Isaiah 2:4 - Ohiatonhseratokénti

⁴ Kwáh tensakohiatórehte tsi natehónteres nonhkweʼó꞉kons, tánon ensakoteriwaʼshónterase ne iakotsokowáhnen ónkwe; ne rahonasarekówa ne sahonónhniate ne ietarakarahthóstha otsiiewéiontha, tánon ne raotishiʼkwáhras iontkwiraseronhniátah ne ohnió꞉kwas sahonnónhniaʼte; nonkweʼó꞉kons iáh shé꞉kon nonhwénhton tahonshahionterí꞉io, iáh ó꞉ni nonhwénton tahonshahatiweienʼtétonke nahonterihiosehrónhni.

Isaiah 2:4 ပူးပေါင်းရင်းမြစ်များ

Psalms 110:6

Kwáh ne enhaterihwaʼthéntsate tsi ensakoríhwenhte nonkweshón꞉has, né thensakoreniáthen ne ronenhéions raotiʼieronhtashónhas; kwáh thenhanontsistotárosʼte né entʼtharohrók꞉te onhontsakwékon.

Psalms 46:10

“Thatesatótat, tánon sateriéntarak tsi Í꞉i ne Ní꞉io í꞉ken! Ksenhnowánen tsi nòkwa nonkweshón꞉ha, ionksenhnakaratháton ne tsi ionhwenhtsáte.”

Psalms 46:9

Kwáh ohontsakwékon tsi tehatástha naterihiósehra; tehaʼhenhniákons, tánon tehatthokwáhtha ne wasikwahróhare; rattsahátha ne tehioniatasthákwa.

Psalms 82:8

Sateriwathéntsiat, Ó Sewenní꞉io, serihwénhtas ne tsi ionhontsáte; asèken onkwetaʼkwékon í꞉se shonkwetaʼshónhas!

Psalms 96:13

raohénton ne Roiá꞉ner; asèken tarèse, asèken tá꞉re nahá꞉rihwenhte ne tsi ionhontsate. Kwáh né enharihwénhthakwe ne tsi ionhontsáte ne karihwaʼkwarihshióntsheras, tánon tsi nòkwah nonkweshón꞉has neʼnéʼe ensakorihwénhthakwe noriwiʼiohónwe í꞉ken.

Isaiah 32:17

Tsi niʼiáwenhs ne karihwaʼkwahrihshióntshera kwáh skénnonk thenwá꞉ton, tánon tsi nenhiáwenhne ne karihwaʼkwahrihshiónhtshera, sák thenkénhake tánon entsiaʼkawethakwénhake tsi nénhwe enkénhake.

Isaiah 32:18

Nakonkwetaʼshón꞉has ne enhiakotsenawástonke ne skénnonk tsi aienákereke, né꞉ne kwáh ioriwí꞉io tsi aieterón꞉take, tánon tsi nón꞉we ne sák thí꞉ken iothorihsenhtákwah iokwénhrare í꞉ken.

Isaiah 33:22

Asèken né꞉ne Roiá꞉ner nonkwá꞉wenk rarihwéntʼtha í꞉ken, né꞉ne Roiá꞉ner nonkwahkóra í꞉ken, né꞉ne Roiá꞉ner nón꞉kwah nontí꞉io ní꞉ken; kwáh rahónha enshonkwahiatanónsthaʼte.

Isaiah 42:1

Kénʼen í꞉res nakenhá꞉tsera, rahónha thiʼiatsʼwanónhne, í꞉i rihiaʼtarákwen, rahonháke nakwatón꞉nhets iawerientiʼióstha; wá꞉tsien nakenikonratokentítshera rahonháke; kwáh enthesakohawíthen ne kariwakwahrishióntshera niaʼkawenhtsakeró꞉nons

Isaiah 42:3

ne iohiothontakwarátshon kwáh iáh thaʼtaháiake, tánon ne kénk nitsiótʼte tsi iotèkha ne wathaserotákwah aseríʼie kwáh kí iáh tahaswá꞉the; kwáh kí enhiorihwatókenke tsi enthá꞉hawe ne kaiáneren.

Isaiah 9:5

Asèken akwé꞉kon ne raonhatashón꞉áhs ne ronterathaientáʼnionre ne ronterí꞉ios tánon akwèkon ne ahtseronniátsheras kawenónhni onekwensá꞉ke kwáh kí enwatsahá꞉tonke tsi ní꞉ioht noièn꞉te thóh otsirá꞉ke.

Isaiah 9:7

Né raʼoshatsténhshera kwáh enwahtehiá꞉ron ienhiokontákwen, tánon kwáh iáh tsahontókthen tsi skénnónk enkénhake ne raonitskwáhra ne Táwit tánon ne raonontiʼiótshera. Kwáh kí enhakwahtáko tánon entátswanónhna skát꞉ne ne kaiáneren tánon ne karihwakwahrihshión꞉tsheras kwáh kénhen ienwatáhsawen tánon tsi nénhwe enkénhake. Ne Roiá꞉ner Roshatstenseʼrowanenkówa iateorihwaién꞉tase ne thóh kíʼ ken nenhá꞉iere.

