Isaiah 2:12 - Ohiatonhseratokénti

¹² Asèken ne Sakoiá꞉ner ne ronterí꞉os ratironhiakerónons tsi rawenhniserahrákwen né sakokkónten ratikwékon ne iontatónhni tánon ne iakotatkowaná꞉ton ensakokkónten tsi niháti ne iakotatʼtharatáton tánon aiesenhnowanénhke;

Isaiah 2:12 ပူးပေါင်းရင်းမြစ်များ

2 Samuel 22:28

Asèken sesehniakénton ne kenhnihatisenhnása, ók eʼtàke sehsehiónhni tsi nihiákon ne iontatón꞉ni.

Job Tánon ne Raoronhiakensera 24:1

“Tsi nitsawè꞉non ne kariwentátshera tsi iáh tewaséhton raonhà꞉ke ne roshatstenhserowanenʼkó꞉wa; nonhtié꞉ren tsi niiá꞉kon ne ronwanorónhkwa iáh nonhwénton teiakotkáton ne kaianéren?

Psalms 131:1

Ó Saiá꞉ner wakatiakwahríhshion tsi nikatatónh꞉niʼkwe tánon tesewakatʼkaraténion tsi nikatatʼkowanáthaʼkwe. Iáh thaʼtekatatenikónhrarah ne iorihowánens khés norihwasónhas ne sóh꞉tsi waterihwenhtóre naʼkerihwáke.

Psalms 18:28

Í꞉sehse ne sahserót꞉tha natkasèhra; ne Roiá꞉ner, akeNí꞉io éhʼren waʼhahá꞉wite nakáwenk tetiókaras.

Psalms 37:13

Nók ne Roiá꞉ner shakosterístha ne rotiriwahneraʼákskon, asèken roteriéntare tsi enhonatenhniserók꞉taʼse.

Psalms 94:2

Téstan, Ó Serihwénhtha ne tsi ionwenhtsáte; taséhʼhion ne ronhthatónhni tsi natehonathénhtion!

Proverbs 16:5

Roiá꞉ner ráhswens nónhka iakotkenhronniá꞉tskon; iáh nonwén꞉ton thahatiʼniá꞉kenʼne tsi ahshakohré꞉wahte.

Isaiah 10:12

Nó꞉nen ne Roiá꞉ner enhá꞉sa akwékon ne raoʼiothénsera ne tsi ionónte ne Zion ó꞉ni thóh nón꞉we ne Jerusalem, kwáh kí enhoréhwate ne ratatkowahnátha tsi natehothaʼterénhsaron ne ronnontí꞉io ne Assyria tánon tsi nihothatóhare tsi nihanáʼie.

Isaiah 10:33

Satkátho, ne Ronnontí꞉io, ne Sakoiá꞉ner ne ronterí꞉ios Ratironhiakeró꞉nons, kwáh enhanhatoskarónko ne énratsʼte ne iótʼteron kashatsténhsera; ne kwáh tkaróntes enkahiákon, tánon ne iontató꞉hara ehtàke entiónton.

Isaiah 13:11

Í꞉i kwáh entréhwaʼte ne tsi ionwenhtsá꞉te ne enkarihónhni ne kariwahét꞉ken, tánon ne rotiriwáneren ne tsi nihotirihwáneren; Ní꞉i kwáh ientsiástsi rononhá꞉ke ne ratináies ne rontatkowanáhtha; tánon èhʼtake enkheiónhni ne iáh tehonatehenseráien ne ratinataká꞉riaʼks.

Isaiah 13:6

Satsitówak, asèken ne rawenhnísera ne Roiá꞉ner ákta í꞉wes; tsi nènhtewe kwáh né꞉ne atkaronhniátsera thóh nitsawénon ne roshatstenhserowanénhke!

Isaiah 13:9

Satkátho, ne rawennhnísera ne Roiá꞉ner í꞉was, kaniakasténsera, ne kenikwékon ne ateriaʼtitkhóntshera tánon ne teiotenonhianíton kanakwáhtshera, ne enhiónhniaʼte nohóntsa iáh othènen tahonsakastátonhke, tánon nahiakótonhte ne iakorihwáneren né thóh ratinákere.

Isaiah 14:15

Ók iehiesaiaténton ne tsi tionhontsá꞉ien ne kenhé꞉ion, tsi nón꞉we ne kwáh tsiosónhwes.

Isaiah 23:9

Né Sakoiá꞉ner ne ronterí꞉ios ratiʼronhiakeró꞉nons rotenikonhrónhni— tsi enhentátsate ne kanaiésehra akwékon ne kaiatanerakwáhtshera, nasakotéhate ratiʼkwékon ne tehatirénhsaron ne tsi ionhontsáte.

