Isaiah 2:2 - Ohiatonhseratokénti

² Tsi niwenhniseraténions tsi nienkáheʼwe ne tsi rotenonhtáhere ne Roiá꞉ner tsi nón꞉we nikanónshote ne raoʼnonsatokentiʼkówa ne ahonhá꞉ʼa entsotenontáteske tsi níkon ionontarónhnions. Akahontsakwékon thóh nón꞉we iatonhonskénhni nienhonhnéthaʼke.

Isaiah 2:2 ပူးပေါင်းရင်းမြစ်များ

Genesis 49:1

Eʼthó꞉ne ne Jacob iahshakó꞉nonke ne raonekenhteronʼtsheraʼshón꞉ʼa, tánon wahén꞉ron, “Teskwatià꞉taton, ne naón꞉ton akwahró꞉ri tsi nensewaià꞉tawen nenwenhniseraténionke tá꞉we.

Job Tánon ne Raoronhiakensera 19:25

Asè꞉ken wakaterièn꞉tare ne Satiatákwen tsi rónhne, tánon kwáh tenʼthá꞉tane noná꞉ken enhiahónhniate ne kén꞉en ionwenhtsá꞉te;

Psalms 102:23

Ákta né kenhéiatʼne niahatiathénhaʼwe; rawenhniserokerihátse nakenhnísera.

Psalms 2:8

Takerihwanónhtons, tánon enkhehiónhnien ne thihononhontsátes í꞉se ensehiatakweʼní꞉ioke, tánon ne tsi iehiotonhontiokʼtaníhon í꞉se sáwenk enhwáton.

Psalms 22:27

Akwé꞉kon ne tsi iehiotonhontiokʼtaníhon kwáh enhiakehiá꞉rahke tánon Roiá꞉ner nokwáhti nienshón꞉ne; tánon iewaʼtsirakwékon nonkweshón꞉ha tsi enhonwasenhnaien rahó꞉henton.

Psalms 22:28

Asèken ne kanontiʼiótsera Roiá꞉ner né꞉e raówenk, tánon sakokʼkoráston tsi ietarakéron.

Psalms 48:2

tiotenón꞉tate tánon ióskats, né naʼkokʼtsenhnonniátsheras nonhontsakwékon, tsi ionón꞉te ne Zion othorèke nokwáhti íken, né raonáta ne ronontiʼiokówa.

Psalms 68:17

Né꞉ne sóh꞉tsi iawetowánen nahiónsehte nontsiónkwas kásehres, né꞉ne tó꞉ka natewenhniawehetserásens nikasehrétakes, ne Roiá꞉ner Sinai nón꞉we nontare tsi iahatáwehiaʼte ne Raononsatokentíke,

Psalms 72:8

Waʼkaterénhnaien ne rahónha ahahiatakwení꞉ioke kwáh iahónwe tsi nió꞉re ne kaniatarakhekówaʼne, Euphrates ahontonhtásawen kwáh iahionhontsókten.

Psalms 86:9

Í꞉se ratikwékon sehiatíshon nonkweshón꞉has, ká꞉ti kwáh shonháke nòkwah nentʼtón꞉ne tánon sahénton thenhontʼtsákeʼte, Ó Saiá꞉ner, tánon kwáh eniesasenhnatokéntisʼte.

Psalms 87:1

Thóh tsi ionontaʼtokenhtíke kanátaien ne Roiá꞉ner rotenatón꞉ni;

Psalms 87:2

sénha ranorónhkwa tsi ní꞉ioht ne ákte nón꞉we nikanátaiens ne Israerró꞉nonhke sénha ne ranorónhkwa ne kanatowanénhke ne Jerusalem.

Isaiah 11:10

Nétho enwenhniseráteʼke ne raoterá ne Jesse kwáh enkátake tsi ní꞉ióth noniatará꞉ha ne nahiontkátho nonkweshón꞉has; niaʼkahontsakeró꞉nons kwáh enhonwahiatísake, tánon tsi nón꞉we nihotorí꞉sen kwáh enhioiatanerakwáts꞉tonʼke.

Isaiah 25:6

Né kénh꞉en tsi ionontáhereh ne Sakoiá꞉ner ne ronterí꞉ios ratiʼronhiakeró꞉nons kwáh tsi ensakahónhnien ratikwé꞉kon nonkweʼhókons tsi ensakhokʼkhwahéraʼse né꞉ne iotkhwarésenhs, tánon ne ne kwáh í꞉ken ionekaksʼténha otsítsia enhatinekí꞉ra, né꞉ne iokhwarésenhs ne tekaiéston nostarònwa, tánon ne ne kwáh onekasthénha otsítsia ne kanonwakénston ne aóskon í꞉ken.

