kwáh iáh thaonsakonhsenhnará꞉ko ne kaiatonhserá꞉kon ne iónhne; tánon ní꞉i kwáh enkeriwaní꞉rate ne sashén꞉na raohén꞉ton ne Rakeʼní꞉ha ó꞉ni raotihén꞉ton ne raoronhiakerononó꞉kons.