Isaiah 24:21

Ne thóh entewenhniseráteke ne Roiá꞉ner kwáh ensakoréwaʼte ne ratironhiakeró꞉nons thóh karonhiáke, tánon nonwenhtsáke ne rotinontí꞉ios ne tsi ionwenhtsáte.

Isaiah 24:4

Né tsi watonhwenhtsá꞉te wahotsiʼióhaʼne tánon wahoshatstenserón꞉ti, ne thonattsenhnates ne tsi watonwenhtsá꞉te wathontonhnaténi; ne tsi karonhiáte wahoshatstenhserónhti ská꞉ne tsi ionwenhtsàte.

Isaiah 40:23

rahónha tesakohiaténtha ne rontiʼnontí꞉ios ne iáh othènon tahatiʼrihwakwéni, tánon ne sakahónhnis ne ratiʼkorá꞉sons ne tsi ionwenhtsáte tsi ní꞉ioht ne iáh othènon thahatiʼrihwásthaʼke.

Isaiah 42:15

Kwáh enkerihwaiésate ne tsi ionhnontarónhnions ó꞉ni tsi ionhniarónhnions, tánon enstatʼthá꞉te nahotiʼientʼthó꞉tsheras; kwáh né iatentʼkaraténiaʼte ne tsi kaniatarénions ne kawenhó꞉tons ahónton, tánon enstátʼthate tsi kanekón꞉nions.

Isaiah 5:15

Nonhkweshónhas ronhwenhnonniénhni ne tahontsakéte, onhkweʼtaʼkwé꞉kon tsi ehʼtàke ronhwenhnón꞉ni, tánon tsi natehatiʼkanerónhnion ne hiontatónhni kwáh ronanitènhton.

Isaiah 61:2

nakerihó꞉wanahte nenhiosehráteʼke né Roiá꞉ner tsi nihorá꞉kwen, tánon ne tewenhniserónh꞉te ne raoʼnakwáhtshera ne onhkwahʼNí꞉io; né naʼkhenikonhraníraʼte ratiʼkwékon ne ronatʼtiónhnion;

Jeremiah 12:9

Ne khehiataráhkwen nónhkwe thóh nihatihiató꞉ten tsi ní꞉ioht notsiténha kwáh tsík nitsiotseráhton ne ákweks tsi iahakotsiatónni. Iaséhnonhk ne kontírhios nahontahkónʼne kontiátahre tsi akonthekhónni!

Jeremiah 13:9

“Éthoh kíʼ ní꞉ioht tsi enkhehiáthonʼte ne Judah ó꞉ni ne Jerusalem né tsi nitsatatónni.

Jeremiah 30:7

Tehiahonniserahnónhiani tháwe; iáh nóhia nawenhnísehra tahónton ne taiéron— iakáhewe ne tahonnikonráhren nakonkwetahshón꞉a, ók kíʼ enhathiniákenʼne.”

Jeremiah 46:10

Ne kí꞉ken ne rawenhnísehra ne Ronnonhtí꞉io Roiá꞉ner Roshastsʼtenseroʼwáhnen: ónhwah wenhnisehráhte kwáh enshaʼkáhrhiaʼke; ónhwa wenhnisehráhte kwáh enshakoréhwahte ne ronhwáhsons. Ne rahoshaʼrekówah kwáh enhiakohiathakári tsi nióre iaʼtenhiohiériseh, tánon enkahnekírah ne raoʼtinhekwénhsa tsi nióre iaʼtenhiohiériʼse. Ónhwa wenhniseráhte ne Roshastsʼtenseroʼwáhnenh shaʼkotsiatatʼtsaháthon ne shaʼkowénhthon ne ne othoréhke nokwáhti ne tsi kaniatharahtátsie ne Euphrates.

Jeremiah 50:31

“Satkátho, í꞉ih ne tetsiatátʼtions, ó sehwahnáhie tiónkwe, ráton ne Roiá꞉ner, ne꞉ne Roiá꞉ner Roshastsʼtenseroʼwáhnen, ne senhnísehra ne karewahtáhtshera ónenh ónhwe.

Ezekiel 13:5

Iáh tehatinikónhrahre tsi nonhwéson nasóntas tehioréhnion, iáh ó꞉ni teshatikwahtákwahs nasontasónhas, tánon káti ne Israerʼró꞉nons iáh tahatikwéni nahontahonthátehne nónenh nateriʼiósehra enwáhwe ne Roiá꞉ner rahwenhnísehra.

