Isaiah 26:3 - Ohiatonhseratokénti

³ Tsi nihiákon ne rotiʼnikonrató꞉ken seiatienawast ne skénnon í꞉ken— né꞉ne skénnon tsioríhwa tsi tsesehtákwen.

Isaiah 26:3 ပူးပေါင်းရင်းမြစ်များ

1 Chronicles 5:20

Thóh nón꞉we nahatiʼniáheʼse rahonháke ne Rawenni꞉io tánon rahonháke nónh nahonterénhnaien nasakoiénawaʼse, tánon ne Rawenni꞉io watarihwaseráko ne raonaterénhnaient tánon washakosniénon tsi wahonwatisénhni ne Hagrites ó꞉ni ne thonatenhró꞉honhne.

2 Chronicles 13:18

Tánon ká꞉ti né Judahró꞉nons wahontkwéni tsi nahonwatisénhni Nisraeʼró꞉nons, ne wakarihónhni tsi Roiá꞉ner wahonwaniáhese, né sá꞉ko Ní꞉iokwe ne sakotisokʼkénʼen.

2 Chronicles 16:8

Iáh kén ne Ethiopianró꞉nons tánon ne Libyaró꞉nons ronatsiokowánen ronhnonhkwétaiens ne ronterí꞉ios ó꞉ni wé꞉so rotisehréthaiens notsónkwas o꞉ni ne rotishá꞉tens ronterí꞉ios? Ók né kíʼ tsi Roiá꞉ner watieniáhese, táhion tsi wasatkwéni tsi nòkwah ne ronónha.

Psalms 119:165

Tsi nihiákon ne ienorónhkwah ne saianerénhsera kwáh hioianereʼónhwe tsi nihiakoianerasthénhni, tánon kwáh iáh othènen takakwéni nahiakoteraskwatsáthen.

Psalms 125:1

Tsi niʼiákon ne tonhwetákwen ne Roiá꞉ner kwáh né꞉ne tsi ionónhte ne Zion, iáh thahónton nahioriáneronhke, ók tsi nénhwe enkátake.

Psalms 9:10

Tánon tsi nihiákon ne ieshasenhnaientéri shonháke nón꞉we nitiakawetákwen, Asèken ní꞉se, Saiá꞉ner, iáh tesehiatewenhtétha tsi nihiákon ne iesaiatísaks.

Isaiah 12:2

Oriwiʼiohónwe ne Ní꞉io tsi né natsatakeʼnátsera í꞉ken; kwáh kí enhini tánon iáh kí tahónteronhne, asèken ne Roiá꞉ner rahónha rakeshatstenhseráwis ó꞉ni ne nakerénhna; rahónha ne rotónhon natsatakeʼnátsera.

Isaiah 26:12

Ó Saiá꞉ner í꞉se enserihwanírate ne skénnon í꞉ken nonkwahrihwàke, asèken kwáh í꞉ken, tsi thokʼníkon ionkwáhien, ne tsi niskwahtsheràse.

Isaiah 27:5

Kes serí꞉hon naonkatsatanenhtát꞉ten ne nahontakene, kwáh kí skennon tionhni tsi nòkwah ní꞉ih, kwáh kí skennon tionhni tsi nòkwah ní꞉ih.

Isaiah 31:1

Iothatithénrat tsi nihiákon ne thóh niehiakawénon ne Egypt nón꞉we iakawesák꞉kon ne kaienawaséhtshera tánon ne ronón꞉ha né꞉ne ratiniahésen ne iakosá꞉tens, ne ronón꞉ha thóh né nonhnithonetákwen notsiónkwas tsioríhwa tsi niwé꞉so rotiseré꞉taien tánon ne rotisáhtens kosáhtens tsioríhwa tsi kwáh í꞉ken tsi nihatishátste, ók iáh kí tsatehonwakánere ne Roiatatokénti í꞉ken NʼIsraerʼronónke khés nahonwarihwaʼnontónhni ne Roiá꞉ner!