Hosea 2:18

Kwáh enkonhiónhnien naterihwaseronhniá꞉tshera né꞉tho enwenhniserá꞉teke skátne ne kontírios, notsitenokónhas ne tsi ió꞉werare kontí꞉tses, tánon ne onhontsá꞉ke kontéseres; tánon kwáh enkátonhte nahén꞉na, nasareʼkó꞉wa, tánon nateriióhsera ne tsi ionhontsá꞉te; tánon ne enkonhniá꞉te ní꞉se kwáh skén꞉nonk tsi ashenákereʼke.

Hosea 2:20

Kwáh karihwatokentitserá꞉kon tsi ienkonhiathénhawe ní꞉se ne tethenitéron ahsá꞉ton; tánon kwáh entsienterá꞉ne ne Roiá꞉ner.

Joel 3:10

Tesehwathakwénhtest ne iotsiwehiothí꞉ie ne sehwatharakaraʼthóstha ne sehwathasharón꞉niat, tánon ne shewatkwirhiátʼthas onióhkwas ne sehwaʼtsikwarón꞉niat. Áhnion shé꞉kon ne kwáh kenk nahoshatstenhseráske rén꞉ron, “Wakeshatstenhserowá꞉nen ní꞉i.”

Joel 3:12

Áhnion ne thiiononhontsá꞉tes ronhthanenenrahserón꞉ni, tánon iehón꞉ne nahonráhkwakon ne Jehoshaphat; asè꞉ken thóh nón꞉we nenhkátsien nakherihwénhte ratikwé꞉kon ne ronhnonhontsakeró꞉nons.

Micah 4:3

Kwáh rahónha tesakohiatórete tsi natehóntere ne iakotiohkowá꞉nen onkweshón꞉as. Ensakotewenhnaiéntonwe ne ratiʼshátstes nonkweshón꞉as nahí꞉nonh nió꞉re í꞉tken; né enhononhniate ne raonasareʼkó꞉wa ne ietarakarathós꞉tha aotsiweiónhtha, tánon ne raonahshí꞉kwahras iontkwirhiá꞉tha né꞉e enhononhniáte; nonkweshón꞉as iáh ó꞉nen thatahonsahónhnekwe ne raonasareʼkó꞉wa niasakonatsatónhti nonkweshón꞉as, iáh ó꞉ni ó꞉nenh thahonsahontéweienste naterihió꞉seras.

Zechariah 9:10

Ne Roiá꞉ner ráton, “Ahé꞉ren entʼkhá꞉wite ne otiónhkwas ne Israerʼró꞉nonhke ó꞉ni é꞉renh enkhehiatenhá꞉wite ne koshá꞉tens ne Jerusalem; ne ahén꞉nas wátstons ne tsi waterí꞉ios kwáh enkariwahthón꞉ton. Ne tsi Sehwanonhtí꞉io kwáh skén꞉nonh enrón꞉ni tsi natehontérons nonkweshón꞉ʼa. Kwáh raónha enthaniarotárohke tsi tiotáhsawe ne kaniatarakeʼkó꞉wa tsi nió꞉re iehiotókte, tsi tiotáhsawe ne Euphrates kaniataratátie tsi nió꞉re ne tsi iehiothonhontiókʼte.”

Acts 17:31

Asèken rawenniseraráhkwen tsi kwáh niaʼtehionkwétake ne tsi ionwentsiáte tsi tensakohiatórete kariwakwarishiontserákon tsi nihohiatarákwen nètho rónkwe neh tehahiatórete. Neh kí꞉ken sakonesténni kwáh tsi niaʼtehionkwétake tsi nishokétskwe nètho rónkwe ne kenheiátʼne!”

Revelation 19:11

Eʼthó꞉ne wakatkáto onteronhianhotónko, tánon thóh nón꞉we ní꞉res kanaskwará꞉ken! Ne roʼshá꞉tentse ne ronwanaʼtónhkwa Roʼriwatóken tánon Oriwí꞉io í꞉ken, tánon thóh kariwakwarishontserá꞉kon tsi tehaiatoréhtha tánon rateriioserónhnis.

1 Samuel 2:10

Ne Roiá꞉ner ronwáswenhs kwáh kiʼ enhionthatá꞉tonhte; ne kwáh éhʼneken thót꞉te kwáh entʼtáwere thóh karonhiáke. Ne Roiá꞉ner kwáh enharíwente tsehionhontsakwé꞉kon; raón꞉ha enhoshaststénseron ne raonnontí꞉io, tánon enhoshastsʼtenserowaʼnénhake ne rohiatarákwen.”