Isaiah 27:13

Tánon nètho entewenhniserate kowanenh iehonrawátsta enwatatiston, tánon tsi nihiakon ne iakotsiá꞉thatonhon ne tsi ionhontsaien ne Assyria tánon tsi nihá꞉ti ne ronwatihiatinekenhen ne tsi ionhontsaien ne Egypt kwáh tentonhne nahonwasenhnaien ne Roiá꞉ner nètho nón꞉we tsi iononhtató꞉kentike ne Jerusalem.

Isaiah 30:29

Kwáh ensahrenhnaiéntake tsi ní꞉ioht nokarasnéha nó꞉nen ne iotokénti tsi neteiontenonhwerátons iakahonhniseranorónston; tánon iakotonhnáhere nakaweriá꞉ne, kwáh tsi ní꞉ioht nónkak wahióntsien wahontahónsathate tsi nikawenhó꞉te nohorótha ionterenhnotákwah niáhien tsi thotenontáhere ne Roiá꞉ner, né nahosthénra í꞉ken NʼIsrael.

Isaiah 49:6

rá꞉tons, “Shó꞉tsi iáh tehióst꞉te né nakarihóten ní꞉se akenhá꞉tsera ashá꞉ton né nahonshaʼsehkétsko ne raoʼtsiókwah ne Jacob tánon nahonshaʼsehkwahtákwahse ne iateonathaténhron ne Israerʼronónke; entkónhion ne kaswatʼthétshera rononháke ne ronhnonhontsakeró꞉nons, né naʼtienawaséhtshera ahónton iakanihaʼrá꞉ne ne tsi iehiotonhontiokʼtani:hon.”

Isaiah 56:5

Kwáh enkhéhion, nakenóns꞉kon tánon naʼkathenhenrá꞉kons, enkensthenró꞉take tánon ne kasénhna sénha ne ioiánere tsi ní꞉ioht naʼiakonekenteronhtsheraiéntake khés naʼiakowiraʼiéntake tionathonwísens; kwáh entekhéhion ne tsi nénhwe enkénhake enhotiʼsenhnaiéntake né꞉ne iáh tahontóntonhke.

Isaiah 56:7

né kí꞉ken iénkhaʼwe naʼkenontatokentíke, tánon ne enkónhniate natsenhnonniátsheras ne tsi wakenón꞉shote ne tsi ionterenhnaientákwah; ne tsi ronhteskóntha tánon tsi rontsienhkwaronniátha kwáh entiéna ne tsiktsenhará꞉kwah; asèken ne tsi wakenón꞉shote ne enkonwanatónhkwahke ionterenhnaientákwah né nonkwetaʼkwékon akorihwá꞉ke.

Isaiah 60:3

Né ronhnonhontsakeʼró꞉nons kwáh saswatʼthetseráke nenhtónh꞉ne, tánon ne rontiʼnontí꞉ios ne thenotiswathéten tsi nenhsárenhne.

Isaiah 65:11

Ók í꞉se tsi sewatewenhtéton ne Roiá꞉ner, ronón꞉ha rotiʼnikonrénhʼen nakenontaʼtokénti, ronón꞉ha wahontekwahratsherotónhnion né꞉ne aoriwà꞉ke ne konwanaʼtónkwa Ateraswiʼióhshera tánon wahatinekananóntkons notsí꞉tsa watnekarákwas, ne wahthotirenkénhni ne konwanaʼtónkwa Tsi Neniawénhseron.

Isaiah 66:20

Kwáh enthonwatiʼiaténhaʼwe ratikwéʼkon né sewatátenons ohontsaʼkwékon nón꞉we nenhtʼthónhne tsi enthonwaiésthen né Roiá꞉ner, enhotishá꞉thentse kosáhtens, tánon enhotihonwísere notsiónkwahs, tánon né kanorokwáhere né iokakwenhtón꞉tons, enhotisháthenʼtse tewahóntes, tánon né teiotíkas kontitshénens, akenontatokentíke né Jerusalem nienhónhne, rá꞉ton né Roiá꞉ner, kwáh kí tsi ní꞉ioht né Israerʼró꞉nons tsi tatíhas nonátsas nahontahatí꞉ieste thóh kará꞉tse né iotkwéniens kátʼtshe niaʼhatíhaʼwe raoʼnónskon né Roiá꞉ner.

Isaiah 66:23

Tsi nenskarakwahrá꞉seke, tánon tsi nientsahontatokéntis, niaʼtehionkwétake éntien nahionterénhnaien nakʼkhénhton, rá꞉ton né Roiá꞉ner.

