Isaiah 4:2 - Ohiatonhseratokénti

² Né éʼtho enwenhniseráteke ne raonhá꞉te ne Roiá꞉ner kwáh kí í꞉ken tsi enwatehiáron tánon enkowanénhake ó꞉ni enwatʼkatotseriʼióhake tánon enhiorihwanerakwáhtonhke, tánon tsi nahoténsons ne kaienthóseras watonhniátha nonhontsáke kwáh kí ne enhontenáieste tánon ne raotiʼiatanerakwátshera enkénhake niaʼtehonathaténron NʼIsraerʼronónke.

Isaiah 4:2 ပူးပေါင်းရင်းမြစ်များ

Psalms 67:6

Nonhóntsa wé꞉so takáhawe ne kaientʼthótshera; Né Ní꞉io, nónkwah Ní꞉io, waʼshonkwahiatatériste.

Psalms 72:16

Wakaterenhnaien ahiokwátstonhake nó꞉natsias ne tsi iohontsáien; waʼkaterenhnaien ne tsi ionhniarón꞉nions né tahontahioróh꞉ronhke ne kaientʼthó꞉tsheras; waʼkaterenhnaien ne kahiksonhas thóh nahiotahionhnihake tsi ní꞉ioht ne Lebanon nón꞉we; wakaterénhnaien ne tsi kanatowáʼnens kwáh tahontakanenhrá꞉rahke tsi ní꞉ioht tsi ionthontónhni ne kahentáke.

Exodus 28:2

Tshiaʼkwenónhnien ne roʼtikharesʼnéha ne iatsíha Aaron, táhtsion ne kaʼkweniensthá꞉tshera ó꞉ni ne ioràse.

Isaiah 11:4

ók Karihwakwarihshionʼtsherákon tsi kwáh tensakoiatórehte ne iakóten, tánon thenhaiatóreʼte kwáh sathenhiotónhake ne tsakorihwaiéri ne tsi ionwenhtsáte; kwáh ne enhaiénte ne tsi ionwenhtsáte ne kánia rohnón꞉te tsi rasakarón꞉te, tánon né tsi nihatón꞉ries ne raskwenhtàke kwáh ensakononwarákon ne ronhnonkwetaʼhétkens.

Isaiah 26:1

Né éhʼtho entewenniseráteʼke kí꞉ken karénhna kwáh thenkarihwá꞉kwenh ne tsi watonhontsáien ne Judah: Kashátste nonkwahnáta; rakétskwas natesenhniétshera tsi ní꞉ioht ne wathenhenró꞉tons tánon ne kanikató꞉tons.

Isaiah 27:6

Nenhtewenhniseratenionke ne Jacob rahonhake kwáh enkateronhten, Nisrael kwáh enkatsitsionten tánon thenkarenharon, tánon kwáh ne tentkarate ne tsi ionhwenhtsate ne kahiksonhas.

Isaiah 30:23

Kwáh enhakenhnó꞉reste tsi nisatsinetarón꞉tion nonwenhtsàke, tánon nonátsias, tsi nentkáhawe nonwenhtsàke, né꞉ne enhiokwatsʼtónhake tánon enkanákerenhne. Nètho enwennhniseráteʼke ne satshenenhókons tionnónskwahrons thóh nón꞉we nenhkontekónhni tsi watenhenró꞉wanenke;

Isaiah 45:8

Iotsataratsiéson naiokénhnoʼre, Ó karonhiakésons, né éhʼneken nahontá꞉we, tánon ánion ne tsi karonhiátes ne tsiokénhnóre ne karihwakwahrishióntshera; ánion watenotónhko tsi ionwenhtsáte, né꞉ne kaienawaséhtshera ahontaká꞉reke, tánon né ahiónhni ne karihwakwahrihshióntsheras tahiót꞉kaʼwe; I꞉i ne Watiá꞉ner wakʼsahánion.

Isaiah 53:2

Asèken wahatehiáron ne raohénton kwáh tsi ní꞉ioht ne kénk nitiohiónha kaientʼthó꞉tshera, tánon kwáh né꞉ne otèra watiótkaʼwe ne tsi iahonwenhtsiaʼthénke; iáh othènon tewatʼkatotserí꞉io khés naʼioraséhake tsi nihatʼkatotseró꞉then naʼtsitewatká꞉tho, iáh thaʼhóthen tsi nihatʼkatotseró꞉then né꞉ne atsiʼtewaská꞉neke.

