Isaiah 17:3 - Ohiatonhseratokénti

³ Ne tekanatanátʼtons nʼosténhra kwáh thenwáton ne Ephraimke, tánon ne kanontiʼiótshera aoshatsʼténsera ne Damascus; tánon ne iaʼthenhonataténronhke ne Aram kwáh kí thóh nenhiotónhake tsi ní꞉ioht ne rotiʼhiatanerákwat ne ratiksaʼokónhas NʼIsraerʼronónke, rá꞉ton ne Sakoiá꞉ner ne ronterí꞉ios ratiʼronhiakeró꞉nons.

Isaiah 17:3 ပူးပေါင်းရင်းမြစ်များ

2 Kings 16:9

Né Tiglath Pileser, tsi watorihwaserákwahse ne Ahaz; iahanénhrihne ne raoʼtsiókwah ne ronterí꞉ios niasakotiatónhti ne Damascus, wahaiéna kíʼ, wahononwariákon ne Ronnontí꞉io Rezin, tánon nonkweʼshón꞉as Kir nón꞉we niashaʼkoiaténhawe tsi washakonóton.

2 Kings 17:6

né꞉ne tiotónhaton siʼioserakehátie shiʼhonontí꞉ioʼkwe ne Hoshea, né꞉ne Assyriaró꞉non ronhnontí꞉io wahaiéna ne Samaria, Assyria niashakoiaténhawe Nisraeʼró꞉nons nahonwatinó꞉ton, tánon ótiakes tsi kanatowanénhke ne Halah nón꞉we nashakóteron, ótiakes ó꞉ni tsi Konrarós꞉tha Kaniataratátie né tsi watonhontsáien ne Gozan tánon ótiakes tsi kanatowánens ne Media.

Isaiah 10:9

Iáh kèn ne Calno kwáh né꞉ne Carchemish akénʼhake? Iáh kén ne Hamath kwáh né꞉ne Arpad akénʼhake? Iáh kén ne Samaria kwáh né꞉ne Damascus akénʼhake?

Isaiah 16:14

Ók kí nón꞉wa ne Roiá꞉ner rá꞉ton, Né áhsen niʼioseráke niʼió꞉re, kwáh thóh nenhioserothénhake tsi ní꞉ioht ne ranhátshera, ne raoʼiatanerakwáhtshera ne Moab ehʼtàke enhionhníhake skát꞉ne tsi nihonatsiokowáhnen neh ratinákereh; tánon ne wahakotátere kwáh kénk nentsakónhake tánon iáh tahonsahatishátsteke.

Isaiah 17:4

Ne thóh enwenhniseráte ne raoʼiatanerakwáhtshera ne Jacob kwáh kíʼ ehʼtàke iénhenwe, tánon ne ióresen tsi rowahrá꞉re kwáh enwátiwe.

Isaiah 25:2

Asèken né wasónhniaʼte ne kanatowanénhke naiotsʼtohkótane, tánon ne watenhenraiénʼtakwe ne tekanatanákthonhkwe ioriwénhtahon; ne tsi rotinonsó꞉ton ne kenkthithonénon né꞉ne thóh kanátakon iáh kí ó꞉nen teskahnátaien, kwáh iáh nonwénhton thahonsahionhníhake.

Isaiah 7:16

Asèken nohénton ne raksáha ahoteriéntarane onhní꞉ioht tsi aharihwáson ne wahét꞉ken tánon ne ahataterákwahse ne ioiánere, nonhóntsa ónka kíʼ teninontiʼioseráke ní꞉se iesateronkwénhnis kwáh kíʼ enhonwanakerakwáhte.

Isaiah 7:8

Asèken naʼonón꞉tsi ne Syria né꞉ne Damascus, tánon ne aʼonón꞉tsi ne Damascus né꞉ne Rezin. (Ohénton ne iáhʼiak nenhioserásenhke ne Ephraim kwáh thenhonwanattókwahte, iáh ónhkwe tahonsakénhake.)

Isaiah 8:4

asèken nohénton ne raksá꞉ha ahoteriéntarahne nahénron “Rákeni” khés “Nisténha,” nahokwahséhtsheras ne Damascus tánon tsi nikanenskwenháton ne Samaria kwáh kí ienhá꞉hawe ne Assyria ronnontí꞉io.

Hosea 1:4

Tánon ne Roiá꞉ner wahawénhase, “Jezreel tienáhtont; asè꞉ken iáh takarihwé꞉sonhke kwáh enkheré꞉wate nonkweshón꞉as ne Jehu nón꞉we né꞉ne Jezreel raonekwénhsa entkarihón꞉ni, tánon kwáh ientsiástsi ne raotinakeráhsera nonkweshón꞉as Nisraeró꞉nonke.

Hosea 1:6

Ne Gomer shé꞉kon ó꞉ia saiowiraiéntane iekshá꞉a nón꞉wa. Ethò꞉ne ne Roiá꞉ner wahawénhase, “Lo-ruhamah shenátont, asè꞉ken iáh kí ó꞉nen shé꞉kon tahonshaketenhre nonkweshón꞉as Israerró꞉nonhke khés nahonshakhenikonrénhse.

Hosea 10:14

Ne káti aorì꞉wa tsi niioritstá꞉re nateriióhsera kwáh kí ienhonwanatiaʼtón꞉ti ne shonkweʼtashón꞉as, tánon akwé꞉kon ne sathenhenrashón꞉as enkarihwéntʼthonke, kwáh kí tsi ní꞉ioht ne Shalman tsi sakotónhton ne Beth-arbel ne tewenhniserátekwe sahonterí꞉io ethò꞉ne ne kaʼnisténhseras sakonwatihiaʼtaratiónko skátne nakotiioʼokónha.

Hosea 3:4

Asè꞉ken nʼIsraerʼró꞉nons wé꞉so wenhniserá꞉ke iáh tahonsaotinontiiotsheraiéntake iáh ó꞉ni ne sakotihenthénse, iáh ó꞉ni thahonsahontsienkwahronhniá꞉take iáh ó꞉ni tahonsahonón꞉ni ne iotokénhtis kanawahátas, ne iáh káneka tahonhnésehke ne ephod khés ne teraphim.

Hosea 8:8

Ne Israel iekonwatsatanekwáhnon; ón꞉nen ská꞉ne ratinákere ne tihononhontsá꞉tes kwáh iáh othé꞉nen tehatiriwástha tsi ní꞉ioht ne ohtsetós꞉kon.

Hosea 9:11

Ephraim ahohiatanerakwáhtshera kakʼtsathenkáten tsi ní꞉ioht notsiténha— iáh tahonsahiakotinakerátstha nowirá꞉ʼa, iáh ó꞉ni thakontá꞉wa nahiotiwiraién꞉taʼne, iáh thahonsónton nahiotiwiraién꞉taʼne!

Amos 8:14

Tsi niiá꞉kon né꞉ne konwarihwanirá꞉ti ne kaiatónhni Ashimah ne Samaria nón꞉we, tánon iónton, “Tsi nirónhne ne saní꞉io, O Dan,” tánon, “Tsi ní꞉ioht tsi ronón꞉nhe ne Beersheba”— kwáh kí enhatihiatsenénhne tánon iáh nonhwénton thatahonsahatí꞉tane.