Isaiah 32:17

Tsi niʼiáwenhs ne karihwaʼkwahrihshióntshera kwáh skénnonk thenwá꞉ton, tánon tsi nenhiáwenhne ne karihwaʼkwahrihshiónhtshera, sák thenkénhake tánon entsiaʼkawethakwénhake tsi nénhwe enkénhake.

Isaiah 32:18

Nakonkwetaʼshón꞉has ne enhiakotsenawástonke ne skénnonk tsi aienákereke, né꞉ne kwáh ioriwí꞉io tsi aieterón꞉take, tánon tsi nón꞉we ne sák thí꞉ken iothorihsenhtákwah iokwénhrare í꞉ken.

Isaiah 42:19

Ónhka ne teieronhwèkon ne ók nakenhá꞉tshera, khés ne tehionhontaʼkwékon kwáh tsi ní꞉ioht nakonkwé꞉ta ne rakerihwakareʼniénhnis tsi nikáien iehiʼiatórion? Ónhka ne teieronhwékon kwáh né꞉ne akonkwéta ne riniahésen, khés taieronhwèkonh kwáh tsi ní꞉ioht ne raonhá꞉tshera ne Roiá꞉ner?

Isaiah 42:6

í꞉i ne Watiá꞉ner í꞉ken, kariwaʼkwahrishiontserákon tsi iekonhnáton, Iekonhiaténha tsi wakonhiaʼtsána tánon wakoniatiénawasʼte; Shonhàke nón꞉we nenhkónhni naterihwasehronniátshera né nonkwetaʼkwékon akorihwàke, né꞉ne akoswaʼthétshera nonkweʼshónhas,

Isaiah 48:2

Asèken né rontatenatón꞉kwah tsi niʼiosenhnó꞉ten ne ionatatokénti, tánon ne ronwaniahésen ne sakoʼNí꞉io NʼIsraerʼronónke; né Sakoiá꞉ner ne ratiʼronhiakeró꞉nons né꞉ne raosénhna í꞉ken.

Isaiah 49:8

Né aoríhwa rá꞉ton ne Roiá꞉ner: Nó꞉nen shesaianerásthen tekonrihwaserakwéni, né tewenhniseráteʼkwe ne kaiatakeʼnhá꞉tshera konsnié꞉non; koniatienawáhstonʼne tánon tkonhiawíhon tsi ní꞉ioht naʼterihwaseronhniátshera nonkweʼtakwékon akorihwáke, né naʼkarihwakwathákwenhke nonhóntsa, takaiakhónhionke ne iahontsaiesáhon tionhontsaʼshónhas;

Isaiah 50:1

Né aoríhwa rá꞉ton ne Roiá꞉ner: Kaʼnónwe nikáien ne sanisténha akohiaʼtónsera ne tetiontekhaʼshátha né tsi í꞉seh ieshékhere ne sanisténha nakonháke? Khés ká꞉ton kén ónhkak tsi nihá꞉ti ne khekaròtani ronón꞉ha ne wakheiathenhnínonse ní꞉se? Iáh, né wakarihónhni ne sarihwaneraháktsheras tsi wahesathenhnínon, tánon né꞉ne saterihwatewatónhtsheras wakarihónhni ne sanisténha tsi wahontateʼnhó꞉ton.

Isaiah 50:10

Ónhka ne tsi nítsion tsiʼsewakweniénstha ne Roiá꞉ner tánon sewatewenhnará꞉kwah ne raoʼwenhnaókons ne raonhá꞉tshera, ónhka thóh nón꞉weh niien ne tsi tetiókaras tánon iah teiakóien ne kaswathétshera, né kí tsakétat thóh raosénhnakon ne Roiá꞉ner tánon ne ronhwaniá꞉hes ne akoʼNí꞉io?

