Isaiah 1:3 - Ohiatonhseratokénti

³ Né tehonákares tionhnónskwahron rátsinn roienhtérih né raotshénen, ne tewahón꞉tes roteriénhtare tsi nón꞉we nihatekwahtahástha tsi nón꞉we nihonóntens ne rahiatakwení꞉io; ók né Israel iáh né tehioteriéntare, nakonkwetaʼshón꞉ʼas iáh tehotiʼnikonhraiéntas.

Isaiah 1:3 ပူးပေါင်းရင်းမြစ်များ

Psalms 94:8

Í꞉se ne tionkwetaksenskweʼokónha, onhnontiéren tsi nió꞉re tsi tesewaʼtenonwaroʼríhtonhte; tisewaʼtón꞉nokte, kát꞉ke onhtèken iahisewaʼnikónroʼte?

Proverbs 28:5

Nón꞉kwe ne ionkweʼtáksenʼs iáh tehatiienté꞉ri nahò꞉ten nen né꞉ʼe aterihwakwarihshiónhtshera, nok nón꞉kwe ronwahsèn꞉naiens ne Roiá꞉ner kwáh tokén꞉ʼen nen né꞉ʼe rotiʼnikonhraién꞉taʼs.

Proverbs 6:6

Né꞉ʼe ne ronnentóhrha ahontewéienhste tsi ní꞉ioht ne tsikeʼnhontstókhwi tsi ronnónhnhe.

Isaiah 27:11

Né nó꞉nenh ne kanhá꞉hatakwení꞉io iostatʼtenhén, tekaiá꞉khons; konhnón꞉kwe entkonhne ne enkontʼtsenhonhniate. Asèken né kí ken nonkweokons né iah tehotiien nahotinikonraientane; ne neʼtho í꞉ken tsi niká꞉ien ne sakohiatison iah tahontahó꞉tenonwák꞉then, né sakohiatonhnianion kwáh iah thá꞉sakawehnesthen natatithenhron.

Isaiah 42:20

Wé꞉so iorihwàke ratkáthos, ók iáh kí tehatenikonráh꞉ra; né rahóntake iotenontónhkwen, ók iáh kí tahothónhtene.

Isaiah 44:18

Iah tehonateriénhtare, khés naotinikonraientásehke; asèken tehatiʼtronhwékon, né ká꞉ti nahónton tó꞉sa ahontʼká꞉to, tánon ne tsi ronhnontónhnions kwáh nonʼnéʼe thóh ní꞉ioht, ne ká꞉ti nahónton tó꞉sa aotinikonraiéntaʼne.

Isaiah 5:12

Rotinowahién꞉tons ne ne, kén nikanakwá꞉as, ó꞉ni né ohoró꞉ta ionhterenhnotákwah tánon ne otsítsa, ók sanontonhniónko nètho ne raohioténseras ne Roiá꞉ner, khés nasatʼkátho naohioténhseras ne ratsanákes ioriwakanonhníhon!

Isaiah 5:13

Né꞉se wahónhni nakonkweʼtashón꞉ʼahs wahonhnakeráko asèken tsi iáh othénon teotinikonraién꞉tas; ne raononkwetaʼshónhas ratiʼsenhnowánens atonhkariákon rohtirió꞉tha, tánon ne thiʼkáionk ónkwe kwáh neh enhotírhiote tsi nihotiniatáttens.

Isaiah 56:11

Né éʼrhars kwáh í꞉ken tsi ratiʼkhowánen; iáh nonwénhton tsaʼtahotiʼiériʼse. Né teiotinakarontón꞉has sakotiʼnikónraʼre iáh nonʼné꞉e tehotiʼnikonraiéntas; kwáh ratiʼkwé꞉kon tsi nenhthaʼtinónweʼne thóh nenhatí꞉iere, ne niatehatiʼiáti khók ahotiʼianerásthen, kwáh ratiʼkwékon thóh nihatiʼiatóthens.

Jeremiah 10:14

Tsi nenhiontkathóseron kí꞉ken, nonhkweshón꞉a tahiakotonniótʼtahne tánon iáh othènen karihwatésken; tánon tsi niháti ne ratihiathonniserónnis entʼthatinikónrenʼne, tioríhwa ne rahothihiatónnis tsi iáh oriwí꞉io tèken tánon iáh tekonnónnhe.

