Isaiah 2:5 - Ohiatonhseratokénti

⁵ Ó tsi ronónshote ne Jacob, káts, áhnion thóh tewathénhti rahoswathetserákon ne Roiá꞉ner!

Isaiah 2:5 ပူးပေါင်းရင်းမြစ်များ

Psalms 36:10

Ó iaskóntat sehnorónkwat tsi nihiákon ne iakawerhiaʼsí꞉io, tánon tasehiateweientónhas tsi nihiákon ne iakorihwaʼkwaríhshion!

Psalms 89:15

Iakotáskats nonkweshón꞉ha tsi iakorenhnáhon ne taieríhwaʼkwe tsi ahiesahsénhnaien, tsi etʼthohʼnónwe nihonhnón꞉nhe kaswatʼthetsherákon tsi nisarihwaʼnonhwéhon;

Psalms 89:16

Konhtatsésons sahsénhnakon nón꞉we nihonathonnáhere, tánon sarihwaʼkwahrihshiontsherákon nón꞉we nihonatʼtsenhnakaratáton.

Isaiah 2:3

Iakotsokowánenh éntsien tánon enhiaiéron, “Káts, áhnion thóh ietewanontáran tsi rotenontáhere ne Roiá꞉ner, ietewatáwehiat ne raononsatokentiʼkowáne ne raoní꞉io Jacob; ne nahónton nashonkwahrihónhnien tsi nihaweienótens tánon nahónton thóh nón꞉we nahitewaténhti tsi rohatátie.” Asèken Zion nón꞉we entkaiákenhne ne enkahénte ne karihonhnienhnítshera, tánon ne raowénhna ne Roiá꞉ner Jerusalem ne nón꞉we nénhtewe.

Isaiah 58:1

Tesewahénret, tó꞉sa sewatatiéna! Sewaʼtewenhnakétsko tsi ní꞉ioht ne iehonrawáts꞉tha! Serihowanáthen nakonkwetaʼshón꞉has tsi nihonteriwiʼioseranónhwe, thóh rahonónskon ne Jacob tsi nó꞉kwah ne raoʼtirihwaneraháktsheras.

Luke 1:79

Aontonseke taonsaiakosȣathene nasatakon oni kariȣaneraakserakon iakonnhetie nok eh nonkȣati aonsasonkȣasarine tsinonkati ne Skennen.

Ephesians 5:8

Í꞉se ó꞉ni tionháke tethisewakáraskwe, nók tsi náhe Roiá꞉ner rahonkwétha sewatónʼon, kaswatʼthetserákon nónwe nísewes. Kwáh káti sewateriwaiénʼni thóh nahitionʼnoténhake nahisewéneste tsi tesewaswatʼthéʼon,

1 Sawátis 1:5

Tsi nihionkwarónken naʼteriwanhothátsera tsi nisonkwaróri ne Roiénha ó꞉ni kén ní꞉ioht tsi rorihowannáton: Rawenni꞉io seh ne kaskwatʼthétsera íken, tánon kwá iáh tahóten ne tahotahiokaráseke ne rahonháke.

1 Sawátis 1:7

Nók tóhka tsi teioswátʼte nón nitionnhétie—kwá tsi ní꞉ioht tsi tehoswátʼthe—ehʼthóhʼne kíʼ akwékon skát꞉ne tewaiátare, tánon ne rahonekwénsa ne Ié꞉sos, neh Roiénha, tionkwanoharése kwá tsík ní꞉ioht tsi aionkwariwáneren.