Isaiah 60:15

Ethohʼsàne tsi iesatewenhtéton tánon iesahthakwaswénhon, né꞉ne iáh ónhka thóh tehiontohétsthaʼkwe, kwáh kí Í꞉i enkonhiatanerá꞉kwahte né꞉ne tsi nénhwe enkénhake, atonnharátshera enkénhake né tsi wahenehkwensatátie.

Isaiah 60:21

Né shonkwetaʼshónhas kwáh kí enotiʼiánereʼke; kwáh enhontiénawasʼte nonhóntsa né tsi nénhwe enkénhake. Ronónha né tehiorenhá꞉ron í꞉ken ne watsiénthon, né naoʼhioténhsera ne katshanáke, né kí nahón꞉ton ahiontiaʼtanerákwahte.

Isaiah 61:11

Asèken kwáh tsi ní꞉ioht nohóntsa tsi tká꞉reks né takarénharon, tánon kwáh tsi ní꞉ioht né kahétakon tsi né iónhnis nahóten né kaiéntʼthon né tahiót꞉kaʼwe, né káti né Roiá꞉ner Rawenni꞉io kwáh kí né enrón꞉niaʼte ne karihwaʼkwahrihshón꞉tsheras tánon kanonweratón꞉tshera nahontehiáron akohénton niaʼkahontsakeró꞉nons.

Jeremiah 23:5

Ne Roiá꞉ner ráton, “Táwe nekawistáheks nónen enhihiaʼtaráko ahononhtí꞉ioʼke ne tronkwetaʼiéri tsi nitotwatsirínonh ne Táwit. Nètho ronnonhtí꞉io kwáh kariwaʼkwahrishonʼtsherákon tsi enhashá꞉riʼne ó꞉ni thóhʼnenháiere ne tkariwaiéri ó꞉ni ne kaiáneren ne ne kwáh ohontsakwékon.

Jeremiah 33:15

Nén nenhkaháwiʼke enhihiatharáhko ne ronnonhtí꞉io ne rohiánereh ne ne Táwit nónhwe nithotʼwahtsiríhnonh. Nètho ronnonhtí꞉io ne enhohióten ne tkarihwahiéri ó꞉ni ne kaiáneren ne tsi ionwenhtsiáte.

Jeremiah 44:14

Kwáh iáh ónhka nonhkweshón꞉a ne Judah nónhwe nihonahthaténron tánon ne thó꞉nonh ne Egypt nónhwe nahonsahatiʼnáhkerehke iáh thahatiʼniékenhʼne iáh ó꞉ni tahonshaʼhonnónhnheʼke. Iáh ne sahiáta Judah tshiaʼhonsàhre, tsi nónhwe enshonskáneke shé꞉kon niaʼhonsahonnáhkerahte. Kwáh iáh ónhka éhtho tsiahonsáhien nekʼkhók ne tohʼkàrah niháti ne rotiʼnahtenháwis.”

Jeremiah 44:28

Ók kénk nítsion ensehwahniákenhse ne kenhéion tánon Egypt nahtentísehwe ne ne Judah nientsíʼsehwe. Ethóhʼne ne iaʼtehonahthaʼténron enhonahteriénthaʼrahne ónhka akowénhna oriwí꞉io iahónton, Í꞉i kén akewénhna káton ronhnónha raoʼtiwénhna.

Ezekiel 34:29

Entekhéhion ne kwáh tsiohontsí꞉ios tánon ientsiástsi ne athonkarhiákon ne tsi ionhwenhtsáte. Ne aktésons tkanakerahserahkérons iáh ónenh tahonsahonwatiʼkenrensehrónhni.

Ezekiel 36:8

Ók ne tsi ionhnontarónnions ne Israel ne karonhtasónhas shé꞉kon enskanarahtonthónhnion tánon ensehwaiónten ne sarihwáhke, nakonhkwetashón꞉as Israerʼró꞉nons. Kwáh iostó꞉re enséhsewe.

Ezekiel 7:16

Ótiakes tsi tiononhtarónhnion ienhiontekwáhsen tsi ní꞉ioht ne órite wakonhwathiterónhkwen ne ahonráhkwahkon. Ratikwékon enhonnonhseniánion ne raothiriwanerahaktsherákons.

Joel 2:32

Eʼthò꞉ne tsi nihiá꞉kon nenhienáton ne raoshén꞉na ne Roiá꞉ner kwáh kí enhionthatenónsthate; asè꞉ken ne tsi Iononte ne Zion tánon ne Jerusalem kwáh thóh nón꞉we nenhieniá꞉kenhne, tsi kí ninihá꞉wen ne Roiá꞉ner, tánon thóh nón꞉we tsi nihiá꞉kon ne iateiakotathénhron né꞉ne ronónha ne Roiá꞉ner sakoiatará꞉kwen.

