Isaiah 10:1 - Ohiatonhseratokénti

¹ Sathaʼtenikonráhrat, í꞉se ne tsanerenhserón꞉nis ne iáh tetkariwaiéri kaianerénhseras, í꞉se shiá꞉tons ne karonhiakénsera kaianerénhseras,

Isaiah 10:1 ပူးပေါင်းရင်းမြစ်များ

1 Kings 21:13

Né tenihiáse né nihnikonhráhtha onhkwétake tsi wahonwarihwáro ne tsi nihoseniaiesátha ne Rawenni꞉io ó꞉ni ne ronhnonhtí꞉io, káti átste nakanatáti niahonwahiathénhawe tánon wahonwanenhióhiake tsi nióre iarénheʼie.

Psalms 58:2

Iáh, ne sewerianéshon né wesewatenikonhrón꞉ni ne kariwaʼhét꞉ken; ne sewaʼtshanákes ne wesewaʼhióten ne iáh othènen takaianerenhseraiéntake tsi ionhwentsáte.

Exodus 23:3

Tó꞉sa shé꞉nest nahonthaʼseriwárakwe tsi nòkwah ne iakóten tsi tehiontatsiatorétha.

Exodus 23:6

“Tó꞉sa sehiathonhníiens ne kariwaʼkwahrishióntshera ne iakóten nónen tsi teiehiatoʼrehtákwah iatenhiéthaʼne.

Isaiah 29:21

nón꞉ka neh aiakoriwahióten nón꞉kwe aiakó꞉ti ne kaianerenhseràke, nón꞉ka ne ronhwateristaiénhni ne rarihwénhtha ne tsi iothenhenrakáronhte, tánon né iáh othènon tahontakarihónhniaʼte ahiontonhníhen ne karihwakwahrihshiónhtshera tsi nikáien ne tseiérits.

Isaiah 3:11

Enshontateriwásten ne rotiníkon! Tsioríwa oriwiioʼónwe tsi enwahekʼkénhake ne raotiʼriwàke, asèken ne ne ratitsanáke tsi nihioioténhen.

Isaiah 3:14

Ne Roiá꞉ner iahatáhweiaʼte nasakoriwenhtánion ne thohtí꞉ions tánon ne sakotihénthense rahonkweʼtashón꞉ʼahs: Kwáh í꞉se iesewasaháton ne tsi kanenharaientʼtóhseron; tsi nahoténsons ietsinenskwenháton ne iakothenténion sewanonskónsons ieskakérons.

Isaiah 5:11

Entsiʼsewathateriwásten, í꞉se nʼoronhkéhtstsi sewatʼkétskwahs néh iaʼtesewahrátats naisewanekíra ne ionekaníron, né kwáh tsenhsewakárawe tánon ne ahisewanonwahráhtonte notsítsa,

Isaiah 5:18

Ní꞉se enseshataʼteriwásthen, í꞉se neh shé꞉sereh ne kariwáneren ne sathironhtákwen nahosehrí꞉ie nonhówenhs tánon ne kariwahétkens kwáh thóh ní꞉ioht kwáh ne ne otsiónkwa aosehrí꞉ie.

Isaiah 5:23

ronón꞉ha sehshakonatkáwas ne iakoníkon tsioríwa tsi ronwanarahratsʼténhnis athatahwí꞉tshera enhonwanawí꞉hon, tánon tesehiatotʼtakwénhnis ne iáh tehiakoníkon ne raotiʼianerénhseras!

Isaiah 5:8

Entsisewathateriwásten í꞉se ne iathiʼsewatenonshá꞉ieste wé꞉so kanonshasónhas, ní꞉se sewashonterátie ne kahentashón꞉ʼahs, tsi nió꞉re kwáh nakorénhshons iáh thahonsahiakonatʼtaiéntake kwáh nek khók ne shonháhak, tánon í꞉set khók iatetsisathaténhron nasenákereke nonhontsá꞉ke!

