Isaiah 38:3 - Ohiatonhseratokénti

³ “Sasehiá꞉ran ó꞉nen Saiá꞉ner, wakonhianiténhten, tsi ní꞉ioht tsi tewakatekhaʼhákwen ne sahénton né꞉ne aóskon tewetákwen tsi kerhiasakwékon í꞉ken, tánon thóh niwatiéren nahó꞉ten ne ioiánere ne sahénton.” Tánon ne Hezekiah otsitówa tsi waʼthaséntʼtho.

Isaiah 38:3 ပူးပေါင်းရင်းမြစ်များ

Genesis 17:1

Ne nó꞉nen ne Abram tióhton niwáhsen tánon tióh-ton shaʼtehaohseriiá꞉kon, ne Roiá꞉ner wahototáhshien ne Abram tánon wahawènhahse, “I꞉i ne Ní꞉io wakeʼshaststenhserowá꞉nen; takewèn꞉narahk tánon kwáh tóhsa ohthé꞉non iesarihwatshènriaʼs.

Genesis 6:9

Né ki꞉ken tsi niehotwatsiríhnon ne Noah. Ne Noah kwáh íken tsi tronkwetaiérihkwe, iáh othénnen tahonwarihwatsénhriase tsi nihothenhnisehraténionkwe; ne Noah skátne tehiatekhahakwahkwe ne Rawenni꞉io.

1 Kings 15:14

Ethonèsa ne Asa iáh kíʼ akwékon tehorihwathónton ne onhó꞉wen íken tsikʼnonhwésons nihonterénhnaiens, kwáh kíʼ iahakónhthaʼkwe tsi rotherihwatokénstonhkwe rahonháke ne Roiá꞉ner kwáh tsi nirón꞉nheskwe.

1 Kings 2:4

Tó꞉ka entsewénhnaraʼkwe, ne Roiá꞉ner enhatsénawasʼthe narahrátseras né rósons nó꞉nen sahatró꞉ri swatsiratátie enhonhtkórasʼthe Nisraerʼró꞉nonhke kwáh tsi nikaríhwes enhonthenhnikonhráren nahontewénhnaraʼkwe ne rahorihwatátʼtseras enhotirihwatoʼkénhake kwáh ronerhiasakwékon ó꞉ni rahonahthonnhetseraʼkwékon.

2 Kings 18:3

Né tahotenientensthonhátie ne rosotkʼenʼen Táwit, né roiótenskwe nahawerienhtí꞉io ne Roiá꞉ner.

1 Chronicles 28:9

Tánon tsi nòkwah ne Solomon wahawénhase nenhʼné꞉e, “Riʼiénha, Waʼkonrihónten natserihwaníratse ne ianíha raoní꞉io tánon natsiótenhse né kwáh seweriásak akénhake tánon né nahisanikonhroténhake. Akwé꞉kon roteriéntare nónkwah nonthonhniónhtsheras ó꞉ni nón kwahskanéktsheras. Tó꞉ka rahonháke nòkwah nienhénse, kwáh enthiaiéna; ók tó꞉ka entsiatsatonhtákwahse, kwáh kíʼ tsi nénhwe tsi enhiatewénhtheʼte.

1 Chronicles 29:19

Tátshion ne riʼiénha Solomon kwáh raweriasaʼkwé꞉kon tsi ahaskanékʼseke tsi ahatewénhnarahkwe orihwaʼkwé꞉kon tsi nisharihwíson ó꞉ni nahonsahanonhsónhni Nononsatokentiʼkówa tsi niʼwakeweienhnenhthásheron.”

1 Chronicles 29:9

Nonhkweʼshón꞉as kwáh eh nihiakonikonhró꞉ten tsi tahón꞉hion ne Roiá꞉ner, tánon tsi nihiakotʼtsenhnónhni tsi niwé꞉so onhteróhroʼke. Né Ronnontí꞉io Táwit kwáh í꞉ken tsi ishiʼnónhwe tsi nohotsenhnónhni.

