Isaiah 2:6 - Ohiatonhseratokénti

⁶ Ó Ní꞉io sehiatewenhtéton ne shonkwetaʼshónha, Ó tsi ronónshote ne Jacob. Kwáh thiʼtatíhere nonkweʼó꞉kons tehontʼkónstas ne tsitkarakwínekens nithonhnétha tánon tehontʼkónstha kwáh tsi ní꞉ioht ne Philistines, tánon tehonatatenenhtsawáhkons ne tihononhontsátes.

Isaiah 2:6 ပူးပေါင်းရင်းမြစ်များ

2 Kings 1:2

Né Ronhnonhtí꞉io Ahaziah ne Israerʼró꞉nonke tsi ioskwénhnonte ne karonhkwénake ne tsi ronónhsohte tahahiáthenhne né꞉ne Samaria nónhwe tánon kwáh thóh tsi nahokaréwathe. Káti tó꞉ka niháti ne ratirihwakaré꞉nies iashakotóri nahonwanikonhrisákʼkha ne Baalzebub, né sakoní꞉io í꞉ken ne Philistine ne tsi kanatowanénke né꞉ne Ekron nónhwe,

2 Kings 17:20

Né Roiá꞉ner waʼshakokénron ratikwéʼkons Nisraeʼró꞉nons, sakorewathonhátie tánon thóh niesakohiaténhas tsi rónhnes ne ratiniakátste tehontátʼtions kwáh tsi nióre éhren waʼsakohiatenháwite ne rahohénton.

1 Chronicles 10:13

Ne Saul né aoríhwa waʼrén꞉heie né tsi iáh teʼoríhwathóʼkenhne rahonháke ne Roiá꞉ner. Iáh tehotewenhnaráʼkwen ne Roiá꞉ner raʼorihwatát꞉tieras; né waʼhatheniénhten naré꞉saʼke né ahosárihne tsi niʼsakotenikonrátʼkenhse ne ronenheʼiónkwen

2 Chronicles 15:2

tánon thóh niaháre ne tahiatátʼken ne Asa. Iahonáton, “Takwahtahónsatat, Sanontí꞉io Asa, tánon sewakwáhkon ne Judahró꞉nons ó꞉ni ne Benjaminró꞉nons! Ne Roiá꞉ner ensewakwekónhake ki tsi nikaríhwes ní꞉se ensewé꞉rehke nahisewakwekónhake. Tó꞉ka entsisewahiatíshaʼke, iáh thatsisewaríhon natsisewahiatatʼtsénhri, ók kíʼ tó꞉ka entsisewatswathénien, kwáh kíʼ entsisewatewénhtheʼte.

2 Chronicles 24:20

Ethòne ne Raonikonratokentítshera ne Rawenni꞉io tahoniarotaró꞉ke ne Zechariah né꞉ne ronikénʼen ne Jehoiada né꞉ne ratsihénsthatsi kénʼen. Thóh nón꞉we nathátaʼne tsi nónh꞉we nonhkweʼshón꞉as ahonwáken tánon iathohénrete, “Né Roiá꞉ner Raní꞉io rarihwanón꞉tons onhniʼiohtséren tsi iáh tesewatewenhnaráhkwen ne raorihwatátʼtsheras tánon teshewatatʼthawíten ne karihwaieshá꞉tsheras tionháke! Wahtsisewatsiatonhthákwahse, ká꞉ti rahónha ó꞉ni watsisewatsiatonhthákwahse!”

Nehemiah 13:23

Kwáh ó꞉ni thóh siwenhniseraténionskwe, wakhé꞉ken né꞉tho Shiʼtaheró꞉nons ronatateniakʼthéni ne Ashdodró꞉nons, Ammonró꞉nons, tánon ne Moabró꞉nons konhnón꞉kwe.

Psalms 106:35

ók khèʼkhok waʼthontateniatʼthenhniónhase. Tánon waʼthonwanateweiénhnaʼkwe ne kahiatonhnishón꞉has ratisénhnaiens.

Exodus 22:18

“Enkonwanonwahrhiákon ónhka ne iónhkwe kén niekahiéra natenʼennarátshera.

Exodus 34:16

Né sehienhokónhas nonhtiérenk ne enhotíniake thíken tiʼhiononhontsátes konhnónhkwe, né enhonwanasárihne ne iáh tahonsahotiriwatokénhake tsi nó꞉kwah ní꞉i tánon né enkonhwatisénhnaien ne iáh tekonhnónnhe niʼiohokónhas.

Proverbs 6:1

Konién꞉ʼa, wahsehrhá꞉ratsteʼ kenh ashatátnerenke akó꞉ren iakotká꞉rote?