Isaiah 59:13

tsehionkwahtaʼtewenhniʼiostonháties, tánon tsi tewatonhníha ne Roiá꞉ner, tánon hionkwatsʼwaténion ne tó꞉sa atsitewá꞉sehre nónhkwah Ní꞉io, né ionkwahthaʼrákwen ne karonhiakénhsera tánon nahiaʼkinenraká꞉ri, né iatiónnhets nonówens owenhnaʼókons tánon tsi nihionkwahthaʼrákwen tsi nitewé꞉tha nonkweʼriá꞉ne.

Isaiah 59:4

Iáh ónhka kaianerenhseráke tseiéntha niaʼtahiorihó꞉taʼke, iáh ónhka kaianerenhseráke tienénhtha nahontakarihwaiérihke; né ratiʼniahésen ne iáh othènon tahonwatiʼnitséron, ronhnowenhtánions, né ronatienawáston ne iotakónta tánon né iehontiʼhéntʼthos ne karihwaneraháktshera.

Jeremiah 22:13

Tsi nikarihwahiesahtsheroʼwáhnenh nónhka ne ne roʼtenonhshonniáton ne iáh tetkariwahiéri tánon né rokowahnáhthon ne kanikonhráton; shaʼkahonniénnis ne rahonkwetaʼshón꞉a sehwatiéren tsi ahothihióten tánon iáh teshaʼkokárhiakʼse tsi natehonahténtion.

Amos 2:7

Tehshakonahskwahserónkwas ne iakó꞉ten tsi sí꞉ken ní꞉ioht noʼkenhrà꞉ke ratiratátieʼs, tánon iehshakotí꞉reks ne iakotenhténion é꞉ren ahón꞉nehte; ne iatatienʼénha tehiattenihá꞉tha tsi iá꞉rats ne kahnhá꞉tshera ión꞉kwe, tánon katíʼ kwáh teionkhsennaʼtsónhstha.

Micah 6:16

Asè꞉ken ne sateweiénton ne raoianerénhseras ne Omri tánon akwé꞉kon tsi nikahiothenseróhthens ne raonónskon káien ne Ahab, iaskóntakwe ne waʼtsere tsi nihatiweienó꞉tens. Né kíʼ aorì꞉wa kwáh kíʼ karihwaieshá꞉tshera enkonionniáte, tánon ne skátne sewanákeres ne enhieshón꞉niate taiesahtienhónhase; káti í꞉se ensatkéthate ne kakenronhniá꞉tshera nakonkweʼtashón꞉as raotirihwà꞉ke.

Habakkuk 2:12

“Satrewáthane! Tsi satenatón꞉ni ne kanatowá꞉nen karihwakʼsénhtshera í꞉ken, tánon ne iasónhniate nahionthataséhthake ne nón꞉we!”

Habakkuk 2:15

“Satrewátane asè꞉ken wasehiónhnien ne tesewatonhontsanekʼkhánion nahatinekí꞉ra, sehná꞉kwahse kwáh tsi nió꞉re iahotinonwá꞉raton, ne nahónton tasehiatkáneren tsi raotineoskonkʼthí꞉ken!”

Habakkuk 2:19

Satrewátane asè꞉ken sró꞉ris ne oiénhte, “Í꞉tie!” ne iáh tewatá꞉ti onénhia, “Satatkétsko!” Akakwé꞉ni ken nahiakorihónhnien? Satkáto, owistanó꞉ron tánon kawistará꞉ken tekaiestánion, tánon kwáh iáh othé꞉non teiahonhniserá꞉ien.

Habakkuk 2:6

Ne raononhontsashón꞉as nonkweshón꞉as ne thinonhwanahnonhtón꞉ni ne Babyloniaró꞉nons tsi ronhwenhnonhontsákwen kwáh enthontáhsawen ne tashakotiiéron tánon enhonhné꞉neste tsi nisakotikenrón꞉ni, ensakonénhase ne Babyloniaró꞉nons, “Iawetatʼtsani iesewá꞉ha ne iáh í꞉se tesewá꞉wenk, káti ne Rawenni꞉io entsisewaʼréwate!” Tonikarì꞉wes ní꞉se kwáh ensatatʼkwaséststen tsi nishé꞉reh tsi nihiá꞉kon noʼwísta sehkarotá꞉ni né í꞉siknónk thahonsaiesakarhiákse?