Joel 3:18

Ne thóh enwenhniserá꞉teke ne tsi ionontahrónhnions kwáh enwatsánon ne teionekatsikhè꞉tare onenhará꞉keri, ne tsi ionhniarónhnions kwáh enwatawenhrát꞉tseke nonón꞉ta, tánon akwé꞉kon tsi niwatnekí꞉nes ne Judah nón꞉we kwáh kí enwatawenhrát꞉tseke nohné꞉kanos; né ioné꞉kote kwáh thóh nón꞉we nénhtewe Raononsatokenhtikowáhne ne Roiá꞉ner tánon ne enhionekanónhte ne Shittim ahonráhkwakon.

Obadiah 1:17

Ók tsi ionontáhere ne Zion ótiaʼkeʼs enhieʼniá꞉kenʼne, tánon kwáh enionatatokénhtiʼke. Tsi tahawatsiratátie ne Jacob tsi kwáh enhonawenkhón꞉weke nohóntsa.

Zechariah 3:8

Shatahónshatat káti Joshua, i꞉se ne tsihenstowá꞉nen: ki shatahónshatat, i꞉se tánon ne sewahtenroshón꞉a ne kén꞉en skátke sehwenhtskó꞉ton, i꞉se ne tiónkwe ioiánere ne thé꞉nen iahisehwariwáhken: Enhihiathotáhsi nakhenhátshera, né꞉ne Onénhra ronwáhiats!

Zechariah 6:12

Tiorì꞉wa né꞉tho Roiá꞉ner Roshatstenhserowá꞉nen ráton, ‘Rónkwe ne Onénhrah ronwáhiats kwáh enhohianerásten tsi nonhwehnenhréhseke tánon enshanonhsón꞉ni ne Roiá꞉ner raononhsatokénhti.

Zechariah 9:17

O tsi nenhiohianeréhake ó꞉ni enwatʼkathotseriió꞉hake nonwénhtsa! Ne ken nithotihiónsah kwáh enhontehiá꞉ron enhatiʼshátsteke kwáh enhotihianerásten tsi nokwáh nonátsa ó꞉ni ne onenharataʼsehontsherákeri.

Malachi 3:17

Kwáh Í꞉ʼi akonkwé꞉taʼs enkénhake, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs, ronnónha ne wakatonkweʼtanorónhston ne tewenhniserá꞉te ne wakenhniserarákwen, tánon enkhenonhstate tsi ní꞉ioht ne iakowí꞉raien tehonwanahrhó꞉ton ne rontewennaráhkhwa.

Matthew 24:22

Neh oni ne iah taontahaȣenniserokeri neh niȣenniserotens iah onka tahioniakenhon; neh tanon ne iontatiatarakȣen akoriȣake, enȣenniserokeri noh niȣenniserotens.

Luke 21:36

Seȣatieȣaten kati, tiotkon onȣe taseȣaterennaientak, niaeseȣaȣe aeseȣarihontake ne taeseȣatohestste tsinonhiaȣenseronne, nok skennen tatsiseȣaken nonkȣe Roienha.

John 1:14

Nok Onkȣe rotatonni nʼOȣenna, onȣentsiake ȣarennakerate, nok ionkȣatkatton ne rahoiatanerakȣatsera, eh nihoiatanerakȣatseroten tsini hoiatanerakȣatseroten nʼenskat ok Niio Roienha, titkahere atanitenrasera oni ateriȣakȣarisionsera.

2 Corinthians 4:6

Ne Orihwatokénhti wá꞉ton, “Rawenni꞉io tahanónhton tsi waʼtioswá꞉theʼne tsi nón꞉we tetiokaráskwe.” Nón꞉wa ne Rawenni꞉io tehoswathé꞉ton ne onkwerià꞉ne nakwahronká꞉ten ne raoiaʼtanehrakwáhtshera tho weʼnéston raonhà꞉ke ne Ié꞉sos Kerístos.

2 Tiér 1:16

Iáh neh teiakwaniahésenʼne ne watkaríson nakwaronkáten ne rosatsʼtenserowánen táreh neh꞉ne Sonkwaiáner Ié꞉sos Kerístos. Kwá í꞉i iakwakaráke hionkwakʼkáton tsi nihosastenserowáhnen.