Isaiah 1:4 - Ohiatonhseratokénti

⁴ Ah, sewarihwaneraháts꞉kon tsiónkwe, nonkweʼókons ne iakorieniakétes ne kariwanerahák꞉tsheras, ne ratiksaokónhas ne rotiʼióte ne karihwahétken, ne sakotiʼiohokónhas ronón꞉ha ne ronaterihwathentsatonhátie ne karihwahetkénsera, ronónha ronhwahiatanikonhrénhen ne Roiá꞉ner, ronónha kwáh ronhwakenronhníhon ne Rohiatatokénti ne NÍsraerʼronónke, ronónha kí kwáh ronatsiatontákwen ne rahonháke!

Isaiah 1:4 ပူးပေါင်းရင်းမြစ်များ

Genesis 13:13

Néʼthó nón꞉we ne Sodom nonkwehshón꞉ʼa kwáh í꞉ken tsi ronnonkweʼtahétkens, ó꞉ni iorihowá꞉nen rotiriwáneren tsi nonkwá ne Roiá꞉ner.

2 Kings 21:22

Waʼhokénron ne Roiá꞉ner, né꞉ne raotiʼNí꞉io kènʼne ne sakoshothonkonkénʼen, tánon iáh teotewenhnaráhkwen ne Roiá꞉ner raorihwatátʼtsheras.

2 Chronicles 12:1

Kwáh tsi niiostó꞉re ne Rehoboam wahakwahtáko tsi nòkwah ne raoianerénhsera tsi ronnontí꞉io í꞉ken, rahónha tánon onhkwetaʼkwé꞉kon wahontewènhtheʼte ne Roiá꞉ner raoianerénhsera.

2 Chronicles 27:2

Né wahohióten né nahontahonikonhraʼiérihte ne Roiá꞉ner, kwáh kíʼ tsi né nihoiéren ne ronikénʼen; ók iáh kíʼ tsi né nihoiérenh ne ronikénʼen iáh tehorihwáneren né nahotsahatónhake ne kanetanóron; iáh teshakotiataráhni tsi wahonterénhnaien. Nononsatokentiʼkówaʼne. Nonkweʼshon꞉as, tsi nihiótha, iahontasónhteren tsi wahatirihwánerahke.

Nehemiah 1:7

Thóh nihionkwahtshéren ne karihwahetkénhsera tsi nokwáh ní꞉se; tánon iáh tehionkwatienawáston ne karihwatatʼtsheras khehs ne kahianerénhsera khéhs ne kahiatorehtháhtshera ne ní꞉se tsi nitsró꞉rih ne Mahís, ne sanhá꞉tsera.

Psalms 58:3

Né ronhnonkwetahétkens kwáh shontahonhnákerate shihonhnonkwetahétken; shontahonhnákerate satehonterientawénries, ronhnowenhthánions.

Psalms 71:22

Né Rawenní꞉io tsi nihorihwaʼtó꞉ken tsi nòkwah ne rahonkwetaʼshón꞉ha, ká꞉ti kwáh thenkonrihwáʼkwahse karenhsóhtaron onó꞉wa enkaterénhnote tsi tenhkonhnonweráton, Né꞉ne Rawenni꞉io ne rotokénti tánon rahónha NIsraeró꞉non ronhwasénhnaiens.

Psalms 78:40

Tonihiorihwáʼke waʼhonwaterhiasaníratʼtse ne iahonwenhtsatʼénhake nón꞉we tánon toniʼiorihwáke ronwaʼnikonrakʼsáton!

Psalms 78:41

Waʼhonwateniénten ne Rawenni꞉io thon tahontashaʼwénhʼses, tánon ronhwanakwí꞉son ne rotokénti í꞉ken Israeronónke.

Psalms 78:57

ók tonsahontkaraténi tánon iáh othenènon tethonethákwen kwáh kíʼ tsi ní꞉ioht ne sakotisotʼthonhkonkénʼen; thóh nió꞉re tsi iáh othènen tehathirihwástha kwáh né꞉nen tehiotʼwatáse kaiénhkwire.

Psalms 78:8

tánon iáh tehiówenk ne thóh nahatihiathoténhake tsi ní꞉ioht ne sakotisotʼthonhkonkénʼen, rotiʼnontsistaníron tánon ratirihwaʼnónhwe ronhnónkwe, né꞉ne ónhkwe nakaweriáne iáh tehiorihwatóken, tsi thonwetákwen ne Rawenni꞉io iáh tehiorihwatóken.

