Isaiah 17:9 - Ohiatonhseratokénti

⁹ Né thóh entewenhniseráte ne kashátstes raoʼtinatasónhas kwáh thóh nenhiotónhake tsi kí niʼhonatewenhtétons ne kará꞉kons ó꞉ni nonhoteharakéshons Hivró꞉nons tánon ne Amorʼró꞉nons, tsi niʼhonatewenhtétons ne rotirihonhníhon ne ratiksaʼokónhas Israerʼronónke, tánon kwáh kí enwatenataiétsha.

Isaiah 17:9 ပူးပေါင်းရင်းမြစ်များ

Isaiah 17:10

Asèken ní꞉se tsiatanikonhrénhen ne Ní꞉io ne ne sahiatakenátshera í꞉ken, tánon iáh tesèhiare nosténhra ne tsi sathasehtákwah; né kí aoríhwa, iawerohátien tsi ne saientʼthótons ne kahonwarí꞉ios tánon sakwahtakwenhátons ne kaiataterítsheras ne raotirihwákes ne tiʼononhontsátes niʼioʼokónhas,

Isaiah 17:8

Iáh kí nènhne꞉e tshiaʼtahonsahontkáneren ne ieʼtsenharakwáhkes, né꞉ne ratiʼtsanákes iosahánion, tánon iáh ne thaʼtahontkáneren tsi nahó꞉tens ne ratisnonsákes ióhsons, khés ne iotokéntis kanawahataʼshónhas khés ne ietsenharakwákes tsi nihontsiahátha ne wenhnekerá꞉kon.

Isaiah 27:10

Asèken ne tekanatanaktonhkwe nek khok iatetsó꞉thatenhron, nètho ratinakerekwe ró꞉nanahkerakwen tánon ronatewenteton, kwáh né꞉ne iahonwenhtsiát꞉thenhake í꞉ken; thóh nón꞉we ne tionhnonskwahrons owí꞉ras nikontihontats, thóh kontenaskwahiens, tánon enkontinahtoskaronhko nahonhatasonhas.

Hosea 10:14

Ne káti aorì꞉wa tsi niioritstá꞉re nateriióhsera kwáh kí ienhonwanatiaʼtón꞉ti ne shonkweʼtashón꞉as, tánon akwé꞉kon ne sathenhenrashón꞉as enkarihwéntʼthonke, kwáh kí tsi ní꞉ioht ne Shalman tsi sakotónhton ne Beth-arbel ne tewenhniserátekwe sahonterí꞉io ethò꞉ne ne kaʼnisténhseras sakonwatihiaʼtaratiónko skátne nakotiioʼokónha.

Amos 7:9

Ne tsi ionhnontarónhnions tsi nón꞉we ne Isaac raowá꞉tsires nihonterenhnaientáhkwa kwáh ki enkarihwentʼtonhke, tánon ne raotinonsatokentikowátʼtions nʼIsraerʼró꞉nons kwáh ki eʼtake enwatiónke, tánon kwáh kí iekehiatsiatónhti ne rahonkweʼtashón꞉as ne Jeroboam asareʼkó꞉wa én꞉katste.”

Micah 5:11

Tánon Kwáh enkenatatontánion ne sahnatowá꞉nens ne shonhontsà꞉ke tánon ehʼtá꞉ke enwakatiéserons ne tsi sathenhenró꞉tons ne tesanatanát꞉tons.

Micah 6:16

Asè꞉ken ne sateweiénton ne raoianerénhseras ne Omri tánon akwé꞉kon tsi nikahiothenseróhthens ne raonónskon káien ne Ahab, iaskóntakwe ne waʼtsere tsi nihatiweienó꞉tens. Né kíʼ aorì꞉wa kwáh kíʼ karihwaieshá꞉tshera enkonionniáte, tánon ne skátne sewanákeres ne enhieshón꞉niate taiesahtienhónhase; káti í꞉se ensatkéthate ne kakenronhniá꞉tshera nakonkweʼtashón꞉as raotirihwà꞉ke.

Micah 7:13

Ók ne tsi ionwenhtsá꞉te kwáh karihwaiesáhtshera enkénhake, ne ne ratinákere enhatirihón꞉ni; asè꞉ken ne naokarhiá꞉tshera tsi nihatiweienó꞉tens.