Isaiah 11:3 - Ohiatonhseratokénti

³ Né raotonnhará꞉tshera thóh nón꞉we nenhiothaʼténronʼke ne Roiá꞉ner. Iáh né thaʼtahaiatoréhtaʼkwe tsi nahó꞉ten ratʼkáthos ne rakaràke, khés né꞉ne tahahiatoréthaʼkwe tsi nahó꞉ten rothóntes ne rahontàke;

Isaiah 11:3 ပူးပေါင်းရင်းမြစ်များ

2 Samuel 14:17

Ne sanhátsera wahé꞉re, ‘Ne raowénhna Natiá꞉ner ne ne ronnontí꞉io kwáh enhakateriswénhtoseʼ; asèken natiá꞉ner ne ne ronnontí꞉io kwáh neh teshiatié꞉ren ne raoronhiakeró꞉non Ní꞉io, ieharíhwakens ne ioiá꞉nere tánon ne kariwahét꞉ken. Ne Roiá꞉ner Saní꞉io kwáh senikweʼkónhak!’”

2 Samuel 14:8

Ehʼthóhʼne ne ronnontí꞉io warénhase ne iónkwe, “Wáhs tsi sanónshote nionsáhse, tánon í꞉ih enkateriwathéntiaʼte ne sariwashón꞉ʼahs.”

1 Kings 3:28

Nó꞉nen nonhkweshón꞉as Nisraerʼró꞉nonke saherihwáronhke tsi natehohiatoréton ne Solomon, kwáh ratikwékon wahatiʼhiathánaʼne tsi nahonwakwéniensʼthe, tsioríhwa ronateriénhtare tsi Rawenni꞉io thó꞉wi ne atenikonhratʼthokhátsera naharihwakwahtáko nahioianeréhake nahó꞉ten ne tekanikónhrare.

1 Kings 3:9

Káti táskon ne atenikonhratʼthokhátsera ne tewakathonhontsóni nakhehiatʼkórasʼthe ne shonkwetaʼshónhas né꞉ne kaiáneren tánon nahonkateriéntaraʼke tsi naʼtetʼtsatʼthíhen ne ioiánereh tánon ne karihwáksenh. Tó꞉ka iáh, ónh ní꞉ioht tsi akʼkwéni nakhehiatkórasʼthe kíʼ eh nihonatsókwah shonkwetaʼshónhas?”

Job Tánon ne Raoronhiakensera 12:11

Iáh ken nohónta tewatewenhnatkénhse Kwáh kih tsi ní꞉ioth ne iesá꞉kon tsi niwatkénhse ne kákhwa?

Job Tánon ne Raoronhiakensera 34:3

asè꞉ken nohón꞉ta ioteniénhtha nowenhnaʼshón꞉as tsi ní꞉ioht ne iesákon watkonhonseratkénhse ne kákhwa.

Proverbs 2:5

Tókaʼ tho nénhshiere, ensaterién꞉taraʼne nahò꞉ten kén꞉ton nahtshetshà꞉nike ne Roiá꞉ner, tánon ensaterihwahténtiaʼse nahtshientéhrhaʼne ne Rawenni꞉io.

Proverbs 2:9

Tókaʼ enhskwatahónhsatate, ensaterién꞉taraʼne nahò꞉ten tkaié꞉ri shaʼténhshiere tánon ne tkarihwaié꞉ri. Ensaterién꞉taraʼne tsi nénhshiere.

Isaiah 33:6

kwáh rahónha enhiaienáwaʼse tsi nenhsenhteniseraténionʼke, enhiawetowánenhke ne kahiatakenátshera, atʼthokhátshera, tánon ne karihonhnienhnítshera; nahonwaʼtsianísehke ne Roiá꞉ner né꞉ne Zion aotsokowáhtshera í꞉ken.

Ezekiel 45:8

Kí꞉ken iokwénhrare raónha raówenk enkénhake ne rotkoráston tsi ionhontsáien ne Israerró꞉nonhke, ne káti ne tó꞉sa ónenh ahonshasakoronhiákente nonhkweshón꞉ʼa, ók enshakoríhon tsi kanakerahseráien né ahonawenhkhónweke ne rathitáraien ne Israerró꞉nonhke.

Micah 4:3

Kwáh rahónha tesakohiatórete tsi natehóntere ne iakotiohkowá꞉nen onkweshón꞉as. Ensakotewenhnaiéntonwe ne ratiʼshátstes nonkweshón꞉as nahí꞉nonh nió꞉re í꞉tken; né enhononhniate ne raonasareʼkó꞉wa ne ietarakarathós꞉tha aotsiweiónhtha, tánon ne raonahshí꞉kwahras iontkwirhiá꞉tha né꞉e enhononhniáte; nonkweshón꞉as iáh ó꞉nen thatahonsahónhnekwe ne raonasareʼkó꞉wa niasakonatsatónhti nonkweshón꞉as, iáh ó꞉ni ó꞉nenh thahonsahontéweienste naterihió꞉seras.

Luke 2:52

Nok ne Iesos attokhatserakon tsi roteiarontie, nok ateriȣakȣarisiontserakon rahohenton ne Niio oni nonkȣeokon.

John 2:25

Nok oni tsi iah teresakskȣe onka nonkȣe ahonȣariȣaniratse: aseken akȣekon raienteri tsini iakaȣeriasotens nonkȣe.

John 7:24

Tosa neok teseȣaiatoret tsiniiot tsi kaieronni, neh tanon tehseȣaiatoret tsinitkariȣaieri.

Hebrews 5:14

Ne iokhwáh ní꞉ron, né꞉ne ne iakotehiáron akówenk, tsi iakoweientetáhon eniekwéni tahiekháshion tsi natetsátere ne iohiánere tánon ne wahétken.

1 Samuel 16:7

Ók kiʼ ne Roiá꞉ner wahawénhase ne Samuel, “Tó꞉sa ne tetsiatʼkáneren tsi nihatʼkatotieróten khéhs tonahaʼneniésonhke, tsioríhwa tsi ní꞉i rikenronníhon; asèken ne Roiá꞉ner iáh ne eh thoʼtèiot tsi tehatʼkáthos tsi ní꞉ioht nonkweʼókons tsi iontkáthos; neh ne eh teiekánereh nátste nó꞉kwah tsi niʼiehiatóten, ók ne Roiá꞉ner awé꞉ri ne tehakánere.”