Psalms 89:18

Roiá꞉ner, seh nonkwahnétsera í꞉ken, Nón꞉kwah nontí꞉io né seh ne Roiatatokénti í꞉ken Nisraeró꞉nonke.

Exodus 32:7

Ne Roiá꞉ner wahawénhase ne Mahís, “Tesasteríhen tánon thóh hionsáse, tsioríwa ne shonkwetashón꞉has, tsi nikáien ne thetesehiatinekénʼen ne Egypt, wahatiriwánerake tánon wahontkénron.

Isaiah 1:23

Né ieshakoráshons iehonwatsatóntsies ne Ní꞉io tánon ne wahonteroserónhni ne ratinénskwas. Onkwetakwékon ne ienónhwes ne knahótenk tahionthaʼthetsikhetáhroʼse tánon ne ratiriwanóntons athatahwí꞉tsheras ahonwanawíhon. Kwáh iáh tethesakótines ne tehiontonhnakárias, tánon ne ionateréhons ahotirihwashónhas iáh rahotihénton tsewétha.

Isaiah 1:28

Ók tsi niiá꞉kon ne ronwát꞉konte ne Ní꞉io ó꞉ni ne rotirihwánerens tsi kwáh enhonwanátonte tetsá꞉ron, tánon tsi niʼiákon nenhonwarihwaiesáthen ne Roiá꞉ner kwáh kí enhiontatátonhte.

Isaiah 10:6

Iehihiatenié꞉ton niaʼsakotsiaʼtónhti ne iáh teotiniʼioseráien ronhnonhontsakerónons, kwáh ieionkerhiaʼsarátha tsi niʼionkenakónhnis kwáh akaterhiatitkhonsherákon tsi wahirihontiéten ne Assyria niasakotsatónti, ne nahanenskwenháton tánon nahatiénawasthe ne rotierónkwen, tánon nasakoratatséshon tsi ní꞉ioht ne orashókwahke ne tsi tekanatokénseron.

Isaiah 12:6

Teshahénret iorakareníhak tánon tesehríh꞉wak natonhnarátshera Ó nètho sewanákere Zion, asèken tehotenonhianíton ne sewanenhríhen rénhteron ne Rohiatatokénti Saiáta khók í꞉ken ne Israerʼronónke.

Isaiah 14:20

Ní꞉se kwáh iáh tashehiatsatáraʼse nahiontatsatátha, tsioríhwa tsi washátonhte ne shonhóntsa, senonwarhiá꞉kon ne shonkwetaʼshón꞉has. Aiáwens tsi niʼthonatwatsiríhnon ne ratiʼweienhnák꞉sens thó꞉sa nonwènhton ahonsahonwatisénhnaronʼke!

Isaiah 29:19

Né tiʼiakawé꞉ron iaweronhátie enhieiéna náse atonhnarát꞉tshera rahonhàke ne Roiá꞉ner, tánon ne kwáh iakotenhténion nonkwehókons kwáh kí enhiontonhnáren rahonhàke tsi nikáien ne Roiatatokénti khók í꞉ken ne Israerʼronónke.

Isaiah 3:8

Asèken ne Jerusalem watʼkarakwénhtarane tánon ne Judah wakaiatsénenhne, tsioríhwa tsi nihontátis tánon tsi nihatiweienótens kwáh kí ronwákʼkonte ne Roiá꞉ner, ronateraiatáhkwen ne raoiatanerakwáhtshera tsi thóh í꞉wes.

Isaiah 30:1

Óh, ne ratiʼristónh꞉nis ratiksaʼokónha, rá꞉ton ne Roiá꞉ner, ronón꞉ha ronateriwatsʼteríston tsi niwatenikonrónh꞉ni, ók iáh kí í꞉i tewaká꞉wenk; ronónha ronhnitsioʼkonhniánions, ók konwátkonte tsi niwakenikonró꞉ten, iahotiʼiestonhátie ne karihwanerahák꞉tshera ne thóh karihwanerahaktsherákon;

Isaiah 30:15

Asèken ne aoríhwa rá꞉wenh ne Roiá꞉ner Rawenni꞉io, né꞉ne Rahonhatsíwa Roiatatokénti í꞉ken Israerʼronónke: Tsi nathentése tánon satorísenh kwáh kí eniesahiatanónsthaʼte; sakʼthiʼkénhak tánon tasetakwénhak kwáh kí né sashatsténhsera enkénhake. Ók iáh tesatʼthontáton