Jeremiah 16:19

Saiá꞉ner, i꞉se ne teskè꞉nhes ó꞉ni teskáwis ne kashastsʼténsera; í꞉se tatienahwáse nónen ne thènen tekanikónhrahre. Nonhkweshón꞉a tsi iotonhontsiokʼthaníhon tsík nonhwéson nenthónne tánon enhiahiéron, “Hiaʼkhisotʼthonkonhkénʼen nék khók rotiʼiénthaʼkwe ne iáh tekonnónhneʼkwe niʼiohokónhas, ne kwáh iáh thènenh tekariwástha kahiatonnisónhas.

Jeremiah 23:20

tánon iáh tahthakáthaʼne tsík akwékon éhtho nenháiere tsi nihoteʼnikonhrónni. Tsi nienwatennisehríheʼwe ne rahonkwetahshón꞉a kwáh enwehnéhake tsi enhotiʼnikonhraiéntaʼne.”

Jeremiah 26:18

“Nonenh ne Hezekiah sihononhtí꞉io ne Judah, ne rotó꞉kense Micah ne ne Moresheth nónhwe onhkwetahkwékon wahshaʼkoró꞉ri nètho Roiá꞉ner Roshastsʼtenserowáhnen ráwenh, ‘Ne Zion kwáh ki enkatenrahratʼton kwáh né꞉ne kahentà꞉ke; Jerusalem kwáh enhiosthoʼkotónke tsi nihioriwentà꞉on, tánon nononsatokentiʼkó꞉wa iononhtáhere karákon neh enwá꞉ton.’

Jeremiah 3:17

Nónenh nètho ienkáhewe, Jerusalem ne enkonhwahnahthónkwahke ‘Né ne Roiá꞉ner raonitskwáhra,’ tánon onhkwetahkwékon thóhʼnónhwe nenhonteró꞉rohke nahiontsénnaien. Thaʼnonhʼiahónenh éhtho tahonshahatiʼiéren ne tsi nihonerhiasahnírons ó꞉ni ronnerhiasátʼsens tsi nihiakoró꞉ris ne ronnerhiáne.

Jeremiah 31:12

Kwáh tentʼthónʼne tánon tenhatiʼriwáhkweh naʼthonnharáhtshera ne tsi iononhtáhereh ne Zion tánon ne enhontsennonhniáthaʼkwe tsi nenhkhehiawíhon— enkhenahtsiawíhon óni ne iaʼkenʼiehwáhtha kénhie, enkheʼnaskwahwíhon ne teiotinahkarontónʼa óni ne tionónhskwahrons. Kwáh enthonenhiotónhake tsi enhonahtennisehraʼténionʼke tsi ní꞉ioht ne kwáh konwahtiʼnekanónhten ne kahéthaien; kwáh tsi nahó꞉ten ne tahonahthonwenhtsioníhaʼke kwáh akwékon enhathiʼiéna.

Jeremiah 48:47

Ók tsi nienwahtennisehríheʼwe ne Roiá꞉ner kwáh shé꞉kon enshakwaʼtshésten ne Moab. Kwáh oriwahkwékon kí꞉ken tsi nahó꞉ten ne Roiá꞉ner ráwenh tsi nenhiohiátawenh ne Moab.

Jeremiah 49:39

Ók nonàhken entewenhnisehraʼténionke ensekʼkwahthá꞉ko ne raoʼnahtsokowáhtsheras ne Elam ráton ne Roiá꞉ner.

Jeremiah 51:44

Tánon kwáh entréwahte ne Bel né꞉ne Babylon aoní꞉io, tánon ensetʼtháko ne kahshá꞉kon tsi nahó꞉ten iehioʼnhekwáhnon. Nonhkweshón꞉a iáh ónenh shé꞉kon thatahontáien nahonshaʼkonhwahsénhnaien. Ne tsi wahtenhenró꞉thaʼkwe ne Babylon karehniénton.

Ezekiel 38:16

Ieshehiatsathónti nakonhkwetaʼshón꞉ʼas Israerʼró꞉nons tsi ní꞉ioht ne kawerowáhnenh tehiahontsihiakhonhátse. Nónenh ienkáhewe, Ienkonhiaténiethe niasehnenhrénhten nakonhontsákes né nahónton nasehnésten nonhkweshón꞉ʼa ónhka Í꞉i, naséhnesthe natiatatokentítshera tsi nenhkátiere ne sonháke.

