Isaiah 3:8 - Ohiatonhseratokénti

⁸ Asèken ne Jerusalem watʼkarakwénhtarane tánon ne Judah wakaiatsénenhne, tsioríhwa tsi nihontátis tánon tsi nihatiweienótens kwáh kí ronwákʼkonte ne Roiá꞉ner, ronateraiatáhkwen ne raoiatanerakwáhtshera tsi thóh í꞉wes.

Isaiah 3:8 ပူးပေါင်းရင်းမြစ်များ

2 Chronicles 28:18

Kwáh et shiʼkaháwi ne Philistiaró꞉nons sakotinenhrahká꞉riakʼskwe ne tsi kanataiéntons ne tsi iatewatʼtsénhtos nòkwahti ne tsi iehionontaientáhons ó꞉ni nenhtiené꞉sons nokwahtíson ne Judah. Wahatiʼienásehron tsi kanatowánens ne Beth Shemesh, Aijalon, tánon ne Gederoth, ó꞉ni ne tsi kanatowánens ne Soco, Timnah, ó꞉ni ne Gimzo ská꞉ke ne raotinathashónhas, tánon thóh nón꞉we iahatikónhthaʼkwe tsi wahonthatíteron.

2 Chronicles 33:11

Sók kíʼ ne Roiá꞉ner waʼsakoríhon ne ratisenhnowánens ne Assyriaró꞉nons ronhterí꞉ios niashakotinenhrénhten ne Judah. Wahonwaiéna ne Manasseh, tánon waʼthonwaʼnionshó꞉heste tsi wahatiʼkakwenhtanihiónhten, tánon waʼhonwaronhkwahsánerenhke, tánon Babylon niahonwaiaténhaʼwe.

Proverbs 26:27

Nón꞉kwe shakonaterístaiens ronnónha kiʼ enhshonatkarenhrákwaʼse. Nón꞉kwe nónhka enthontáhsawen tenhothitarenhne ronnónha ne tenhshotiiaʼtó꞉rarake.

Isaiah 1:7

Né shonhontsáke watónthon, ne sewanatowáhnens ótsire iotenatatʼtsahátons; kwáh tshiaʼtesewahkanerónhnion, thihononhontsátes wahontekwísa tsi niʼtkánios ne tionhontsá꞉kes. Watewenhtéton, tihononhontsáte rotitakʼsáton.

Isaiah 49:19

Oriwiʼiohónwe ne satsesátons tánon ne iáh othènon teskarihwásthas ne tsi tsíteron tánon ne shonhóntsa ne iahontsaiesáhon— oriwí꞉io ó꞉nenh kí shó꞉tsi thentisewá꞉rake ne tsi sewaná꞉kere, tánon tsi nihá꞉ti né iesahetkenténhni ahiʼnonkó꞉wa ienhonhnésheʼke.

Isaiah 57:4

Ónhka ní꞉se thiʼietʼtsiiéron? Ónhka né kén akorihwá꞉ke tsi tesewatʼtsiakarónhston tánon tesewaniʼnekarahwánions? Iáh kén í꞉se teʼietsiʼienokónhas ne rotiʼriwanerahákskons, né sakotiʼiookónhas ne ratiʼnikonrá꞉tha—

Isaiah 59:3

Asèken né satshanáke kwáh tesanekwenhshó꞉hare, tánon teshasʼnonshátions né꞉ne sarihwaneraháktshera iorihónhni; né tiá꞉kes iotatíhon nonówenhs, né senhnasáke tehiotiénhon ne karihwahetʼkénhsera.