Isaiah 30:9

Asèken kén né ne ratiʼristanónhwe onkweʼhó꞉kon, iáh tehotí꞉ien nawetakwénhtshera ratiksaʼokónha, né꞉ne ratiksaʼokónha ronón꞉ha kwáh iáh tahonatʼthóntene ne raorihonnienhnítshera ne Roiá꞉ner;

Isaiah 31:2

Eʼthohsàne rahónha ó꞉ni tsi nihonikonroʼwánen tánon tháhas ne karihwaiesátshera; iáh tesaktháta ne raoʼwenhnaókons, ók thenthátaʼne niahatsatón꞉ti ne tsi kanónshote ne karihwahetkénsera rotihiótens, tánon sakót꞉konte ne ronhwatiʼiénawase tsi niháti rotihióthens ne karihwáneren.

Isaiah 37:23

“‘Ónhka ónhte sherákwe tsi thiʼtierónhakwe tánon tienikonratsʼsáthakwe? Ónhka rahonhá꞉ke tsi satewenhnakétskwen tánon tsi nisathatónhni tsi ní꞉ioht tsi wasatarakétsko? Rahonhàke ne Roiatatokénti NʼIsraerʼronónke!

Isaiah 41:14

Tó꞉sa sáteronh, í꞉se notsinonwanhéta Jacob, í꞉se nontsinón꞉wa Israel! Kwáh kí enkonsniénon, rá꞉ton ne Roiá꞉ner; né shiaʼiatákwen né꞉ne Roiatatokénti khók í꞉ken ne Israerʼronónke.

Isaiah 41:16

Ní꞉se kwáh kí ensheiásehwe tánon tsi iowerá꞉re ienhkáhawe, tánon ne tsi teioweratáse kwáh kí tenhiakoréniaʼte. Eʼthó꞉ne kí ní꞉se kwáh ensatonhnáren rahonhá꞉ke ne Roiá꞉ner; rahonhá꞉ke né Roiatatokénti khók í꞉ken NʼIsraerʼronónke ní꞉se kwáh kí ensará꞉sehse.

Isaiah 41:20

né nahónton akwé꞉kon ahiontkátho tánon aiakoteriéntaraʼne, akwé꞉kon taieiató꞉rete tánon aiakonikonraiéntane, né꞉ne raohtsá꞉na ne Roiá꞉ner kí꞉ken thóh niʼioié꞉ren, né꞉ne rahonhatsíwa khók Roiatatokénti ne Israerʼronónke rohsahánion.

Isaiah 5:19

Ónka iónton, “Anion ne Ní꞉io tehosterí꞉hen, ánion tehákats ne raohioténhsera né nahónton ahitewatkáto; Ánion ne rotenikonhrónhni ne Rotokénti Saiá꞉tat Israerʼronónke iostóre tahosteríhen nakánahne, ne nahónton ahionkwahteriéntaraʼne!”

Isaiah 5:24

Né꞉se wahónhni, kwáh tsi ní꞉ioht nótsire tsi watʼtsahátha ne kawá꞉he, tánon ne iohontátʼthen tsi ehʼtàke niewétha ne tsi iotónhkote, káti ne raotithé꞉ra enhiótʼken, tánon ne raotiʼtsítsas thenkáthen tsi ní꞉ioht nokénhra; asèken rohtiʼkenhrataníhon ne raoʼrihonhnienhnítshera ne Sakoiá꞉ner ne ronterí꞉ios ratironhiakeró꞉nons. Ó꞉ni rotikenronhnihon ne raowenhnaokons ne Roiatató꞉kenti Saiá꞉ta ne Israerʼronónke.

Isaiah 57:17

Tsioríhwa tsi niwahét꞉ken tsi nihonaskénaʼse wakenakwénhenhne; Wakhé꞉iente, wakhekónraʼke tánon wakenakwénhenhne; ók tiókonte thóh niensatí꞉iere tsi nithatiʼweienóthenhne.

