Isaiah 1:2 - Ohiatonhseratokénti

² Sathóntek, Ó tsi karonhiáte, tánon satahón꞉satat Ó onwénhtsa; asèken ne Roiá꞉ner rotatíhon: Né ratiksahokónha ne khenónten ó꞉ni kheiehiáron, ók wahonkatkónten.

Isaiah 1:2 ပူးပေါင်းရင်းမြစ်များ

2 Kings 21:22

Waʼhokénron ne Roiá꞉ner, né꞉ne raotiʼNí꞉io kènʼne ne sakoshothonkonkénʼen, tánon iáh teotewenhnaráhkwen ne Roiá꞉ner raorihwatátʼtsheras.

Psalms 49:1

Sewatthóntek kí꞉ken, tionkwetaʼkwékon; sewaʼtahónsatat, sehwaʼkwékon ne tsi ionwenhtsáte sewaʼnákere,

Psalms 50:4

Ne Rawenni꞉io iesakonatónhnions ne tsi karonhiáte tánon ne tsi ionwenhtsáte tahonwakarénhawe, kwáh tsi ní꞉ioht nónkwe tsi tehiontkatónhhnions

Isaiah 30:1

Óh, ne ratiʼristónh꞉nis ratiksaʼokónha, rá꞉ton ne Roiá꞉ner, ronón꞉ha ronateriwatsʼteríston tsi niwatenikonrónh꞉ni, ók iáh kí í꞉i tewaká꞉wenk; ronónha ronhnitsioʼkonhniánions, ók konwátkonte tsi niwakenikonró꞉ten, iahotiʼiestonhátie ne karihwanerahák꞉tshera ne thóh karihwanerahaktsherákon;

Isaiah 30:9

Asèken kén né ne ratiʼristanónhwe onkweʼhó꞉kon, iáh tehotí꞉ien nawetakwénhtshera ratiksaʼokónha, né꞉ne ratiksaʼokónha ronón꞉ha kwáh iáh tahonatʼthóntene ne raorihonnienhnítshera ne Roiá꞉ner;

Isaiah 31:6

Sasehwá꞉ket rahonhá꞉ke nionhsásehwe í꞉se ne kwáh í꞉ken tsi tehiahosehrénhon tsisewatsiaʼtonhtakwénhni, Ó tsiónhkwe Israerʼró꞉non.

Isaiah 34:1

Ákta í꞉sewek, Ó tionhontsakeró꞉nons, naisewathóntene; Ó tsiónkwes, sewatenhnikonhrá꞉ren! Áhnion nohóntsa ióthonhthen, tánon akwékon ne thóh kananóntʼtons; ne tsi ionhontsáte, tánon akwékon tsi nahó꞉ten né thóh nón꞉we nitewètha.

Isaiah 63:16

Asèken í꞉se né takwahiénha, iawerohátien né Abraham tsi iáh shonkwaientéri tánon nʼIsrael iáh teshonkwaʼrihwaniráti; í꞉se, Ó Saiá꞉ner, né takwahiénha; né tionkwahiatákwen né osthénha í꞉ken né shasénhna.

Isaiah 65:2

Iaʼtewakatsá꞉takwe kwáh kontatsekó꞉wa rononháke né ronteriʼioseranónhwe onhkweʼshónha, né ronónha thóh nón꞉we nionathahítake né iáh teioiánere, né ratísheʼre né iatehatiʼiáti tsi nionatenikonrón꞉ni;

Jeremiah 13:15

nʼIsraerʼró꞉nons, ne Roiá꞉ner rothatíhon! Sehwahnítent tánon ehʼtsisehwahthahónshatat.

Jeremiah 22:29

O ohóntsa, ohóntsa, ohóntsa! Sewathahónsahtat tsi nahó꞉ten ráwen ne Roiá꞉ner:

Jeremiah 3:22

Thonʼtahsehwáhket, tsi nítsion ne tsi sehwatkarahtheniénni ne Roiá꞉ner; kwáh ensehtsisehwáhtsiente ó꞉ni entsitsiónnien nahisehwahriwahtó꞉kenhake. Sáhton, “Hén, thontahiákwe rahonháke ne Roiá꞉ner tsioríwah tsi rahónʼa nonhkwahʼNí꞉io.

Jeremiah 31:9

Nakonkwetahshón꞉a tsi enshón꞉neweh tenhonsentʼthósehke, roʼnahterennaʼienhthátie tsi niʼsehkheʼhiashá꞉rihne. Kwáh thóh nienʼkhehiaténhaʼwe tsi nónhwe ne watnekíne, tsi nónhwe ne iohahí꞉io ne ne iáh tahonthahonaʼshí꞉tsiaʼke. Thóh niwahkathatiéren tsi ní꞉ioht ne khehienhokónhas ne Israerʼró꞉nons, tánon ne Ephraim ne ne thaʼkowáhnenh rihién꞉a.”

Jeremiah 6:19

Shathahónsahtat, onhwénhtsia! Né꞉ne kahrewahthátsheras norihwahkwékon tsi nihonahtenikonhrónni takháwi ne kahkaronniátshera rononháke kí꞉ken onhkweshón꞉ʼa, tsioríhwa tsi wahathikénron nahkerihonniennítshera tánon iáh tehonahtewenhnaráhkwen nakewénhnas.