Isaiah 14:29

Tó꞉sa satonhnáren, sewakwékon Philistines, nʼètho kániah ne tesewanón꞉ware tehiotsákon, asèken thóh nahoteráke nóniare nón꞉we nentkaiá꞉kenhne ne kaniaraseró꞉hen, tánon ne tenhwatewí꞉riaʼke kwáh enhatiʼtsésehke tsi niʼhiotsíroʼte nóniaʼre.

Isaiah 8:19

Nón꞉wa tó꞉ka nonkweshón꞉has eniesénhase, “Wáhs ne seiateniénten ne sakonatʼthonserátkenhse tánon ne sakotinikonrí꞉sak ne ronenheiónserons; iáh kéhn tehiówenk nonkweshónhas néh asakotinikonrík꞉sake né raʼotihiatonhnishón꞉ʼahs, ne ne ronenhé꞉ions ne raotirihwáke ne ronónnhe,

Jeremiah 10:2

Ráton, “Tó꞉sa ietsiweienhnáser nakorénshon; tó꞉sa tesehwathatenikonráhren ne sontekʼthíʼio ahisehwatʼkhátho ne tsi karonhiáte, ethohʼsáne nakorénshon tsi iakoteronienténni.

Jeremiah 12:7

Ne Roiá꞉ner ráton, “Wakatewénhteʼthe ne Israel; Wahkhekénron ne kehiataráhkwen nonhkweshón꞉a. Tatkhéhion nónhkwe ne kenorónkwah thóh raothishaststenserákon ne ronwathísons.

Lamentations 5:20

Hon nihiotiéren tsi ehnikaríwes hetʼtiskwatʼkáwen? Shékon ontèken enseskwehiáraʼne?

Leviticus 19:31

“Tó꞉sa thóh niénhsewe naʼietsihiatenikonhrihsáhkha nonhkweshón꞉as né꞉ne ronhwatinikonhríhsaks ne ronenhéion. Tó꞉ka thóh nénhshiere, kwáh kíʼ shihiorihwakáion tsi teshahiathátion. Í꞉i ne Watiá꞉ner Sewaní꞉io.

Leviticus 20:6

“Tó꞉ka ónhka tsi nítsion thóh iénsewe naietʼtsinikonhrihshákha nonhkweshón꞉a né꞉ne konhwatiʼnikonhríhsaks ne ronenhéions, kwáh kíʼ enhkonhiatʼkónhten tánon iáh kíʼ ské꞉kon ne tahonsehshatená꞉thonkwe Í꞉i akonkwéta akénhake.

Micah 5:11

Tánon Kwáh enkenatatontánion ne sahnatowá꞉nens ne shonhontsà꞉ke tánon ehʼtá꞉ke enwakatiéserons ne tsi sathenhenró꞉tons ne tesanatanát꞉tons.

Micah 5:12

Tánon Kwáh enkhehiatón꞉te ne tehontierón꞉nions ne shatiánakes, tánon iáh tahonhshonhsonkweʼtaiénthake ne tehontserón꞉nions;

Zephaniah 1:8

Tánon ne kwáh thóh enwenhniserá꞉teke ne Roiá꞉ner tsi rokhwáhere kwáh enkheréwate ne ronaterihóntons tánon ne ronhnontí꞉io raonekenteronhtseraʼshón꞉as tánon tsi niiákon né꞉ne iakotseronhniáton ne tiwakwéniate.

Numbers 23:7

Ne Balaam wahathárakwe kí꞉ken iekaríhwaken: “Balak ronhnonhtí꞉io íken ne Moab nónhwe thaʼtiaténha ne kénʼen Syria tsiotásawe, tsi nióre ne Ná꞉kon nòkwah ne tsi iononhtharónhnions. ‘Káts taktháras,’ wahénron. ‘Seréwat nonhkweshón꞉ʼas NÍsraerʼró꞉nonke.’

Romans 11:20

Kwáh thókenske. Iotenatsiákon ne wakarihónʼni ne tsi iáh tethonethákwen, tsi náhe thóh non nensariwatokénhake neh tsi thisetákwen. Nók tóhsa senaiéhak; kék khók sateronʼníhek.

1 Samuel 6:2

Eʼthóhʼne ne Philistine iashakotínonhke ne ratiʼtsihénstatsis ó꞉ni ne iehatiʼriwá꞉kens tánon wahonní꞉ron, “Ónhnahitewá꞉iere ki raoneró꞉kwa ne Roiá꞉ner? Takwahró꞉ri nahó꞉ten tsi skátne tsi ieniakwaténiete tsi nón꞉we tionákte.”