Isaiah 58:2

Eʼthohʼsàne niaʼtewenhniserákes tsi iontsiaʼtísaks tánon enhontienhnón꞉ni naonateriéntaraʼne nakeweiénhnas, tsi shí꞉ken ní꞉ioht né nonkweʼshónhas né rotiʼhióte ne karihwakwahrihshiónhtsheras tánon iáh kí teotirihwaʼhiesáton ne raoʼianerenhserashónhas ne raotiʼNí꞉io; né ní꞉i ionkerihwanontónhnis ne tkariwaiéhris tánon karihwenhthá꞉tsheras, ronhneʼrientí꞉ios rahiatákʼta ahónhnete ne Rawenni꞉io.

Isaiah 65:11

Ók í꞉se tsi sewatewenhtéton ne Roiá꞉ner, ronón꞉ha rotiʼnikonrénhʼen nakenontaʼtokénti, ronón꞉ha wahontekwahratsherotónhnion né꞉ne aoriwà꞉ke ne konwanaʼtónkwa Ateraswiʼióhshera tánon wahatinekananóntkons notsí꞉tsa watnekarákwas, ne wahthotirenkénhni ne konwanaʼtónkwa Tsi Neniawénhseron.

Isaiah 65:3

né nonkweshón꞉ha ionkenhaʼkónhnis tsi niʼtewakatieráton iehótikontá꞉kwen, thóh ronnateskónte né nikahetahá꞉ne tánon ronatienhkwahronniáton thóh éhʼneken né tsi teiotenenhiokeronhténion;

Isaiah 9:17

Ne káti aoríhwa ne Roiá꞉ner iáh kí tehatonnhahéhra rononháke ne kén nithonihionsas raononkwetashónʼahs, khés nasakotenikonkátsthate ne tehiontonhnakárias tánon ne ionateréhons; asèken kwáh onkwetaʼkwékon tsi iáh teotiniʼioseráien tánon ne rotiʼióte ne karihwahetkénhsera, tánon kwáh iateieshá꞉ke ne tsi tsakowenhninekénʼen ne teiotenonwaroríhtonhte. Asèken akwé꞉kon kí꞉ken ne raonhakwáhtshera iáh sèh tatetsotkaraténion, shé꞉kon kí iatehó꞉tsate.

Jeremiah 15:6

Íseh ne tiónkwe tahkwahkenronníhon; waskwahtswahthénien. Káti hiatkanénhstste tánon watkwahskwáhsehron tioríwa tsi wattetkwisénheʼie tsi niwahkathatienahwákon tsi niwahkenahkwénhʼen.

Jeremiah 2:13

asèken nakonhkwetahshón꞉ha tékeni tsi ní꞉ioht tsi rotirihwáhneren: hionkatswahthénion, ne ionéhkote ne kanekí꞉io, tánon rothisonhiónʼni ne watnekaráhkwa, tehiothóren ne watnekaráhkwa ne iáh tahónton nahontʼnekáhren.

Jeremiah 2:17

Israerʼró꞉non kwáh iashatátʼkwahse! Tahkahtewenhthéton, ne Roiá꞉ner SahʼNí꞉io, tsi nikaríhwes konhiashá꞉rihneʼne tsi nihioháhes.

Jeremiah 2:19

Kwáh hiateshiáti sharihwahnerahátʼtshera tsi ensharéwahte, tánon tsi takatʼkahrahthénion ne ensharíhwenhte. Tánon kwáh ensehwehientéthaʼne tsi niwahétʼken ó꞉ni iáh tetʼkarihwahiéri nahionkatewénhthete, ne Roiá꞉ner sahNí꞉io, tánon iáh óhnenh tetsisharihwahtó꞉ken tsi nòkwahʼa ní꞉ih. Í꞉i, ne wahkenonhtí꞉io Watiá꞉ner Keshaststenseroʼwáhnenh, wahkahtáhti.”

Jeremiah 2:31

Israerʼró꞉nons, sahtahónshatat tsi nikáton. Tsi kénh ní꞉ioht ne kahráhkon thóh nitsiathótenʼne tsi nòkwah ní꞉se, tsi ní꞉ioht ne tetiókahras ó꞉ni iotonwenhtsiátʼteron? Nonhtséren, káti, tsi sáhton tsi thóh nénhsehre tsi nenhtesehnónhwehʼne, kwáh iáh nonhwénhton íhne nòkwah tahthahóntahse?

Jeremiah 2:33

“Kwáh orihwiʼiohónwe tsi sahteriéntahre onhní꞉ioht tsi asehsherésons ne tehontatskáhres. Shé꞉kon ne kwáh wahthonwisenhtsherákʼsen enwáhton ne thèʼnenh ahkawehienthétahne ne sonháke.

