Isaiah 3:5 - Ohiatonhseratokénti

⁵ Nonkweʼó꞉kons kwáh kíʼ tenhontatenikonraronhiáʼkente, tsi natehóntere tánon ratikwéʼkon ne tehionhnonsanekʼkhánions; ne kén nitotihiónsas kwáh iáh thahonwatiʼkweʼniéstahke ne thotí꞉ions, tánon ehʼtàke enhonwenhnónhni ne thonattsenhnatónhnions.

Isaiah 3:5 ပူးပေါင်းရင်းမြစ်များ

2 Kings 2:23

Né Elisha thonhtahathénhti ne Jericho Bethel nionhsáre, tánon ne tsi nihiohá꞉hes tó꞉ka nikakʼsáthake kaná꞉thakon nonhtahónhne tánon thaʼhonwaiéron. “Éh꞉ren shá꞉set né kénhʼen, onahónstha!” tsi wathotihénreʼthe.

Isaiah 1:4

Ah, sewarihwaneraháts꞉kon tsiónkwe, nonkweʼókons ne iakorieniakétes ne kariwanerahák꞉tsheras, ne ratiksaokónhas ne rotiʼióte ne karihwahétken, ne sakotiʼiohokónhas ronón꞉ha ne ronaterihwathentsatonhátie ne karihwahetkénsera, ronónha ronhwahiatanikonhrénhen ne Roiá꞉ner, ronónha kwáh ronhwakenronhníhon ne Rohiatatokénti ne NÍsraerʼronónke, ronónha kí kwáh ronatsiatontákwen ne rahonháke!

Isaiah 11:13

Né tsi nihiotekéf꞉fen ne Ephraim kwáh èhʼren enkahawítonke, tsi niwatenontsistahnírats ne Judah kwáh kí enkonwáiatʼse; ne Ephraim iáh kí tahionó꞉sha ne Judah, tánon ne Judah kwáh kí iáh tahioteniakáts꞉tatʼtshe ne Ephraim.

Isaiah 19:2

Kwáh enkhetsirón꞉nien tsi natehóntere ne Egyptró꞉nons, tánon kwáh enhonteriʼióhaton, thenhontaʼtatkónthen, ne tehonhnonsaʼnekhánions thenhontatatʼkónthen, ne kanatowánens iaʼthenhontaʼtsatónhti, tsi kanakeraseraʼkérons thenhontatatʼkónthen;

Isaiah 9:18

Asèken ne karihwahetkénsera ió꞉teks kwáh tsi ní꞉ioht nótsire, wattsahátha nonionwá꞉ras tánon nohíktas; né watʼtsenhanetákwa ne karakonkówa, tánon thóh tehiotsienkwarátase eʼken niewétha ne tsi ioienkwáhrote.

Jeremiah 22:17

Ók nék khók satkátos ne hiateshiáti ahisahianerásten; sehnonhwahrhiákons ne iaʼtehotiníkon tánon kwáh kahetkénsera tsi sehronhiakéntha ne shonkwetaʼshon꞉a. Ne Roiá꞉ner rotahtíhon.

Ezekiel 22:12

Ótiakes ne shonkwetaʼshónha ronatkárhiase tsi ensakonáhsehte. Ótiakes rathikarháiens ne wahtehiárons nenshakotiwístani ne ótiakes Nisraeró꞉nonhs tánon rothikwáhtses tsi nishakonahteniakatsʼténhni. Ionkenikonhrénhen.” Ne Ronhnontí꞉io Roiá꞉ner wahatáti.

Leviticus 19:32

“Sekweniénstak ne tiaʼkahonkwetáhion tánon tesherénhsaron. Kaʼkweniensthenhtserákon tsi takwawénhnarak; Í꞉i ne Watiá꞉ner

Amos 4:1

Sewatahónhsatat kí꞉ken owennaʼshón꞉ʼahs, í꞉se ne tiohnhónskwarons nisewaiaʼtó꞉tens ne Bashan nón꞉we ne ne tsi ionón꞉te ne Samaria nón꞉we ní꞉sewes, í꞉se ne teietshiionhnharíkhons ne iakotenhténions, í꞉se ne teietshinènhstiaʼks ne teiontkáriahs, ietshihró꞉ris ne sewaniákkhons, “Taskwahnekenhawíhten!”

