Isaiah 2:3 - Ohiatonhseratokénti

³ Iakotsokowánenh éntsien tánon enhiaiéron, “Káts, áhnion thóh ietewanontáran tsi rotenontáhere ne Roiá꞉ner, ietewatáwehiat ne raononsatokentiʼkowáne ne raoní꞉io Jacob; ne nahónton nashonkwahrihónhnien tsi nihaweienótens tánon nahónton thóh nón꞉we nahitewaténhti tsi rohatátie.” Asèken Zion nón꞉we entkaiákenhne ne enkahénte ne karihonhnienhnítshera, tánon ne raowénhna ne Roiá꞉ner Jerusalem ne nón꞉we nénhtewe.

Isaiah 2:3 ပူးပေါင်းရင်းမြစ်များ

Esther 9:27

Sitaeró꞉non wahontatianerenhserónnien tánon ó꞉ni tsi nithonathwatsirí꞉non tánon ne ónhka í꞉ienhre Sitaeró꞉non aiontatená꞉tonhkwe, tánon tsi niioterihwíhson niaʼteiohserà꞉ke kí꞉ken tewenhniserà꞉ke tiótkon ahatíhsere tsi nihotiianerenhserò꞉ten tsi nihohià꞉ton ne Mordecai.

Psalms 102:23

Ákta né kenhéiatʼne niahatiathénhaʼwe; rawenhniserokerihátse nakenhnísera.

Psalms 110:2

Né Roiá꞉ner Zion nón꞉we tahaténieʼte ne kasháste sáhnia. Né énshaste nasehiatkóraste ne ieshá꞉shons.

Psalms 119:171

Kwáh tiotkonhónwe tsi thenkonhnonweratónhsehke, tsioríhwa tsi takerihonhniénhni ne saianerénhseras.

Psalms 122:1

Tsi nakatʼtsenhnónhni sahontkónkahron, “Thóh iehiákwe Raononsatokentiʼkówahne ne Roiá꞉ner.”

Psalms 48:1

Rahiatanoronkówa ná꞉ha ne Roiá꞉ner tánon tehiotonhontsóhon ne aʼiawetowanénke tsi ni꞉ioht tsi tahonwaʼnonweráton thóh raonátakon nonkwaNí꞉io. Né raonontatokentíke,

Isaiah 1:26

Tánon kwáh ensekkherihontónhnion ne shonkwetashónhas ratirihwénhthas tsi kí nitsotónhte, tánon ne iesatenikonhráwiskwe tsi nitsiotásawe. Tánon kénhen ienwatásawen né entsesanatónhkwahke ne iorihwakwahríhshion kanatowanénke, ne iorihwatóken kanatowanénke.

Isaiah 11:10

Nétho enwenhniseráteʼke ne raoterá ne Jesse kwáh enkátake tsi ní꞉ióth noniatará꞉ha ne nahiontkátho nonkweshón꞉has; niaʼkahontsakeró꞉nons kwáh enhonwahiatísake, tánon tsi nón꞉we nihotorí꞉sen kwáh enhioiatanerakwáts꞉tonʼke.

Isaiah 19:23

Né thóh enwenhniseráteke iohahowánen enhiohathátsheke Egypt nón꞉we nitsawénon tánon Assyria nieʼiawénon, tánon ne Assyriaró꞉nons Egypt nienhónhne, tánon ne Egyptró꞉nons Assyria ne nienhónhne, tánon ne Egyptró꞉nons kwáh skátne tsi enhonterénhnaien ne Assyriaró꞉nons.

Isaiah 28:9

“Ónhka ne kén asakorihónhnien naiakonikonraién꞉tahne, tánon ónhka ne kén asakonikonhraientáten naterihwanhotátshera? Né꞉ne tsi nihiákon ne iontatstarontákwen nonónhta, né꞉ne tsi niʼiákon ne éhʼren ionthatsaʼtenhawíton ne iakónhkwe ienonhtàke?

Isaiah 44:5

Né꞉ne kí kén enhia:íeron, “I꞉i ne Roiá꞉ner rahonkwé꞉ta í꞉ken,” nó꞉ia né꞉ne enhiontatenátonkwe ne Jacob raosénhna, né thiʼhaiátate kwáh né rasnonsàke enhahiáton, “Né꞉ne Roiá꞉ner rahonkwé꞉ta í꞉ken,” tánon né thenhatatʼtsenhnáseren ne Israel raosénhna.

Isaiah 56:5

Kwáh enkhéhion, nakenóns꞉kon tánon naʼkathenhenrá꞉kons, enkensthenró꞉take tánon ne kasénhna sénha ne ioiánere tsi ní꞉ioht naʼiakonekenteronhtsheraiéntake khés naʼiakowiraʼiéntake tionathonwísens; kwáh entekhéhion ne tsi nénhwe enkénhake enhotiʼsenhnaiéntake né꞉ne iáh tahontóntonhke.