2 Chronicles 16:9

Né Roiá꞉ner kwáh í꞉ken tsi ákta ranikónhrahre ne tsi ionhontsáte, teshakówis ne kashastsʼténhsera tsi niháti né kwáh toneriasaháton tsi rotirihwatóken ne rahonháke. Tehiotenonhwaroríhtonhte tsi nashá꞉tiere, tánon káti kénʼen ienwathásawen tsi kwáh kíʼ tiókonhte tsi ensaterí꞉ioke.”

2 Chronicles 25:2

Né rohiótenskwe tsi nahó꞉ten nahontahonikonhraiérihte ne Roiá꞉ner, ók rotiathakenheiáton kíʼ.

Ezra 10:1

Tsi nikarì꞉wes ne Ezra tehotiakʼthónkwe tsi roterenhnaientháhkwen nohén꞉ton Nononhsatokentihkó꞉wane, tehasenhtóskwe tánon rarihwaní꞉ratskwe ne rahorihwaneraháktseras, ronatiohkowá꞉nen Israerʼró꞉nons—ronhnónkwe, konhnónkwe, tánon ratitsahokón꞉as—rahiatákʼta wahonteró꞉roke, kwáh í꞉ken tsi rothitsitowá꞉nen tsi ní꞉ioht tsi tehonsénhthos.

Nehemiah 1:4

Tánon nó꞉nenh shonkaʼthóntene kí꞉ken owenhnashón꞉ahs wakátsien tánon watkaséntʼto tánon wakaktiónhnion tó꞉ka nón꞉ta nikarí꞉wes; tánon onkwentón꞉tiete tánon wakaterén꞉naien raohénton ne Rawenni꞉io tsi karonhiá꞉te.

Nehemiah 13:14

Takwehiá꞉rak, o ake Ní꞉io, kí꞉ken tánon tó꞉sa shaserónko tsi nitewakeriwaié꞉riton natiotenhsera né꞉tho tsi niwakatié꞉ren thóh raonónskon náke Ní꞉io tánon ne raoioténhsera.

Nehemiah 13:22

Eʼthò꞉ne wakheién꞉hase ne Levites né꞉tho tehiotonhontsó꞉hon nahonsahontsatóhare tánon thetón꞉ne nahontenhnikónraren tsi iotenhenrakáronhtes ne nahonhniseratokéntiste ne Sabbath wenhniserá꞉te. Kwáh ó꞉ni sehiá꞉rak, á꞉ke Ní꞉io, tánon sanitenratskónhak ne tioianénhaf ne iawetowá꞉nen sanoronkwáhtsheras.

Nehemiah 13:31

Tánon noién꞉te tsi nithatiiéstha tsi nienkáhewe, tánon nenhtewatiérenhte enwahiárih. Takhehiá꞉rak tanon tatiataté꞉rist, a꞉keʼNí꞉io.

Nehemiah 5:19

Taʼkweʼhiárat tánon tatiatatérist, akeʼNí꞉io, asè꞉ken akwé꞉kon ne ioiánere tsi nikhehiatiérase kí꞉ken onkweshón꞉a.

Psalms 101:2

Kwáh né enkatéweienste nát꞉sehre ne tkarihwaʼiéri tsi ní꞉ioht tsi akónnheke. Kátke entése nastiénawaʼse? Kwáh thóh karihwaʼkwahrishionhtsherákon nón꞉we nenhkathénhti nakenónskon;

Psalms 102:9

Asèken kahkénhrats tsi ní꞉ioht nahkenatará꞉ke; tánon akʼkáseri tewaʼtsésta tsi entʼnekíra,

Psalms 119:80

Aiáwenhs kwáh kerhiasakwékon áksere ne saianerénhseras, ne káti ne tó꞉sa akatéhen!

Psalms 16:8

Káh tiókonte ne kanontónhnions ne Roiá꞉ner tsi tiókonte thóh í꞉res; tánon tsi keweientetákwen í꞉res tánon iáh ki nonwénhton tahionkoriá꞉neron.