Isaiah 66:12

Asèken né aoríhwa rá꞉ton né Roiá꞉ner: Kwáh ienhkóhetsʼte naoiataterí꞉tshera nahonháke tsi ní꞉ioht né kaniataratátie, tánon né raotiʼkwahséhtsheras né rononhontsakeró꞉nons thóh nenhiotonháke tsi ní꞉ioht né teiotnekaré꞉nion kahionhatátie; tánon níse kwáh kí ensewanón꞉kera tánon ensewahiatenhawí꞉shon kanenhtsáke, tánon iensewashiʼnaiénthaʼke kakwitsáke.

Jeremiah 39:18

Í꞉i enkhonhnikonráhrahke, tánon iáh thahieshaʼnonhwahrhiákhon. Ne tsi sónnhe ensehniákenhthe tioríwa tsi í꞉i thakeniahésenhne. Í꞉i, ne Watiá꞉ner, wakahtháti.”

Daniel 3:17

Tókaʼ ne Rawenni꞉io tsi niká꞉ien ne shakwaioʼténhse rokwénion ne aonsahshonkwaiaʼtatáhko tsi tiotekhaʼkó꞉wa tánon ó꞉ni tsi nonkwá ne í꞉se saʼshatsténhsera, thó katiʼ nenhá꞉iere.

Daniel 3:28

Ne ronnontí꞉io wahén꞉ron, “Ronwahsénnaien ne Ronwawenní꞉io ne Shadrach, Meshach, tánon ne Abednego! Tahoténiehte ne raoronhiaʼkehró꞉non ne aonsahonwatiʼniá꞉kenhte kí ronnón꞉kwe tsi ronwaioʼténhse ó꞉ni thonwehtáhkwen. Iáh teionkewennaráhkwen ó꞉ni eʼtho ronnonnhárahkwe né tsi iáh thatehonatshákton ó꞉ni nakonwahsénnaienke oktiʼká꞉te ne ní꞉io kwáh né khók ne ronónha ronwawenní꞉io.

Daniel 6:23

Iáh thiaierihwáhewe tsi nahatshennón꞉ni ne ronnontí꞉io tánon washakóhnhaʼne né raohnhaʼtsheraʼó꞉kon né aonsahonwaiaʼtitáhko ne Daniel né ohshónwakon. Sók kíʼ sahonwaiaʼtitáhko, tánon wahontkáhtho tsi kwáh iáh thé꞉nen tehotkarewáhton, né tsi Rawenni꞉io roniahé꞉sen.

Micah 5:5

tánon kwáh rahónha khók ne skén꞉non enkénhake. Nó꞉nen ne Assyriaró꞉nons enhionkhihionhontsó꞉renhne tánon ahatiratatséson nontionhontsá꞉kes, tsi ionkwanonshó꞉tons kwáh kí enhiakirihón꞉ten tsá꞉ta nihatikoraserá꞉kes niahonwanatsatón꞉ti tánon sha꞉tekon nihá꞉ti nasakotihéntenhse.

John 14:27

Ȣakion ne skennen, neh oni nakȣa ii akaȣenk ne skennen neh kȣaȣis, iah eh tekierha tsi kȣaȣis tsiniiot nonkȣe tsi iontataȣis. Tosa kati othenon teseȣeriasishonk, tosa oni seȣateronsek.

John 16:33

Aseken iakenikȣekon ne Rakeniha.

Romans 5:1

Ne káti tsi sénhak tionkwateriwaʼseronnién꞉ni tsi nitióha ne tewetákwen, ionkwaientáʼon ne skén꞉nen rahonháke ne Ié꞉sos Kerístos.

Philippians 4:7

Ténon tsi nithewehtha ne skénnon ne Rawenniʼióke, né iothohetsʼthénhnis akwékon ne kanikonhraienthá꞉tsheras, né enkanónhstate ne sewéris ó꞉ni ne sehwanikónhras rahonháke ne Ié꞉sos Kerístos.