Isaiah 6:11

Eʼthó꞉ne wakíron, “Tóh nikaríhwes kíʼ thóh naiotónnhake, Ó Saiá꞉ner?” Tánon wahénron: “Tsi nió꞉re ne kanatowánens éhʼtake enkaiéntane iotkaronníhon kwáh iáh ónhka tahonsaienákereke, tánon ne tsi kanonsó꞉tons iáh ónhka taieterónhtake, tánon ne tsi ionhontsáien kwáh enkaieshah;

Isaiah 9:17

Ne káti aoríhwa ne Roiá꞉ner iáh kí tehatonnhahéhra rononháke ne kén nithonihionsas raononkwetashónʼahs, khés nasakotenikonkátsthate ne tehiontonhnakárias tánon ne ionateréhons; asèken kwáh onkwetaʼkwékon tsi iáh teotiniʼioseráien tánon ne rotiʼióte ne karihwahetkénhsera, tánon kwáh iateieshá꞉ke ne tsi tsakowenhninekénʼen ne teiotenonwaroríhtonhte. Asèken akwé꞉kon kí꞉ken ne raonhakwáhtshera iáh sèh tatetsotkaraténion, shé꞉kon kí iatehó꞉tsate.

Jeremiah 23:36

Káti iáh ónen tahonshón꞉ton nahonshá꞉honsʼte nowénhnas ‘ne Roiá꞉ner raoʼrhienasthétshera,’ asèken tó꞉ka ónhka tsi niháti né énhonsthe, kwáh ne enkónʼniaʼte naʼkateriwahnhotátshera ne kwáh íken tsi ahiorhierniástheʼke ne ronónhake. Nonkweshón꞉a wathatiʼwahtáse ne raoʼwenhnashón꞉as ne raotiʼNí꞉io, ne ne ronnhehónwe, ne ne Roiá꞉ner Roshastsʼtenserowáhnen.

Jeremiah 26:18

“Nonenh ne Hezekiah sihononhtí꞉io ne Judah, ne rotó꞉kense Micah ne ne Moresheth nónhwe onhkwetahkwékon wahshaʼkoró꞉ri nètho Roiá꞉ner Roshastsʼtenserowáhnen ráwenh, ‘Ne Zion kwáh ki enkatenrahratʼton kwáh né꞉ne kahentà꞉ke; Jerusalem kwáh enhiosthoʼkotónke tsi nihioriwentà꞉on, tánon nononsatokentiʼkó꞉wa iononhtáhere karákon neh enwá꞉ton.’

Jeremiah 26:6

Tó꞉ka iesehwahthasónteren ne iáh tahisehwahtewénhnarahkwe, ethóhne kíʼ éhtho nenhtiérahse kí꞉ken Ononhsatokentiʼkówah tsi nitiérahse ne Shiloh, tánon onhkwetaʼkwékon ne tsi ionwenhtsiáte ne énhionsthe kíʼ kanatowáhnenh ahosénna naʼieriwahiesáhtaʼkwe.”

Jeremiah 4:13

Satkátho, ne tehontátʼtions tsi nonhtahonehnonhátie kwáh tsi ní꞉ioht ne otsátahs. Ne wahterí꞉ios ne raothísehres ne otsiónkwas kwáh tsi ní꞉ioht ne wahtsiskahionniátha, tánon ne raothitsenenhókonhs kosáhtens sénha tehiothíkas tsi ní꞉ioht ne ákweks. Hionkwahiathatónʼon! Hionkwariwahiesá꞉hon!

Jeremiah 44:3

tsioríhwah nahonkwetahshón꞉a kariwáksen tsi nihonahtiérenh tánon wahonkenhakónhni. Wakonhwahtíʼtatʼtse ne kaienhkwaráhkon ne ó꞉ia niʼiohokónha tánon wahkonhwatisénhnaien ne ne ronhnónha tánon níse tánon ne ietʼtsisotthonkonhkénʼen iáh nonhwénhton tehʼietʼtsisénhnahien.

Lamentations 1:9

Kwák thiwéʼne nahiontkátho tsi niʼiáh tehiotkwé꞉niens, nók kwáh iáh othénen teiawenésthon nahonsterístake tsi niʼiothaterakwénni. Kwáh iotathiténrat tsi ní꞉ioht tsi thonwaiaténton; iáh tewathétseres nónkak akonwanikonranírate. Ne tehontátʼtsions ronatkwénion, tánon Roiá꞉ner iehonekénnis nataniténron.

