Isaiah 1:9 - Ohiatonhseratokénti

⁹ Tó꞉ka né Roiá꞉ner roshaststenserowanenkówa iáh thahothontátonke toká꞉ra nihionkwétake iathahonathaténhron, ne Jerusalem kwáh tokénʼen tsi akonwatóntonʼke, tsi kíʼ ní꞉ioht ne Sodom tánon ne Gomorrah tsi niʼiotihiatawénhon.

Isaiah 1:9 ပူးပေါင်းရင်းမြစ်များ

Genesis 18:26

Tánon Ne Roiá꞉ner wahén꞉ron, “Tóka enkheiaʼtatshén꞉ri né wísk niwáhsen niionkwé꞉take ne tionkweʼtaié꞉ri né kanatowanèn꞉ke ne Sodom, kwáh kíʼ enkheʼniá꞉kenhte atenatakwé꞉kon ne ronnónha enhatirihón꞉ni.”

Genesis 18:32

Sahén꞉ron ne Abraham, “Tóhsa saná꞉kwen, Saiá꞉ner, shé꞉kon tsorí꞉wa í꞉kehre aonsakí꞉ron. Oh neʼ ní꞉ioht tóka oié꞉ri khók nihá꞉ti enhonwatiiaʼtatshén꞉ri?” Wahén꞉ron ne Roiá꞉ner, “Iáh thakherihwáhtonʼte ne kanatowá꞉nen tóka oié꞉ri nihá꞉ti enkheiaʼtatshén꞉ri.”

Genesis 19:24

Thontaiawénhstsi ne Roiá꞉ner wahakennó꞉rehste ne Sodom tánon ne Gomorrah ó꞉tsire tánon iontenatenʼtáhstha tekaiéhston;

1 Kings 19:18

Kwáh kíʼ ó꞉ni tsáta tewenhniawehetserásen nihionkwétakes iathenhwákenre nahiakónhnheke Nisraerʼró꞉nonke—né꞉ne tsi nikáien né rotirihwató꞉ken nakonháke tánon iáh thaʼtekonwathentʼtsotháni ne Baal khés ne tahotinonronhkwáhnionke ne rahohiatónhni.”

2 Kings 19:4

Ne Assyriaró꞉non rakó꞉ra iehoteniétonhne nohénton iérate ne raʼonkwéta rasenhnowánen nahonikonrátʼsate ne ronnheónwe Ní꞉io. Aiáwens ne Roiá꞉ner Sewaní꞉io ahothónhteʼne kí꞉ken kasentáʼtseras tánon asakoréwaʼte tsi niʼiákon né꞉ne iakotáʼthiʼon. Ká꞉ti iasewaterénhnaien rahonháke ne Ní꞉io né꞉ne raoʼtirihwáke nontsonkweʼtashón꞉ʼas ne iateʼohnathaténron.”

Isaiah 1:8

Tánon nék khók nakoiénha ne Zion iatetsotaténhron tsi ní꞉ioht ne kenkʼnikanónsa kanónshote ne tsi kanenharaiéntʼton, kwáh tsi ní꞉ioht ne waskwahkarénhre tsi nónwe nononhón꞉sera nikahétaien, kwáh tsi ní꞉ioht ne tekonwanáthanen ne iáh thahónton nahontakonwàne.

Isaiah 11:11

Né thóh enwenhniseráte ne Roiá꞉ner kwáh kíʼ iaʼthensanéntseste ne tekeníhaton ienwàteratsʼte nahonshaʼsakohiataróhroʼke ne iatehonathaʼthénron ne rahonkwetaʼshón꞉has, né꞉ne Assyria, Egypt, tánon ne Pathros, Ethiopia Elam, Shinar, Hamath, tánon ne kawenhnokwátʼtonhtses ne kaniataraʼkhekowàʼne natentʼtónhne.

Isaiah 11:16

Kwáh thóh nón꞉we nenhiohatátseke ne iohahowánen né꞉ne Assyria nón꞉we nènhtewe asèken né꞉ne iatehonathaténron rahonkwetaʼshónhas raoʼtirihwàke, tsi kí né nihiotónhne NʼIsraerʼró꞉nons nó꞉nen sathontahonténhti ne tsi tsiohontsáien ne Egypt.

Isaiah 17:6

Ne ioién꞉en kwáh thóh tewahió꞉taron ohontsá꞉ke, tsi kí ní꞉ioht ne iakeniewátha ne tsi kèhrite ne iakahowákon— tékeni khés ne áhsen niwáhiakes ne kwáh èhʼneken ionátonhte, kaiéri khés wísk niwáhiake shé꞉kon hioienhtón꞉nion ne kwáh tiotenáthate, rá꞉ton ne Roiá꞉ner ne SakoNí꞉io Isareró꞉nonke.

Isaiah 24:13

Asèken kwáh kí thóh nenhiawénhne ne tsi ionwenhtsàte tánon ne tsi ratiʼnakeréhnion ne ronhnonhontsakeró꞉nons, kwáh kí tsi ní꞉ioht nó꞉nen ne iakeniewátha karónhta konwawahétshion, kwáh teʼthonhnonhrónhkwas nonénhare nó꞉nenh rotíshon tsi rotiʼnenhará꞉kwen.