Ezekiel 40:2

Tsi honkatetʼtsénten Rawenni꞉io iahatiaténhawe tsi tiohontsáien ne Israel tánon ne kwáh tiotenónhthate thóh nónhwe iahakátʼkaʼwe. Nakʼkénhton wakatkátho tó꞉ka nihiotitsiókwahke kanonhshó꞉ton né teskahierónhtare ne kanatowáhnen.

Daniel 10:14

Tá꞉ke nakonʼnikonhraientáhten tsi nenhotiiá꞉tawen ne sonkweʼtaʼshón꞉ʼa ne tsi nienhénwe. Ki atetshénhsera né ne watró꞉ris tsi nahoténshon tá꞉we.”

Daniel 2:28

Ne ók ne Rawenni꞉io karonhià꞉ke thén꞉teron, raónha rotáhshions ne kariʼwahséhtánion. Iatokaʼtén꞉ni Sanontí꞉io tsi neniá꞉wenʼne ne kenʼ eniótiehte. Ó꞉nen kiʼ enkonhró꞉ri ne atetshénhsera, tsi nahsatkáhtho tsi náhe séntahskwe.

Daniel 2:35

Kwáh óksaʼk né karístatsi ó꞉ni né ionawaʼtstahkarí꞉io, ne otsí꞉nekwahr karístatsi tekaiéston, kahwistarà꞉ken, tánon né ohwistanó꞉ron waʼtioʼteróntthoste tánon né tonsakaierontá꞉raʼne ne oʼkèn꞉ra né nó꞉nen kwáh í꞉ken tsi ioʼkèn꞉rote nó꞉nen iehwà꞉eks nakennhà꞉ke. Akwé꞉kon tsi iaʼò꞉te ienkáhawe, kwáh iáh thé꞉non thaonsakaieronníhake. Ók né otsténra tontontehiá꞉ron ionontowá꞉nen iahón꞉ton kwáh tsi niiohón꞉tsa tsi waʼkarhó꞉roke.

Daniel 2:45

Ne ki tsi nikéntonhs, tsi wahsatkáhtho né onén꞉ia tonnitstén꞉riaʼke tsi tionónte. Né ne kwáh iáh ónhka kenʼ thieiakoié꞉ren, tánon waʼtiaón꞉ko ne kaiaʼtón꞉ni né karístatsi ionnià꞉ton, tánon né otsí꞉nekwahr nikaristò꞉ten, ionawaʼtstaʼkarí꞉io, tánon ne kahwistarà꞉ken, ó꞉ni ne ohwistanó꞉ron. Rawenni꞉io ne roʼshatstenhserowá꞉nen iahró꞉ris Sanontí꞉io, tsi neniawénhseron tánon tsi nahò꞉ten tá꞉we, waʼkonhró꞉ri kwáh tsi ní꞉ioht tsi satetshénʼen, ó꞉ni takónnion tsi nahò꞉ten kentonhs.”

Hosea 3:5

Onakénhke ne Israerʼró꞉nons rahonhà꞉ke ne Roiá꞉ner Raotiní꞉io niensónhne tánon enhonwaiatísake, tánon ne Táwit raotinontí꞉io í꞉ken; ethò꞉ne enhothiteronhníhake rahonhà꞉ke ne Roiá꞉ner tánon kwáh enhatiié꞉na ne raoianerétsheras noná꞉ken tewenhniséronhte.

Zechariah 14:10

Kwáh atenahthakwé꞉kon, tsi nió꞉re ne Geba né꞉ne othorè꞉ke ne Rimmon nieniawé꞉nonh ó꞉ni entiè꞉ne, kwáh enkahtahkwarí꞉shionke. Jerusalem ienhioniashakethótahke ne tsi ionwenhtsá꞉ien ne aktónties; ne kanatowá꞉nenh ienkanihá꞉rahne tsi nió꞉re ne Benjamin tiotenhenrénton tsi nió꞉re tsi iatekahiosáhien tiotenhenrénton, thóh nón꞉we nohén꞉ton tiotenhenrentónhakwe, tánon tsi nió꞉re tkanikáhthote ne Hananel né꞉ne thóh nón꞉we ne ronnonhtí꞉io nihanekonhniátha notsí꞉tsa.

Zechariah 14:9

Ethò꞉ne ne Roiá꞉ner kwáh onhwenhtsiakwé꞉kon tsi enhonnonhtí꞉ioke; kwáh onkweʼtakwé꞉kon tsi enhonwahshén꞉naien tsi raónha ne Nʼi꞉io tánon ronwahienté꞉ri tsi ne shahoshén꞉na.