Psalms 26:3

Ne iorihwaʼtó꞉ken sanoronhkwáhtshera né tianenhá꞉wi; né sarihwaʼtokentítshera tiokonte ne watkenthenseháties.

Psalms 32:2

Iakotáskat tsi nihiákon né Roiá꞉ner tsi iáh othènen tatehsesakoráhwi, tánon ne tsi iakónnhe kwáh iáh othènen tekáien ne kanikonhráhton.

Psalms 6:6

Kwáh í꞉ken tsi Tewakwisenhéion tsi niwakónsehne; iatehiokarahtseráke natkhásehri tehiahonkó꞉tha tsi nihionanawénhstha nakítskare; ioharoshónhnis nakenákte tsi natekaséntʼthos.

Psalms 6:8

Éhʼren í꞉sewet ne tiatátʼta, sehwaʼkwé꞉kon né karihwáksen tsi nisewatsiérah. Asèken ne Roiá꞉ner wahothóntene tsi niwakenikonráksens.

Isaiah 38:2

Eʼthó꞉ne ne Hezekiah asonhtàke niaʼhatiérate, tánon iahaterénhnaien rahonhá꞉ke ne Roiá꞉ner:

Isaiah 38:4

Eʼthó꞉ne ne raowénhna Roiá꞉ner wahohiatóren ne Isaiah:

Hosea 12:4

Raʼronhiakeró꞉non wahiaterí꞉io tánon wahatʼkwé꞉ni, wahthaséntho tánon wahoriwanón꞉tonhse ne kaiatateríhtshera; Bethel nón꞉we naʼthiatátken, tánon thóh nón꞉we natnithá꞉ren.

John 1:47

Iesos iahoken Nathanael eh nontahaȣenonhatie, ȣahaȣenhase tsi ȣahenron: neh kehiken ne tokenske onȣe Israerhaka niah tekaien naienikonrhate.

2 Corinthians 1:12

Enwá꞉ton ne aiakwatená꞉ieste tsi niwé꞉ne ne onkwerienʼtiióhtshera. Tiotkonhón꞉we iotkwénies ó꞉ni tkarihwaié꞉ri tsi ní꞉ioht tsi ionkwatenhniseraténion, kwáh sénha nó꞉nen í꞉se skátne tewakwekonhatiéskwe. Ó꞉ni ne ionkwaiaʼtanonhnhatiéskwe ne iorihwanéhrakwa Rawenni꞉io raonoronhkhwáhtshera, iáh ki tho té꞉ioht tsi ní꞉ioht ne kén ionhontsá꞉te aorihonnienníhtshera.

Deuteronomy 6:18

Tóh naʼsewáier tsi nahoʼténhsons ne Roiá꞉ner ratónhnions asè꞉ken tkaié꞉ri ó꞉ni ioiá꞉nere, tánon orihwakwé꞉kon tshiensewaianerásten. Ensehwateriwaʼténtiase nahisewatié꞉nawatste ne iohontsí꞉io né꞉tho Roiá꞉ner shakorahratstén꞉ni ne sewasótsheras,

Hebrews 5:7

Tsi rónnhekwe nonhontsiáke ne Ié꞉sos raterénnaienskwe ó꞉ni rohrihwahnontónniskwe kwáh rohtsitowahnénskwe óni okasheráhkons rahonháke ne Rawenni꞉io, tsi nikáien enhonónstathe ne kenheiát꞉ne. Tioríhwah tsi torihwahiérikwe ó꞉ni rohrihwahtókenʼne, ne Rawenni꞉io wahowenʼnáronke.

Hebrews 6:10

Rawenni꞉io iáh tehanikonráhtha. Iáh tahonikónren tsi nisaiotén꞉en khés tsi nihshenéston tsi nitienorónhkwah tsi nishasʼnié꞉non ó꞉ni sékon tasheiawihátie nakorénshons ne iakorihwiʼióstons.