Isaiah 17:2 - Ohiatonhseratokénti

² Ne kanatowanénke ne Aroer kwáh iakotewenhtéton ne tsi nènhwe enkénhake; thóh nón꞉we nehionatʼtótake ne kontiʼtshénens aotiʼrihwàke, thóh nón꞉we nenhkonʼtenaskwahientáʼkwahke, tánon iáh ónhka takonwatiʼterónhkwen.

Isaiah 17:2 ပူးပေါင်းရင်းမြစ်များ

Job Tánon ne Raoronhiakensera 11:19

Ní꞉se ensatsiatiónhnite, tánon iáh ki tahisaterónh꞉sheke; iakotiohkowá꞉nen thentsiontsátate ne sahiathaterí꞉tshera.

Isaiah 27:10

Asèken ne tekanatanaktonhkwe nek khok iatetsó꞉thatenhron, nètho ratinakerekwe ró꞉nanahkerakwen tánon ronatewenteton, kwáh né꞉ne iahonwenhtsiát꞉thenhake í꞉ken; thóh nón꞉we ne tionhnonskwahrons owí꞉ras nikontihontats, thóh kontenaskwahiens, tánon enkontinahtoskaronhko nahonhatasonhas.

Isaiah 5:17

Eʼthòne ne teiotinakaronhtónhas owirasónhas kwáh thóh nón꞉we nenkonhtihontáke tsi ní꞉ioht ne tsi konwatiterontáhkwa, ne konwanaresénhston ne teiotinakaronhtónhas owirasón꞉ʼahs thóh nón꞉we nathenhonskáhon tsi nikariwentʼthóhseron.

Isaiah 7:21

Né thóh entewenhniseráteke saiáta kwáh enhanónsthate nahiónhneke ne nitsonaskwahiónha tionhnónskwahron tánon teniʼiáse kaiatákeras,

Isaiah 7:22

tánon kwáh ne enronhnhékwen ne teiotenioʼkwahkwenónhni onón꞉ta tsioríhwa tsi niiawetatʼtsáni káien nonónhta nètho thonatkáwen; asèken tsi nihiákon ne iateiakotathénron ne tsi ionhontsáte kwáh kí ne enhónnheke ne teioteniokwahkwenónhni onónta tánon notsinakontakwáhne otsikhéta.

Jeremiah 48:19

Ne tiónkwe ne Aroer sehwahnáhkere ohwahák꞉tha tesehwáthan nahisehwateróhroʼke. Tehotihenréhtha shaʼkotiriwahnonhtónnis tsi nihiákonh hiakotekwenhátie ne Moab nonhtáhien onhnonhtahiáwenhne?

Jeremiah 7:33

Nawenhʼheiónthas né raotíkhwa enkénhake notsitenʼokónhas tánon ne konhtírhios, tánon kwáh iáh ónhka thakonwahthiterónkwen ne ahéren akonhnéthe.

Ezekiel 25:5

Kwáh né enkón꞉niate tsi kanató꞉wahne ne Rabbah thóh nónhwe nakonhwathiteronhtákwahke ne iotiniakwáhere, tánon ne tsi kanakerahsehráien ne Ammon thóh nènhʼne nónhwe ne teiotinakaronhtónhʼa nenhkonhwahtiʼteronhthákwahke, ne káti nahisehwateriéntarane tsi Í꞉i ne Watiá꞉ner.

Ezekiel 39:26

Nónenh shé꞉kon ensatináhkereke rahotinonhsthatsherákon ne rahononhontsáke, ne kwáh iáh ónhka tahonsahonwahthiterónhkwe, enhathikwéni nahonsahotinikónhren tsi ní꞉ioht tsi ronhwahnateháton ne tsi hionkahtewenhthéton.

Micah 4:4

Ók ratikwé꞉kon aonenhró꞉kon enhóntien tsi watenenharí꞉seres tánon ne tionnionwarontonhakó꞉wa, tánon iáh ónhka tahonwatiʼterón꞉kwen; asè꞉ken né꞉ne Roiá꞉ner Sakoronhiakeró꞉nons kí꞉ken rothatí꞉hon.

Zephaniah 2:6

Tánon ne tsi niwatenáskwah ne kaniataraktónhtie kwáh thóh nón꞉we nenhtsiónhtsien ne teiotinakaronhtón꞉a sakotinikónhrare, tánon thóh nón꞉we nenhkonhwanatenhenrónhnien ne kontiʼtshé꞉nens.

Numbers 32:34

Ne rahotitsiókwas ne Gad sahatiʼkwahthakwenháton ne tekanathanáʼtons osténhra né Dibon, Ataroth, Aroer,

Deuteronomy 2:36

Ne Roiá꞉ner ónhkwa Ní꞉io washonkwahríhon naiakwaiéna akwé꞉kon ne kanatowá꞉nens né꞉ne Aroer tontáshawen, ne tsi ieiò꞉te ne Arnon Awenhrá꞉kwakon, tánon ne kanatowanénhke ne kwáh asénhnon í꞉ken nahonráhkwakon, kwáh tiahónwe ne Gilead. Iáh ne skaná꞉ta tiaʼtekaié꞉ri tsi nahiotenhenraʼní꞉ronhke nonkwahrì꞉wake.

Deuteronomy 3:12

“Nó꞉nen sahakwaʼtié꞉nawatste nonhóntsa, né꞉ne Reuben tánon ne Gad nahotiʼtaró꞉tens takhé꞉ion né꞉ne kanakerá꞉sehra nothorè꞉ke nokwá꞉ti tsi kaná꞉taien ne Aroer ákta ne Arnon Kaniataratátie tánon iowénhte ne tsi ionónhte ne Gilead, tshiewakwé꞉kon ne kanataʼsónhas.

Joshua 13:16

Ne rahotinakeráhsera iéhio ne Aroer (né꞉ne tsi ieiotʼthe ne Arnon ahonráhkwakon) tánon ne kwáh asénhnon nón꞉we nikaná꞉taien né꞉tho ahonráhkwakon ó꞉ni thóh í꞉kare akwé꞉kon ne ionhthonhontsakwahríhshion aktónhties ne Medeba.

Joshua 13:25

Ne rahothinakeráhseras eʼhí꞉kare ne Jazer ó꞉ni akwé꞉kon ne kanatowá꞉nens ne Gilead, satehiohontsí꞉ien ne Ammon tsi nió꞉re ne Aroer, né꞉ne tsitʼkarahkwí꞉nekens nokwá꞉ti ne Rabbah;