Isaiah 56:7

né kí꞉ken iénkhaʼwe naʼkenontatokentíke, tánon ne enkónhniate natsenhnonniátsheras ne tsi wakenón꞉shote ne tsi ionterenhnaientákwah; ne tsi ronhteskóntha tánon tsi rontsienhkwaronniátha kwáh entiéna ne tsiktsenhará꞉kwah; asèken ne tsi wakenón꞉shote ne enkonwanatónhkwahke ionterenhnaientákwah né nonkwetaʼkwékon akorihwá꞉ke.

Isaiah 60:3

Né ronhnonhontsakeʼró꞉nons kwáh saswatʼthetseráke nenhtónh꞉ne, tánon ne rontiʼnontí꞉ios ne thenotiswathéten tsi nenhsárenhne.

Isaiah 65:11

Ók í꞉se tsi sewatewenhtéton ne Roiá꞉ner, ronón꞉ha rotiʼnikonrénhʼen nakenontaʼtokénti, ronón꞉ha wahontekwahratsherotónhnion né꞉ne aoriwà꞉ke ne konwanaʼtónkwa Ateraswiʼióhshera tánon wahatinekananóntkons notsí꞉tsa watnekarákwas, ne wahthotirenkénhni ne konwanaʼtónkwa Tsi Neniawénhseron.

Isaiah 66:20

Kwáh enthonwatiʼiaténhaʼwe ratikwéʼkon né sewatátenons ohontsaʼkwékon nón꞉we nenhtʼthónhne tsi enthonwaiésthen né Roiá꞉ner, enhotishá꞉thentse kosáhtens, tánon enhotihonwísere notsiónkwahs, tánon né kanorokwáhere né iokakwenhtón꞉tons, enhotisháthenʼtse tewahóntes, tánon né teiotíkas kontitshénens, akenontatokentíke né Jerusalem nienhónhne, rá꞉ton né Roiá꞉ner, kwáh kí tsi ní꞉ioht né Israerʼró꞉nons tsi tatíhas nonátsas nahontahatí꞉ieste thóh kará꞉tse né iotkwéniens kátʼtshe niaʼhatíhaʼwe raoʼnónskon né Roiá꞉ner.

Jeremiah 12:16

Tó꞉ka kwáh ronhnerhiasahkwékon tsi enhatihiéna ne akonhkwetaʼshón꞉a raothiriwiʼiostóntshera tánon enhatiriwahníraʼte, ‘Ne tsi rónnhe ne Roiá꞉ner’—ne tsi nithonwatiʼrihonniénni nakonkwetaʼshón꞉a nakonhwariwahníratse ne Baal—ethóhʼne kíʼ kwáh enhonwanatsatáhrahse nakonkwetaʼshón꞉a tánon kwáh enhotihianerásten.

Jeremiah 26:18

“Nonenh ne Hezekiah sihononhtí꞉io ne Judah, ne rotó꞉kense Micah ne ne Moresheth nónhwe onhkwetahkwékon wahshaʼkoró꞉ri nètho Roiá꞉ner Roshastsʼtenserowáhnen ráwenh, ‘Ne Zion kwáh ki enkatenrahratʼton kwáh né꞉ne kahentà꞉ke; Jerusalem kwáh enhiosthoʼkotónke tsi nihioriwentà꞉on, tánon nononsatokentiʼkó꞉wa iononhtáhere karákon neh enwá꞉ton.’

Jeremiah 31:6

Hén, ienkáheʼwe nónenh ne ratiʼnikónhrahre iaʼtenhothiʼhénrethe tsi iohnonhthaʼrónnonhs ne Ephraim, ‘Ánion Zion iétheweh, rahonháke ne Roiá꞉ner onhkwahʼNí꞉io.’”

Ezekiel 40:2

Tsi honkatetʼtsénten Rawenni꞉io iahatiaténhawe tsi tiohontsáien ne Israel tánon ne kwáh tiotenónhthate thóh nónhwe iahakátʼkaʼwe. Nakʼkénhton wakatkátho tó꞉ka nihiotitsiókwahke kanonhshó꞉ton né teskahierónhtare ne kanatowáhnen.

Hosea 3:5

Onakénhke ne Israerʼró꞉nons rahonhà꞉ke ne Roiá꞉ner Raotiní꞉io niensónhne tánon enhonwaiatísake, tánon ne Táwit raotinontí꞉io í꞉ken; ethò꞉ne enhothiteronhníhake rahonhà꞉ke ne Roiá꞉ner tánon kwáh enhatiié꞉na ne raoianerétsheras noná꞉ken tewenhniséronhte.