Zechariah 8:22

Iakotiohkowá꞉nen ó꞉ni rothishatstenhserowá꞉nens Jerusalem nienhón꞉ne nahonwahshennahién꞉na ne Roiá꞉ner Roshatstenhserowá꞉nen ó꞉ni enhionterén꞉naien nahathiié꞉na ne rahohiathateríhtshera.

Zechariah 8:3

Jerusalem niénske, nakenahthatokentí꞉ke, tánon thóh nón꞉we ienskeʼnhakérehke. Ne enkaientheresthákwen né꞉tho kanahtowá꞉nen ne ienáhkere tsi rohthiriwahtó꞉ken tsi nokwáh ní꞉i, tánon ne ionhniáhere né꞉ne Roiá꞉ner Roshatstenhserowá꞉nen raówenk enkonwahnahtónhkwake iononhthatokénhti.

Malachi 3:12

Eʼthó꞉ne kiʼ ne iakaontsaʼkehró꞉nonʼs eniesanaʼtónhkhwake satáhskats, aseʼkénh ní꞉se ne sonhontsà꞉ke kwáh enwatenatí꞉ioke neʼthó nón꞉we naienákereke, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs.

Numbers 24:14

Ne Balaam wahawénhase ne Balak, “Ónenh kíʼ thóh iénske tsi thatíteron nakonhkwetashón꞉ʼas, ók nohénton enskaténhti, enhkontohkáten tsi nahó꞉ten NʼIsraerʼró꞉nons tsi nenhonwatiʼiérase ne sonhkwetashón꞉has tsi niahawenonhátie.”

Acts 2:17

‘Kén kí néntiere nonàken entewenniseraténionʼke, ráthon ne Rawenni꞉io: kwáh entkawé꞉ron nakeshatsténhsera onkweʼtakwé꞉kon ahiakó꞉rane; né꞉ne sanekenteronhtsheraʼshón꞉as tánon ne sehioʼokón꞉as tionathonhwí꞉sens kwáh kí ienhatiriwakénhseke, ne ken nithotihónsas tionkweʼtashón꞉as thenʼonatieronhniónhase, tánon ne tionkweʼtashón꞉as ne thotí꞉ions kwáh enhonathetsenhá꞉ton naʼtetsénhseras.

2 Timothy 3:1

Sehiárak kwáh enwenthoráhtseke tsi nenwenniseroténseke nonàken tewenniserathénions.

Hebrews 1:2

nók kíʼ nonakènkha tsi niwenniseraténions raonháke ne roiénha nónwe nishonkwataránis. Raonháke nónwe nitsawénon tsi kashahánion ne kwáh tsík nahoténson, tsi nikáien ne Rawenni꞉io rohiatarákwen ne oriwakwékon ahowenkónweke ne tsi iehiótokʼte.

2 Tiér 3:3

Ne tiotserentákwen, kwáh teiontonwentióʼon naisewahnikonraiéntaʼne nonàken tewenniseráthes ótiakes enhontotashiónko ne tsi ronnónhne ne tiakoniarótaron ne kariwahétken ahskanéktshera. Kwáh ténʼiet tsi ieron

Revelation 11:15

Eʼthó꞉ne ne tsá꞉takhaton rarón꞉hiakeronon wahá꞉tatiste ne raowenk iehonrawatsta, tánon tsi nontontsaró꞉ko ne karonhiá꞉ke, rontón꞉nions, “Naonhnontiió꞉tshera ne tsi ionwenhtsá꞉te ne iahón꞉ton rahonhnontiiótshera ne Sonkwahiá꞉ner tánon ne Roiatarákwen, tánon raónha enthaniarotároke tsi nén꞉we ó꞉ni tsi niénhwe enkénhake.”

Revelation 20:4

Eʼthó꞉ne wakatkáto anitskwáras, tánon tsi niká꞉ien né꞉tho ratitskó꞉tons thonwaná꞉wi ne kakweniá꞉tsera ne tahatiiatórehte. Kwáh ó꞉ni waʼkéken tsi nihá꞉ti ne ronwaʼtiniaʼrhiát꞉khon ne tsi nihonwariwanirá꞉ti ne Ié꞉sos tánon ne raowenhnaó꞉kons ne Ní꞉io. Ne ronón꞉ha iáh ne tekonwashén꞉naien ne kaʼtsi noniowá꞉nen raohiatónhni tánon iáh teotiiená꞉on ne tahonwatikenkwaraiá꞉tonhke khóks ó꞉ni ne rontsá꞉nakes. Sahontonnhéte tánon waontkoráste tsi ní꞉iot ne ronhnontí꞉io skátne ne Kerístos ne énska tewenniawehetseráhsen niioserá꞉ke niká꞉ris.