Ezekiel 24:3

Sehró꞉ri ne ronhteriʼioserahnónhwe akonhkwetashón꞉ʼa kí꞉ken tekariwahkenthónkwen tsi Í꞉i, ne Wakenonhtí꞉io Watiá꞉ner, tsi nahó꞉ten wáhtsien ne raotiriwáhke: Stshiʼró꞉ten nètho ónhták tánon snékenanh.

Ezekiel 36:4

Káti ónenh sewatahonshá꞉tat nahó꞉ten Ní꞉ih, ne Wakenonhtí꞉io Watiá꞉ner, kheró꞉ris ne tsi satenonhtáhere ó꞉ni tsi ionhniarónhnions, í꞉se ne watnhekhínes ó꞉ni nahonrahkwahkónhsonhs, ne satenahthákes ne ioriwahierítonhs, tánon ne sanatowánenhs ne iáh ónhka tetsenáhkere ne tsi rotinénhskwenh ó꞉ni thikonhwaiéronhon ne aktátses kanakerahserahkéronhs.

Amos 3:1

Sewatahónhsatat kí꞉ken owennáʼshón꞉ʼahs ne ne tsi nihotatí꞉ʼon ne Roiá꞉ner tsi nokwáh ní꞉se, O tsón꞉kwe NʼIsraelronón꞉ke, kwáh iehwatsirakwé꞉kon tsi tetkwaiaʼtinekénhen tsi tiohontsá꞉ien ne Egypt:

Micah 1:1

Ne raowén꞉na ne Roiá꞉ner wahoiató꞉renne ne Micah ne Moresheth nón꞉we nihaná꞉kere né꞉ne shionatenhniseraténionskwe ne Rontinontí꞉ioskwe Jotham, Ahaz, tánon ne Hezekiah, ne Judah nón꞉we nihatinákereʼkwe, ne tsi nahatkáto nahotirihwaʼshón꞉as ne Samaria tánon ne Jerusalem.

Micah 1:2

Sewatóntet, í꞉se ne tiónkwes, sewakwé꞉kon; satenhnikòn꞉raren, O onwénhtsa, tánon akwé꞉kon né nón꞉we niká꞉ien; tánon tsi sewarí꞉hon ne Roiá꞉ner Ní꞉io rahrihwaní꞉rat tsi entsisewatkónten. Natiá꞉ner thóh nitré꞉tha ne raononsatokentikowáhne.

Micah 3:8

Ók kíʼ ní꞉i, kwáh tiataná꞉non naoshatsténhsera né꞉ne raoshatsténhsera Roiá꞉ner, tánon skátne ne kaiáneren ó꞉ni ne kaʼshatstenhserowá꞉nen, né nahiró꞉ri ne Jacob ne raoriwaneraháktshera ó꞉ni ne Israel aorihwaneraháktshera.

Malachi 1:6

Ne raksá꞉ʼa rokweniènhstha ne roʼníha, tánon ne rahnhá꞉tshera rokweniènhstha ne raiaʼtakweʼní꞉io. Tókaʼ kaʼníhsera ní꞉ʼi í꞉ken, káʼne kakwenienhstáhtshera tsi ní꞉ʼi naʼtewakatèn꞉tshon? Rá꞉ton ne Sakoiá꞉ner ne ratironhiaʼkehró꞉nonʼs ne tsonhá꞉ke, Oh sewatsihènhstatsiʼs, Í꞉se wesewakèn꞉ron nakhsèn꞉na. Sewá꞉ton, “Oh ní꞉ioht tsi waʼakwakèn꞉ron ne sahsèn꞉na?”

Acts 4:20

Asèken iáh tahiakenikwéni nahiatiátʼkaʼwe tsi hionkenitharákwen ne hiatehiakenihiáti hionʼtiatʼkáton ó꞉ni hiontiatʼthontéʼon.”

Deuteronomy 1:31

tánon ne iahonwentsathèn꞉ken nónhwe. Waʼtsisewá꞉ken tsi ní꞉ioht tsi skén꞉nonk watsisewaiaʼtí꞉we ne kénh nónhwe, kwáh ki tsi ní꞉ioht ne kanísera tsi enhoiaʼténhawe ne roiénha.’

Deuteronomy 30:19

Ó꞉nen tkwá:wis nahisewatateráhkwase kak niká꞉ien atónnhets khés ne kenhé꞉ion, tsi naʼtetiátere ne Rawenni꞉io rahohiaʼtaterí꞉tshera tánon ne rahorewahtátshera, tánon iakhenáhton ne tsi karonhià꞉te ó꞉ni ne tsi ionwenhtsáte nah kenirihwahní꞉rate tsi nenshahtatheráhkwase. Atónnhets shahtatheráhkwas.

Deuteronomy 32:1

“Tsi ionhontsá꞉te ó꞉ni tsi karonhià꞉te sewáronk nakewenhnahó꞉kons, ákta tsi sewatahónsatat tsi nahó꞉ten ká꞉ton.

Deuteronomy 4:26

Nón꞉wa wenhniserá꞉te kheriwanonhtón꞉nis ne tsi karonhiá꞉te ó꞉ni ne tsi ionhwentsá꞉te nahontenhnikónhraren tsi nisewatié꞉ra, tó꞉ka iáh taskwawenhnarà꞉kwe, kwáh ki iostó꞉re ensewahiaʼtáton ne tsi ionwenhtsà꞉te. Iáh thaiónhnise thahitsónhnheke nonhontsà꞉ke ne tahisewahià꞉iake ne Jordan tsi ó꞉nenh thóhwa iahisewatié꞉nawatste. Kwáh ki thóh kén꞉en tsi ensewahiatà꞉ton.