Hosea 6:3

Ánion ionkwahterientáran, tewá꞉rek natsitewaienterahʼne ne Roiá꞉ner; tsi nontahawenonhátie etʼniiorihwí꞉io tsi ní꞉ioht tsi tahiorenhehátie; kwáh thóh ní꞉ioht tsi enshonkwahiatórenhne tsi ní꞉ioht ne iotsatará꞉tses nokenhnoré꞉seras, tsi ní꞉ioht ne kokwitè꞉ne iokenhnó꞉res ionekanóntens nonhóntsa.”

Micah 4:2

tánon kwáh iakotiohkowá꞉nen éntsien tánon enhiaié꞉ron: “Káts, ánion ietewanón꞉taran tsi thotenonhtáhere ne Roiá꞉ner, tsi thonónhtsote ne Raoní꞉io ne Jacob; ne kíʼ nahónton nashón꞉kwah rihónhnien tsi nihaweiennó꞉ten, né káti nahónton thóh nón꞉we naitewathénhti tsi rohathátse.” Asè꞉ken Zion nón꞉we nénhtewe ne raoianerénhseras, tánon Jerusalem nón꞉we ne Roiá꞉ner nihatá꞉tis.

Matthew 7:24

Onkakiok rothonte tsinahoten katon, nok enhateȣeienton, neh tenthiiatenientenste ne ronkȣe oststenrake rotenonsonni;

Luke 11:28

Tontahenron: neh tanon naha iakotaskasts niakotaonsate ne Niio raoȣenna nok ronȣaȣennarakȣa.

Luke 24:47

Nok raonha raosennakon aionteriȣanoton aiakohnikonkararen, nok tsi entsiakoterakeȣase ne kariȣaneren akaonȣentsiakȣekon nonkȣe, kentho Jerusalem ienȣatasaȣen.

John 4:22

Neh seȣasennaiens tsinahoten nʼiah teseȣaienteri: nok nii, neh nii iakȣasennaiens tsinahoten iakȣaienteri, aseken Sitaerononke entkaientakȣe ne kaiatakennhatsera.

John 7:17

Toka onka kiok enhonikonraierite, enhaienterhane ne kariȣatatsera; Katehsiken, niiohne kenh nitiaȣenon, toka ken ok ii tiȣakatennikonra tsi ȣaktare.

Acts 1:8

Nók nónen ne Ronikonriʼióston entsisewahiatórenʼne, kwáh ensewahiatanánonʼne ne kasatsʼténsera, tánon í꞉se enskwariwaníratʼtse ne Jerusalem nónwe, kwáh kanakeraserakwékon ne Judea ó꞉ni ne Samaria, tánon ó꞉ni ne tsi iehiotonwentiokʼtaní꞉on.”

Acts 10:33

Kwáh káti óksak í꞉se iakónnonke, ó꞉ni kwáh í꞉seʼsonwesénʼtsera tsi kén꞉en nontáse. Ónen káti tewakwékon kén꞉en ítewes rahohénton ne Rawení꞉io, hionkwárare nahionkwatʼthóntene tsi nahóten asíron tsi nihiaróri ne Roiá꞉ner.”

Romans 10:18

Nók keriwanóntons; thòkensʼke kén iáh tehonarónken nateriwanhothátsera? Oriwí꞉io kíʼ náha tsi ronharónken—asèken tsi niwáthon nhoriwatokénti: “Kwáh ohontsiakwékon hiatathiwenʼnaniháraʼne; ne rahothiwénna iakanihárho ne tsi iotonhóntsiotʼte.”

Deuteronomy 33:19

Shakotihonkará꞉wis ne thihononhontsá꞉tes ne tsi ronatenonhtáhere iahón꞉ne Tánon iehathítats ne tkariwaié꞉ri kariwihiosehokón꞉as ne nón꞉we. Kaniatarakheʼkowáhne nón꞉we nithatíhas ne rahothikwahsétshera Tánon ne tsi tekanesharonhkothárons ne atsakthónties.”

Deuteronomy 6:1

“Ne kí꞉ken nakwé꞉kon ne kaianerénhseras ne Roiá꞉ner sewaNí꞉io rakró꞉ri nakwarihón꞉nien. Sewatewénhnarak ne tsi tiohontsá꞉ien ne ó꞉nen thó꞉wa thóh niahísewe tánon nahisewatiaʼtakwehní꞉ioste.

Ne꞉ne Sák Rohiaton 1:25

Nók tóh꞉ka kwáh ákta tsi enskenhénhion ne kahianerenserí꞉io ne tsi nikáien tiakotatewennihiósta nónkwe, tánon nètho kwáh áktha tsi ensatennikonráren, tánon kwáh iáh tasathahónsatatʼte tánon ó꞉ni entsisanikónren, nók tóh꞉ka enshiótenste—Rawenni꞉io enhiaʼiatatériste tsi nensátiere.