Jeremiah 2:5

Ne Roiá꞉ner ráton: “Nahó꞉ten tsi ionkerihwahrhóskwe ne ietʼtsisotʼthonkonhkénʼen? Nahó꞉ten wahkarihónni tsi wahonkatʼkahratéhni? Ne konhwaʼsennahiénʼskwe ne iáh thènenh tehioríhonte kahiatónni tánon ne iatewatʼthéni ronónha ó꞉ni iáh thènenh teshathiriwásthaʼkwe.

Jeremiah 32:32

tsioríhwa tsi níkonh ne karihwahétken tsi nihonahtiéren nonhkweshón꞉a ne Judah ó꞉ni ne Jerusalem nónhwe, skátke ne raotinonhtí꞉ios ó꞉ni ne ratikoráhsons, ne raononhkwetaʼshón꞉a ne rotikháres ó꞉ni ne rotitokénse.

Jeremiah 50:29

Iahetsihiaterihwahniéten ne ronhennénhaʼwe Babylonia nahonthaʼhónʼne. Tehathinahthá꞉nak ne꞉ne tó꞉sa ónhka ahieniákenʼne. Thoʼnahsewahiéras tsi né nihiakoiérahse nakorénhsons, asèken iáh tehowenhnahráhkwen ne Roiá꞉ner, ne Rohtokénti ne Israeronónhke.

Jeremiah 51:5

Í꞉i, ne Watiá꞉ner KeʼNí꞉io Keshastsʼtenseroʼwáhnen, iáh tekhehiatewenhthéton ne Israel ó꞉ni ne Judah, iáh wehrohátien tsi rotiʼriwáhnerenh tsi nòkwah ní꞉i, ne Rotokénti ne Israel.

Jeremiah 7:19

Ók Í꞉i onhtèken ne kwáh ahiontʼkahrewahthe? Iáh, ronónhak khók rontatkarewáhtha ó꞉ni ronthatehátha.

Jeremiah 7:26

Ethohʼsáne iáh ónhka tehiakotahonsaʼtháton tó꞉ka ó꞉ni kariwahahonónhnike. Khé꞉kenk, onenhsénha weshanonhtsistaníronhʼne wahshaterihiosehrahnónhweʼne tsi ní꞉ioht ne séh sotʼthonkonkénʼen.

Ezekiel 14:5

Konhtiʼkwékon tí꞉ken kahiatonhnisónhas wahonwathikarenhráhkwahthe Nisraeró꞉nonhs tsi nòkwah Ní꞉ih, ók kíʼ tsi tenkeriwahsehráko aiáwenhs ahonsahtiéna ne rahothiriwahtokéntshera.

Ezekiel 16:33

Ne ioriwahiathathónhon iotkárhiase, ók níse niatékon wasehiawíhon ne saskarehókonhs tánon watesetʼtsikhethárohse né tsík nonhwéson nahonthahónʼne ne skátke ahisehwáh꞉rahthe.

Ezekiel 16:45

Oriwihiohónwe tsi shanisténha ieshaiénha. Wahokénron ne teníteron ó꞉ni nakohiohokónha. Shesehiéren ne sehtsionkónhas, ronhwathikenrónhni ne iothiniátkhons ó꞉ni ne akhothiʼienhokónhas. Ne tesehwahtennónhtere kanatowáhnenhs Hitró꞉non ne konhwanisténha ók ne ronhwahníha Amorʼrónon nènhʼne nahahiató꞉ten.

Daniel 9:11

Onkweʼtakwé꞉kon ne Israerʼró꞉nons tehotiiá꞉kon ne saianerénhsera tánon iáh tehonathontá꞉ton naiesatahónhsatate. Waʼakwarihwané꞉raʼke tsi nokwá ní꞉se, eʼthó꞉ne káti tahskwatenniéhten ne kahrewahtáhtshera tsi nikahiá꞉ton ne Mahís raoianerenhserá꞉kon, né ne sanhátshera.

Zephaniah 1:6

Tsi nihiákon ne tsakokton tsi ronhwanonhterá꞉tsene ne Roiá꞉ner, ronónha ne iáh tehonwaiatísaks ne Roiá꞉ner khés ne thé꞉nen ahonwarihwanóntonhse.

