Isaiah 39:4 - Ohiatonhseratokénti

⁴ Wahénron, “Nahó꞉ten wahontʼkátho ne tsi sanón꞉shote?” Hezekiah watarihwaʼseráko, “Kwáh akwé꞉kon niaʼhontkátho ne tsi wakenón꞉shote; kwáh iáh tahó꞉ten ne thenen akaientake ne tsi tientá꞉kwas ne iáh thaʼkenatónhnike.”

Isaiah 39:4 ပူးပေါင်းရင်းမြစ်များ

Job Tánon ne Raoronhiakensera 31:33

tó꞉ka wakehró꞉ron nakerihwaneraháktshera tsi ní꞉ioht ne ronátiaʼkes tsi wakaséhton nakerihwaneraháktsheras thóh kenskwé꞉nakon,

Proverbs 23:5

Sahwísta iohsnó꞉re ienwáhtshaʼahte tsi shí꞉ken taonttsiraríkhon tánon waʼtkanerahontshón꞉taʼne tsi ní꞉ioht ne á꞉kweʼks waʼtká꞉ten.

Proverbs 28:13

Iáh nonwén꞉ton thaiesaterihwahténtiaʼse tókaʼ enhsateʼnién꞉ten ahsáhsehte tsi sarihwanéren. Sasatathré꞉waht tánon é꞉ren shá꞉wit, tho ne ó꞉nen Rawenni꞉io énthion kaiaʼtateríhtshera.

Isaiah 39:3

Eʼthó꞉ne ne rotokénse Isaiah iahá꞉re tsi thénteron ne Ronnontí꞉io Hezekiah tánon wahawénhase, “Nahó꞉ten wahonhníron kí kén ronnónkwe? Kanón꞉we nontahónhne tsi tsíteron wahón꞉newe?” Hezekiah watharihwaseráko, “Tsi wahontsiatórenhne ahiʼnonkówa tkanakeraseráien nón꞉we nontahónhne, Babylon nontahónhne.”

Isaiah 39:5

Eʼthó꞉ne ne Isaiah wahawénhase ne Hezekiah, “Sathón꞉tek ne raowenhnaókons ne Sakoiá꞉ner ne ratironhiakeró꞉nons:

Jeremiah 17:3

tánon ne tsi ionnonhtharónnions ó꞉ni ne kahetahkésons. Enkhénahʼne ne tesehwatátʼtsions ienhatíhaʼwe ne sewatsiotʼkowáhtsheras ó꞉ni ne sehwáwenhk ne kanhorónsons né tsi niʼsehwariwahnerahákʼkonhs kwáh tsík nonhwésons ne tionhontsakésons.

Joshua 7:19

Ne Joshua wahawénhase, “Koniénha, orihwí꞉io satró꞉ri kén꞉en rahohénton ne Roiá꞉ner, ne Sakoní꞉io Nisraerʼró꞉nonke, tánon serihwaní꞉rat. Takró꞉ri ó꞉nenh tsi nishatié꞉ren. Tó꞉sa shatheʼniénten naskerihwasénhten.”

1 Sawátis 1:9

Nók tóhka entewariwanírate nonkwariwaneraháktshera rahohénton ne Rawenni꞉io, etnenháiere tsi nahóten rorahrátston tánon ne thóh nenháiere ne tkariwaiéri: ensesonkwanikónrense nonkwariwanerahákʼtsheras tánon ensesontionnakwatáko tsi nahoténsons tahionkwaterientawénreke.