Isaiah 37:2 - Ohiatonhseratokénti

² Tánon Eliakim iahothó꞉ri, rahónha né roterihón꞉takwe né tsi kanonhtiʼiotsheráien, tánon né Shebna, né꞉ne sakohiatónhni, tánon né éhʼneken thoʼnatʼtónhnions ratiʼtsihenstowánens, káiare ronateróron, tsi thénteron ne rotó꞉kense Isaiah né꞉ne Amoz roiénha.

Isaiah 37:2 ပူးပေါင်းရင်းမြစ်များ

2 Kings 18:18

Ethòne ó꞉nen iahonwénhnonke ne Ronnontiio Hezekiah, tánon náhsen niháti ne rahonkweʼtashón꞉as ratisenhnowánens thóh niahónhne iathonwanáterate: Eliakim né꞉ne roiénha ne Hilkiah, rahónha ne ranikonráhrakwe ne tsi kanontiʼiotseráien; ne Shebna, né꞉ne sakohiatónhnisʼkwe ne tsi teiehiatorethákwah; tánon ne Joah né꞉ne roienkenén ne Asaph, rahónha nènhne ranikonhrárahkwe ne kahiathonserasónhas.

2 Kings 19:2

Eliakim iahoténiete, né꞉ne ranikonráhrakwe ne tsi kanontiʼiotseráien, Né Shebna né꞉ne teieiatorethákwah nón꞉we nisakoiatónhni, tánon ne thóh titsténhas ne ratitsihénstatsis káiare nón꞉neʼe ronateró꞉rons tsi thénteron ne Isaiah niahónʼne né꞉ne roienkénʼen ne Amoz

2 Chronicles 20:20

Ohronkétsʼtsi nó꞉ia sahiórenhne nonhkweʼshón꞉as kaʼrahkonkówa niahónhne ákta ne Tekoa. Tsi niahonenonhátie, né Jehoshaphat kén kí nikawenhnó꞉tens tsi washakothárahse: “Tsiónkwe ne Judahró꞉nons ó꞉ni Jerusalemró꞉nons! Thóh nón꞉we nonhtasewé꞉tat rahonháke ne Roiá꞉ner Sewaní꞉io í꞉ken, tánon ki ensewahiataníronke enkénhake. Tasehwétat tsi nahoténsons ne rahonkweʼtashón꞉as ietsiró꞉ri, tánon kíʼ ensehwaterihwathénhtiaʼse.”

Esther 4:1

Tsi ó꞉nen Mordecai waharihwá꞉ronke tsi naʼá꞉wenʼne waharatsón꞉ko ne raotsherónnia tsi niió꞉re tsi wahoʼnikonhranón꞉wake. Sók ká꞉iare ionniá꞉ton wáhratste, ranontsì꞉ne waʼkenrontá꞉kwen tahàweron, tánon wahanató꞉kten tsi nikaná꞉tes, iorakaré꞉ni tsi tehahsénthos tánon roʼnikonhráksenʼs,

Isaiah 1:1

Tsi nihoterihothashiénhni ne Isaiah ne roién꞉ha ne Amoz, ne tsi wahatkátho tsi niʼtsioterihwatséren ne Judah tánon ne Jerusalem nón꞉we ne sihoʼnahtenhniseraténionsʼkwe ne Uzziah, Jotham, Ahaz tánon ne Hezekiah, né rotinontí꞉iosʼkwe ne Judah.

Isaiah 20:2

thóh shiʼkaháwi ne Roiá꞉ner rowenhnaráhon ne Isaiah ne roién꞉ha ne Amoz, ratónhnions, “Wáhs, tánon sasnerénhsi ne káhiare ne tesatsiakwahranát꞉ton tánon tesaraʼthási,” tánon thóh nahá꞉iere, tsi í꞉re raonehóskonk thí꞉ken tánon raoʼskawetóskonk.

Isaiah 22:12

Né thóh entewenniseráteke ne Sakoiá꞉ner ne ronterí꞉ios ratironhiakeró꞉nons iasakonónkkon ne teionhséntʼthos tánon ne ronaktiónhnions, ahiʼsewathatenónkare tánon káiare ahisewatʼtserónhniaʼte;

Isaiah 22:15

Káti rá꞉ton ne Roiá꞉ner sá꞉ko Ní꞉io ne ronterí꞉ios ratiʼronhiakeró꞉nons: Káts, wáhs tsiatʼkensèra kí꞉ken ranhátshera, né꞉ne Shebna, rahónha ranonsakweʼní꞉io í꞉ken, tánon tsiénhas:

Isaiah 22:20

Né eʼtho entewenniseráte ienhí꞉nonke nakenhátshera Eliakim ne roiénha ne Hilkiah,

Isaiah 36:3

Tánon thóh nontàre wahoiatórenhne ne Eliakim ne roiénha ne Hilkiah, rahónha rasaríhnehne ne tsi kanónshote ne kanontiʼiotserákon, tánon ne Shebna ne shakohiatónhniskwe, tánon ne Joah né roiénha ne Asaph, rahónha ne rakaraientéri tsi nitsawénon.

Isaiah 37:14

Né Hezekiah wahaiéna né kahiatónhsera tsi nontahát꞉kaʼwe ratsanáke ne rariwakarénies tánon wahawenhnaʼnhó꞉ten; eʼthó꞉ne ne Hezekiah iahá꞉re raononsatokentiʼkó꞉wane ne Roiá꞉ner tánon wathaʼtakwáhrite raohénton ne Roiá꞉ner.

Isaiah 37:21

Eʼthó꞉ne ne Isaiah né roiéhna ne Amoz iaoterihwaniéten ne Hezekiah, ratónhnions: “Asèken rá꞉ton ne Roiá꞉ner, né sakoní꞉io í꞉ken NʼIsraerʼró꞉nons: Né wakarihónni tsi wasaterénhnaien akonhá꞉ke tsi nihatsiéra ne Ronnontí꞉io Sennacherib ne Assyria,

Isaiah 38:1

Né siwenhniserateʼniónhkwe ne Hezekiah wahononwák꞉ten tánon serèka ahawenhé꞉ionhke. Né rotokénhse Isaiah ne roiénha ne Amoz wahokʼkensèra, tánon wahawénhase, “Ká꞉ti rá꞉ton ne Roiá꞉ner: Sehrihwaserón꞉ni ne tsi sanónshote, asèken ó꞉nenh enshíʼheʼie; kwáh iáh tahonshasatkwahtáko.”

Joel 1:13

Ká꞉iare sewatierón꞉niat tánon sewaʼnikonráksen, i꞉se ne sehwatsihénstatsis; tesewahénrét tsi nisewariwaié꞉wes ne sehwateriwatsterístons ne tsi ietienharáhkwa. Ká꞉sewe, sewasonhtí꞉iak ká꞉iare sewatstónhak, í꞉se ne tsi sewateriwatsterístase naʼkeNí꞉io! Tiorí꞉wa ne káhkhwa tánon ne ienekiráhtha ne ieshewátats iáh tsesewahióntha raononsatokentikó꞉wane ne Sewaní꞉io.