Ezekiel 8:12

Ne Rawenni꞉io wahakeriwahnónhtonhse, “Rónhkwe iaiénha, satkáthos kén tsi nahó꞉ten ne ohénton iehonnéton ne Israerʼró꞉nons tsi nihontsérah ne kariwaséhthonke? Kwáh rathikwékon thóh tsi ionáktaien ronahterénhnaien ne titkáhere kahiathonnisónhas. Ne ronteriwahkensehráhkwah: ‘Ne Roiá꞉ner iáh teshonkwáhkens! Ronakeráhkwen ne tsi kanakerahseráhien.’”

Ezekiel 9:9

Rawenni꞉io wathariwahseráko, “Nonhkweshón꞉ʼa ne Israerʼró꞉nonhke tánon ne Judahró꞉nons tehiotenonhianíton tsi rotiníkon ne kariwanerahákʼtsheras. Ohontsakwékon tsi shakonaséhtons tánon ne tethotiráhton ne Jerusalem ne kariwakhétkens. Rónhton Í꞉i, ne Watiá꞉ner, éhrehn wakéthon ne rahothinakerahserákon tánon iáh tekhékens.

Hosea 5:5

Tsi nihatináhie ne Israerʼró꞉nons ne iakokaronhniátha ne rahonhà꞉ke; Ephraim thóh raotinhitsherá꞉kon tonashítsiats; Judah ó꞉ni skátne tsi tonashitsiats.

Hosea 7:16

Iehotikontákwen ahè꞉ren rohʼnhéton nakonhà꞉ke; thóh nihotiiatawénhon tsi ní꞉ioht ne iohennát꞉senhen; ne rahonnonkweʼtashónhas ronaterihóntons asareʼkó꞉wa enhotirió꞉te tiorì꞉wa tsi nihonnenhnasáktsen. Thóh nihió꞉son ne tsi nihatirihwakátats ne tsi ionhontsá꞉ien ne Egypt.

Micah 3:12

É꞉tho káti í꞉se sarì꞉wa ne Zion kwáh tsi ní꞉ioht ne kahentà꞉ke tsi enhathitarakarát꞉tho; né Jerusalem né꞉ne ienhwá꞉ton enhiontohiótane ononhwénhsera, tánon Nononsatokentikó꞉wane karakonʼkó꞉wa enwá꞉ton.

Micah 6:12

Ne raotikwahtsénions kwáh titkáhere ne iáh othé꞉nen teioianerés; ne skátne sewanakerénion rotinó꞉wenhs, ne nawenhná꞉sons ne kanikonrá꞉tha ne tsi ratisaká꞉rontes.

Habakkuk 1:13

Ne skará꞉ke shó꞉tsi iotokenskéhonwe nahontkáto ne kariwahetkénhsera, tánon ní꞉se iáh taskwénhni ne tasatkáneren ne tewaterientawenhriéhon; nontié꞉ren tsi ne teskánere ne iáh othé꞉non tekariwástha, tánon tateshá꞉tote nó꞉nen ne ronhnonkweʼtahét꞉kens sakonatónhtha tsi niiá꞉kon ne sénha rotiiá꞉nere tsi ní꞉ioht ne ronón꞉ha?

1 Corinthians 10:22

Kahtònʼken ítewehre atsitewahtekéfʼfathe ne Roiá꞉ner? Ítewehre kén sénha í꞉i tewahshásthe tsi ní꞉ioht ne rahónʼa?

Jude 1:15

nakwé꞉kon tasakotiʼiatorete, rathikwé꞉kon enhonwathirewáte ne tsi iáh Rawenni꞉io tehohioténseras tehothihioténhen tánon akwékon ne kawennatʼsens ne rothirihwanéren ahonwènni!”