Isaiah 11:2 - Ohiatonhseratokénti

² Ne raonikonratokentítshera ne Roiá꞉ner kwáh enwatorihsénhtaʼne rahonháke, noʼnikónra ne atʼthokhátshera ó꞉ni ne kanikonraienthátshera, nonikónra ne katsenhaientátshera ó꞉ni nontiérent, nahonikónra náttokhátshera tánon nahonwatshaʼnísehke ne Roiá꞉ner.

Isaiah 11:2 ပူးပေါင်းရင်းမြစ်များ

2 Samuel 23:3

Ne raNí꞉io NIsraerʼronónke rotatíhon, Naosténra ne Israerʼronónke onkenhá꞉se: Ne ne tsi niká꞉ien sakokkoráston nonkweʼókons nahontakariwaiérike, tsi rokkoráston ne tsi rokweniénstha ne Ní꞉io,

Psalms 72:2

Waʼkaterénhnaien karihwaʼkwahrishontsherákon tsi ensakoríhwenhte ne shonkwetaʼshón꞉has, tánon ne iakóten tkarihwaʼiéri tsi ní꞉ioht tsi asakoríhwenhte.

Exodus 28:3

Iaséhnonk tsi niháti ne roʼtirenhnáhon nahotiʼióten tsi niháti thekhehiáwi natʼtokʼkhátshera, tánon sehró꞉ri nahonʼwakweniónhnien ne Aaron, né káti nahónton nahoʼiathatokentíʼhake tsi nòkwah Í꞉i tsi enhatió꞉tenhse.

Isaiah 28:6

tánon ne akakenʼenniónhon ne kaiá꞉neren tsi nikáien nónhka enhá꞉tsien naharihwenhtàke, ó꞉ni ahotiʼshatstenhseraʼién꞉take tsi niháti nahonsahónkʼthate nateriʼióshera ne tsi iothenhenrakáronte.

Isaiah 32:15

Tsi nió꞉re ne raonikónra ne Rawenni꞉io éhʼneken entkaiénthaʼkwe tsi entionkwahwerónhase, tánon ne iahonwenhtsiatʼthénhake ne iensewáton nahonsahkahetí꞉ione, tánon tsi nitsohetí꞉iohon karakonkówa ne iensewáton.

Isaiah 42:1

Kénʼen í꞉res nakenhá꞉tsera, rahónha thiʼiatsʼwanónhne, í꞉i rihiaʼtarákwen, rahonháke nakwatón꞉nhets iawerientiʼióstha; wá꞉tsien nakenikonratokentítshera rahonháke; kwáh enthesakohawíthen ne kariwakwahrishióntshera niaʼkawenhtsakeró꞉nons

Isaiah 48:16

Tiaták꞉ta nontáse, sathón꞉tek kí꞉ken! Né kwáh shiʼtiotásaʼwe tsi wakatatíhon kwáh iáh tewakerihwaséhton, né shiaʼkáhewe nètho naʼiáwenhne kwáh èhʼtho Í꞉keskwe. Tánon nón꞉wa né Roiá꞉ner Rawenni꞉io thaʼkatórion tánon né raonikonriʼiosthóntshera.

Isaiah 59:21

Tánon ní꞉i, né kí꞉ken naʼkaterihwasheʼronhniátshera tsi naʼteiakwáhtere, rá꞉ton ne Roiá꞉ner: nakenikónhra né tionháke káien, tánon nakewenhnaʼshónhas né thóh wakéthen tsi sewasaká꞉ronhtes, kwáh iáh thaʼtahontakaiákenhne né tsi sewahsaká꞉ronhte, iáh ó꞉ni ne tsi ratiʼsakarónhtons ne ietsiʼiohokónhas, iáh ó꞉ni né tsi ratisakaróntons né ietsiʼiatereʼokónhas, rá꞉ton ne Roiá꞉ner, kén ienwatásawen tánon né꞉ne tsi nénhwe enkénhake.

Isaiah 61:1

Ne Raoshatsʼténhsera ne Roiá꞉ner Rawenni꞉io onhtiaʼtórenhne, tsioríhwa ne Roiá꞉ner tsi ratiaʼtarákwen; thaʼkateniéton nahontátʼkhawe ne karihwí꞉ios rononhá꞉ke ne ronwatiʼwí꞉shaton, nahonshakhétienhte ne teiakawerhiaʼsaríhon, naʼkerihowanátenh natatewenhniʼiósera rononhá꞉ke ne ratinhó꞉tons, tánon nahonsahonwahtiʼnhotónhko ne ratiʼnhó꞉tons;

Isaiah 9:6

Asèken raksáha ronakeráton nonkwariwàke, Roskenrakéta owiráha tionkhiʼiáwi! Ne kahshatsténsera ranenhsáke nón꞉we nikáhere; tánon ne ronhwasénhnawi Roiatanerákwah Ratsenhaieskówa, Roshatstenhserowánen Ní꞉io, né꞉ne tsi nènhwe Kanhísera enkénhake, rahónha Ronwakowánen ne skénnen í꞉ken.