Micah 3:11

Ne rahonhnonkweʼtashón꞉as ne ratirihwénhtha oʼwísta ronhwatikárhiakse ne nahatinikónhrate, ne ratitsihénstatsis ratikaráiens tsi sakotirihonhnién꞉nis, ne rotitokénhse tsi nishakotirihothashién꞉nis oʼwísta rotí꞉rare nahontahonhwénhnon; nek kíʼ sá꞉ka raonhà꞉ke ne Roiá꞉ner iehatihiatarákare tánon rón꞉ton, “Orihwiiohón꞉we ne Roiá꞉ner tsi tewakwé꞉kon! Iáh othé꞉nen ne karihwahetkénhsera tahionkwárane.”

Micah 7:2

Ne rotirihwató꞉ken kwáh rotiiathatónhon ne tsi ionwenhtsá꞉te, tánon iáh ónhka tsiatetsakotaténhron nahontakarihwaié꞉rihke; ratikwé꞉kon ratiiatión꞉ni ne rotiráhre nonekwénhsa, tánon tehonthatórats tsi nihontaharaién꞉tons.

Zechariah 11:6

Ne Roiá꞉ner wahèn꞉ron, “Kwáh ó꞉nenh iáh ónhka tahonsakʼkheténrahke ne tsi ionwenhtsá꞉te. Kwáh Í꞉i thóh nón꞉we nenhkhehiátkawe rahotishatstenhserá꞉kon ne rahothikoráhsons. Kí꞉ken rathikoráhsons kwáh enhontiéshate ne tsi ionwenhtsá꞉te, tánon iáh tahonshakenonhstháte tsi nokwáh ne rahothishatsténhsera.”)

Malachi 3:5

Eʼthó꞉ne kiʼ kwáh sewaiaʼtákta én꞉kehte nakwarí꞉wenhte; kwáh entiaʼtahstó꞉reke tsi enkerihwahní꞉rate tsi nonwá ne rontenʼèn꞉naras, tsi nonkwá ne rontenahkwaiesáhtha, tsi nonkwá ne ratirihwahní꞉rats nonó꞉wenʼs, tsi nonkwá ne shakotironhiakèn꞉tha ne ratihnhá꞉tsheraʼs tsi nihonatkariá꞉kse, ne ionatehré꞉ʼons tánon ne tehontonhnhakárhias, tsi niiá꞉kon ne é꞉ren iehonwatí꞉reks ne thihonnonhontsá꞉te, tánon ne iáh teiontatkweniènhstha, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs.

Matthew 26:67

Ethone oni taontasaȣen ȣahonȣanistskeroseraȣe rakonsake: Otiake ronȣaranonsaiaakhonskȣe, nok notiake raotinnhia ronȣaienthakȣe.

St. Mark 14:65

Onen oni tahontasaȣen otiake ȣahonȣanistskeroseraȣe, ȣathonȣakarannhake, ȣahonȣakonrekhon; nok rontonhakȣe: Iatsienterenn onka ȣaesakonreke, nok ne ratiriton ok neneh ne rahotihnia ronȣaienthakȣe.

Luke 22:64

Ȣathonȣakarannhake nok ronȣakonreks, ronton: iatsienterenn onka ȣaesakonreke.

Ne꞉ne Sák Rohiaton 2:6

Nók ietʼtsikenrón꞉ni ne iakóten! Ronʼnónha ne teietʼtsinikonrhára tánon rahothihénton ne rathiriwéntha nieietʼtsiʼiaténhas? Kí꞉ken rahʼthiriwénthas ronnónha nah ne rohthikwatsénion!

Ne꞉ne Sák Rohiaton 5:4

Iáh teshekáriase tsi niháthi ne sahéthakons rothihióte. Satahónsatat tsi nihothiriwakatén꞉en! Tsi natehonsénthos tsi niháti ne rathirórhos né saienthótseras iakanihára꞉ne na Rawenni꞉io wahothónte꞉ne, ne Rosastenserowánen ne Roiá꞉ner.