Daniel 4:37

“Ó꞉nen káti, í꞉i, Nebuchadnezzar, enhihsénnaien, tenhirénhsaron, ó꞉ni enhiiatanehrákwahte né Ronnontí꞉io né Karonhià꞉ke Thèn꞉teron. Kwáh tsik nenhá꞉iere akwé꞉kon tkarihwaié꞉ri ó꞉ni thoriwaié꞉ri, tánon ó꞉ni enhakwé꞉ni ne tahshakawentshó꞉ten ónhka ne iontatón꞉ni.”

Amos 5:18

Ionikonrát꞉sat asè꞉ken ní꞉se nesewaskáneks ne rawenhní꞉sera ne Roiá꞉ner! Nontié꞉ren tsi tesewatonhontsó꞉ni ne rawenhní꞉sera ne Roiá꞉ner? Kwáh tetiò꞉karas, iáh thateioswát꞉te;

Micah 2:3

Ne káti aorì꞉wa rá꞉ton ne Roiá꞉ner: Ó꞉nen, kíʼ wakateʼnikonronhnihátie tsi nokwáh kí꞉ken kawatsiratsénskwah né꞉ne iáh taskwé꞉ni tashateniaróhetste ne satsienhthaniátsthakwa; tánon iáh tahonshasathatónhnike, asè꞉ken kwáh karihwahétken enkénhake ne nenhkahá꞉wike.

Micah 5:11

Tánon Kwáh enkenatatontánion ne sahnatowá꞉nens ne shonhontsà꞉ke tánon ehʼtá꞉ke enwakatiéserons ne tsi sathenhenró꞉tons ne tesanatanát꞉tons.

Zephaniah 1:16

ne enwenhniserontákwen nahiehonhráwate tánon sotar ateriiosera ratiwenhnote ne wathenhénrote ne tekanatanákton kanatowanénhhke tánon ne tsi tekahiosakérons kanikató꞉tons.

Zephaniah 3:11

Ne é꞉tho enwenhniserá꞉teke, kwáh iáh tesatehénsehke nakwé꞉kon tsi nisahiothénhen ne tsi thóh nitsawéhnon tsi wasehrihwanérake ne tsi naskatkónten; asè꞉ken ethò꞉ne kwáh é꞉ren enkheiathenháwite ne sewanenhrí꞉hen ne ionhtatón꞉ni ne iontaʼtsenhnakaráhtats, tánon iáh shé꞉kon nahonsashatatkowánenhke nakenonhtatokentíke.

Malachi 4:1

Satkáhtho, nenhnísera tá꞉we, iotékha tsi ní꞉ioht ne iontenaʼtarontáhkhwa, nó꞉nen ratikwé꞉kon ne rontatkowanáhtha tánon ratikwé꞉kon ne karihwahétkenʼs rotiióʼtens kwáh kawá꞉ʼeh enhón꞉ton; nenhnísera ne én꞉wawe kwáh kiʼ eniakotiaʼtátsaʼahte, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs, ká꞉tiʼ kwáh iáh tshiaʼtaonsahonwanèn꞉rahse nohté꞉ra khehs nʼonhateshón꞉ʼa.

Malachi 4:5

Sewatenʼnikón꞉raren, kwáh enthiiaténniehte ní꞉se sewarihwá꞉ke ne rotokénhse Elijah nohén꞉ton ne wenhniserowá꞉nen tánon teiaonhniseranón꞉iani rawenhnísera ne Roiá꞉ner á꞉onwe.

Matthew 23:12

Aseken nenhatatkonnienste enhonȣakenron nok nenhatatkenron, enhonȣakonnienste.

Luke 14:11

Aseken ehtake niienhentsien ne iontharatasts, nok enhiontharatate ne iontatkenronni.

1 Corinthians 5:5

ranesonrónon tsi sewahtiakwarísien kí꞉ken rónkwe onhʼnaiáwenhne ahkariwahthónʼton tsi rón꞉ne, ne nahónton ne raotónnhets ahkaniákenʼne nen tewenhniseráhteke nónen téntʼre ne Roiá꞉ner.

1 Thessalonians 5:2

Asè꞉ken kwáh iatesewahiáti kwáh ioiánereh tsi sewahteriéntare wáhi nónen téntre ne Roiá꞉ner thóh nenʼiáwen꞉ne tsi ní꞉ioht ne ranénskwahs ensakohnonsórenʼne tsi niwahsóntes.

Ne꞉ne Sák Rohiaton 4:6

Nók nataniténron tsi nitatkáwas ne Rawenni꞉io sénha neh kasátsʼte. Tsi niwáton noʼiatonseratokénti, “Ne Rawenni꞉io sakonenrotánis ne hiontatónni, nók sakoténras ne ne ehtáke iakotatónh꞉ni.”