Habakkuk 2:9

Wasehkwatsésthen ne sakwáhtsire ne tsi nahoʼténhsons shekwenhá꞉ton nakorénhsons ne tsi nithesehianonthón꞉ni, tánon wasathenonhsonhniánion ne kanonsí꞉ios ó꞉ni iononsaní꞉rons ne nasehiatanónsthate ne sawá꞉tsires tsi nokwáh ne atkarónhniat. Tiorì꞉wa tsi kíʼ ken orihwakwé꞉kon tsi thóh násehre, ne Rawenni꞉io kwáh kíʼ enhiaré꞉waʼte.

Matthew 11:21

Sententasere Korasin, ise oni Betsaïta! Aseken, Tirne ok neʼsʼenʼsʼ Sidonne etho naioriȣanerakȣatenionke tsi naonkieren, katkaron ahontahonatakenroserhon tsinahonsahonatatreȣaton.

Matthew 23:23

Seȣententasere ise ne Seȣaiatons oni Pharisian Akonȣara! Akȣa neneh ionerakȣat akȣekon oni niieseȣakariaks tsiniiore nʼohontesonha; nok isi ietsiseȣare nakȣa kontiriȣakȣeniios tsinonkȣati ne Kaianerenseratokenti: neh ȣahi tohiken, ateriȣakȣarisiontsera, atanitenron, Teȣetakon, neh kehiken teioionȣentsiohonne aeseȣaststeniaronke, tosa kineneh sane aeseȣariontion notiake.

Matthew 23:27

Seȣententasere ise ne, Seȣaiatons oni Pharisian Akonȣara! Akȣa eh niseȣaiatoten tsi ieiatatarionʼsʼ-ihken kakȣatakȣen karaseston, akȣa kiʼsʼ enʼsʼ anio ioȣeienston nʼastste nonkȣatikȣen nok ki tanon ne nakon titkaskenrhahere oni ostienhokonkenha nonkȣeokon.

Matthew 23:29

Seȣententasere ise ne Seȣaiatons oni Pharisian Akonȣara! Aseken ietsiiatatahas ne Rotitokense, Nok tsiseȣakerakȣa tsi ratiiatatarion ne thotiriȣaieriskȣe.

Matthew 26:24

Kenh kaien nʼOnkȣe Roienha satentionhe tsikiniiot tsi kaiaton ne raonha raiatatake; nok tanon rotentasere ne ronkȣe nʼenhotenninon nʼOnkȣe Roienha! Senha aioianerenhon ne tosa nonȣenton ahonakeraton netho ronkȣe.

Luke 11:52

Seȣententasere, ise Kaianerensera ietsirionnienni! Seȣatiatakȣeniioston nʼattokhatsera aonnhotonkȣa; iah se sane nise tiieseȣataȣeiaton; neok naiestsinnhese ne iaiontaȣeiate onka ienrhakȣe iakataȣeiate.

John 19:6

Akȣa neok sahonȣaken ne ratitsihenstakȣeniios oni ratirihton ȣathotihenrete, ronton: teststientannharen! teststientannharen! tontahenron ne Pilat, ise niha hetsiseȣaiena nok tetsiseȣaientannharen; asekon nii, iah othenon tekeriȣatsenries nahonnhikon.

John 9:22

Neh ȣaonni eh naniiere ne ronȣaienha tsi taiatati ne tsi sakotitsaniskȣe ne Sitaeronon: Aseken ne Sitaeronon otiake onen sisakotitaston ne ionton oni ne tiakaȣetakon tsi raonha ne Keristos, oni sesakotiiatinekenhon tsi ionterennaientakȣa.

Jude 1:11

Tsi natehonaterientawenréhʼon! Ne wahathisere tsi nihoiéren ne Cain. Owísta wakarihón꞉ni tsi thóh nokwáh niahonʼne tsi natehoterientawenrhéon ne Balaam. Wathatirihoróke tsi ní꞉ioht tsi tehorihóron ne Korah, tánon tsi nioiatawénhen wahonwanáthonte.