Zechariah 4:6

Ne raronhiakeró꞉nonh wahakró꞉ri ne Zerubbabel ahontahíhion kí꞉ken ateriwahnhothátshera né꞉ne Roiá꞉ner nón꞉we nitsawè꞉non: “Iatensotkáwe, iáh ne tahkarihón꞉ni ne ronterí꞉ios rahothishatsténhsera tóka ó꞉ni ne shonháhak sashatsténhsera akénhake, ók ne nahkeʼnikòn꞉ra.

Matthew 3:16

Nok nonen Sahatenekȣaheste, Satontahateskoko; nensok tontonteronhiakhasi, nok ne Saȣatis ȣahoken ne Niio Rahonikonratokenti Orite rotiatontakȣenhatie Karonhiake nontare.

John 14:17

Noneh Ronikonriioston, nene iah onka tehonȣaienteri nonkȣe; aseken iah ki tehonȣakens, iah oni tehonȣaionteri: hetsiseȣaienteri ki tanon nise; aseken seȣakȣekonhaties, tiotkon oni enseȣakȣekonhatie.

John 15:26

Nok tanon nonen henraȣe ne Sakohnikonriiosta, nehne Rakenineha enthiiatenniete, nehne Ronikonriioston, Rakenineha oni thoientakon, raonha enhakeriȣaniratse.

John 16:13

Nok tanon nonen enhraȣe ne Ronikonratokenton, kariȣiiotserakon enstsiseȣasharine, aseken iah tehaonhaa tsi enhatati; neh tanon enshatrori tsinikon enhoronken, nok neh oni enhtsiseȣarori tsi nenhia ȣenseronne.

John 3:34

Aseken ne Niio thotennieton nekiok ratrori ne Niio raoȣenna aseken iah ki ok tiieroheststa ne Niio tsini honikonraȣis.

Acts 10:38

Sewateriéntare tsi nókwa ne Ié꞉sos Kerístos ne Nazarethro꞉non, tánon ó꞉ni ne Rawenni꞉io tsi nihohiatanorónston nikwékon ne Ronikonrarokén꞉ti ó꞉ni ne kaʼsatsténsera. Kwák tsikʼnonwéson niehawénon, ioʼiánere tsi nihotieránion ó꞉ni akwékon sesakotsientonhátie tsi nihiákon nehne iakotsenawáston nonesonrónon rahosatsténsera, Asèken nikwekón꞉ne ne Rawenni꞉io.

1 Corinthians 1:30

Nók Rawenni꞉io tahiaiaténhawe ne taitiateriwahshónteren ne Kerístos Ié꞉sos, tánon Rawenni꞉io wahahónnien ne Kerístos rahónha nonkwahnikonrowahnhátshera akénhake. Rahónha shaʼshonkwarihwahserónnien tsi natetewáhtere ne Rawenni꞉io; Rawenni꞉io rahonkwetatókenti weteʼwáhton ó꞉ni setewahtatewenhní꞉ioʼne.

Deuteronomy 34:9

Joshua né꞉ne Nun roiénha kwáh rahiathanáhnon ne aʼthokhátshera, tiorì꞉wa ne Mahís raónha rohiatharákwenh ne tahonsahonaʼthákwen. Nonhkweshón꞉as nʼIsraerʼronónke wahonwawénhnaraʼkwe ne Joshua tánon wahonteweiénte ne karihwatà꞉tshera ne Roiá꞉ner theshakó꞉wi rahonhà꞉ke ne Mahís.

2 Timothy 1:7

Asèken nonikónra ne Rawenni꞉io tesonkwáwi iáh tehiontionniénnis nahionkwateronníhake; khék, ne Ronikonratokénti enshionkwaiatánah꞉ne ne kasatsʼténsera, kanoronkwátsera, ó꞉ni nahontethewathateniarótaroke.

Revelation 1:4

Í꞉i Sawátis iakheiá꞉tonhse ne tsá꞉ta nikaʼnónhsakes ne ononsatokénhtis né꞉tho nón꞉we Asia: Ataniténron saién꞉tak shonhà꞉ke ó꞉ni skén꞉non tsi nénhtewe raonhake tsi niká꞉ien ne ronhneón꞉we tánon raónha kénhne tánon kwáh raónha téntʼre, tánon ne tsá꞉ta niwatonhnhetserá꞉ke raohén꞉ton rón꞉nete ne raonitskwáhrane,