Isaiah 24:6

Né thóh ní꞉iot ne kariwaieshá꞉hon enwá꞉ke ne tsi ionwenhtsàte, tánon èhʼthoh ienakerénion né enhiakoronhiákente nakonhí꞉tshera; né káti aoríhwa ne ienakerénion tsi ionwenhtsáte iáh tetiontonkwetaká꞉te, tánon kénk nihionkwé꞉take iatetsakothaténhron.

Isaiah 37:4

Tó꞉ka nón꞉wa ne Roiá꞉ner saní꞉io wahothónteʼne ne raowenhnashónhas ne Rabshakeh, tsi né꞉ne ronnontí꞉io ne Assyria rohiatakweʼní꞉io í꞉ken ieothó꞉rion ne thaʼoiéron ne ronnhehónwe Ní꞉io, tánon kwáh aharihwáiaʼke nowenhnashónhas nètho Roiá꞉ner Saní꞉io rotontéhon; èhʼtho ká꞉ti kwáh sewaharátat ne sewaterénhnaient ne akorihwáke tsi niʼiákon iateiakothaténhron.”

Isaiah 46:3

Takatahónsatat, Ó tsi niʼtisewatwatsiríhnon ne Jacob, ratiʼkwékon ne iaʼteonataténron nonkweshónhas ne Israerʼronónke, I꞉i konhiatíson né꞉ne kwáh sontasatón꞉ni, takonhiaténhawe ne tsi watewiraráhkwah nón꞉we;

Isaiah 6:13

Iekaníhare ne shé꞉kon tionkwéta ne oiéri nihionkwétake thóh iatahonsahiakotaténhronhke ne tsi ionwenhtsá꞉te, kwáh kí shé꞉kon ensewát꞉tsa, kwáh tsi ní꞉ioht ne karíhton khéhs ne kwáh karontashastste nah otsináhara thóh kàniote nónenh iorieniénhen.” Naotsinaharákon ne ne iotokénti kànenh enkénhake.

Isaiah 65:8

Né kí꞉ken aoríhwa rá꞉ton ne Roiá꞉ner: Tsi ní꞉ioht né onenhará꞉keri tsi katʼtshénrion né tsi ionerhiokwenhtónhnion, tánon rónhton, “Tó꞉sa sewátont, asèken kahiaʼtaterihtsherénhaʼwe nètho,” ká꞉ti èhʼthoh nénhtiere né꞉ne nakenhatserashónhas raotirihwáke, tánon iáh akwékon thaʼkàtonhte.

Jeremiah 23:14

Ók sénha wahétken wahkatkáton ne Jerusalem nónhwe tsi nihothiʼiéren ne rotitokénse: wahontenakwaʼiésaʼte tánon wahonnonhwenhtánion; wahshaʼkothiʼiénawahse nonhkweshón꞉a ne wahétken tsi nahatiʼieráhnion. Ne ne tó꞉sa ónhka ahióntkaʼwe tsi nihontiérah ne kariwahétken. Nakonháke kwáh rahtikwékon tsi ronnonhkweʼtahétken tsi ní꞉ioht nonhkweshón꞉a ne Sodom tánon ne Gomorrah.

Jeremiah 42:2

tánon wahonkwénhase, “Asatʼthontátʼtseke thóh nahtier tsi nenhkwahriwahnónhtonhse! Iashaʼterénnhaien nonhkwahrihwáhke rahonháke ne Roiá꞉ner onhkwaNí꞉io. Iakwahkwékon tsi thakwahterennhaiénhas tsi nihiátion ne iaʼtehionkwahthaténron. Ionhkwentiokowahnénhʼne; ók nónhwa ónenh kénk nitsiátion iaʼtetsionkwahthaténron, tsi kíʼ nisatʼkatkáthos.

Jeremiah 50:20

Ne thóh enwenhniserahtéhnionhke, ráhton ne Roiá꞉ner, iáh thahóten ne kariwáhneren thaʼkatʼtshéronhke ne Israerʼró꞉nonhke iáh ó꞉ni ne Judah nónhwe, asèken ensetʼkhenikónhrenhse nonhkweshón꞉a ne iatehonahthaténron. Í꞉i, ne Watiá꞉ner, wakatáti.”

Lamentations 3:22

Ne Roiá꞉ner tsi iáh tseiotók:te ne rahononronkwátsera óni ne rahotaniténron sékon watátie,

Lamentations 4:6

Nakonkwetaʼsónha sénha ne ronwathirewáton tsi ní꞉ioht ne Sodom non nihathinákere, neh kéntons kwáh tentsawénstsi ne Rawenni:io tsi tensakotásente.

Ezekiel 14:22

Tó꞉ka ónhka iatenhiakotáthere tánon enhonwahthinónhsthate ne shakothiʼienhokónhas, sehiatʼkátho nónenh eniesahiató꞉renhne. Satkátho tsi nihononhkwetahétken, tánon taséhtat nètho karewahthátshera ne kkaʼràhne ne Jerusalem tsi tkariwahiéri;

Ezekiel 6:8

“Ók enkheríhon tohʼkàrah niháti nakonhkwetashón꞉ʼa nakonhwahniákenhse ne kariwahiesáhtshera, tánon kwáh tenhonwahnaréniathe tsi ienahkerénion nonhkweshón꞉ʼa ne tsi ionwenhtsáte.

