Isaiah 3:4 - Ohiatonhseratokénti

⁴ Tánon kwáh ne enkónhniate ne ratiksaʼokónhas ahonsahonwatiʼhenténhse, tánon ratiksaʼokónhas enshonwanatkóraste.

Isaiah 3:4 ပူးပေါင်းရင်းမြစ်များ

2 Chronicles 33:1

Né Manasseh tekeniʼiawénhre satehahoseriʼiákon sahononhtí꞉ioʼne ne Judah, tánon kaiéri niwáhsen wísk niʼioseráke wahatróraste ne Jerusalem.

2 Chronicles 34:1

Josiah shaté꞉kon satehahoserihiákon sahononhtí꞉ioʼne ne Judah, tánon tsi wahatkórasʼte ne Jerusalem né꞉ne ásenh-niwásenh énska niʼiohseráhkekwe.

2 Chronicles 36:11

Né Zedekiah tewásen-énska satehaoserihiákon saononhtí꞉ioʼne ne Judah, tánon enskaiawénhre nihioseráke rakorahkénʼen ne Jerusalem.

2 Chronicles 36:2

Né Joahaz tewásen-ásen satehaoserihiákonkwe saonontí꞉ioʼne ne Judah, tánon áhsen niwenhnítake rakorahkénʼen ne Jerusalem.

2 Chronicles 36:5

Né Jehoiakim tewásen-wísk satehaoserihiákon saononhtí꞉ione ne Judah, tánon énska iawénhre nihioserákekwe rakorahkénʼen ne Jerusalem. Waʼharihwaneráhke tsi nòkwah ne Roiá꞉ner né Raoní꞉io í꞉ken.

2 Chronicles 36:9

Né Jehoiachin shaté꞉kon iawénhre satehaoserihiákonhkwe saonontí꞉ioʼne ne Judah, tánon asen niwenhnítake tánon oiéri nón꞉ta nikaríhweskwe rakorahkénʼen ne Jerusalem, Rahónha ó꞉ni waharihwánerahke tsi nòkwah ne Roiá꞉ner.

Ecclesiastes 10:16

Ne kanakerásehra wenhtó꞉rahtse nónenh ne Ahonnonhtiʼiótshera kenʼnithohiónha tánon ne ohénton iehonhnéton asonthakwéksons tsehonatʼthonró꞉hon tehonatskáhon.

Isaiah 3:12

Nakonkwetashón꞉ahs ratiksaokónhas ne ronwatiwisátha, tánon konnónkwe ronwanatkoráston. Ó akonkwetaʼshónhas, ne ietʼtsihénthenhse wahitsihiónhnien wahetsiiʼathaharáhkwahte, tánon watsetsiʼianitonhniáthen tsi sewahátatse.

Isaiah 3:16

Né Roiá꞉ner kwáh ó꞉ni wahén꞉ron: ne tsioríhwa nahkoioʼokónhas ne Zion tsi nikonhtatónhni tsi kónhne kontiniasaráties, tehiotikararihénʼen tsi nihionathariotáties tsi natekontkatónhnions, kénk natekontikhahéshons tsi kónhne, ionatʼwistanihióntons tsi nihiotiraséstons ne kontiʼtsiraokwáhkes;

Isaiah 3:3

né sakohenténhse ne wískson-niwáhsen nihionkweʼtakehátie tánon ne thotonhkwétate, ratsienʼhá꞉iens tánon ne ratiwéiente tahontseronhnionhá꞉ton tánon ne rorenhnáhon nahasakáien.

Jeremiah 52:3

Káti ne Roiá꞉ner, khàhre ónen raoʼnahkwahtsherákon tsi éhren wahshaʼkohiatenháwiʼte nonhkweshón꞉a ne Jerusalem ó꞉ni ne Judah nónhwe ne raohénton tánon iashakotóri nahonnahkeráhko. Zedekiah wahoterahiatákwe tsi wahotʼkónten ne Ronhnontí꞉io Nebuchadnezzar ne Babylonia.