Numbers 32:14

Tánon kíʼ ó꞉nen í꞉se thonsaietshinaʼkthakwen ne ietsisotʼthonkonhkénʼen, otsiókwase ne rotirihwanerahákskon ronathateweienhnenhtáhon nahonthahonsnéntʼthakwe ne tehiotenonhianíton rahonakwáhtsera ne Roiá꞉ner roʼnonhàke NʼIsraerʼró꞉nons áre.

Matthew 11:28

Kasene ise ne teseȣaȣishenheion oni seȣaȣishenne, nok ii enkȣasnienon.

Matthew 23:33

Oniare, kaȣatsiraksenskȣa! oh nenseȣaiere naonseseȣaniakenne tsi tiotekha nʼonesson?

Matthew 3:7

Nok tanon ȣasakoken Kentiokoȣanen, ne Pharisien, oni Sadusean ratiriȣanontons aontenekȣaeste, ȣasakaȣenhase: Kaȣatsiraksenskȣa! Onka ietsirori naeseȣatekȣase ne Niio raonakȣensera?

Romans 8:7

Asèken tòhka nonikónra tiókonte owarón꞉ne non iewanontónʼnions ronikonratsátha ne Rawenni꞉io; áseh kén iáh tehontewennarákwa ne Rawenni꞉io rahoianerénsera, tánon ó꞉ni kwáh oriwí꞉io tsi iáh tahatikwéni nahontewénnaraʼkwe.

1 Corinthians 10:22

Kahtònʼken ítewehre atsitewahtekéfʼfathe ne Roiá꞉ner? Ítewehre kén sénha í꞉i tewahshásthe tsi ní꞉ioht ne rahónʼa?

Deuteronomy 29:25

Tánon tsi tenkariwahserákwen, ‘Ne tiorì꞉wa ne Roiá꞉ner rahonkweʼtashón꞉as wathatihiá꞉ke nateriwaʼseronhniá꞉tshera ne skátke rothí꞉son ne raónha, ne Sakoní꞉io ne shakotisoʼthonkonhkén꞉en, nó꞉nen shathontashakohiatí꞉nekenhwe ne Egypt.

Deuteronomy 31:16

Ne Roiá꞉ner wahawénhase ne Mahís, “Kwáh iostó꞉re enshí꞉heie, tánon nó꞉nen ensenheiónhke nonhkweshón꞉a iáh tahonsahothiriwatokénhake nakonhà꞉ke tánon tenhatihiáke nateriwaʼseronhniá꞉tshera ne watʼson skátke ne ronhnónha. Enhionkatewenhthéte tánon ne enskonhwatishén꞉naien ne thikáhiont nihioʼokón꞉as ne tsi ionhontsá꞉ien ne ó꞉nen thóhwa thoniahón꞉ne.

Deuteronomy 32:19

“Nó꞉nen ne Roiá꞉ner sahatkátho kí꞉ken, wahoná꞉kwen tánon washakokénhron ne sakohiohokón꞉as rotiskenrakéhte ó꞉ni ne tsonaʼthonhwí꞉sens.

Deuteronomy 32:5

Ók ní꞉se iáh tesewariwató꞉ken, iáh shatekéna théken ne raónha rahonkweʼtashón꞉a akénhake, sewariwanerahákson tánon sewanekonhrátha tsónhkwes.

Colossians 1:24

Onk ó꞉nen sewahkatʼtsennón꞉ni neh tsi nikwaroniá꞉kense, Asè꞉ken ne kéntons tsi niwakeroniáken ne tierónhke kastsnié꞉nons tsi nahóten sehkon iotaténron ne iakáshon tsi nihoronhiakén꞉on tsi nokwáh ne Kerístos raierónke, né꞉ne ononsatokénti.

Revelation 18:5

asè꞉ken naoriwanerahák꞉tsheras iotonhióte thóh nitsót꞉te tsi tkaronhiá꞉te, tánon ne Ní꞉io sarehiá꞉rane naoterenhtawenhriétsheras.

Judges 10:10

Ethòne ónenh nʼIsraerʼró꞉nons iathotihénrete rahonháke ne Roiá꞉ner tánon wahonhníron, “Ionhkwarihwáneren tsi nòkwah ní꞉se, asèken kwahtewenhthéton, onhkwahNí꞉io, tánon né wahakwahsénhnaien ne Baal.”