Joel 2:32

Eʼthò꞉ne tsi nihiá꞉kon nenhienáton ne raoshén꞉na ne Roiá꞉ner kwáh kí enhionthatenónsthate; asè꞉ken ne tsi Iononte ne Zion tánon ne Jerusalem kwáh thóh nón꞉we nenhieniá꞉kenhne, tsi kí ninihá꞉wen ne Roiá꞉ner, tánon thóh nón꞉we tsi nihiá꞉kon ne iateiakotathénhron né꞉ne ronónha ne Roiá꞉ner sakoiatará꞉kwen.

Amos 4:11

Tohkára nihá꞉ti waʼkheiáhtonʼte, tsi kíʼ ní꞉ioht ne Rawenni꞉io tsi shakohtón꞉ton ne Sodom tánon ne Gomorrah, tánon tho nihshiaʼtó꞉ten tsi ní꞉ioht ne iotientátshon iótshon ne tsi iotékha; shé꞉kon kíʼ iáh akonhá꞉ke thaʼtetisé꞉non, rá꞉ton ne Roiá꞉ner.

Habakkuk 3:2

O Saiá꞉ner wakerihwaʼrón꞉ken tsi nisarihwanakerátston, tánon tsi niwakerihwanerakóhon, O Saiá꞉ner, ne sahiothénhsera. Nón꞉wa tsi nihionkwahtenhniseraténion shekon thononhsatser; Satanithenratskónhak, ó꞉ni nó꞉nenh kwáh sanakwénhen.

Zephaniah 2:9

É꞉tho ká꞉ti, tsi nikónhnhe, ráton ne Roiá꞉ner ne kwáh è꞉neken tókte ne ratironhiaʼkehró꞉nons, ne Sakoní꞉io Israerʼró꞉nons; ne Moab thóh nenhiohiatáwen tsi nihiohiatawénhon ne Sodom tánon nahonkweʼtashón꞉as ne Ammon thóh nenhotihiatáwen tsi nihioiatawénhon ne Gomorrah, thóh nón꞉we niwatonhniátha ne kahontátsens tánon ne hiosonhwakarónhtons ne tiohió꞉tsis tánon kariwaiesáton né꞉ne tsi nén꞉we enkénhake; ne iatehonathaténhron nakonhkweʼtashón꞉as Judahró꞉nons kwáh enhatinenskwenhá꞉ton, ne nakonkweʼtashón꞉as ensatihiatakwení꞉ioke.

Matthew 7:14

Aseken nikannhohaha niiohaha oni ne Karonhiake iakoiatenhaȣitha; kenh oni niiakonha ne ietsenries.

Romans 9:27

Tanon Isaiah wahanikonraiénthaʼte tsi nòkwa ne Israel, “Tòhka ó꞉ni thóh nahionthonkwetaʼkáteke neh Israel tsi níkon tekanesaronkhótharon neh ahtsakthóntie neh kaniatarakhekówa, nók khiʼkenk nenhatíhake enhathiniákenʼne;

Romans 9:29

Kwáh thóh ní꞉ioht tsi nitháwen ne Isaiah tsiotierénton, “Tòhka neh Rohsatsʼtenserowánen Roiá꞉ner iáh thasakonónstaton nonkwaʼshótseras, thóh nahionkwaiatawénhen tsi ní꞉ioht ne Sodom, thóh naihtewaiathoténhake tsi ní꞉ioht ne Gomorrah.”

Deuteronomy 29:23

Ne kahenthakésons kwáh kaiáse enkénhake, ne entsioró꞉ronhke ne iontenatentásta tánon tioiótsis; iáh thahó꞉ten thakaienʼthónke, tánon shé꞉kon ne kahontátsens iáh ki tahonthakánio ne nón꞉we. Ne sonhontsà꞉kes ne tenskaieronhthárake ne tsi kanatowá꞉nens ne Sodom ó꞉ni ne Gomorrah, né꞉ne Admah tánon ne Zeboiim nón꞉we, tsi niká꞉ien ne Roiá꞉ner rorihwénktons nó꞉nen ne kwáh sihotenakwenhráti.

2 Tiér 2:6

Rawenni꞉io sakorewáton ne kanatowánens né꞉ne Sodom tánon ne Gomorrah, ótsire wáhratste tsi wasakótonte, ne kíʼ wáratste nasakoronkáten tsi nenhiakoiátawen nónka iáh tehiakonihioseráien.

Revelation 11:8

tánon ne iawenhé꞉ion raotiierón꞉tas kwáh thóh enkaién꞉take tsi iohatátse ne kanaʼtakwení꞉ioke ne kanatowanénhke ne né꞉tho iekariwáken konwanaʼtónhkwa Sodom tánon Egypt, thóh nón꞉we ne Sakoiá꞉ner natehonwaientenhnárenh.