Jeremiah 10:8

Ratiʼkwékon tohʼnathónnokʼte ó꞉ni tehonatenonhwaroʼróhthonʼte. Onhnahó꞉ten ahathiwehientétahʼne ne óiente kahiatónnis nonʼnahontáh꞉we?

Jeremiah 35:16

Ne Jonadab sahkoienokónhas ronahtewenhnahráhkwen tsi nihonwahthiró꞉ri ne sahkothisotʼthohkonkénʼen thonwahnáhwi, ók níse tiónkwe iáh teskwahwenhnahráhkwen.

Jeremiah 4:22

Ne Roiá꞉ner ráton, “Nakonhkwethashón꞉as kwáh thoʼnahthónnokʼthe; iáh tehiontientéri. Thóh nihonnonhnótens tsi ní꞉ioht ne tehonahtenonhwahroríhthonʼte ratiksahokónhas; iáh tehotíhien nahothinikonhrahiéntahʼne. Tsi nihathiwéienhte ne kariwahétken tsi nahóntiereh, ók thóh thinórons tsi nahóntiereh ne ioiánereh.”

Jeremiah 50:6

“Nakonhkwetaʼshón꞉a tsi ní꞉ioht ne tehiotinakaronhtónʼa ionahtiathaʼtónʼon. Ne shaʼkónonhne wahshaʼkothaharáhkwahte tánon tsi tiononhtarónhnion iasahkótkaʼwe. Wakontiathá꞉ton tánon iáh teskonnéhiaʼre onhní꞉ioht tsi iahonsakónʼne ne iahonshaʼhiakonatsiátarahse nonáhtsiake.

Jeremiah 8:7

Séhkon ne kawirahkaʼrénies ioteriéntahre kíʼ nónenh tahónthaʼwe; orítes, kentarakonhá꞉ka, ó꞉ni ne tsiskóko ronahteriéntahre nónenh tahonshahonnáthaʼkwe. Ók nakonhkwetahshón꞉a, iáh tesehwahianerenserahientéris tsi ní꞉ioht tsi tkwaniarotáhron.

Ezekiel 16:30

Kén kíʼ nahó꞉ten ne Ronhnontí꞉io Roiá꞉ner ratónhnions: “Akwékonh kí꞉ken étho nishaiéren tsi ní꞉ioht ne iáh tehiotehensehráien ioriwahiathatónhon.

Daniel 9:11

Onkweʼtakwé꞉kon ne Israerʼró꞉nons tehotiiá꞉kon ne saianerénhsera tánon iáh tehonathontá꞉ton naiesatahónhsatate. Waʼakwarihwané꞉raʼke tsi nokwá ní꞉se, eʼthó꞉ne káti tahskwatenniéhten ne kahrewahtáhtshera tsi nikahiá꞉ton ne Mahís raoianerenhserá꞉kon, né ne sanhátshera.

Hosea 2:8

Iáh kí tehioterienʼtá꞉rakwe né꞉tho tsi í꞉i tká꞉wine nonátsa, ne onenhará꞉keri, tánon ne kénhie, tánon í꞉i watseritʼtse ne kawistará꞉kens tánon nowistanoronhshón꞉as tsi ne ronstákwen tsi ronhwasenhnaiénskwe ne Baal.

Matthew 13:19

Ne tsi rotaonsate ne ronkȣe ne Niio raoȣenna, nok iah tehonikonraientas, Ranikonraksen tare nok ȣahanensko tsinikon kaienthonne raȣeriane: neh ȣahi neneh roton, nohahakta ionatsiakerontaon.

Romans 1:28

Nonkwesónha tsi ratiriwásons nahonʼnonthónnionwe ne kwáh thokénʼen ahonwanikonraiéntaʼne ne Rawenni꞉io. Tóh nòkwa iesakotʼkáwen tsi nòkwa neh rathinikonrahétkens, neh tsi éhʼtho nihathiʼiéra tsi nahoténsons neh iáh tatehiotonwentióhon neh nahathiʼiéreh.

2 Tiér 3:5

Kwák tahónnethe wahontarónti ne kwáh wahónnise tsi náhe Rawenni꞉io thóh tenʼnáhon, ó꞉ni neh tsi karonhiáte ó꞉ni ne tsi ionwentsiáte onthé꞉sa. Tsi ionthonwentionʼníʼon awènke nón nitsawénon tánon onékanos nahóten ionniáton,