Isaiah 22:4 - Ohiatonhseratokénti

⁴ Èthoh káti wakíron: takatharónhtsens, takeríhon nahontkaserowáhnah; tó꞉sa sateniénten naskenikonrahníraʼte ne rahonatkaronhniátshera ne khenoronhkwahkó꞉wa akonkwetaʼshónha.

Isaiah 22:4 ပူးပေါင်းရင်းမြစ်များ

Jeremiah 9:1

Kaskáneks ne kenonhtsí꞉ne ahionahwehróthake nonékanos, tánon ne khará꞉ke ahionahóthake ne ohkáhsehri, ne nahónton konhthatiekówah tánon ashonthakwékon tsi takaséntho ne ne akonhkwetashón꞉ha rahothiriwáhke tsi niháti ne ronwahthinonhwahrhiákon.

Matthew 2:18

Rama nonȣe nateȣatononhianite; ontsitoko, ȣahakaȣensenanion, ȣahakonikonraksenseron oni: Rachel iakonnhatens nʼakohienhokonha, iah oni othenon tataionikonraȣenrie aseken onen iakoȣentaon.

Micah 1:8

Asè꞉ken né kí kí꞉ken aorì꞉wa kwáh í꞉ken tsi tenkasénhto; tánon kwáh í꞉ken tsi enkatsarókwahte; kwáh akaská꞉we tánon akenhó꞉oskont thenkénhake; kwáh enkatewenhó꞉ten tsi ní꞉ioht ne kahentaʼkéha érhar, tánon enkatión꞉nion tsi ní꞉ioht ne skawirowaneʼkó꞉wa.

Jeremiah 31:15

Ne Roiá꞉ner ráton, “Ramah nónhwe nahakothónteʼne waʼtewatenónhianiʼte ontsitó꞉ko. Rachel iakonhákens nʼakohienhokónha; asèken ónen ronawentáon, iáh ó꞉ni othènon taʼtaionikonraʼwénrie.

Jeremiah 13:17

Tó꞉ka iáh tahisehwathahonsahtháte, nakwahtónnhets hathaséhtonke tsi tenwahséntho né enkarihónni tsi nisewahnáie; kwáh íken tsi katsithowáhnen tsi tenkaséntho, tánon natkásehri tenwatnahwénhthe tioríhwa ne Roiá꞉ner rahonkwetaʼshón꞉a tsi iahonwathihiaténhaʼwe nahonwatinaskónhni.

Psalms 77:2

Né nó꞉nen thènen tewaʼkanikónhrare rahonháke ne Roiá꞉ner ienkaterénhnaien; ashontakwékon waʼkanentʼtiakaratáton waʼkaterénhnaien; ók ne Rawenni꞉io iáh kíʼ tehakoriséntʼtose.

Luke 19:41

Nok onen akta shire, ȣahatkatho tsi kanataien, akȣa ȣathasentho, ȣahenron:

Luke 1:2

Tsikiniiot tsi ionkhirori nakȣa rononha ronatkathon oni sakonatatiskȣe nʼOȣenna.

Matthew 26:75

Nok ne Tier sareiarane Tsinithotati ne Iesos, Raȣen: ohenton naontontati ne Kittit asen nenskatonnhiiase, Sahaiakenne nok otsitoȣann ȣathasentho.

Jeremiah 8:18

Nakenikonhrakʼséntshera iáh tahónton ne ahonsahkanikonhrentʼthóthon; Wahkerhiashanónhwaks.

Jeremiah 6:26

Ne Roiá꞉ner washá; kawenhase ne rahonkwetashón꞉ʼa, “Kahiare sehwatʼtseronniat tánon okenrahke sehwatʼkarhateniat. Sehwatʼtionnion kwáh kahkasehró꞉wahnenh tesehwasentʼtho thóh nahiothon tsi shiken ní꞉ioht ne enskat khók iakowiraienthakwe, tsioríhwa nonhka tahre nahiathonte tentsiawenhtsi ienhiatiathonti.

Jeremiah 4:19

Ne karonhiakénsehra! Iáh tatkwéni nakathakátsthate ne karonhiakénsehra! Nakwéri! Nakwéri kwáh iosthóre tsi ní꞉ioht tsi tehiahonrhiákwa! Iáh tatkwéni ne thatakahtó꞉thaʼte; Wakátʼthonte ne iehonrahwátstha tánon tsi nihioronkwénhsthare ne wahtherí꞉io.

Isaiah 33:7

Satahónshatat! Ne ronikonraktsáni tehaséntʼthos tsi tekanatokenháton; ne sakonatátiaʼse ne skénnon tehonséntʼthos wahotiʼtsitowána í꞉ken.

Isaiah 15:3

né tsi tekanatokénserons né ronatʼtseronhniátons káiare; ne kahnonsakenhiátshons tánon ne kwáh satekanatíhens kwáh onkwetaʼkwékon teiakohenrétha tánon tehiakokaseranáwenhs.

Jeremiah 9:18

Nonhkweshón꞉a wahonníron, “Teietsisteríhat tánon tehionkhiriwáhkwas ne iontatsatathahástha, tsi nióre ne iakwahkarákes tentkhakasehrárahʼne, tánon ne iakwatkaroʼrókstha kwáh ionahnáwen tsi natehiakwahséntʼthos.”

Lamentations 2:11

Wakʼkharanónwas tsi naʼtekasénthos; nahkwathónnhes kwáh ne íken tsi iokarárens. Kwáh tewakenákwaras tsi niwakenikonrákʼsens ne tsi natehionenraríhon nakihtiókwa. Rahtiksahokónhas tánon nowiráhas kanatakónsons rothinikonrátons.

Ezekiel 27:31

Kwáh wahathikéte ne rahthinonhtsínes tsi wahonthaterónhkare Tánon káiare wahontserónhniate. Kwáh í꞉ken tsi róhʼnherhiasanónhwaks tsi naʼtehonsénhthos.

Esther 4:1

Tsi ó꞉nen Mordecai waharihwá꞉ronke tsi naʼá꞉wenʼne waharatsón꞉ko ne raotsherónnia tsi niió꞉re tsi wahoʼnikonhranón꞉wake. Sók ká꞉iare ionniá꞉ton wáhratste, ranontsì꞉ne waʼkenrontá꞉kwen tahàweron, tánon wahanató꞉kten tsi nikaná꞉tes, iorakaré꞉ni tsi tehahsénthos tánon roʼnikonhráksenʼs,

Ezekiel 21:11

Nasarekówah kwáh tekastaratʼthéton, nakaweiennenhtahónhake nahónsthonke. Wah kaiothí꞉ie ó꞉ni tekastaratʼthéton, né nahonthahónhion ne sahkononhwahrhiákonhs.