Isaiah 22:9 - Ohiatonhseratokénti

⁹ tánon wasatkátho tsi niwé꞉so tekarihtánion ne wahshontótons ne raonátakon Táwit, tánon wasnekaróroʼke ne ehʼtàke nón꞉we nihatinékarah.

Isaiah 22:9 ပူးပေါင်းရင်းမြစ်များ

2 Kings 20:20

Orihwaʼkwé꞉kon tsi niʼhotieráʼnions ne Ronnontí꞉iokwe Hezekiah, tsi niotinikonraktsanítons, tánon tsi ní꞉oht tsi raʼónhni ne watʼnekaientákwah tánon tehaontiákons naʼontahanekén꞉haʼwe ne kanatowanénke, akwé꞉kon thó nón꞉we nikaiatón꞉nions Tsi Nihonwatikáratons ne Ronhtinontí꞉ios ne Judah Nónhwe.

2 Chronicles 32:30

Hezekiah kí ronekanothón꞉nions né ionaweróthaʼkwe ne Gihon nón꞉we tánon waʼhanhatsherónhni nonèkanos né nòkwahti niahontnekíne ne kanatkarónhni tsi nieʼiawé꞉non nashontákons ne Jerusalem. Né Hezekiah kwáh akwé꞉kon nieʼhoterihwathenhtsénhniskwe tsi nenhá꞉tiere,

Nehemiah 3:16

Ne Nehemiah né꞉ne roʼiénha ne Azbuk, rahónha ne rakó꞉raʼkwe ne asénhnon tsi niiokwénrahre ne Bethzur, rahónha sahakwahtáko nó꞉ia nashóntha kwáh tsi nió꞉re ne Táwit raotsatónhkwah ítken, tánon kwáh tsi niió꞉re ne ronhnónkwe rotíson ne watnekaientáhkwah tánon ne ronterí꞉ios tsi rotinónshote.

Isaiah 22:10

Ní꞉se waʼshaʼshete tsi níkon kanonshó꞉tons ne Jerusalem, tánon wahshenonsarishiónko ne nahónton né꞉ne ahonsahshaʼthonsonhtónhniaʼte.